幸屋

Open Now

Now Closed

港島區食店林立，而且犀利在就算係橫街小巷嘅餐廳，都有臥虎藏龍嘅高手存在。上個星期，我有個前輩帶我去食飯，佢帶咗我去一間位於灣仔小巷入面嘅拉麵店。呢間舖頭的確係好低調，低調度你好有可能行過咗都唔知。前輩嗌好咗嘢食之後，我哋傾咗一陣計，好快食物就上枱喇。首先上菜嘅係「蟹籽沙律」。呢個沙律一啲都唔馬虎，你睇吓，係滿滿嘅沙律醬同蟹籽呀！之後上枱嘅係「和風炸雞」，外脆內嫩，仲有啲肉汁漏出嚟添，而且炸漿唔會太厚，睇嚟師傅嘅功力都有返咁上下。跟住上菜就係我嘅「廣島蠔沾麵」，沾麵係日本拉麵嘅一種，特點係湯汁同麵條會分開，將麵條蘸湯汁食用。一般嚟講，沾麵嘅湯底比較濃稠，似汁多過似湯。呢度嘅沾麵都係一樣，將比較結實而富有彈性嘅麵條放入去濃味嘅湯汁入面，一拉上嚟所有湯汁都掛曬喺麵條上面。麵條避免咗浸得太耐而變軟，同時濃厚嘅湯汁又帶嚟強烈嘅味覺衝擊，簡直係完美。千祈唔好漏咗啲廣島蠔，隻隻都好肥美，隻隻都蠔味濃郁。而前輩食嘅就係「蒲燒鰻魚丼」你睇下啲鰻魚幾咁厚身，前輩話呢度啲鰻魚味道偏重，但係同時又夠肥美，非常難得。最後一定要多謝前輩帶我嚟呢度食呀！

餐廳：幸屋地點：灣仔機利臣街菜式：日式拉麵餐牌：拉麵，沾麵，丼飯，小食，沙律，飲品等。可以揀拉麵既粗幼同硬度，湯既濃度，香油分量，辣度，連叉燒，葱同椰菜分量都有得揀。廣島蠔沾麵 $118好耐無食呢度既招牌沾麵。廣島蠔沾麵有廣島蠔3隻，都唔細隻，好嫩口，而且夠味道，伴有檸檬一件。仲有糖心蛋一開二。蔬菜有紫菜一片，椰菜，扁筍，黑木耳，紫洋蔥同蔥花，帶黎多重口感。面頭灑上白芝麻粒。麵條似烏冬，唔硬唔軟，好掛汁，份量足，夠飽肚。我每次都會揀熱麵底，個汁先唔會越食越凍。你都可以選擇凍麵底。個沾麵湯滾住上枱，出嗮煙。個湯好厚身，完全唔油，蠔味唔錯，唔覺有味精。櫻花蝦味噌拉麵 $88櫻花蝦味噌拉麵湯底色水呈橙色，好有蝦香味，又唔會太鹹。拉麵我揀左幼麵，食到後期都唔會太腍，而且蛋香十足。配料有半肥瘦厚叉燒一片同薄叉燒一片，原隻流汁糖心蛋，同好多櫻花蝦仔，令碗麵蝦香更濃。厚叉燒好腍又入味，薄叉燒好大片。蔬菜有黑木耳、椰菜、紫菜一片同蔥花，帶黎唔同口感。面頭再灑上白芝麻粒。另外叫左兩份小食分享。和風餃子 $38和風餃子一客六隻，係六隻塊皮煙煙韌韌嘅餃子面頭仲有一塊又薄又脆既脆皮，上面加上大量沙律醬，醬油，

小妹一家繼續openrice熱店食好西😝尋日去咗灣仔嘅一間拉麵店佢喺條巷仔度 都幾隱蔽小妹差啲睇佢唔到🙈唔好以為小店一定唔好坐!佢門面同入面都裝修得幾靚架😚-♥︎ 櫻花蝦味增拉麵 $88小妹平時好少食拉麵今次都試咗小小🙈麵條類別、軟硬度、湯底等等所有嘢都揀咗正常🙌🏿麵質軟硬度適中食落幾有咬口😆味憎湯加入咗櫻花蝦 令佢更加香🥰麵條嘅掛湯能力同湯頭濃度配合得啱啱好掛到湯夠入味之如又唔會太鹹👍🏿冇話好口渴另外可以揀叉燒或者系豚角煮我哋揀咗䐁角煮睇樣都見到勁靚😍肥瘦間住一層層有成兩塊大大舊嘅 Mami👩🏻話炆得好淋好入味 好好食🤤另外仲有溫泉蛋、木耳絲、竹筍、椰菜同紫菜整體嚟講小妹覺得個拉麵幾有驚喜 值得一試🙈味道: 9/10性價比: 8/10-☻︎ 廣島蠔沾麵 $118小妹見到呢個option嘅時候真系好期待廣島蠔同沾麵都系小妹超鐘意嘅嘢🤩沾麵有個好處 可以自行調教味道濃度🙌🏿嚟到嘅時候個湯系依然滾架 熱到出煙😳湯底夠濃夠杰身 食得出魚介味攞塊紫菜浸一浸索晒啲湯真系好正🤤有三隻廣島蠔 隻隻都肥美飽滿😍食落仲好鮮甜 好食!溏心蛋生熟程度啱啱好 非常流心終於到咗主角沾麵啦小妹明明系嗌冷麵但佢上咗熱麵

灣仔美食都好多，只要仔細地在大街小巷行一下，亦能發現美好的餐廳就在眼前，幸屋就是我在灣仔的小巷發掘出來✌🏻小店的拉麵🍜非常有驚喜，就等我分享一下今天的午餐啦🤣🤭✌🏻美食推介：👍🏻💛廣島蠔沾麵🍜：麵底可選熱麵或冷麵，我喜愛熱辣辣的美食食，當然選了熱麵，麵質有彈性，沾麵汁香濃，每次將麵沾在一起口感非常豐富，而廣島蠔亦非常肥美，而且鮮味十足，整碗沾麵都充滿濃濃的鮮味👍🏻諗起都回味😋💛蒲燒鰻魚丼：鰻魚份量足夠，米飯選用珍珠米，配上鰻魚醬汁及溫泉蛋，每一口也非常令人滿足👍🏻💛和風餃子：正宗煎餃子方法，好靚呀🫶🏻，餃子煎得很香脆，而且餃子皮薄餡多，配上蛋黃醬及木魚一起食，真係好好食呀！💛章魚燒：外表香香脆脆，內裏包著章魚及菜粒，配上沙律醬及香蔥一起食，又是非常好食的小食🤭小店很細心，當你一坐低，店員便會立即問你需要茶或水，沒想到茶是給你每杯獨立一個茶包，誠意感十足👍🏻👍🏻⭐️非常推介大家去品嘗👍🏻👍🏻👍🏻餐廳📍幸屋 (灣仔)📍灣仔機利臣街5-9A號維昌大廈地舖

同朋友都幾鍾意周圍去食拉麵，最近發現原來灣仔呢間拉麵小店cp值都幾高，值得bookmark再去😆店內樓底高，而且好日系feel，星期五晚特別多人去食。🦪廣島蠔沾麵- 個人幾鍾意食，蠔都幾肥美，食落去啖啖鮮香，的確不錯。沾麵嘅湯底豬骨味濃，好黏上麵到，啖啖滋味。拉麵上嘅溫泉蛋係半生熟，好吸引。✨日本黑豚丼- 可能係我食過最好味嘅黑豚丼！薄片黑豚燒到好香口，肉質juicy。飯撈上燒汁，但黑豚令成碗飯都好香火炙味😋黑豚肥瘦均勻，火炙到超香口，值得慢慢品嚐。🥟和風餃子- 估唔到咁特別嘅餃子都只係$38，面層嘅薄脆脆配上沙律醬香口，而下面餃子皮薄多肉，幾好食。🎃另外天婦羅南瓜整到好脆香，而且唔油膩。南瓜厚肉，味道甜香。😋真係好慶幸發現高水準小店！

與友放工過來食碗風味拉麵，質素確係唔錯，小店用心經營，地方細細食客不絕，價錢經濟，拉麵小食同樣好味。廣島蠔沾麵 $118廣島蠔三隻，蠔身飽滿好有蠔味。沾麵揀了粗麵口感煙韌彈牙，湯味甚濃沾上麵條美味，石鍋保持熱度熱住食係好味D。黑蒜濃厚山藥豚骨拉麵 $88豚骨湯底濃郁蒜香味濃，山藥味唔係好重。叉燒揀了半肥瘦豚角煮，肉質軟腍，厚身好有咬口。拉麵口感十足，配料豐富有肉醬、溏心蛋、木耳、蔥碎、椰菜等，食完非常滿足。吉列廣島蠔 $42炸蠔四件，外層炸得金黃酥，咬落好juicy，配埋醬汁酸甜美味。芝麻手羽 $38雞翼一客兩件，外皮薄薄炸粉炸得超香脆，芝麻好香口惹味，雞肉保持嫩滑，好有水準未食過咁好食的，值得一食。