米走雞 (太子藍馬之城)

Open Now

Now Closed

火焰麻辣雞煲(小)($168)有五個辣度可以選擇，我點左2隻辣椒，小辣；非常IG-able，侍應姨姨會係你面前落辣醬，然後點着啲雞，真係火焰🔥🔥🔥🔥；雞真心滑，辣味較重，冇咩麻；不過食到最尾會有少少鹹，呢個時候就要加湯，打邊爐味道剛剛好，唔太需要點其他醬料.新鮮牛頸脊($158)次次打邊爐都會點牛頸脊，呢間啲牛頸脊非常好食，好新鮮，雪花均勻，肉質嫩滑，而且好香肉味，而且價錢相對實惠，推介👍🏻👍🏻👍🏻👍🏻👍🏻.手打五寶拼盤($48)蝦丸，牛肉丸，墨魚丸，鯪魚丸，豬肉丸；落好多粉，食到一粒粒蝦肉，墨魚等，新鮮，非常彈牙，一定要試👍🏻👍🏻👍🏻👍🏻👍🏻.點咗好多菜：油麥菜($44)，翡翠苗($34)，芫茜 ($24)，芫茜好正😍😍.丸類，蔬菜，肉類有半份叫，人少少都可以食多幾樣，海鮮種類較少，另外性價比高，服務態度好好，值得回頭，分數：8.5/10

得閒都要跟小妖們去威下、年青人時下喜歡咩嘢玩兒、喜歡咩嘢食物、都耍知下、容易溝通、減少隔膜。小妖今晚帶我來到太子“米走雞”、 聽個名都估到係同雞有關、原來係食雞煲和火煱。一行四人被安排六人梳化位、空間感濶、坐得舒服。雞煲有二款選擇：自創的黃金芝士和獨家的火焰麻辣（可選辣度）。小妖不嚐辣、唯一可選是黃金芝士雞煲。店員隨即端上雞煲、只見黄金一片的芝士粒、還有粒粒紫洋葱、雞件完全被覆蓋了。等呀。。。等呀。。。芝士溶掉了、各人己急不及待。雞肉非常嫩滑、啖啖肉、但芝士味不夠香。對我來說可算是新奇的食法。雞件食得七七八八後、店員隨即加入芝士湯底、又是一片金黃的海、好吸引。火煱配料早已選好了。新鮮牛頸脊少不了、雖然脂肪比例少、但肉質依然軟熟、越嚼越出牛香。本人認為肉類和芝士湯底格格不入、嗆了肉的鮮味。蒙古羊肉片是小妖們的至愛、但不是我杯茶。聽小妖的食後感肉質比軟靱。嘩！鮮炸響鈴必定要食、不油不膩、滲入了芝士湯的精華更顯滋味。鮮製四拼餃。各款的調味比較重、有點過鹹。每日限量的黑松露蟹子魚面、既新鮮又好玩、粗幼長短自己控制、每條都充滿黑松露和蟹子粒粒、入口彈牙、還不是有黑松露的芬香。原隻魷魚大大隻、鮮甜

講起芝士雞煲, 你會想起那間店呢?我會想起米走雞.之前在長沙灣店食過, 今次就跟朋友來到太子分店. 其實米走雞除了有芝士雞煲, 還有辣雞煲可以選擇.不過辣雞煲好多地方都有得食, 來到這裡當然要食芝士雞煲啦!黃金芝士(小) HK$148這個是2-3人份量的.煲裡大約有15塊雞左右吧.我覺得這份量已經足夠4 - 5個女生食了, 因為之後還可以加其他火鍋材料.芝士湯底好濃, 煲裡的芝士都蠻多的, 整個鍋都好香芝士味, 喜歡食芝士的人食這個一定會覺得很滿足.而且雞肉很嫩滑, 不會骨多過肉. 不過我和朋友們食到一半就覺得飽和膩了. 在這個時候, 我們加了湯和點了其他火鍋材料.加湯後的芝士湯底會變稀一點, 感覺沒有那麼膩. 我們點了一小份牛頸脊、蟹子鮮蝦滑、金菇和半份娃娃菜.新鮮牛頸脊(小) HK$208 份量都算多, 而且切得很薄, 放在火鍋裡很快就熟了.不過我的朋友就覺得肉味道很淡, 要沾辣椒豉油才好食.反而我覺得肉味道剛好, 不用加任何調味料, 而且有入口即溶的感覺, 真的非常好食.蟹子鮮蝦滑 HK$88滑非常彈牙, 蟹子令蝦滑更加有口感. 金菇 HK$28娃娃菜(半份) HK$18 加了湯

第二次光顧米走雞了, 以打邊爐的質素, 這裡的食物算是中上, 但價錢比上品便宜得多! Menu 有好多創新的 crossover, 所以坐下的人都比較年青! 好彩我識搵哩到! 上次的經驗, weekends都幾滿座, 要等一下位, 所以今次跟澳洲回來的好友在weekdays 打邊爐澳州就算有錢都食唔到咁鮮的魚滑, 咁多款式的唐菜! 哩到完全可以滿足晒一個好耐冇食唐餐的華人! 所以自我感覺良好中上次的經驗, 所以我這個不懂煮飯的人不揀芝士火鍋了, 因為比麻辣的雞煲易燶….我們叫了小的火焰麻辣雞煲, $138 不貴哦! 我們好好奇, 想打開, 立即俾店員阻止了, 原來雞煲加了酒入去煮, 要煮滾了再加入旁邊那碗事先準備好的麻辣湯炒起, 才可以成為野味的雞煲! 雞肉不肥, 而且肉質都幾嫩。食完雞, 可以揀麻辣湯底還是清湯打邊爐, 因為怕熱氣, 還是揀了清湯起動魷魚  這真是意外驚喜! 想不到這個價錢食到原隻很鮮的大魷魚, 放在火鍋中煮熟後, 很爽口帶有海鮮的咸味, 而且又很滑! 下次要再 encore!新鮮牛頸脊 我不是食肉獸, 但很明顯這個是很高質的牛頸脊, 鮮紅的牛, 雪花平均分佈煮熟了後

有朋自遠方來，當然要好好款待，每次都食煲仔飯，都有點悶，所以來點突破，食香港特式芝士雞鍋 (因為我唔食辣，所以唔食麻辣雞煲)，聽聞係參考韓國的步隊鍋，再加入香港人熱愛食雞煲既習性，加點創意，研發出黎既，都係聽屋企人講幾好食，所以一齊試一試。早一日就BOOK左太子店，本身諗住食第一間主店長沙灣，但唔近朋友既酒店，所以都係選擇地點較方便既太子店。好易揾，太子站E出口2 分鐘到，我朋友早過我到，台灣人找到地方能力超強。座位既間格唔錯，原來仲可以BOOK 房，不過我地得三個人就唔得LA。我地食6點，可能早都未FULL，不過到7點半就開始有等位既人龍。一坐底就立即點左個芝士火鍋，原來仲有好多配料可以點呢個黃金芝士，雖然我唔知用左幾多種芝士，但好濃味，又唔會好濟，D雞好嫩，我好中意食有骨既肉，真係好正，我諗食左6-7件....之後我地就跟店員推介叫左好多，朋友遠道而來，要食就食好D黑松露蟹子魚面, 呢個係店員推介，最新出，138蚊有D貴，但估唔到真係好好食，應該要一開始落，成個煲都有黑松露味，之後既食物都濃味左。魚面好彈牙，比一般既更有咬口，食得出有好多料，估有墨魚，蟹同魚，好豐富既味道，旁邊既黑

呢排天氣突然變到咁凍，前個幾日直情係出到街都凍到震個隻。咁既情況下梗係想食下暖粒粒既食物，與他都突然諗起位於長沙灣既芝士雞煲。前前後後都食過三次，今次知道太子開左分店，放工後又去食第四次了，諗起都肚餓! .太子店既位置係超就腳，一出地鐵站行一分鐘就到。太子分店係屬於樓上鋪，空間比長沙灣店大得多，而且冷氣都開得頗強勁，相信夏天都可以舒舒服服咁嘆住冷氣食雞煲。.餐廳除左有招牌芝士雞煲外，仲有火陷麻辣雞煲、還有其他平時見開既火鍋湯底，好似沙嗲、四川麻辣、蕃茄粟米和皮蛋莞西湯底等，我地係芝士迷梗係揀前者啦，而且餐廳加湯係加芝士湯，咁就唔怕芝士味會被沖淡。餐牌上的選擇不少，分左海鮮、肉類，丸類、蔬菜及菌類、手打鮮製和粉面等，有不少款式更可以話係新奇的火鍋材料，好似榣柱鯪魚滑、Wasabi鮮墨丸、竹笙墨魚滑這些等等。.黃金芝士雞煲(細) $118黎得呢度梗係又叫左芝士雞煲，雞煲用上幾種芝士所製，見到滿滿的芝士鋪係面，真係好吸引! 味道方面小妹覺得同之前食既差唔多，水準依然。但你唔好諗住佢既芝士係好濃郁個隻，佢地既芝士食落唔會好膩同飽滯，食落有陣陣芝士味之餘，又唔會蓋過晒火鍋食料本身既味道，小妹覺得

雞煲在香港已經興起了一段時間, 有麻辣有芝士有穫仔當然都有普通清湯的啦... 今晚我就約了2個大學的波友一齊去食芝士雞煲! 皆因這間舖在朋友圈中已經傳了很久, 但長沙灣店又有點不就腳, 加上長期一條人龍... 幾經辛苦, 我今晚一早訂了枱, 跟大家一起「米走雞」!分店開在太子地鐵附近, 2分鐘就到了, 而且全層都是米走雞, 絕對不用擔心找不到~  裝修都較舒適, 6個人可以坐卡座, 4人座位都不小也是挺舒服 其實這裡除了芝士雞煲, 還有麻辣雞煲的, 不過相信10個有9.5個都是選擇芝士的, 下次再來我希望可以食麻辣! 餐牌上有芝士配搭推介, 基本上都是我的最愛, 所以我們全點了! 其他火鍋常有的配料都不缺, 好像丸類肉類, 大家也可以隨意加配黃金芝士雞煲嘩嘩嘩! 我們3個人點了一個小的, 雖說小, 但都有很多雞件! 滾起後就見到芝士一絲絲地纏繞著雞肉, 襯熱騰騰的時候食芝士味十分濃郁, 雞肉亦十分滑溜, 是上乘之作! 我亦非常喜歡內裏的洋蔥, 滿滿的芝味!鮮炸響鈴相信響鈴是不少人火鍋必食的佳品, 喜歡的我們更加不可以錯過, 我在未加湯的時候已經忍不住試了一卷, 襯芝士湯底仍然十分濃厚,

香港人真係好鍾意打邊爐，夏天都會開住冷氣打邊爐，更加唔使講係呢個季節，打邊爐既次數就會更加多。今天就約左朋友黎到米走雞試下芝士雞煲預先慶祝新年打邊爐。入內餐廳既環境都幾整齊簡單，打邊爐黎講都幾舒適。黃金芝士雞煲($148)食辣既雞煲都食左好多間，但係芝士既就第一次試。估唔到配合得咁好。雞肉好大同好大舊，肉質十分嫩滑，滿滿既芝士食落去唔會覺得太膩，而濃郁既芝士味令雞肉更加美味。食完雞煲之後就加入濃湯打邊爐。脆鯇腩($78)打邊爐都必點既脆鯇腩，放落去煮完之後仍然有十分彈牙既肉質，魚肉十分鮮美，加上芝士味，係新既一種食法。份量黎講都幾多，幾抵食。新鮮牛頸脊($188)新鮮牛頸脊脂肪既分佈十分均勻，放落去幾秒就可以拎上黎食，肉質十分鮮嫩，而且牛味十分重。對於打邊爐必食既食物真係十分高質，如果再黎食值得再點。手打五寶丸拼盤($88)餐牌見到好多手打既丸類，係選擇困難之下揀左五寶丸拼盤試足5種丸。 五款丸都十分新鮮既食材手打。除左肉味鮮美之外，手打既丸更加十分彈牙。不會好似用機做既肉十分硬沒有了肉既彈性。鮮蝦雲吞($78)首先雲吞皮十分薄，唔會厚到淨係食到粉皮食唔到入面既肉同鮮蝦，咬落去鮮蝦同肉

今年冬天雖然唔凍, 但火鍋既吸引力仍難抗拒. 往年興起食麻辣雞煲之類, 今次就試試芝士雞煲.呢次幫襯左米走雞既太子分店. 新鋪位置唔錯, 地方都幾大, 仲有卡坐, 坐得都幾舒服, 食火鍋最怕就係枱細位又細.黃金芝士雞煲4人份量大大鍋. 底部佈滿大量紫洋蔥, 上面滿滿的是大小適中的雞件, 雞件上則滿佈芝士碎, 再加一層濃濃的金黃色芝士醬汁, 未食先 “嘩”了 . 鍋置於電爐上加熱後即飄出陣陣芝士香味. 仲可以玩芝士拉絲, 雞件則相當滑 (食到最後, 就是已經過一段時間旳煲煮, 雞件亦唔會太”鞋”), 無油膩感, 有質素呢! 當湯汁減少時, 店員會代為加添芝士湯, 所以唔洗擔心湯底會愈煮愈淡.芝士雞件食得差不多時，加添芝士湯後, 就係食其他火鍋配料既時候啦。新鮮牛頸脊(小)叫左”小”, 但份量則出乎意料的大份. 帶雪花既牛肉, 新鮮, 紅色, 但無血水, 切得薄薄的. 牛肉放鍋裡煮一煮就食得, 牛肉味香濃又唔韌, 超 like  !!!美國桶蠔超肥美兼又大隻, 烚過之後仍感鮮甜 creamy 唔會韌  (唔好煮太耐呀).手打四寶丸嚮來都有選擇困難症, 叫四寶丸, 貪佢樣樣都有啲. 四寶包括

說到吃芝士雞煲，腦海泛現的必定是「米走雞」，長沙灣店已吃過多遍，不斷Encore再Encore，就是這麼讓人回味這麼讓人懷念，想不到現在太子開了分店，以後想吃更方便了。新店位置很方便，已經更新了水牌。升降機內佈滿它的宣傳單，讓人越看越餓太子分店挺寬闊，空調溫度很適合吃雞煲。選擇相當多，先選鍋底所選配料，還有飲料。黃金芝士雞煲(小$148)即便是2－3人的小煲，份量也不欺人，滿滿的雞與最愛的芝士，還有大量洋蔥在底。待雞煲煲滾，看到芝士熔了代表可以吃了。夾起雞塊芝士拉絲便出現，多麼誘人的芝士。雞塊面被芝士的鹹香包圍，雞塊即使熟了但不會老，反之雞肉香滑入味，屬出色之作。吃畢雞煲便可以加湯開始火鍋的部分。新鮮牛頸脊(小$188)肥瘦適中，放湯底不需滾很長時間，大概15秒便可以夾上來吃，吃下肉質軟嫩，而且牛味濃郁，不覺油膩，柔軟的感覺讓人不禁再來一口。雖然份量是「小」，但一碟份量相當多，兩人也未必能夠完成呢。鮮炸響鈴($48)芝士雞煲必點之一，響鈴即點即炸，呈淡黃色，腐皮相當薄，放下湯底10秒拿起，響鈴吸收整個芝士湯底的味道，精華所在。豆腐($15)、蘿蔔($15)、金菇($28)火鍋少不免蔬菜

長沙灣老店吃過兩次，食物好味不過地方淺窄，今次太子開新店，專程來捧場，看看有甚麼分別！新店環境非常舒適，地方十分寬敞，更有兩個房間可以包房，最多可以坐16人，非常適合朋友聚會又唔怕騷擾別人。佢地以“芝士雞煲”起家，當然要試吓。我地4個女孩子醒目地點了2-3人份，因為份量十足，剛好足夠。“芝士雞煲”仍然保持老店一貫水準，滑滑的雞件被香香黃黃的芝士滿滿的鋪蓋着，令人垂涎欲滴。稍待芝士溶化時，聞到這麼香噴噴，簡直急不及待想馬上品嚐！芝士輕盈幼滑，滑而不膩。雞肉香軟鮮嫩，沾上溶化了的滑滑芝士，口感滿足，令人回味無窮！除了主打“芝士雞煲”，當然唔少得我至愛嘅牛肉，點了$188的“新鮮牛頸脊”。牛肉肉質通透鮮嫩，光澤誘人，牛味十足，令人回味無窮！“手打五寶併盤”我個人最喜歡手打鮮墨丸及凌魚丸，爽彈鮮味，每粒都飽滿豐盈，賣相吸引，一碟試晒不同口味。“鳳城水餃”和“鮮蝦雲吞”同樣每粒都肥肥大大，用料毫不吝嗇，皮薄蝦鮮，不容錯過！唯一挑剔的是“脆鯇腩”，切得較為厚身，食落有些少“鞋口”，若可以切薄些會好好多。整體來說食物水準不錯，環境乾淨衛生，寬敞舒適，服務殷勤，實在值得一試，尤其是喜歡芝士雞煲的朋友，