HeSheEat (銅鑼灣地帶)

Open Now

Now Closed

放長假後第一天返工...整日都心不在焉等放工...悶悶地同老公出去銅鑼灣買野之後諗住食餐開心飯成日記住左銅鑼灣地帶有間HeSheEat分店心思思決定不如去食...地點：銅鑼灣記利佐治街2-10號銅鑼灣地帶2樓201號舖港鐵銅鑼灣站 E 出口, 步行約1分鐘環境：在商場內Open Area， 座位間隔選揀多，新潮又舒適服務：店員笑容親切，上菜時間岩岩好食物：兩款小食、兩款主食、一飲品、一甜品帶子青蘋果焦糖合桃蜜糖芥末醬沙津 $95非常欣賞呢個沙津蜜糖的甜味同芥末醬的辣味令人開胃半煎熟的厚切帶子，外脆內滑最吸引的竟然是焦糖合桃鬆脆的合桃用香甜的焦糖包圍成碟清哂啦真係好想再食多d炸磨菇釀雞肉 $68係全無準備下一吃咬落去會張磨菇汁四圍噴非常juicy又香口的一個小食加上黑松露蛋黃醬的香甜味真係食唔停口之前食過旺角 HeSheEat一試難忘！好掛住個漢堡包呀見到Menu有新款漢堡即刻叫黎食牛油果芝士漢堡配薯條 $108好厚身的漢堡煎至七成熟香滑多汁牛油果令整個漢堡加添油潤的口感一口咬落半溶芝士的幸福感真係要食過先感受到春雞黑松露意大利飯 $128香煎春雞伴黑松露意大利飯煙韌的米飯加上芝士松露已

銅鑼灣既其中一個懶人飯堂 (懶人=🙋🏻‍♀️) 貪佢主食甜品兼備中間唔駛轉場🤪佢既晚飯時間係有Dinner Combo，定期會轉下款式，不過佢呢次嘅主菜冇話特別吸引我，所以我都係點返主餐牌上面嘅主菜🙈對佢個綠茶心太軟一直念念不忘，但係同行朋友唔好綠茶，而我食左勁多肉又冇肚自己清一份，唯有留返下次再黎戰過😢▪️ 炸雞翼韓式辛辣醬（7/10）💲52店員話雞翼有韓式辛辣粉，所以唔太食得辣我揀左走辣🌶原來除左本身個辣粉，佢都有一個另上既酸辣醬🤗呢個雞翼炸得香脆，啖啖肉夠嫩滑，同埋少少鹹鹹地幾惹味🐥▪️燒美國牛肉胡麻醬沙律（7/10）💲95薄身既牛肉有輕輕火炙過，唔會太熟保留到粉嫩🐮底下仲墊有蘑菇，加上胡麻醬幾香口，沙律菜仲會額外有啲柚子汁既香味，不過略嫌啲醬汁有點兒多，點既時候叫少醬會好啲😳▪️ 燒豬肋骨（7.5/10）💲102店員話要等十五到二十分鐘，但係其實唔駛幾耐就上檯了😚個豬肋骨份量都唔細，輕易做到骨肉分離，肉質不過不失，配上香口既燒烤醬，至於個沙律菜就落咗橄欖油同埋黑醋，薯條食到尾都仲係脆身既🍟▪️ 春雞黑松露意大利飯（7.5/10）💲128呢個亦都話係要等二十至三十分鐘既，隻春雞比我想像中巨

記得小學定中學既時候都會去HESHEEAT食佢地既鬆餅～今日出開銅鑼灣又撞正下午茶時間，就決定返黎回味下(*¯︶¯*)//—蟹肉蕃茄牛油果沙律食正餐前決定要食一食沙律開下胃先～中間晚沙律加左檸檬汁既感覺，食落好fresh~蟹肉蕃茄牛油果係搭埋一齊，蟹肉入面加左黑松露，將呢個配搭塗上細多士到食幾唔錯～辣肉腸蕃茄意粉因為忘了影下午茶meun所以唔sure係咪呢個名。下午茶有多個選擇，價錢around $5x~野飲方面有熱茶（meun上的大多數都露選）凍茶就指定左係某一款梳打～呢碟意粉都不錯～辣肉腸切成粒粒，加左口感，食落又唔會覺得好辣，如果下就想食意粉可以考慮下呢個(*¯︶¯*)炸雞（忘了名字t_t P.S 下午茶meun有哦)食食下突然好想食炸雞就叫左一個～食落炸粉唔會過太多，雖一一個唔好既係舊雞好大塊～女生比較難入口～但是好好食～點埋個醬，完全perfect,解決左我想食炸雞既慾望☺️春雞黑松露意大利飯友人話飯雞好似食緊KFC既燒雞，但個人認為KFC既雞比較濃味～但呢隻雞都做到有味既感覺，唔會食落好乏味，而且一碟入面兩舊雞都係雞脾黎，2個人黎的話剛好一人一隻～講返個飯先，幾好食，百幾蚊食

平常係旺角店食過好多次佢既甜品，今日有機會係銅鑼灣食晚餐發現佢都有唔少咸食就上黎睇一睇啦！兩個人叫既份量唔算太多，但都有前菜、小食、主食同甜品！一開始叫既係蕃茄蟹肉牛油果沙律，一個好似蟹糕一樣既設計分左四層由牛油果醬、蟹肉、蕃茄同黑魚子組成！蟹肉好多，成個醬佩多士有一份鮮味，旁邊既黑醋除左點綴外觀亦點綴左個味道👍🏻之後係小食炸雞翼，開頭諗住要點醬先有韓式風味但原來本身上面都有韓式辣粉，一食真係有韓風，加上雞翼炸得剛剛好，入面仲好juicy，加上size好大隻非常欣賞。接著落黎到主食，開頭見佢有春雞又有意大利飯，所以一時貪心叫左佢，黎到水準比想像中好，因為春雞上面既調味料沾染係意大利飯到都冇影響佢既味道，春雞都好入味！最後係士多啤梨藍莓窩夫，我相信大家對Hesheeat既甜品都好熟悉，窩夫的確好好食，佢唔會太厚同時又有一個厚度比你感覺到中間鬆軟既口感。另外我地叫左一個伯爵茶，因為佢係一整個茶壺上，係甜品既時候佩搭好舒服而本身佢茶味都好香同味道易入口。總結出人意表係呢到食到一個滿足既晚餐，沙律同雞翼水準都好高，可以一次過由前菜食到甜品好有完整性。

呢晚放工出左銅鑼灣~拎份生日禮物畀朋友~"交收"完畢後就同男朋友去食晚餐~但企係大街望上銅鑼灣地帶, 見到"HeSheEat",之前聽過朋友話好食~就食佢!睇完menu, 我地叫左:蟹肉蕃茄牛油果沙律($98),炸蘑菇釀雞肉($68),墨魚汁魷魚扁意粉($108),春雞黑松露意大利飯($128),朱古力忌廉班戟卷($58), 岩鹽焦糖厚焗鬆餅($62)~墨魚汁魷魚扁意粉($108)魷魚大大舊~ 好爽口~墨魚汁扁意粉好香~仲帶少少辣~好食!蟹肉蕃茄牛油果沙律 ($98)呢個賣相好靚呀!魚子, 蕃茄, 蟹肉, 牛油果, 層層分明, 顏色又靚!重點係, 蟹肉個層佔最多呀!啖啖蟹肉真心正佢仲有幾片多士仔畀你搽上去食~蟹肉鮮味濃郁~然後配上蕃茄粒粒好清新~再來牛油果CREAMY同魚子粒粒爽口嘅口感~呢個真係好好食!!!!旁邊仲有D新鮮蔬菜做嘅沙律~好健康~炸蘑菇釀雞肉 ($68)一碟有5舊~ 配黑松露蛋黃醬~我第1次食有黑松露味嘅蛋黃醬~又幾好食啵!用來點炸野一流!講返D雞肉~叫嗰陣呢, 我以為係雞肉丸釀 蘑菇,正常都係咁?但好SURPRISE!佢係全隻蘑菇再加一舊雞肉再拎去炸~咁樣出來效果好好

和男朋友放工後約在銅鑼灣買生日禮物，想起銅鑼灣地帶頂層有餐廳，就試一試吧。可能是逛了很久的關係，所以有點肚餓，點了很多菜～先來starter：炸磨菇釀雞肉 (配黑松露蛋黃醬）（$68)磨菇很juicy，可能是外層的炸漿封住了內層的水份，咬下去還有汁在裡面。他們給的黑松露醬不是稀的那一種，是加了很多黑松露比較濃稠的一種。很香！用來點炸物非常好～燒美國牛肉胡麻醬沙津（$95)本來對沙律沒有什麼期待，來到時發現有驚喜！這個沙律不是普通只有沙律菜的那一種，它放了蘿蔔在底，上面放混合了沙律醬的磨菇，再放牛肉在面，中間再夾了大量沙律菜！沙律味道很好，最喜歡他們混合了不同食材加在一起，很少在西式沙律吃到蘿蔔，但感覺又不怪！主菜我們點了：墨魚汁魷魚扁意粉（$108)男友指定要點墨魚汁麵，為的是吃到滿口墨汁（笑）。之前在其他餐廳吃過墨魚汁意粉，通常弊病就是汁太多，味道很淡。但是這個墨魚汁意粉很乾身，不會淡而無味！很高質～春雞黑松露意大利飯（$128)這個意大利飯是我指定要點的！我最喜歡吃黑松露意大利飯～這間的意大利飯不會過硬或者過軟！春雞骨很少，免卻吃時去骨的煩惱，也不會太乾～由於覺得味道很不錯的關係，

今日係cwb交收完，女友出左黎搵我行街，估唔到12月都未到，周圍已經有哂聖誕怖置，奈何天氣未夠凍唔夠氣氛！行到咁上下見到有HeSheEat，呢間原本我定性為港女餐廳，但自從上次食過旺角店之後簡直顛覆左我對佢嘅印象，所以我即時拉我女友入去醫肚！唔知行咩運，竟然安排我地兩個人坐最舒服嘅圓形卡位，有幾個cushions可以挨下！上次係旺角食已經係五個月前，望望餐牌，應該無乜點變！唯一唔同嘅係我上次食下午茶，今次食晚飯，一於由頭盤食到甜品啦！頭盤一：燒美國牛肉胡麻醬沙律一上檯已經首先俾個份量嚇親，大到係可以兩個人share食。燒牛肉肉嫩味美，好重油脂，搭配番新鮮嘅沙律菜平衡番。最底嘅醃蘿蔔都有驚喜，鮮甜帶d甜豉油味！加埋無人唔鐘意嘅胡麻醬，呢個頭盤無得頂！頭盤二：炸蘑菇醸雞肉配黑松露蛋黃醬女友偏愛菇菌類，而我又鐘意炸野，呢個係不二之選。新鮮炸起熱辣辣，時間掌握得好，d菇仲係超級juicy！配埋雞肉變得無得齋！主角當然仲有個黑松露蛋黃醬，呢個真係屈機！而且份量又係好多！抵食！主菜一：春雞黑松露意大利飯你無睇錯呀！又係黑松露呀！一上檯已經問到好強烈黑松露幽香，雞嘅份量算多，有一隻大雞比同下庄，兩件

<帶子青蘋果焦糖合桃蜜糖芥末醬沙律，$95>朋友今日想食沙律，我哋就點左呢一個帶子青蘋果焦糖合桃嘅沙律，其實見到個價錢有啲貴，不過原來係物有所值！帶子都好厚好大粒好鮮甜。配上清新嘅青蘋果，好爽口，而且焦糖合桃都好好食，完全令我有驚喜。<HeSheEat Burger，$128>好甜心咁幫我哋一開二，首先個包都好好食，烘底加埋塗上少許牛油，黑松露醬份量適中，唔會太膩亦都夠哂味。牛肉好厚，都幾好食，整體感覺好好。<春雞黑松露意大利飯，$128>春雞好香好滑，黑松露意大利飯都好唔錯，做法算比較港式，無正統嘅意大利餐煮得咁硬。<綠茶心太軟，$62>綠茶心太軟嘅熔漿綠茶味十足，但蛋糕就略嫌綠茶味較淡。不過只要配上熔漿同雪糕，都係好好味。<岩鹽焦糖厚焗鬆餅，$62>呢個厚焗鬆餅超級好味，絕對係推介之選。鬆餅除咗有香濃嘅蛋味，亦都做出好鬆軟好fluffy嘅感覺。配上岩鹽焦糖醬、蜜糖漿及雪糕，唔算太甜，口感同味道都一流。整體而言，HeSheEat以前食甜品好出名，但係其實佢嘅正餐都唔錯，性價比算高，而且個岩鹽焦糖厚焗鬆餅真

今天下班突然很想出外不想回家，馬上打電話給朋友出來吃晚飯！當我們在想吃什麼時候，朋友突然提議去銅鑼灣地帶Hesheeat!店鋪位於地帶商場二樓，座位算很闊，座得份外舒服。我們分別點了：炸雞翼韓式辛辣醬 $52表面炸到金黃色外皮炸得很鬆脆咬落脆卜卜熱辣辣雞肉很嫰滑, 還配了辛辣醬添加了一種開胃感覺，不錯的餐前小吃炸蘑菇釀雞肉 $68炸蘑菇亦是表面炸得金黃色，第一啖已經感覺到蘑菇香味加上配雞肉令口感大增，這個小食還配了少許沙津菜和黑松露蛋黃醬，兩者配合來吃一點油膩感覺都沒有虎蝦意大利飯 $128虎蝦煎得剛剛好很有鮮味，意大利飯非常之juicy, 一路吃還有種吃西班牙海鮮飯的味道春雞黑松露意大利飯 $128大大隻春雞脾煎到香噴噴咬下去肉汁都流出來，濃郁的黑松露配上意大利飯簡直絕配，每吃一口黑松露飯味道一直徘徊在口裡，值得推薦芒果忌廉班戟卷 $58芒果很甜，而且不會太多忌廉，配合果仁碎一流👍🏽。總評：食物一流，服務也很好，侍應有笑容，耐心講解部份製作需時。

HESHEEAT相信大家都唔會陌生，話說我都係第一次食甜品以外嘅嘢食，估唔到係咁出色😍好有驚喜嘅一餐💗私心勁推薦個蟹肉番茄牛油果沙律($95)‼️前所未有覺得一個沙律咁好食🤤係啖啖蟹肉mix黑松露🦀仲有滿滿嘅牛油果！足料推薦🤘🏻〰️主菜春雞黑松露意大利飯($128)同燒豬肋排($108)同樣令我wow一聲🤓平時唔鍾意食飯嘅我，將碟意大利飯食到一粒都無！係獨食啊，又愛又恨，因為真心邪惡❤️拉絲芝士mix香濃黑松露，係愛嘅力量令我又成功減肥🤩春雞份量多，有一雞扒一雞胸，明顯係細春雞，肉夠嫩！而且調味唔過咸，不過雞胸始終over cook左少少🤭豬肋骨不得了，都完全唔洗用力切！筋肉肥瘦比例剛好，肉好嫩好好食，一份四條唔會食到驚😂(平時食一份12條，幾好食都食到驚)〰️甜品好正🤩🤩綠茶紅豆厚焗鬆餅($62)本來幻想鬆餅係綠茶味🍵原來係原味鬆餅🥞但都感覺好驚喜，有質感有彈性又有蛋香，比坊間嘅空氣感梳乎厘蛋糕好食好多！甚至我覺得比我係日本食嘅pancake更好食‼️但個綠茶雪糕🍦完全唔得☹️無綠茶味，唔要求用H牌，用維記牌都好吖😭，呢個得個甜字！茶控不要期望，可以叫雜苺味🍒重點繼續放在鬆餅上🤗〰️仲有飲品‼️‼️好

同細妺行完Ikea,佢嘈住話要食HeSheEat,咁唯有順下佢意啦,反正我一向都鍾意食佢哋嘅甜品。咁熱嘅天氣一定要飲番杯沙冰解下熱,我地即刻選擇叫左依杯芒果熱情果沙冰。芒果味較為重,但依然隱隱約約可以飲到熱情果味,而且唔算太甜。蟹肉蕃茄牛油果沙律色彩繽紛層層分明,由軟滑嘅牛油果蓉配上鮮甜蟹肉同番茄沙律加上黑魚子醬。食落口感豐富,旁邊仲附上脆多士可以配埋一齊食。炸磨菇釀雞肉外層被麵包糠重重包圍被炸得香脆,內裏包住原隻蘑菇包鑲雞肉蓉,咬落外脆內juicy,雙重口感。班戟先得得薄,帶有微微蛋香,內裏嘅檸檬忌廉酸酸地幾開胃,令到班戟卷整體味道更加清新完全唔會有膩嘅感覺。面頭仲有有好多焦糖脆脆同焦糖醬。每次食完墨魚汁製品嘅食物都會令人個嘴烏卒卒,今次亦唔例外,食完個意大利飯之後成個咀都黑孖孖,意大利飯食落微辣惹味仲夠creamy。八爪魚亦煮得啱啱好夠彈牙。已經唔係第一次食依個黑春雞黑松露意大利飯,今次雞肉明顯地比平時食開嘅’鞋‘不過意大利飯嘅黑松露香氣依舊十足,一上枱就聞到。

之前都和朋友吃過HeSheEat，覺得質素不錯而且地點很便利，就在銅鑼灣地鐵站對面的商場內。適逢姊姊生日，我便選此處為她慶祝。一行四人六時便入座，不用等位，還分配得店內鳥籠圓桌，坐得既舒適又有私隱度。先送來的是“帶子青蘋果焦糖合桃蜜糖芥末醬沙律”和 “炸粗薯條配酸奶酪及泰式辣醬”。沙律菜新鮮爽脆，輕輕沾上蜜糖芥末醬，沒有太甜太嗆喉。帶子輕輕煎過仍帶鮮味。青蘋果和焦糖合桃為沙律增添口感，我們吃罷立即再Encore一碟呢。炸粗薯條份量頗大，有一大兜。上枱時熱辣辣炸得非常鬆脆而不油膩，令人吃不停口。配上酸奶酪及泰式辣醬，較平日用茄醬較有特式，奶酪與薯條很搭配，酸酸的剛好中和了薯條熱氣感。主食我們點了“意式肉丸意粉” 及 “春雞黑松露意大利飯”。 意粉配上三枚大大的意式肉丸，肉丸我沒有吃，不過意粉彈牙而且配上不少新鮮蕃茄醬，令人很開胃的一道菜。黑松露意大利飯有濃濃的松露及菇菌香味，芝士也下得慷慨，沒有不好吃的理由。意大利飯雖不是傳統外層微軟內硬身那種，不過卻更得我家兩老的歡心吧!主菜點得不多，因要留肚吃這裡出名的甜點。看餐牌很多都頗吸引，故一口氣點了三款 : “岩鹽焦糖厚焗鬆餅”， “雜果拿破

去長旅行前先跟朋友食餐飯聚一聚，喜歡HeSheEat好坐舒適。來HeSheEat 每次都必食的帶子青蘋果焦糖合桃蜜糖芥末醬沙律($95)焦糖合桃超香口，據說是餐廳自家製，帶子份量有兩粒，切半稍為香煎，很香口。炸蘑菇釀雞肉配黑松露蛋黃醬 ($68)兩顆大蘑菇＋3顆小蘑菇，炸至金黃色，惹口非常！蘑菇有菇汁不會乾，每顆都釀了雞肉碎，沾上黑松露蛋黃醬調味就最夾。燒豬肋排薯條及沙律 ($108)豬肋排十分淋林不過最好食還是炸薯條，每一條都香脆可口。春雞黑松露意大利飯 ($128)原以為是一整隻春雞，原來是烤雞脾、雞胸，灑上大量七味粉，食哂D飯，什為飽肚。綠茶紅豆奶凍 panna cotta ($55)（紅豆泡沫，白玉 綠茶雪糕 ）白玉好像是湯圓一樣的粉團煙煙靭靭的，綠茶奶凍十分香滑，只是泡沫的紅豆味略為不足。拿破崙配紅桑子($62)拿破崙的酥皮一層層沒有連貫的，整體偏偏塌，不過吉士醬和紅桑子不錯，為甜品挽回不少分數。今次的食物普普通通，不過侍應密密斟水，服務不錯，而且環境舒服，確是一個與朋友聊天相聚的好地方。

次次去旺角都因為太多人冇機會食HeSheEat，今晚同朋友行銅鑼灣地帶，見有位就入去晚餐。前菜點了炸蘑菇釀雞肉，成粒蘑菇去炸，原汁原味，沾了黑松露蛋黃醬更好味，口感特別！燒美國牛肉胡麻醬沙律🥗的燒牛肉果然非一般貨，味道很濃，而白汁蘑菇超夾牛肉，最底的醃蘿蔔超正，咸咸地好開胃！He She Eat漢堡，點了五成熟，中間有三重芝士、大蘑菇配黑松露蛋黃醬，雖然過100蚊，勝在足料，店員更預先幫我們砌開兩份，而且伴碟的薯條很脆。春雞黑松露意大利飯，黑松露味道都幾濃郁，中間有層芝士很香，不過飯有點硬，春雞就不錯，燒得幾惹味。甜品點了拖肥果仁心太軟，非常熱，一放下中間的醬已經湧出來，但味道因爲太濃烈，朱古力都過苦了，幸好焦糖醬和冧酒提子雪糕中和到味道。雜莓厚焗鬆餅非常好吃，🥞很鬆軟，同時餅邊又少少脆，非常出色，伴碟的士多啤梨和藍莓都幾清甜！食物水準高，難怪整天都爆滿，難得在甜品cafe的主餐仍然同樣出色。