Video
Read full review
2018-02-25
489 views
係油麻地A1出口，行去大約5mins就到，好易搵。入到去已經好有印度feel，侍應and廚師都係印度人，講印度話，落單個陣，識聽識講少少廣東話，好地道既印度菜呀。望落細細間，原來樓上都有座位。叫左羊肉咖哩角Lamb Samosas (4件)($48)，特色香料雞Chicken Makhni ($75)，印度蒜茸烤餅Garlic Naan (3大塊)($20)，椰子乳酪 Coconut Lassi ($35)。牆身有張紙介紹餐廳特色既食物，侍應都好熱情介紹有咩好食，其中就叫左蒜茸烤餅，因為餐牌有太多款啦，花多眼亂，樣樣都好好味咁。首先，有碟印度脆餅Papadum配薄荷醬，送既。脆薄餅落左黑胡椒，有少少辣，但好香。配上薄荷醬就好fresh，唔辣，開胃小菜。羊肉咖哩角最值得試。我好少食羊肉，一黎香港少有，二黎有陣羶味。但尼個羊肉咖哩角一d羶味都冇，而且係爆餡爆餡爆餡，入面有羊肉碎，青豆，啖啖都食到羊肉。配上甜甜地既燒烤醬(?)，一d都唔膩，拎上手唔會油膩膩。一定要試，唔食羊肉既朋友，可以叫咖哩角，同樣係廚師推介。特色香料雞既顏色係深橙色咁，有d椰奶(?)。有8至9件雞肉，食落口好重印度香料既
叫左羊肉咖哩角Lamb Samosas (4件)($48)，特色香料雞Chicken Makhni ($75)，印度蒜茸烤餅Garlic Naan (3大塊)($20)，椰子乳酪 Coconut Lassi ($35)。牆身有張紙介紹餐廳特色既食物，侍應都好熱情介紹有咩好食，其中就叫左蒜茸烤餅，因為餐牌有太多款啦，花多眼亂，樣樣都好好味咁。
首先，有碟印度脆餅Papadum配薄荷醬，送既。脆薄餅落左黑胡椒，有少少辣，但好香。配上薄荷醬就好fresh，唔辣，開胃小菜。
印度脆餅
28 views
0 likes
0 comments
羊肉咖哩角最值得試。我好少食羊肉，一黎香港少有，二黎有陣羶味。但尼個羊肉咖哩角一d羶味都冇，而且係爆餡爆餡爆餡，入面有羊肉碎，青豆，啖啖都食到羊肉。配上甜甜地既燒烤醬(?)，一d都唔膩，拎上手唔會油膩膩。一定要試，唔食羊肉既朋友，可以叫咖哩角，同樣係廚師推介。
羊肉咖哩角
$48
34 views
0 likes
0 comments
特色香料雞既顏色係深橙色咁，有d椰奶(?)。有8至9件雞肉，食落口好重印度香料既味，d雞肉冇雪藏味，醃得好。應該試下尼到既咖哩，有紅/白/黃/青。
特色香料雞
$75
25 views
0 likes
0 comments
烤餅係印度菜必叫既食物。侍應介紹蒜茸烤餅，一上菜已經聞到蒜茸油香味。以前試過去間泰國餐廳，佢俾d超市冰櫃買到既烤餅，仲要得2塊細。尼間真心好食，現烤，而且厚，每塊都大過手掌，正常食二塊已經飽哂。不過食完當然成口蒜味，驚既朋友就叫其他口味啦，eg雜果，芝士，牛油，羊肉都只係$30，又可以試羊肉又試到烤餅。
印度蒜茸烤餅
$20
41 views
0 likes
0 comments
第1次見有椰子味既乳酪。甜甜酸酸咁好fresh，食完香料濃既食物就最岩。椰子味重，同飲椰青既味一樣，但多左乳酸既味道。eg有芒果口味可以揀。
椰子乳酪
$35
17 views
0 likes
0 comments
總體，值得再試既餐廳，餐牌上面既餸菜多都一次試唔哂，起碼去幾次and一大班人先試得哂，用地道印度香料煮，夠哂風味。而且侍應服務好好，食食下會同你傾計，問下你好唔好食，有冇食過尼d餸菜咁。當日仲見到有唔少人去食lunch添。
22 views
0 likes
0 comments
P.S. 餐廳lunch有set叫，$48至$70，有唔同款，eg唔同材料既咖哩，羊肉卷Kabab，配飯/薄餅。仲有2/4/6人套餐添，好抵食。連地道既印度黃米飯尼d都有。
Post
