麺屋こころ (軒尼詩道)

Open Now

Now Closed

近排唔知點解會突然好想食拉麵，趁着在公司開完會，就即刻同閨密試下在灣仔的日本過江龍撈麵😆我第一次試超期待的，而閨蜜就係係東京食過覺得好好味，所以好想可以係香港搵得返當地的味道🇯🇵-🎈正宗全料東京撈麵 (M) $99 原本仲以為M Size好少會唔夠食，點知份量都好多呢～個Menu已經有詳細講解東京撈麵食法既四部曲，首先將醬料攪拌均勻，當享用三分一後可添加黑胡椒；然後享用三份二後就可添加Kokoro秘製香醋。最尾吃完撈麵後，仲可以免費加入白飯，並攪拌成肉燥飯😎個人覺得真係幾好食，因為麵條係比較粗身一點，每日由店內師傅手製，好煙韌彈牙，自己幾鍾意呢個口感！而且真係有好多配料🤭，係足足12款既全料東京撈麵好豐富呢，包括叉燒、辣肉碎、生蛋黃、紫菜、竹筍等，mix埋真心match，仲辣辣地咁好過癮🫶🏻因為自己唔算太鍾意食酸，所以就冇特別加入佢既秘製香醋(試左啖醋酸死人了🫣😵‍💫)-🎈24月熟成芝士撈麵(M) $109而這一款是閨蜜叫的，就不太推薦🥹味道雖然濃郁但食落好膩，不過佢都有附送自家炮製的玫瑰醬令到味蕾可以清新一下！-🎈雞皮餃子 $43 望落去都真係幾細隻🫣但食落去好得意，薄薄既雞皮好脆-

來自於東京的麺屋こころ，主廚被台灣乾拌麵所啓發，於2013年創造出特有的﹑日本風味的「KOKORO 乾拌麵」，一種無湯的麵條，混合特殊的醬汁和配料來食用。麺屋こころ於海外設分店，印尼﹑新加坡及加拿大設有一間以上的分店，至於香港特許經營的分店，目前就只有灣仔店。店舖於10月初才在本港開始營業，天氣尚未轉涼，氣溫仍有點高，店主決定將柚子鹽與麵條混合，製成唯一一款開胃的冷凍撈麵，同時成為香港店限定款式！我正正就選了這款柚子鹽味撈麵 (M)，配料有慢煮雞肉﹑筍﹑紫菜碎﹑火箭菜及蛋黃，並按桌上所放置的食用教學提示牌去享用這碗日式撈麵。先將蛋黃戳破，與醬料及麵條一起拌勻，麵條沾滿滑溜的蛋漿，口感煙韌彈牙，加入了柚子汁的緣故，淡淡的柚子味，味道清爽開胃。慢煮雞肉的肉質不會粗糙。享用1/3後，加入黑胡椒享用，增添了一份香氣。但最令人食慾大增，是加入秘製香醋之後！！酸爽度大大增加，香醋的酸味與柚子非常合拍，味道多了一份層次，沒那麼單調。同行的兩位同事都揀選正宗全料東京撈麵 (M)，用料十分豐富，有紫菜﹑叉燒﹑筍﹑辣肉燥﹑溏沁蛋﹑蛋黃﹑青蔥及大蔥，因有辣肉燥及蒜蓉的緣故，此款撈麵的味道較為濃烈，帶點微辛。