川之源

Open Now

Now Closed

川之源 🌶寒冷預警 🥶 天氣凍除左打邊爐食辣野都可以暖笠笠 🌶🔥今次約左朋友係西環正街食四川菜沿住正街電梯一直上斜路就見到川之源係隔離Btw望返落去個風景好高好有香港特色🐟 水煮魚 $218同個食得辣既朋友一齊黎一定要挑戰下中辣未上枱啲花椒同埋紅椒既香味就已經湧左過黎賣相同香味都好吸引堅係色香味俱全呀食落辣得黎仲帶有麻香入面好足料魚肉厚身又滑份量仲好大份 入邊仲有油麥菜同厚身寬面配埋D湯汁一齊食個寬面🥟 紅油抄手 $88本身自己都好中意食中國北方既厚身餃皮有咬口之外個餡料豬肉又鮮甜又足料🧊 桂花冰粉食完川菜一定要食個冰粉可惜唔係間間都整得好食川之源個味夠地道得黎仲要送每人一客真係好好呀🤤桂花味香清甜冰粉口感好似寒天/啫喱咁但又無佢地咁甜夠凍得黎又滋潤又解辣好想食多一碗呀 🤤

朋友住西環，成日介紹我食呢間平價川菜，但住九龍既我又真係好想黎🤣講左超過一年，終於有機會放假去泳棚，之後晚餐再黎食😚.🍴蒜泥白肉 $68豬肉切薄片肥瘦相間，肥而不膩，蒜泥夠晒濃郁，辛香味足，食完呢個前菜令人食慾大振。.🍴水煮魚 $188水煮魚價錢抵食，湯底辣而不燥，麻而不苦，魚的質感細緻嫩滑。魚片食落肚既感覺係辣中有麻，麻中有香，香中又有辣😉 拌碟的紅薯粉多到可以飽肚😅.🍴糖醋里脊 $108酸甜比例拿捏得岩岩好，個炸粉輕薄不黏稠、酸鹹帶甘，風味獨特又好食，好有正宗川菜既味道。

今日去行街前經西環就特登去川之源食除咗lunch set 仲有啲午市二人餐或者麻辣乾鍋二人餐諗咗好耐食水煮魚好定乾鍋好最後都係揀咗二人餐食水煮魚二人餐可以揀一款小食，一款主菜（水煮魚或酸菜魚或蕃茄魚）、一款小菜所以唔食辣其實都可以揀🍅蕃茄魚水煮魚係用咗無骨龍脷柳啱哂啲唔鍾意食有骨嘅人龍脷柳都幾滑配埋芽菜、薯粉撈埋白飯🍚一齊食😋食完最尾仲有特色嘅桂花粉好香桂花味，清清甜甜食完辣野再食喉嚨特別舒服😌

港島西一向有好多特色小店，之前同朋友幾個這裡，被店外的畫作吸引著了本來以為這麼精緻的畫作，必定是充滿打卡位的cafe，怎料原來是這間川菜小店的！店內非常中式川菜格局，紅色枱布、「荷塘月色」茶壺，還有掛在天花板的紅燈籠🏮朋友笑說：「看到紅枱布，就會覺得好辣的了！」（不過她也沒說錯）🌟蒜泥白肉：單看外表，以為是好普通的蒜泥白肉，怎料吃起上來非常有驚喜，原來非常的入味，是好夠辣的！想不到原來看不到的紅色，也如此辣和惹味，而且肉是薄切的，還有軟骨😋🌶️水煮魚：和朋友都好鍾意食辣，食川菜必點水煮魚！看到大大盤的水煮魚用辣椒舖面，已經好胃！一撈起就有好多魚，還有川粉！魚肉質好嫩，而且香麻味好入味，配上酸辣芽菜同吸曬麻辣香味嘅川粉，真係可以食唔停！碗內真的有很多魚，食極都仲有！雖然有川粉，但和朋友都點了碗飯送水煮魚，才會越吃越過癮😝而且耐辣程度會高點。🌟酒釀丸子：同朋友都係甜品迷，酒釀丸子味道剛剛好，不會太甜，而且都好多粒丸子餐廳還送了桂花冰粉給我們解辣，好香桂花味之餘不會好甜見到餐廳內都有啲外國人來，還有好多情侶在吃一大碗的酸菜/水煮魚、看來都頗多「辣」道中人～下次要來吃手工餃子🥟！ps menu內

聽講西營盤正間果邊有間食物美味嘅川菜館，親依幾日天氣涼咗，食辣嘢記最舒服，所以約埋朋友放工一齊去食川菜。餐廳裝飾都帶帶中國風、碗碟亦唔例外。菜式都非常多，好多菜式都好吸引，但今日只有兩個人，所以只點了川北涼粉、青椒土豆絲同水煮魚。川北涼粉係一味涼菜，味道辛香爽口，涼粉入口細緻綿軟。依道川北涼粉冰爽麻辣微酸而且豉香味濃，令我非常開胃同期待下一道菜。青椒土豆絲，最樸素而又美味嘅一道菜。它無華麗嘅外表，亦唔會有過多食材嘅修飾。簡簡單單，就係青椒絲同薯仔絲。薯仔絲夠爽脆，調味亦剛剛好，絕對合格。水煮魚係今晚我哋好期待嘅菜式。一上枱，已經被面頭紅卜卜嘅泡椒吸引住喇。除咗魚片、鍋裏頭仲有芽菜同寬身嘅紅薯粉。先講下整體，辣味都好夠，喺辣裏頭，仲食得到其他調味料嘅香。魚片非常嫩滑，芽菜同紅薯粉亦吸收咗湯嘅味道，好好味。而且因為面頭好似過橋米線咁有一層油覆蓋喺表面，食到最尾，魚片、芽菜同紅薯粉都仍然保持住熱度。好好味。最後，我地食埋碗有解辣、涼快作用嘅甜品桂花冰粉，涼得嚟好香桂花味。依餐真係大滿足呀。

作為一個經常喺西營盤出沒嘅人，我成日都會路過呢間餐廳。而我咁鍾意食川菜，每次路過都好想試。今次終於有機會同朋友去食呢間川菜，好開心。店員介紹水煮魚、酸菜魚、辣子雞同埋餃子都係呢到嘅招牌菜。但因為得兩個人，就揀左水煮魚同埋辣子雞啦。🐥辣子雞 $158一上碟嗰陣都呆左一呆，因為冇諗過會係咁大碟。入面嘅雞粒都唔少，炸得香脆可口，有薑蒜辣椒一齊炒，好香。不過因為炸得好香脆，食啲雞嗰陣記得要小心碎骨啊。辣到啱啱好，唔會太辣，所以唔會掩蓋香味。🎣水煮魚 $188有水煮魚同水煮桂花魚揀，店員話水煮魚係冇骨嘅冰鮮魚柳，水煮桂花魚就係新鮮桂花魚，有啲骨嘅。新鮮桂花魚就當然係靚啲啦，不過因為朋友唔鍾意吐魚骨，所以最後揀咗無骨嘅水煮魚。辣子雞已經夠大碟㗎啦，點知水煮魚上枱嗰陣仲震撼。好大碗。入面有好多紅薯寬粉同埋芽菜，全部都煮得好入味。望落以為啲魚片唔係好多，點知食落發現食極都食唔晒，食極都仲有魚片。好抵食。個辣度應該好多人都可以接受到，辣辣地，鹹鹹地，好食。食水煮魚有紅油就無可避免㗎啦，但呢度嘅紅油唔會過多，感覺都適中。🍚白飯 $15店員話食水煮魚可以配飯、麵或者餃子都OK。但因為個人喜好鍾意食川菜嗰陣有

今日本身諗住去高街食lunch，因為果度都有幾多西餐廳不過喺我地行落去既途中俾🙎🏻‍♂️發現左呢間喺斜路既小店，愛川味既🙎🏻‍♂️即刻提議去試下😆我地簡左二人午餐🥣有前菜、主菜、飯同甜品🥢$238有水煮魚都幾抵食!佢另外都有一人餐$58-$78，同埋抄手酸辣粉等，食物款式唔算好多但價錢好ok😎同好多川菜館一樣食物都可以簡辣度既，我地簡左bb辣，都已經係幾辣下🌶🌶🌶，唔係好食得辣既朋友記住喺邊第一次食最好都係簡bb辣🙈口水雞🐔唔係好麻(重慶口水雞通常都會有麻既元素🤔)不過雞肉配埋辣汁整得好入味，雞肉都好滑，如果有埋麻既味就更好啦😁等左陣有水煮魚食啦🤤🤤🤤(lunch食水煮魚係咪好heavy😂)入面有好多魚片，魚片🐟切到細細塊吸晒d辣味好正👍🏻仲有少量芽菜同埋薯粉!!😍 成碗水煮魚亦唔會好有油膩感，好味☺️跟住我地簡左清清地既炒油麥菜🥬，味道正常，唔會炒到過淋👍🏻最後有埋糖水，只有冰粉簡四川冰粉有好多唔同既味道，呢款就係有好濃既桂花味，幾甜同埋好清涼，好似食緊桂花糕咁😋總括黎講我覺得呢度既食物質素都幾高，價錢親民👍🏻而且坐得舒服，枱與枱之間唔會迫😌可以再黎!

一向都知西環好多好嘢食，今日嚟到正街搵咗一間四川菜館。餐廳入面位置幾寬躺，好啱夜晚同朋友食下飯傾吓計。店員服務好好，間中都會斟吓茶。呢間川菜有一樣特別之處，唔好以為川菜一定好辣，除咗可以揀辣嘅程度之外，佢仲可以揀唔辣添呀！推薦比唔食辣又想新鮮試下四川菜嘅朋友😈🐟水煮魚 — 食四川菜好難唔叫水煮魚，今次點左小辣，辣嘅程度岩岩好，香料嘅味道剛剛好滲入魚中，魚嘅肉質好滑，加入芽菜，同埋入晒味嘅粉條，我同我朋友都爭住要食呢個入晒味既粉條呀！呢個先係精粹😂❤️🍃干扁四季豆 — 好香呀！花椒、辣椒、同蒜片都同四季豆一齊炒得好香！搞到我要加飯添 🍚🍚🥒 蒜蓉青瓜 — 食辣真係要食返d青瓜緩和一下，好怕蒜蓉青瓜唔夠入味，呢個岩岩好，入味之餘，蒜蓉味又唔會太搶👏🏻差唔多食完既時候，員工拎咗一碗 🍨桂花冰粉俾我哋，係送㗎～ 食到辣辣地，再食碗透心涼既桂花冰粉解辣，好貼心呀！大滿足❤️

朋友介紹吓，去咗西營盤呢間食川菜。香港越來越多川菜，好多淨係得個辣字，想搵一間真係好味嘅唔容易，今晚呢間不錯，辣得黎香！環境舒適，8:30pm入黎唔洗等。老闆娘亦好心機介紹，有問必答！叫咗個雙椒田雞，有d瓜菜好爽口亦甜，田雞亦香口。水煮魚，d魚塊幾好食！似用新鮮魚落去煮，足料！要唔辣嘅，可試青椒吐豆絲！呢度嘅特色係，碟碟都唔會好細碟，大大方方，比足料。係西營盤b2出口，沿向上山行，有電動扶手電梯果度，唔難搵，喜歡食川菜嘅朋友要黎食吓！

入到餐廳見到有一張大枱，有一班外國人坐埋一枱去食川味辣嘢。 每張枱都有一壺熱茶，畀客人解辣，壺都幾大杯足夠兩人一餐飲用。今日揀咗三大碟辣嘢食 ，包括有水煮魚，酸辣土豆絲，酸辣粉， 全部都揀咗小辣， 另外仲有清湯麵。水煮魚168元魚嘅份量都算多，冇酸味，主要係辣味，眼見 炸好嘅辣椒都已經落咗好多。 另外水煮魚個湯底有少量闊身粗薯粉。酸辣土豆絲58元 土豆絲切到好細條， 好入味 ，酸酸地，估計大概有兩至三隻土豆酸辣粉38元辣油多，食落啲粉滑捋捋。清湯麵38元夠清臨走嘅時候每人又送一碗桂花冰粉， 最佳解辣。

一早與友人相約食川之源雖然兩人身體同告不適 但黎到川菜館唔食少少辣又真係對唔住「川菜」二字！好彩呢度都好貼心 有得俾大家揀辣度咁就少少地 黎個小辣啦～menu選擇非常多 由小吃到水煮到菜類飯麵甜品乜都有仲有啲係唔辣嘅 真係一家大細都啱食最後兩人揀左水煮魚($168) 幹煸肥腸($128) 同清炒鍋笋絲($88) 水煮魚一上枱 見到個紅色我係有擔心到XD不過好彩食落都未會噴火 第日都仲出到聲選用魚柳肉 無骨 非常啱我呢啲粗心大意嘅人食魚肉成日痴住粒粒花椒 一啖一口麻香味！再黎就係幹煸肥腸老實講同水煮魚嘅配料好似 不過一個係濕一個係乾係兩個完全唔同嘅食法肥湯炸過黎 迫哂大部分油膩出黎 不過又依然keep到唔「鞋」口 抵讚！頭兩道都係紅色嘅菜 下一道就係清啲嘅炒鍋笋將一塊塊嘅鍋笋切成絲 輕輕炒下 勁爽脆食完兩啖辣野再夾一啖鍋笋絲緩和一下個刺激感！最後唔可以唔提川之源嘅貼心食到咁上下店方就會送上一碗糖水滋潤下食客喉嚨今晚就係桂花糖水～～呢個位真係要加100分呀！