鱻88日本料理 (Closed)

有時候，在踏上尋覓美食的無盡旅途上，總是需要有一個非達到不可的目標，才會走得有意義。而鰻魚這東西，在我年少無知時就已是我最愛吃的日本料理之一，那種獨特的味道、奇妙的口感，閉上眼睛一口吃下去，簡直就是人間極品一般的滋味。位於佐敦道的這間樓上日本料理，早前就推出了一道活海鰻會席，實在令我無法按捺住滿滿的食慾，就趁著天色正好，前往一窺究竟。無論是招牌抑或登上店內的樓梯，都帶有一種科幻感，有種令人好奇的魔力。然而，登上數級樓梯後卻會看見另一道風景：日本料理店專有的柔和光線和木紋餐桌，平實得來也帶點時代感，讓人得以平靜下來，用最輕鬆的心態享用晚餐。我們獲安排坐在吧檯前，也得以觀賞師傅的巧手製作，工匠精雕細琢的精神表露無遺。頭盤是一道季節沙律。鮮甜味美的沙津菜，配上兩塊爽脆的炸鰻魚皮，加上上面嫩滑的醬油，五味雜陳卻又各司其職，彷彿從四方八面呼叫著沉睡的味蕾。接下來先來一道刺身三點，在主角鰻魚出場前也來個暖場嘉賓。甜蝦的香甜味道、帶子的嫩滑口感、油甘魚的新鮮飽滿，各有特色。終於到了主角出場！活海鰻蒸年糕名字及賣相都十分獨特，年糕裡頭包著鰻魚，兩者相交卻絲毫不突兀，口感煙韌。緊接著的活海鰻天婦羅配上紫

🤩政府派錢$4000，👀大家會將呢$4000點用呢？👧🏻✨草根妹妹就話不如去食番餐好嘅！如果有睇開草根呢個ig,可能有人會記得草根妹妹超愛吃鰻魚🐟，所以一有機會，👩🏻姐姐就會搵有得食鰻魚嘅餐廳同妹妹一齊去試下😋。諗尼諗去🤔，就決定去試一試呢間餐廳嘅活海鰻盛宴🍴。活海鰻會席 ($488/位)-季節沙律-刺身盛合3點-活海鰻蒸年糕-活海鰻天婦羅-活海鰻籠仔蒸飯-活海鰻玉子蛋糕.脆卜卜的魚皮配上新鮮沙律🥗，作為開胃菜不錯。3款刺身，鰤魚、活赤貝、金海老，鮮味細嫰。聽起來很奇怪的活海鰻蒸年糕，原來是把年糕外面炸過，中間包住冬菇和鰻魚，口感十分煙韌，可惜不入味，有點像粉團，不太好吃😣。活海鰻天婦羅非常肥美，炸得香脆，鰻魚肉厚軟嫰👍🏻。籠仔蒸飯的飯量不多，鰻魚煎得香口，油份充足，美中不足是鰻魚帶點細骨🐟，飯中加入鰻魚汁，但甜味不太突出，濃一點應該會更好。最後的鰻魚玉子蛋糕🍰，吃不出與鰻魚有關係，但蛋糕鬆軟。就是較細件。

話說早幾個月去完日本黎，勁掛住嗰度啲日本嘢食周圍捐窿捐啦嘅我，搵到間位於佐敦既日本料理餐廳。門口已經充滿日本嘅裝修格調，好適合同伴侶黎一路食一路談心。嗰日人數唔算多，員工俾咗卡位我哋，座位十分舒服，另外見到有10幾個外國人一枱，一路傾生意一路食日本野，外國人都幾識嘆款式都算多，另外我哋揀咗佢哋介紹嘅「鰻魚會席」「季節沙律」前菜食落有點像炸魚皮，但感覺上比炸魚皮更好吃加埋酸酸甜甜，甜甜酸酸既汁，胃口馬上大起來「刺身三點」刺身對於我來講最重要係夠凍夠新鮮呢碟絕對Ok呀 味道鮮甜，尤其是隻蝦活海鰻天婦羅味道剛剛好，脆得黎唔會太硬梆梆，調味料+少許鰻魚汁，令到成件鰻魚天婦羅惹味起來活海鰻蒸年糕年糕超級煙韌，哈哈睇相就知勁。蒲燒活海鰻籠仔蒸飯最後嚟到主角，一口甜甜香脆既鰻魚，再一口軟熟嘅飯，絕配👍🏼活海鰻玉子蛋糕最後甜品個人覺得用鰻魚整既蛋糕幾特別幾創新，味道都是香香的，帶點鰻魚的味道。終於試新野嘅朋友可以一試****************************最後要講下佢哋嘅服務非常好，間唔中就會幫我地斟斟茶，服務來講真係非常唔錯。

佐敦本來就好多嘢食，而我係勁鍾意食魚生刺身的人，呢次係朋友介紹，所以上黎試下。一入去就知係同平時的日本餐廳唔同，有音樂、集中燈光，我估係僅此俾你睇中間的菜式。見到刺身忍唔住啦，佢d刺身新鮮到一個點，帶子係少少甜味出左黎，但唔會有雪味。蝦係最過癮，少少蝦的黏性，但都唔會覺得太張住個口，而且佢都幾長下，可以塞滿個口。池魚刺身都要特別推薦下。因為無試過，呢次食先知道新鮮的重要性⋯⋯因為只要新鮮，就會好好食。右下角的魚碎我都食曬🤤🤤年糕最怕煮太耐太濕。廚師佢烤脆左個年糕皮，咁就外脆內軟，好有趣。天婦羅有塊紫蘇葉，我自己接受到紫蘇葉的味道，所以就好滿意，因為佢真係脆得好過分😍然後魚肉d汁係反光架佐敦A exit同柯士甸站A exit最後個個隧道口右轉都可以去到！haha 難得我咁路癡都搵到lol見到一個大大的牌同埋有waiter係下面reception就可以跟佢上去。

本身好鐘意食鰻魚. 因為上網睇到有活鰻魚食, 所以慕名而來, 香港一般都急凍貨, 活鰻真係少之又少.本身BOOK左台, 所以都唔洗等. 去到有少少意外, 個場地意外地高級. 地下係接待處, 有接待員帶你上一樓,成個裝修好高檔, 有長好長既壽司BAR台, 好靚. 有2個師傅係面前即席處理.點叫個活海鰻會席, 另外叫左條池魚池身.池魚刺身夠新鮮, 夠鮮甜. 師傅刀功都好好, 上面D介花好靚.之後試個沙律, 入面有D炸魚皮, 沙律菜夠新鮮同洗得乾淨, 魚皮夠爽脆, 2樣野加埋幾特別.之後食個刺身併盤, 有帶子, 油甘魚同甜蝦. 當中帶子比較特別, 師傅係面前即磨柚子皮, 同埋加新鮮青檸汁係帶子上面.成個層次豐富左. 另外幾個菜都係以鰻魚為主, 食得出係新鮮貨, 同一般店急凍貨真係好大分別, 鐘意食鰻魚可以黎一試.

每一年既3月都會同個好姊妹食餐好既慶祝我地既相識紀念, 今年都唔例外大家都鍾意食日本料理, 成日食壽司刺身果D冇乜特別, 呢間餐廳有提供Omakase但我地就冇嘗試到, 就試左食活海鰻為主既菜式入左門口之後就見到有BAR臺, 有師傅即場整刺身同料理地方好寬敞, 座位都係以梳化為主,裝潢簡單而高貴, 環境十分舒服我地既座位接近水吧果邊, 左手邊有用酒樽做既間隔特別得黎又靚, 搞到我地成日望住D酒樽活海鰻盛宴由季節沙律開始, 芥茉沙律醬配沙律菜再有炸活海鰻既魚皮, 魚皮食落去一D都唔油, 唔錯唔錯一個好既開始跟住就係上刺身, 有甜蝦, 油甘魚同帆立貝各2件刺身都好新鮮, 但我特別欣賞個甜蝦, 因為好耐冇食過質素咁高既甜蝦而家出面食果D甜蝦都冇乜味, 呢度既勁鮮甜!!接住就係活魚刺身 (池魚), 師傅將原條活魚起肉有刺身片及他他刺身, 落左薑蓉, 芝麻同蔥粒池魚本身味道較濃, 加左薑蓉, 芝麻同蔥粒食落去令味道清新左跟住就係蒸年糕, 係咁多道菜入面我最鍾意呢個年糕我地平時食開都係甜既, 咸既年糕我真係第一次食呢個年糕食落去有2種口感, 上脆下軟, 因為個底有濃湯浸住濃湯個味唔算好濃, 唔會搶

餐廳位置幾方便, 係佐敦站出黎一條直路就到行一層樓梯就上到去上到去右手邊就見到有壽司吧, 可以比客人即席落單比師傅餐廳應該係行高級日本料理路線, 餐具及傢俬都以黑色為主早前有朋友黎食過活海鰻料理, 覺得唔錯所以推介我黎咁真係要試試朋友有冇呃我啦第一道菜係沙律, 有炸魚皮係面, 配左wasabi沙律醬魚皮同醬汁好味, 沙律菜新鮮食完沙律就到刺身, 刺身有油甘魚, 帆立貝同甜蝦3款都好新鮮! 不過芥辣味就淡左少少起初以為呢個係豆腐, 原來係年糕黎下面浸住D湯汁, 裡面包住海鰻餡料煙煙韌韌好好味非常鍾意呢個鰻魚天婦羅, 厚厚既海鰻肉夾左紫蘇葉再包左一層鬆脆既外殼連好怕食炸粉漿既都覺得呢個外殼好好食再加埋餐廳調配既醬汁, 好鍾意呢道菜呢個籠仔蒸飯都好好味, 肥美既海鰻燒到外層有D脆底下既蛋絲好香蛋味, 餐廳選用既米都幾好食落去米香都好濃最後就以海鰻玉子蛋糕結尾食落去鬆軟, 蛋味濃, 有少少咸咸地再配埋黑糖槳食, 味道幾好以上所有既菜式都係一人份量, $488加一價錢唔算好貴, 但所以菜式都好有特色, 絕對值得一試!

近期成日聽到有朋友介紹食鰻魚既好地方 我本身係食鰻魚既愛好者 會周圍食唔同類型既日本野 今日就食呢間係佐敦既鱻88 呢到環境好寧靜 好適合朋友聚會 首先叫左個活海鰻博多 分左兩種食法 第一個就係燒鰻魚 食到鰻魚嘅原汁原味 另一個食法係鰻魚配上大蝦 大蝦嘅鮮味配上鰻魚都係另一種特別嘅又好夾嘅食法另外叫左長芋蕃茄海帶沙律 開頭睇落去以為係三文魚原來係蕃茄 再配搭長芋同海帶口感好清新因為呢度主打食鰻魚嘅產品 所以叫左呢度嘅特色菜 鰻魚玉子蛋糕 蛋糕好鬆軟 甜度適中好適合食完主菜後作為飯後甜品黎到主菜就係好食既刺身 有真鯛 赤貝同帶子 所有嘅刺身都好新鮮 啲海鮮唔會有腥味 魚同帶子都係入口就會溶化 食完之後海鮮既香會殘留係個口中而我最鍾意食嘅鰻魚飯 仲要係三食添 第一個食法就係普通咁食 第二個食法真係會加啲配料例如紫菜同脆米 最後一個食法就係可以加湯 配上鰻魚飯 雖然我唔知嗰啲係咪叫湯 呢度嘅鰻魚係好特別 佢嘅鰻魚會煎到脆身 食完回味無窮 呢度係食鰻魚嘅首選