高麗軒韓國料理 (Closed)

今晚與一眾爲食好友去尖沙嘴食任食韓燒😁。就是這間高麗軒韓國料理，地點方便容易找，由地面落一層去地庫就見到餐廳。是日是點任食套餐，任食餐牌一大本，裡面好多款式可供選擇。如果加$38升級，就可以叫特別推介餐牌內的食物，見到有和牛、黑毛豬，帆立貝等等，爲食團團友一致決定升級😍。點菜後，先吃泡菜，款式多，味道不錯，大家吃過不停。左邊的是皇者牛排骨，肉味香濃，肉質軟滑，老闆話原來牛小排先去骨和去筋，所以入口無渣，就算燒到牛肉全熟都不韌，誠意推薦。右上方係黑毛豬腩，味道甘甜，右下方係牛頸肉，同樣新鮮爲美，不容錯過。牛脷切得大大塊好大方，預了過火燒後縮細但仍好有看頭，牛脷爽滑，正!熊本霜降和牛脂肪分布平均，燒烤時香氣撲鼻，入口即融，愛牛之士一定要試。海鮮拼盤好豐富，有魚、大蝦、青口、魷魚，新鮮弾牙。花甲新鮮，上枱仍是鮮活的，好生猛。愛吃牛的我們，點了生牛肉。伴了生雞蛋，香蔥和水梨絲同吃，口感清新。熟食我們點了銀鱈魚配沙律醬，魚肉和魚皮炸得好香脆。豆腐辣湯煲，辣度溫和，在場不太能吃辣的朋友都介紹到，很快就見到湯煲底。牛骨紹菜豆醬湯，味道對板，轉眼間就喝清光。是次的任食好愉快，地方就腳，員工醒目有禮貌，

友人提議聚會，我提出這裡，因為之前吃過，覺得很低食，價錢都係$218，就有幾拾款食物可以食，如果升級加$38，仲可以和牛、海鮮、牛排骨、黑毛豬腩等任吃。一開始就當然是熊本霜降和牛、牛排骨、牛頸肉、肉眼扒、海鲜拼盤。熊本霜降和牛，脂肪分佈均勻，入口溶化。牛排骨是我最愛，因為牛味最重，而肉質軟腍。牛頸肉肉味濃厚，有嚼勁。肉眼扒肉質軟腍，容易入口。侍應還很貼心送上生菜、韓式甜醬、青椒、蒜頭，給我們包著和牛、牛排骨和牛頸肉來吃，這是最正宗吃韓國燒烤的食法。這個食法可以減少肉類油脂所帶來的肥膩感，結果就是所有牛肉，都連續追加數碟。海鮮拼盤有元貝、帶子、魚柳、靑口、中蝦，全部都好鮮甜。我覺得以帶子最好味。之後又點了人參雞湯 ，想不到雖然是放題，味道是很正宗。吃燒烤又點會缺少了酒，我們要了日本清酒$68🍶兩瓶。韓國真露$55一瓶。今晚和好友吃這餐，都可是飲飽食醉了。我們離開時，已經有很多客人在等位，下次再來時都是要預早訂位。

韓燒？A姐最鍾意！ 放題？M佬最鍾意！ 減緊肥嘅A姐話今日星期五要放縱一下，所以我哋就去尖沙咀嘅高麗軒食盡佢啦！一坐低店員就送上各款泡菜，又新鮮又開胃！拼盤有青口、扇貝、魷魚、魚柳、海蝦等！款款都夠晒新鮮，其中首推扇貝，除咗夠晒新鮮彈牙，最吸引都係上面嘅蒜蓉汁，同隻扇貝好match呀！至於次推魚柳厚切又夠嫩滑，無骨又唔腥。而海蝦有成隻手掌咁大，肉質彈牙，仲有唔少膏。粒粒都豐滿，漲卜卜，望到都覺得好吸引！燒好咗嘅帆立貝外脆內軟，好juicy呀！除咗海鮮之外，M佬嘅極力推薦！和牛嘅油脂豐富，肉質嫩滑，牛味非常濃郁，以呢個價錢確實超值。呢個牛排骨就係A姐嘅最愛，佢一個人食咗足足兩碟！佢話呢個同和牛最大嘅分別係個醃料超入味，而且牛肉味比和牛更香！唔好以為薄切就無口感呀，燒好嘅牛舌一樣好有質感，而且牛味濃郁。無得彈！燒到半焦微燶嘅豬頸肉相當好味，脆卜卜又夠爽，一啲都唔韌。  一向少食羊，但唔小心叫錯咗就試吓啦。經過醃製嘅羊肉，一啲都唔膻，反而有啲大漠風味。韓燒燒雞翼就最麻煩，好難燒得熟，但又真係最好味！除咗各類燒烤，仲有唔少熟食，而呢個蛋伴生牛肉就係呢度招牌菜。牛肉夠晒光澤，將蛋黃、雪梨絲同生蒜

同舊同事聚會，一行五人，舊同事建議嚟呢度食，上嚟Openrice嚟完食評後，立即答應。坐低後，侍應生報告價錢，每位218，加海鮮,和牛任食多加38及加一。海鮮拼盤，蝦痴殼，所以唔Refill喇，其他都Ok的。生牛肉，好食，如果比多少少雪梨絲就更perfect了。炆牛肋骨，炆得好入味，又淋，即時再Encore. 熊本箱降和牛及其他肉類都唔錯。銀鱈魚因炸得過火了，失去銀鱈魚原來的滑嫩口感，嘥料。海鮮石頭窩飯，沒甚麼失望，也沒驚喜。海鮮煎蔥餅，上檯要立即吃，好好味。人蔘雞湯，飲到人蔘的甘味，唔錯呀！炸蝦，味道ok,只是淋了些。總括而言，連加一後每位$291.60的價錢，單吃和牛，炆牛肋骨，人蔘雞湯都已經回曬本及拍手掌了，這間韓式燒烤，一定會有下次。

今晚老公話帶我去食熊本和牛任食，我唔係好信，因為價錢都係二百幾，大家都擔心會中伏，不過他説是朋友介紹，所以我約埋契女及她的媽媽一起去試。訂了七點半，行到去樓梯已經有人等位，好彩訂咗位，我們坐下來時，發現空氣清新，完全沒有油煙味，在地庫都可以做到空氣流通，呢個唔簡單。老公話$208任食有幾拾種肉類，海鮮，蔬菜，只要加$38就可以，升級吃熊本和牛、牛排骨及海鮮拼盤等等。我們第一輪要和牛、皇者牛排骨、海鮮拼盤、特級牛頸肉、黑毛豬腩肉、肉眼扒、生菜麵鼓醬、海鮮辣湯，後來見到和牛同牛排骨都好靚，即時再叫多二、三碟。侍應上菜時，順便幫我們開爐，我才發現原來個爐的網，閃閃發光好乾淨。我覺得配菜，最好味係韓國泡菜，又夠辣又香甜和牛脂肪比例平均，肉質好鮮味，唔靭又無筋，燒完即刻放入口，不加任何調味已經好正，如果加少許鹽就更加和味，係靚牛肉先可以咁食。😋😋😋另外我又試下傳統食法，用生菜包牛肉，再加上蒜頭、青椒、韓式辣醬，結果同樣好味😍😍😍皇者牛排骨，雖然用醬油醃過，如果個爐火旺，燒幾吓就可以吃，肉質好嫩滑，牛肉肉味豐富。黑毛豬腩，肉質不算肥，肥瘦比例適中，肉味好香，絕對沒有騷味的靚豬肉。我們點了好幾次和牛

最近見到Openrice 食評話有熊本和牛任食，而價錢都係二百幾，我都有些擔心會中伏，咁啱有朋友都話這裡幾好，我當然去試試，因為係尖沙咀食飯，所以約埋契女及她的媽媽。約了七點半，入到去已經有人等位，好彩訂咗位，坐下來時發現空氣清新，完全沒有油煙味(事後回家都聞唔到衫有燒烤味)，估唔到在地庫都可以做到空氣流通👍👍👍。拿起餐牌見到$208任食有幾拾種肉類，海鮮，蔬菜，另外只要加$38，就可以升級吃熊本和牛、精選肉類及海鮮共十種，當然要加錢升級啦😍😍😍。第一輪當然要和牛、皇者牛排骨、海鮮拼盤、特級牛頸肉、黑毛豬腩肉、肉眼扒、生菜麵鼓醬、海鮮辣湯。和牛脂肪分佈平均，肉質鮮嫩，肉味豐富，絕對不用加任何調味，都已經好好味👍👍👍，我們不知不覺叫了四、五碟，碟碟水準都差不多。皇者牛排骨，油脂比例適中，雖然醃過，燒1分鐘就可以吃，好嫩滑又不靱，肉味十足，這個我們都點三、四碟。黑毛豬腩比一般腩厚身，脂肪同瘦肉1比3，不算肥，燒2-3分鐘最好，肉質香，沒有騷味，絕對係靚豬肉。海鮮拼盤有元貝、魚柳、鮮蝦、青口及魷魚，我覺得蝦同元貝好新鮮👍👍👍海鮮辣湯內有很多海鮮，而辣味香濃，絕對好好味。由於集中吃和牛、牛排骨

想食韓國燒烤，但又唔想食逐碟遂計既貴價肉，又怕放題既質素差咁尖沙咀既高麗軒就完全滿足到我啦！ $208就食到餐單上面既野食，有燒烤材料，又有熟食選擇，當然唔少得任食既汽水，加多$38仲可以食到其他特別推薦既菜式添。我地梗係唔汁輸，加埋拉(有海鮮食喎)同其他韓國餐廳一樣，高麗軒都會為客人提供前菜，五款前菜包括泡菜、豆角、豆卜、青瓜、芽菜和菠菜，味道唔算太辣，適合普遍既香港人，酸酸辣辣既前菜令人開胃，為主菜掀開序幕。特別推薦既皇者牛排骨果然冇推薦錯！脂肪比率尚算均勻，薄身既厚度方便燒烤，呢款係肉眼扒，脂肪分佈較牛排骨多，肉質唔鬆散，有牛味 (可見貯藏方法及新鮮程度比旺角等連鎖韓燒店更勝一籌，價錢仲要差唔多)如果怕油膩仲可以配埋生菜一齊食，可以跟返韓國傳統放埋泡茶落去食，香口既牛肉、微辣既泡菜同清新既生菜絕對係天作之合。帶子一碟平均有十多隻，份量充足，肉質唔會好散，適合燒烤，燒耐左都唔洗驚佢散開一舊舊，味道方面，餐廳用左蒜蓉調味，但都唔會蓋過帶子本身既鮮味。鐘意食海鮮既我又點會錯過什錦海鮮拼盤呢，入面包括扇貝、 青口、 帶子、 蝦、魚柳、魷魚，肥美同大大隻既海鮮大大提升左食慾，扇貝大大粒，

今晚特別肚餓特別開胃，所以揀去食有韓國菜燒烤同烤肉放題既高麗軒。好食既野當然要搵一搵，高麗軒位於金巴利道既中間位置，不過要搵都唔太難。收費唔算貴由$188起，另外只要加多$38就可以食到佢地既特別推介食物。一坐低就已經有五碟前菜，全部都係韓國特色小食，包括豆角，泡菜，豆腐，辣青瓜，芽菜和菠菜。青瓜同豆角就爽口，泡菜，芽菜同菠菜就夠曬入味。第一輪既係海鮮環節。首先出場係生猛花甲，上碟既時候仲識郁ga~~~認真夠新鮮，完全冇沙。燒烤放題有咁大隻帶子真係難以置信，平時就咁叫都要成六七十蚊，依家放題任叫真係可以食返夠本。豐滿海鮮拼盤，有蝦，青口，鮮魷，帆立貝，真係跨張，樣樣都好大隻，燒完之後絕無縮水，海鮮既鮮味及海鮮汁仲可以保留住，非常好味。食完海鮮之後，飲返個湯先。佢既香濃牛肋味令人一試難忘。湯底有點兒似番茄味，牛肋骨唔會煲到無曬味，而且牛肉一咬就鬆開，一d都唔韌。燒肉始動。唔好以為牛排骨會好似排骨咁，其實係無骨既，啖啖肉。雪花分佈唔錯，有少少鹽調味。牛肉油脂燒既時候卻有一陣陣香既牛油味。口感不硬，入口好鬆軟。令我encore很多次。有牛肋骨，肉眼扒，牛脷，五花腩。全部肉質新鮮，口感豐富，油

一向都喜歡食韓國野既我，今日同朋友兩個人放工之後就黎食飯。晚市時段收費每位$208，有烤肉同埋1 D熟食，包括湯，年榚，飯等等，汽水都係任飲既，如果另加$38仲可以額外點選「特別推薦」餐牌上面既食物，有肉眼扒，排骨，帶子，帆立貝，雜錦海鮮拼盤，烤牛肉拼盤等等既食物。坐低之後侍應就馬上俾左D前菜我地，有泡菜，青瓜，豆角等等，本人最鍾意既就係泡菜，貪佢夠辣又爽口，其次就係拍青瓜，可以係炎夏中帶黎清新既口感。熟食我地叫左泡菜煎餅同埋人蔘雞湯。人蔘雞湯都幾大碗下，應該都有成4碗咁多，味唔太濃，裡面有人蔘片，紅棗，葱同雞。上菜既時候仲係熱騰騰。泡菜煎餅夠香脆，外脆內軟，辣味夠濃郁，有令人一件接一件吃的衝動，可惜煎餅比較飽肚，唔敢食太多，怕食唔落其他野。至於要燒既食物，我地叫左個海鮮拼盤，有蝦, 帶子, 青口, 魚，魷魚，帆立貝等等。咁多樣海鮮當中我自己最欣賞既係帆立貝，夠大隻之餘仲好鮮甜。除此之外我地仲叫左五花腩，牛脷，豬肉同雞肉。五花腩唔算太肥，但都幾好味，脆口又香口。雞肉算幾滑同醃得幾入味。豬肉肉質同調味都好好。牛脷我自己就唔食既，但朋友食過就覺得佢爽脆，快熟得黎又軟又多汁。下次黎要試圭個湯

朋友生日約左喺尖沙咀睇戲，睇之前首先要醫飽個肚。因為好少喺附近食飯，同朋友周圍行下睇下有咩食 行過高麗軒見到個價錢幾扺，而我地幾個亦都係非常鍾意韓燒，決定試一試佢。哩間餐廳地方都算闊落，坐得幾舒服。要特別讚一讚既係老細同餐廳員工都好nice好好態度，好耐心解答我地好多問題。如果喺基本收費之上再加多$38就可以任叫餐牌上寫住特別推介既野食。我認為哩$38絕對值得俾，因為會食到多好多款而且質素較高既食物。自己最鍾意牛肉，所以一坐底就首先點左牛肉拼盤，牛頸肉同皇牌牛排骨。牛頸肉好有咬口，牛排骨就嫰滑多汁。而拼盤裡面既牛舌亦令人驚喜，係我食過既牛舌做得最好既一間，仲特登嗌多幾碟。除左要燒既牛肉我地亦另外點左紅炆牛肋骨。我自己就十分之鍾意佢個牛肋骨炆得好焾好入味，個湯又夠清甜。個人成餐最深刻就係哩樣，黎哩到食絕對要order! 除左牛肉，我地亦試左海鮮拼盤。個拼盤係幾新鮮，值得一提既係帆立貝，好大隻好鮮甜，忍唔住嗌多幾round。由於係任食，嗌得多野食在所難免。野食太多好難全部詳細講，但係有好多其他食物例如係蛋白蝦同泡菜餅我都好鍾意。整體黎講性價比非常高，食物帶黎既滿足感絕對超過你比既價錢，一