美中·鴨子 (Closed)

星期六晚上六點不到的時間餐廳已經人頭湧湧，人在門口排得滿滿，畢竟我們算是去得早，等待不到十五分鐘就能入座。到我們離開的時候，堆在門口的人多到有點誇張，要是晚來一點後果不堪設想......夏日炎炎，先來陳醋涼拌紅蜇頭為舌頭降溫。紅蜇頭口感爽脆，陳醋的酸味令人開胃，是個不錯的頭盤。我覺得這道菜烹調難度不高，最重要是食材新鮮，在熟透的海蜇頭加入調料攪拌即成。偏偏不少地方做不好，要麼是海蜇頭口感差，要麼是調味不對，雖然這裡沒有做出什麼驚喜，但它做得到位了，相對來說是比平均要好。無錫灌湯小籠包是當晚最出色的菜式小籠包皮薄而不穿，動作輕柔着就能把它安全帶到自己的盤子裡，皮裡的湯灌上半滿，味道鮮甜，肉餡被湯滋潤着不粗糙。黑松露醬炒魚片超級的咸，我們要求侍應換一碟，沒有被推卻，立刻去辦。這是換上新的一碟，結論是這道菜萬萬不能點，露荀是沒有之前的咸，但是魚片還是咸得很，我們把魚片夾着露荀同吃才能把咸味壓一下，它的價錢跟半隻北京烤鴨相同，感覺虧大了。上海粗炒麵的味道是對的，但是麵條的質感硬了一點，以致整體感覺不怎麼好，而且這道菜採用的食材價錢偏低，在這種質素下賣個上百元就不值了。上海鮮肉鍋貼質素平平，餃皮

昨晚難得跟媽媽去尖咀逛街，行經海港城就一嚐《水中鴨子》🦆 見大排長龍，應該都不錯👍 但由於我地差不多9點才到，所以片皮鴨已沒有得賣。我們等了大概十五分鐘才可入席，入到店內，坐無虛席（大多都是內地客）。店內的裝潢都挺特別，如：風扇仍是舊式設計而店內的餐具🍴都很可愛，見到均是鴨仔圖案，令人很快樂！我們看到餐單後，最後決定揀小籠包同一個飯！最後我地揀左無錫灌湯小籠包同香芋海鮮鍋飯～首先來到的是無錫灌湯小籠包，一咬落去好多肉汁，超好味，值得推介！其後，呈上的是香芋海鮮鍋飯，份量好多，但嫌有少許焦味，味道一般～整體來說，這裡裝潢設計同餐具設計都很特別，服務員的態度都不錯，會主動替我們斟水，值得一讚的是小籠包味道同肉汁一流，值得推介

今日同姨媽阿姨一家行七人到尖沙咀食晚飯，因為阿妹想食片皮鴨，諗左好幾間之後，決定去美中鴨子。阿妹同表姐去等位先，等左45分鐘先至有枱。好好彩，餐廳俾咗一望海景嘅角落位我哋，望住靚景食飯，正至於野食，味道質素有D參差。好似呢份素千卷，落左班唔使5分鐘就已經可以上菜，快就快，但好明顯係整定雪住，所以成碟野乾爭爭，亦都冇乜味。呢個蒜泥白肉都唔係好夠辣但係呢個小籠包我就非常欣賞，一咬落去。成口湯湧出嚟，湯清但味濃！胡椒餅一般般啦，味道淡左啲但係唔油膩嘅到左今晚嘅主角喇，就係烤北京填鴨！但得意嘅係呢度嘅填鴨只可以一食，問咗待應都好似冇二食嘅選擇。填鴨質素可以，肉好似比較多，不過餅皮都唔少又軟熟，好夠食。呢個脆煎蚵仔幾得意，唔知點解，大家都覺得入口有芋頭蓉粉粉哋ge感覺，但絕對係好食ge。蔥油餅鬆脆唔油膩，好快清醒哂但D甜品就好一般，荸薺餅姐係煎堆皮入面有馬蹄，但面個度仲有氹應該係糖漿，實在太甜；而豆沙鍋餅唔夠脆；蛋白杏仁茶我本身唔食，所以唔可以俾comment所以overall嚟講，唔同ge菜式味道同質素都不一，希望下次食會有意外驚＂喜＂！

肥老鼠🐹今餐去食北京烤鴨！一直都好想食烤鴨，但約極都約唔到，今次鼠友帶🐹去美心集團既美中·鴨子。平時一講起食烤鴨一定係諗起中式酒樓，而呢度就係行年青人路線，裝潢格局似西餐廳，logo又美美的滿足少女心，連可愛既鴨子筷子座都有得買。為左製造人潮，呢度係冇得book位，同鼠友等左半個鐘入座。一坐底就即刻叫左半隻烤鴨，蔥油餅同小籠湯包。落單個陣，待應話小籠湯包要等半個鐘，因為我地唔急所以都order左。蔥油餅係極速送到，本來以為半隻鴨好少先叫黎填數，但估唔到係勁勁勁好食熱辣辣，一層一層好鬆化，好有蔥花既香味，一入口已經好想大叫好好味呀🐹：蔥油餅必試！烤鴨係外面片好哂，所以都好快送到，烤鴨同餅皮都熱辣辣。試左第一舊，滿足了肥老鼠🐹想食烤鴨的心。鼠友話係香港食既烤鴨仲好食過佢係北京食既😂連餅皮食很快就會飽，後來就淨食烤鴨，有幾塊烤鴨很多油脂，皮亦不夠脆。🐹：烤鴨不過不失，可以一試。建議切開半塊餅皮來包，一來包住食有風味，二來又唔會太飽。過左約十分鐘，待應聲稱要半個鐘既小籠湯包竟然送到了小籠湯包又是熱辣辣送上呢度既食物都是熱辣辣的，看來長輩會很喜歡。粒粒都有滿一匙的湯汁，皮都算薄，一口一粒很是滿足

已是我家第二年到美中鴨子做冬了，一直對美中鴨子的水準和服務印象普普， 不過為了遷就 附近上班的家人，也就再一次來到這美中鴨子。這星期人人都為做冬飯而張羅着，要找中菜館吃頓飯也不容易吧！美中鴨子在繁忙時間是不設訂位的，家人早在六時便前來等候 ，依然要等上一小時才能入座，此時門前已站滿了食客，不設訂位就是為製造「人潮」吧。若不是為遷就家人的喜好，個人認為等候實在相當不值。上次被店方安排坐到戶外， 幾乎是伸手不見五指的，冷得大家冷得瑟瑟發抖。 這次堅決要坐室內位置，堅持再等上一些時候，驚喜的是等到了180度海景靚位，闊落之餘又比戶外明亮溫暖，為這一頓冬至飯加上一點分數。侍應說七人用餐規定，最少要點全隻北京填鴨，雖然人數上確是有點全鴨的需要，不過說到「規定」便有點兒那個吧！美中鴨子的小菜份量不多，點菜時要注意份量以免吃不飽。麻醬雞絲拉皮麻醬醬香十足， 醬汁特多令長輩吃得滿足。雞絲拉皮夠凍感覺非常開胃，份量不多就是了。香蔥麻香雞鋪滿紅彤彤的乾辣椒，還加上 香蔥花椒油，辣度其實不算高，不過那辣子花椒味道人工。雞件是冰鮮的尚算嫩滑，可惜實在受不那口味了，成為最不受歡迎的菜式。陳醋小排骨，排骨肉稔身亦

想食好耐既美中.鴨子!!! 成日經過都覺得佢裝修好靚 個名又得意..所以好想試XDDD 今晚終於有機會... 佢無得預早book位, 只可以walkin或者用The Gulu網上拎定飛~~  我地拎飛個陣都要等成30張左右 但最後大約半個鐘就叫到喇~ 所以都唔算等左好耐 單睇menu同餐具已經出現左好多鴨子~~~ 造型可愛!!♥  扮健康所以先叫一個蔬菜~~ ; P 有料到乾煸四季豆$98只能說...有點失望了/___\ 非常普通既四季豆, 味道唔及霸王山莊/翡翠咁入味同有鑊氣.... 油份亦偏多....最大問題係佢個名叫"有料到" 無形間令到我期望高左XDD 麻醬雞絲粉皮$68 好了....其實我係一啖都無食到呢個loll所以比唔到咩評價XDDDD (written by唔食青瓜的人) 無錫灌湯小籠包$68 呢個本身上枱時已經唔係好夠熱了...有一隻更加係未夾已經穿左....>< 食落皮比較厚不過入面既豬肉唔會過肥, 湯汁味道都幾正~~~ 新彊羊肉湯麵$78 呢個羊肉份量比較少... 湯底亦唔算太濃好間唔中先至會飲到有少少孜然既香味...羊肉味道還

店鋪門外人流很多一行五人 四大一細 等位約一小時被安排入坐卡位 職員見有BB車就話卡位沒有位置放車要放門口 沒有BB椅行入卡位時見有5人圓枱客人走希望轉枱 帶位職員態度惡劣 黑面無笑容話於門口已告知坐卡位 而家又要轉可否變通一下？既然有枱為何不可？就算不可，回應客人也不應如此另外請職員加水 原來係俾支水你自己加忙不是罪 也不是借口 收加一是基本吧環境人流多嘈吵 枱與枱之間有距離馬蘭頭百頁素千卷馬蘭頭太濕太實 百葉結沒有豆香但加入松子增加口感無錫灌湯小籠包皮偏薄 有汁 但每粒小籠包湯汁分量不一湯汁鮮味 不俗成都紅油抄手雲吞餡太實 不夠辣 醬汁偏甜 圍住食物邊感覺很污糟 醬汁調味料未拌勻？雪花松葉炸蟹拑單隻order 全餐飯最好食咬開後有原隻蟹拑 外脆彈牙內有蟹汁 可惜蟹肉欠奉茶樹菇上湯翡翠苗高湯浸熟 茶樹菇正常翡翠苗很老 感覺似食草上海粗炒分量奇小或用錯大碟？感覺很小味道超咸 沒有其他味道。 烤北京填鴨 半隻鴨是常溫不熱 皮一樣 不熱 配料只有兩種 片皮鴨皮不脆 主角已死 失望 完

絲打美食團繼續濕平，午間吃了台菜，晚餐一致決定吃京滬菜。席間有一位絲打對鴨敏感，所以我們叫了其他的菜式。無錫灌湯小籠包皮薄餡鬆，而且果然是灌湯汁的，肉汁很多，蠻不錯的。第二道小食的小鍋香蔥胡椒包顯得油膩，胡椒味輕微，吃一個已覺飽滯。雪花松葉炸蟹拑沒有過度的油，蟹拑頗大隻，蝦膠亦夠爽，點些酸甜醬自是絕配之選。蜜汁富貴火腿是否即是蜜汁火方？總之都是用包餅夾著一塊火腿以及一塊炸腐皮來吃的，甜甜的包、鹹香的火腿加上脆卜卜的脆腐皮，三及第一起吃，是多重的層次感。全餐最奇怪的是這碟有料到乾煸四季豆，明明是肉末炒四季豆而已，如何的「有料到」實在令人費剎思量。豆肉顆顆圓潤，肉末的比例亦屬恰當。餐廳名為「美中.鴨店」，未知是不是代表美心中菜的分枝？

要來這裡吃北京填鴨定必要提早來排隊，因這裡是不能訂位的，這個周五晚上六時我便來到了，但仍然要等45分鐘才能入座～等位的時候可觀看店員切填鴨的過程，可見旁邊排了一隻隻肥美的鴨子連餐具也使用鴨子圖案，有心思烤北京填鴨半隻約有14件～手工做得好，每件鴨都先去了肥肉，切得工整～個人不好甜醬，只醮一點就夠味了。唯一美中不足的是這道菜比起其他小菜的上菜速度慢，所以送上的時候已有點涼了～小籠包和生煎包都夠熱，小籠包一籠六隻，非常多汁，而生煎包亦煎得底部脆脆的，但是皮就比較厚。以百頁為食材的小菜於香港很少見，這個以百頁包著剢碎的馬蘭頭，非常特別。賣相精美，加入了不少松子，菜亦剢得夠碎，整件吃下去很健康。小黃魚至少要點兩條，這種魚本身多骨，但整條魚都炸得很脆，甚至連一些小骨也可吃下。雖然用餐時間只有 90分鐘，但上菜快（除了北京填鴨），所以整頓晚餐也不會感覺很趕忙。

今日慶祝朋友細佬生日，又唔想下下去放題/自助餐，就投其所好去食片皮鴨！ 一行4人，諗住早少少去，唔洗等咁耐，點知都要等個幾中先入得！真係好旺～～仲等緊果陣已經連飛都俾人拎晒終於入到去，佢啲餐具全部都有鴨係上面～ 好有心好得意首先叫左個前菜食，係一個開胃小菜！蘿蔔絲同海蜇皮都好爽口，好清新，唔錯！跟住係小籠包熱辣辣，好好味！入面啲湯都好濃味，份量適中，唔會太漏。呢個粉絲煲都幾辣！但辣得好食而且真係幾足料，4個人share岩岩好～ 不過食食下覺得幾油下仲叫左個蔥油餅比想像中細，但都幾好食，好鬆化同幾香～ 雖然真係好油到戲肉～～ 片皮鴨 等左好耐呢個真係值得等既！好好食～ 佢皮+肉一齊上俾我地，有時食到漏漏地，食返舊肉中和下都唔錯佢啲鴨皮size切得幾好，每舊放入口感覺都好實在總結今次雖然等左好耐，但值得既！大部分叫既野食都好味，雖然覺得幾款都油左啲。今次唔係叫左好多野食，因為主力想食片皮鴨，淨係一隻鴨已經食到三個男仔飽晒中意食片皮鴨既人值得黎試～～

要數美心上海菜餐廳有N咁多間，但是講到最hit一定係海港城既美中鴨子。佢唔畀訂位，長期都見到人排隊，今晚趁屋企人生日，決定去排下隊食下，睇下係咪真係咁正!見到好似可以用app囉飛，太新科技呀dee下次試。7:10 已經拎飛 見到門口已經好多人已經心諗唔對路，不過因為真係恨左好耐，所以就等下都值得。等左足足40分鐘，要7:50先入座，有個小插曲就係屋企人去晒shopping 呀dee一個人等，但係原來要過半先入座，即刻打電話叫佢地番黎，好彩門口都好好人，下個就畀番張枱我地。原來有分indoor同outdoor 呢排冬天，雖然outdoor有靚景，但是怕凍就坐番indoor。佢既餐具佈置真係有花d心思，睇下餐具呀紙巾都有鴨仔樣，最中意佢個筷子夾，巧打耳呀！當然擺設係其次，野食才是the key! 南翔生煎包 68元足足有五大隻，價錢都叫合理，唔知點解好快就黎到，可能咁岩就一齊煎好。佢冇畀咩醋或者醬去點，後黎一試就知點解。因為真係好足料，肉汁都一咬就出晒黎，即叫即整就係有呢個好處。同埋佢都唔算空中，饀料都好夠，食過d真係肉就一細粒，皮就勁厚。無錫灌湯小籠包 68元如果小籠包同生煎包同價錢，咁

近期每當靠近晩飯時間，海港城商場的一角總會出現一條見首不見尾的人龍。倘若留神細看，原來人龍源自新店「美中 鴨子」。美中鴨子是美心集團的新攪作，店舖去年底取代了集團旗下另一位成員 - 東南亞菜餐廳 Rice Paper 之後，已火速成為區內的飲食新熱點。從名字已可以聯想到美中鴨子是間烤鴨店，但除了烤鴨外，餐廳還有主打的摩登京川淮揚菜。   桂花糕凍伴鴨件, 3/5餐牌當然不乏以北京填鴨為題的菜式，當中幾款還特別溶入了融和菜的造法，個人特別喜愛這款桂花糕凍伴鴨件 ($80/四件) 的構思。原來北京填鴨不一定要配搭薄餅和青瓜，桂花糕啫喱和薯片一樣得！填鴨件皮脆肉滑，味道的確不錯，但配上桂花糕啫喱實在格格不入，無論質感和口味都有點兒古怪。細心一想，填鴨跟青瓜味 (或蜜瓜味) 的啫喱和海鮮醬泡沫可能會更匹配，而且還有份子料理的噱頭！   雪花松葉炸蟹拑, 3.5/5接著是飲宴必備的炸蟹拑 ($58/件)。廚師特別花了些少心思為菜式設計造型，放在匙羹之上亮麗登場。但說到醬汁，還是傳統的酸醋汁最合襯。啖啖熱騰騰的蝦膠包著蟹拑肉，實在令人回味，加上醋汁亦是絕配。   無錫灌湯小籠包, 4/5六隻