功德林上海素食 (北京道一號)

Open Now

Now Closed

我哋母親節當晚去咗功德林食晚飯，因為鍾意地方大，可以坐得舒服D。幾年冇去過，食物質素差不多，但感覺食物嘅款式冇以前咁吸引 。頌恩宴 ($2588 /8位用)功德林三小碟雞絲粉皮、四喜烤麩、無錫脆鱔無錫脆鱔即係炸冬菇，同以前一樣咁脆口，好食。烤麩入味，但比較淋同散。香濃羊肚菌魚翅盅蟲草花豆腐餃子原本套餐入面係鮮菇百合炒五仁，我哋要求將佢轉做豆腐餃子。豆腐餃子用豆腐做餃子皮，入面包住菜葉為主嘅餡料。但我覺得依家嘅豆腐冇以前咁滑身，冇咁好食。花菇素雞燜栗子素雞燜到好入味。乾燒蝦扒西蘭花醬汁辣得黎帶有茄汁嘅酸甜味，好惹味。糖醋荔芋茸鰂魚素湯珍菌有機菜蕃薯葉好嫩，表面鋪有冬菇片同靈芝菇。牛肝菌雜錦炒飯炒飯好巨型，飯粒粒分明，口感煙韌。但配料切得太細，唔覺食到牛肝菌。野菌金菇燜伊麵蓮子冰花桃膠團圓

好多香港人出外食飯都喜歡有魚有肉，對於食齋都感覺麻麻，除非一啲素食者或者佛教徒。今次因為有五折優惠，就上嚟試吓，打開功德林上海素食嘅餐牌，其實同普通嘅上海菜館餐牌差唔多，所唔同嘅係佢哋餸菜名有肉，裏邊其實無肉，今次叫咗四味菜，味道都相當唔錯，亦都忘記咗有魚有肉先好味嘅常態心理，特別係無錫脆鱔做得相當神似。至於地方相當企理，而景觀更係無懈可擊，面對住大大個維港靚景，如果係晚飯的話，應該會更加靚更加開胃。

細個嘅時候，有種葡萄糖沖劑叫「得力素」，嗰陣時大行其道，依家好似已經唔見咗，連得力素糖都無埋，不過目前健康產品五花百門，「得力素」個名應該唔喺咁多人識，尤其後生一輩。但講到健康產品，與其靠依等藥物，就不如先晌飲食方面着手，哈哈！講健康飲食，小弟就唔及老婆，佢食素都多年，雖然唔喺全素，但白肉以外，紅肉就極少食，除自家煮之外，亦不時幫襯素菜館。尖沙咀嘅功德林算喺經常光顧嘅食肆，因為以前佢晌依頭返工，反而，小弟就第一次嚟，故此，平時一向由我點菜，今次就得佢出手。北京道一號嘅食肆，賣點其一就喺靚景，嚟到功德林同樣單邊落地大玻璃窗面向維港，鳥瞰整個1881，感覺相當唔錯，只可惜今日天色灰懞懞。而餐廳環境亦舒適寫意，除咗地方寬敞，樓底高，亦無話好似一般中式食肆咁逼夾，一室以青綠色為主調，加上自然光（當然有啲陽光就更好），讓人感覺清爽。此外，唔似啲齋鋪咁滿天神佛，又「煩」（梵）音不斷，亦喺佢多嚟光顧嘅原因之一。安頓好先點一壺鐵觀音，順帶一提，茗茶每位收$15/位，小食就收$12碟，喺紫菜花生，紫菜磨碎混和啲花生，面面黐滿糖粒，鹹鹹甜甜又香脆。打開餐牌，內頁第一版就喺餐廳嘅介紹，原來，不經不覺功德林晌