鳥華亭

Open Now

Now Closed

餐廳：鳥華亭地點：灣仔交加里菜式：日式拉麵，主打雞白湯拉麵餐牌：主餐牌有5款拉麵，仲有其他口味拉麵，可以選擇麵條種類同硬度，又可以追加配料，仲有小食同飲品。檸檬拉麵 $95加$10檸檬拉麵係季節限定，天氣咁熱，真係要食返d酸酸地既菜式先得。碗邊有6片檸檬，加嗮真係會幾酸架，豐儉由人。肉類有3塊好瘦兼嫩口鷄胸肉，另外有兩片炸蓮藕片同兩條蘆筍，4塊紫菜，洋蔥絲同蔥花。拉麵我揀咗捲曲麵同埋淋，捲曲麵果然掛湯，蛋味不俗，係好食既拉麵。淋真係做到淋身，呢碗麵我另外追加有味筍，加$10。特盛雞白湯拉麵 $138特盛雞白湯拉麵個湯色水呈深米色，完全唔油，飲落都帶雞味，非常厚身，好飲。拉麵揀咗捲曲麵同埋硬，我鍾意呢個硬度多d。配料有6件雞胸肉，兩片炸蓮藕片，兩條蘆筍，原隻味玉，味筍，4塊紫菜，洋蔥絲同蔥花。我仲加多隻味玉添。炸蓮藕薄脆香口，而蘆筍鮮甜嫩口。食完大大滿足。呢度小食好多選擇。煎餃子 $45拉麵配餃子係常識啦。煎餃子一客6件。係燶面架。餃子皮煎得少少脆而超滑溜又薄。忌廉蟹肉餅 $42忌廉蟹肉餅一客3件用生菜墊底，炸得皮脆，入面好多忌廉！配沙律醬食更加入口滑溜，仲伴有加左少少醋既洋蔥絲。炸蓮藕

這間拉麵店位於灣仔，主打雞白湯拉麵，店內裝修充滿傳統的和風，如置身日本的拉麵小店。拉麵共有五款常設口味，另外有一款期間限定的口味，所有拉麵均即叫即製。可選擇直身麵或捲曲麵，亦可選擇麵的硬度，或交由大廚發辦。檸檬拉麵 - $95季節限定非常特別的口味。湯頭以自家秘製的檸檬汁加上雞白湯而成，濃郁的清雞香味，伴隨著淡淡清新的檸檬酸甜；一片片雞叉燒由慢煮鷄胸肉煮成，保留最大量的肉汁，嫩滑不乾柴；配料有薄脆的炸蓮藕、蘆筍和混合蔥。糖心蛋 +$12綿密滑順的糖心蛋咬開流出濃稠又香甜的蛋黃汁。至極雞白湯拉麵 - $99奶白色的招牌雞白湯湯底長時間慢火熬製而成，清雞香味濃而不油，清而香溢，配有蓮藕、蘆筍和糖心蛋。煎餃子 - $45自家新鮮製作的日式餃子，選用油脂較多的五花肉，製成的韭菜豬肉餡特別柔嫩，外皮煎到金黃色。忌廉蟹肉餅 - $42金黃酥脆的蟹肉餅即叫即炸，咬開流出綿密的忌廉薯蓉，有少許香甜蟹肉絲。烏龍茶 - $17支裝的淳茶舍大紅袍烏龍茶，冰涼且容量多，無糖更健康。

係灣仔工作多年，最近先知道呢間隱世拉麵小店，價錢不算貴，但水準唔錯，以後lunch有多個選擇了！！🐔特盛鷄白湯拉麵$138-想食得豐富之選，有齊曬鷄肉、半熟蛋、炸蓮藕片、紫菜等，配上好濃嘅微黃色鷄湯，鹹度適中，食到真材實料的味道-最impressive慢煮鷄肉，肉質超級軟嫩滑身🐔鷄白湯番茄芫茜拉麵$98-滿滿芫茜好吸引，真係一座山咁，仲配上番茄仔、軟嫩鷄肉等，啖啖滋味-配上曲卷面夠彈口，吸曬湯底精華🥟煎餃子$42- 皮薄之餘煎到好香脆，肉同菜比例好好，幾juicy個人都幾鍾意個蓮藕片，下次點個小食食下！

係灣仔一條後巷嘅隱藏咗一間家庭式拉麵店，淨係門面已經好有日本風味😍好有feel ~店舖細細，由一位師傅掌廚，主打雞湯拉麵🐔***********是日之選***********🐔雞白湯拉麵雞湯濃厚、慢煮雞肉保持鮮味。麵質彈牙，好食！🍋香檸至極雞白湯拉麵相比起嚟，至極雞白湯底更濃味，另滲透淡淡檸檬香，帶出仲夏嘅風味，几特别嘅配搭👍🏻🦀忌廉蟹肉餅外脆內軟、好啱配拉麵😊 蟹味就淡咗啲🥟煎餃子餃子煎到脆脆地、又保持到入面啲肉汁、點埋啲醋食，好開胃，正！自家醃製芽菜：爽口、清甜、好開胃！總結：鍾意呢種地道小店、有自己風味、貼地、有種無形嘅溫暖感。簡簡單單一碗拉麵已經大滿足，正👍🏻

去左兩次先食食評第一次一定係食佢no.1白雞湯拉麵第一次見炸蓮藕做配菜，湯面有一層油，濃郁又唔咸雞塊都均勻結實我地仲叫左魷魚圈， 熱辣辣好脆啊食過返尋味之後，第二次決心要食檸檬拉麵夏日炎炎都會想食酸微微既野，呢係好好既選擇湯有少少酸同雞湯到夾，配料充足，好有新鮮感我仲嫌唔夠酸要落醋男朋友嗌咗辛辣拉麵，雖然小辣都唔野少食唔到好辣嘅朋友留意番煎餃都十分出色可識有啲燶燶地，但味道口感都唔錯如果接開男朋友放工都會再嚟btw鋪面地方有點細，人多開閂門多呢夏天會坐得比較熱

一間收藏左「想食」list 好耐既拉麵店，今日黎到灣仔終於有機會食。 餐廳位置頗為隱蔽，店內細少，約20人座位，但無論店外店內餐廳裝修都很有日本風。這間拉麵店主打雞白湯底，我們點了至極雞白湯拉麵和魚介雞白湯拉麵再加煎餃子。先來至極雞白湯拉麵，賣相普通，但一試湯底便知龍與鳳。湯底差不多呈油狀，靜止一陣表面己起一層薄膜，味道濃厚之極不需多講加埋糖心蛋一齊食很好味雞湯加魚介湯底味道就給魚介槍了，不過味道仍很不錯，麵質亦是一流遺憾的是他們是用京蔥，沒有我們食開的青蔥。最值得提是特製雞肉，將雞肉做成叉燒形狀，味道口感絕不輸給豬肉餃子亦是值得一題，有三款不同的醬料可以試，逐隻逐隻試每一隻都有不同口味出來

很久沒有吃拉麵了，聽朋友介紹這間的拉麵很正宗，於是我便和男友一起來品嚐😄至極白湯拉麵 (麵：捲曲，硬度：普通）$88麵質：更勝在日本食的拉麵，麵質硬度恰到好處，口感彈牙，處理得非常好👍🏻湯底：這湯底真的令我眼前一亮😍不愧為至少熬制了12小時的雞濃湯❗️一口喝下去，難以至信的濃郁，質地濃稠黏黏的，異常地滑口又creamy,卻感覺不到油和膩😱可見，這湯底把雞的精華和骨膠原完全和湯融化一體‼️不似普遍的豬骨湯底，食到滿口油和膩😞叉燒：別看小看這叉燒，味道，質感更勝日本❗️ 普通的叉燒都是用豬肉制成，所以有肥豬肉都不意外，食下去又是：膩，油，肥。 所以我基本上只食拉麵都不會食叉燒😂但這鳥華亭的不同，這叉燒的原料是雞。選用雞脾再加上配料醃製至少4小時。一啖下口，雞叉燒極之嫩滑，又帶點酒香，完全沒有肥肉，而叉燒旁邊只有超級薄的一層雞皮，一流‼️配料：亮點一，炸蓮藕片。非常新奇的配料。 極之香脆，即使放在湯裡沉了許久，仍無礙它的香脆，味道，香脆更勝薯片😋 亮點二，味付蛋。 流心蛋就食得多了，如此流心而富有濃郁蛋汁的，在香港還是第一次見❗️蛋質入口軟滑，再吸一吸香濃蛋汁，哇，不得了。總總都可見到師傅的用心熬製