Sodam Chicken (Closed)

黎到中環 但唔想食西餐記得有朋友推介過銅鑼灣sodam chicken好好味原來佢地係中環都開左分店 一於試試佢係咪名副其實餐廳位置好好搵 沿住蘭桂坊一路上 係正藝穗會對面餐廳係兩層的 兩層都有獨立bar檯最啱收工約埋同事朋友過來飲燒酒🍶/啤酒🍺今晚被安排左2樓位置居高臨下可以望住對面the fringe club食炸雞都幾chill仲可以望住樓下d人來往蘭桂坊 都幾得意聽侍應推介呢個係新品餐廳好多人都有order係用打邊爐形式 下面有個小火爐熱住d雞套餐仲送兩杯飲品同三款配料幾吸引喎但今晚朋友話想試過幾款唔同食物我地就散叫了 下次可以試試呢個三重雞鍋套餐原來餐廳有多款手工啤酒價錢合理每款仲有簡單講解唔洗怕唔知邊款啱自己清晰易明好多小食都適合配酒飲紫菜🍟，炸雞🍗，pizza，年糕串，餃子🥟Apple cider Rita $78Signature 韓國餐廳必點飲品打卡影相最啱味道清新 好易入口 女仔飲最啱而且好大杯 我同朋友一齊share都夠墨魚仔辣炒年糕 $138配料好豐富 有魚腐 大大粒墨魚 洋蔥 雞蛋不會太辣 味道開胃 年糕煮至軟糯 吸收曬醬汁味道 正熱帶風情薄餅 $138呢個係

成日食好野既朋友介紹我話呢間韓式炸雞🍗好食今日就同2個朋友去開中環就book位過黎試下！間店有兩層，我地三人坐下面～4人枱黎講佢地空間都算ok!上面幾大就唔知喇～6點黎到時間尚早，之後就陸續有人黎～打開menu,好吸引🤤 魷魚圈拼脆薯角，上到枱好新鮮熱辣🔥脆皮的薯角好香好鬆軟，無臭薯味！魷魚好香脆，不過感覺有點點炸過火😅熱帶風情薄餅，餅底係薄脆果種，我喜歡呀！味道就不過不失啦！拉絲芝士好足！多啲菠蘿就好啲！芝士忌廉粟米，又係邪惡芝士拉絲！記得趁熱食！凍左個芝士硬左就搞唔掂由於感覺焗雞無咁油膩，而且樣子吸引，最後就揀左樣子清新既蜜糖蒜香焗雞！開頭以為一片片果啲係蒜片，原來係粟米片😹 不過隻雞本身既蒜香味都好足🤤咬落去，脆脆既雞皮加上甜甜既蜜糖～包住軟軟的肉，成個口都好香🤩真係好正！焗雞需時，所以係最後上～食到飽左先食😹所以剩左果啲帶返家食～返到去家人都覺得好正，唔怪得見到咁多人外賣雞雞啦朋友叫左佢地既手工啤酒ipa，喜歡啤酒既朋友可以trytry!佢地話幾香！我就麻麻地啤酒😹 試左蜜桃水果茶，唔太甜，都ok! 蘋果特飲就大大杯，面盆咁大，仲有串糖！造型較浮誇😅岩小朋友！多啲朋友黎食會更好

今日去中環扮自由行，行到藝穗會附近，遇見呢間韓式炸雞店，把握「雞」遇，入去抖抖順便食晚飯一行五人，叫咗個$788嘅4人餐，但我地都覺得食物份量足夠6個人食凱薩沙律、薯條唔想樣樣都芝士，所以薯條揀咗原味，外脆內軟～沙律新鮮～跟餐加$25，大大杯好抵下～佢地話好好飲～呢杯青蘋果啤酒都係加$25～我唔飲酒，叫咗杯蘋果汁～唔洗加錢襯熱食勁好食，芝士香！餅底脆，有啲似餅乾既味道～意外的好食！呢個太陽炸雞，差不多枱枱都叫！件件雞都好大件呀！外面脆內Juicy食雞之餘中間個包都唔好忽略，芝士包勁好食～十件雞可以揀兩款口味，蜜糖芥辣味唔夠芥辣，不過個汁都幾好味，另外黃金鹹蛋炸雞我第一次食，味道會重啲，但都幾特別仲有螺肉伴冷麵，除咗螺肉，仲有魷魚絲同椰菜絲等配料，除外酸酸辣辣，仲有種好特別嘅味道，好開胃，好適合夏天食～滿足嘅一餐

因為下午要去大館參觀，所以找到路程只需八分鐘的Sodam ，此店專吃炸雞，我地一行五人訂定位，去到就有位，坐二樓可以看到藝粹會。佢地有套餐，但我地有老有B，所以最後冇叫套餐。建議朋友聚會可以叫套餐。等野吃時又望東望西，原來有提供手套，吃炸雞用手套，真係好方便！先上了‘水冷麵’，𤏪之前先夾起D俾小朋友同老朋友，然後撈哂就開吃。清爽好味！岩哂呢個炎熱天氣，而且也開胃。再來熱帶風情pizza, 貪佢好多菠蘿，小朋友喜歡吃。pizza 熱辣辣，十分新鮮～芝士起絲。再來呢個太陽咁的炸雞（太陽的後裔？），中間是麵包盛著芝士，旁邊圍繞的雞下面也是滿滿醬汁。用手套拎要小心燙到手。芝士好正！！！最後個麵包我地切開吃埋。蜜蜂蒜香焗雞，小朋友最愛吃，蒜味不太重，也沒有炸的熱氣，而且因為底有甜甜的蜜糖，連上面的麥片仔也點醬吃哂。有大同中份量，呢個係大份的。五大一小好飽飽，抵吃！

昨晚直踩兩場世界杯球賽，今日中午先起身點算，炸雞係不二之選😏第一次ordwr這間sodam chicken，因為睇openrice既評價都幾好，於是都帶左好大既期望。用app訂餐三十分鐘就到左，食到口確實又五錯wor!我地今次order左蜜糖芥末炸雞($155)，外賣和堂食不同，蜜糖芥末汁另裝。有兩件雞腿，一隻雞全翼同幾塊雞胸雞背。炸雞皮仍然好香脆，肉質亦彈牙緊實，帶有些少肉汁，點上甜甜的醬汁，芥末少少攻鼻中和炸雞和蜜糖的油膩感，簡直優秀啊！可惜大蔥既存在感幾乎為零，如果五系我比炸雞100分！呢款熱帶風情薄餅都幾好味。芝士既咸香味特別重，但反而入面的topping就變左配角，菠蘿火腿蘑菇等等都口味無咁濃郁，雖然五會比你爆炸既熱帶風情感，但芝士的香味配上薄薄的餅底，都還是很好食啊！最後咁肥膩既炸雞pizza就要order翻凱撒沙律($80)中和翻油膩感，好味既。睇完波第二日訓懶覺，起身就食到咁好味既野食，大滿足啊！下次會試下其他炸雞~

同屋企人見識下蘭桂坊又諗唔到食咩好，行行下見到呢間韓國炸雞店就入左去喇，店舖細細樓高2層，上層環境裝修似工業風但都幾舒服檸檬柚子炸雞 （無骨）7件 ＄148炸雞即叫即炸，上枱時仲熱辣辣，柚子係用了柚子醬另加了新鮮檸檬，柚子的香甜又帶少少酸，都幾開胃。 炸粉唔厚而且雖然得7件但每一件都份量十足，喜歡食骨既都可以揀”有骨”，現場仲有好多款選擇，唔同口味都有蜜糖蒜香焗雞 7件 ＄140呢款係焗雞，好似相對上無咁熱氣但同樣即叫即製，要小心D食，因為入面真係好熱！肉質焗得岩岩好，入面仲好Juice，一D都唔乾同連鎖店真係唔同。蜜糖好多而且唔會死甜，就算沽多左蜜糖都可以接受到熱帶風情薄餅 ＄138薄餅係十分薄，好似餅乾咁但材料好多，整個薄餅都可以鋪滿哂材料。材料有蕃茄醬、菠蘿、蘑菇、火腿同大量芝士。可能用了比較薄的餅底，所以食完都唔會好膩泡菜豬骨湯烏冬 ＄80烏冬份量唔算好多但2個人食都可以，不過個湯底偏咸唔係好食得出豬骨湯既味道。豬肉同泡菜份量都比較少，不過食完炸雞食返D有湯既野，感覺好舒服熱帶水果茶／ 蜜桃水果茶 ＄382款水果茶小妹都有飲，不過味道偏淡，每杯仲有椰果，為成餐做一個完美Endi

今日由於出中環有啲嘢做～所以同母親大人行下行下經過蘭桂坊 實不相瞞本人妻從來未去過蘭桂坊～ 估唔到人生第一次去竟然係同老母～ 如果係白馬王子就好啦！！！！ 好彩最後被我發現一間咁好味的炸雞店～ 令呢個行程增添好多色彩～～首先門面非常舒適～入到去裝飾帶有異國風情！！ 有格調的長吧枱，配上車水馬龍繁華的景觀～令這間店更有格調！ 一個字型基本上餐廳嘅菜式非常之多～除咗有套餐之外亦都可以散叫！ 由於一家人出動有三個人～所以我哋決定叫咗個三至四人餐！ 貪佢可以食多啲唔同嘅嘢！！首先上嘅係凱撒沙律～ 沙律菜新鮮爽甜～ 配上芝士咬落去除咗有口感～ 層次亦都豐富正好減淡～ 炸雞的油膩感覺 而且食咗菜好似冇咁罪疚感呀～～紫菜薯條完全冇得輸！簡直shake shake薯條既究極進化版～ 紫菜粉咸道適中，薯條香脆得來又夠粗，又食到裏面的啖啖薯蓉！！ 仲要新鮮炸起熱辣辣！真係好正呀由於可以揀雙拼炸雞試齊兩隻味！ 所以人妻梗係唔執輸叫兩隻味啦 有分別叫咗 蜜糖芥末炸雞同埋黃金鹹蛋炸雞～ 炸雞嘅炸粉，薄薄包裹住嫩滑嘅雞肉！蜜糖芥末醬味道香而不辣～ 用來配搭炸雞～更帶有一點點的甜！！實在非常非常好食～ 必點必點黃金

食左好多日既日本野，係時候想食下其他！所以今日就選擇咗食韓國炸雞！蘭桂坊唔係除左夜蒲之外，原來都開左好多特別既餐廳!而我同老公行到累，就去左呢一間韓式炸雞！雖然鋪頭不算很大，但環境都好舒服！高身Bar枱，還能向著街景，可以Relax一下！工作煩忙，放假就梗係要食餐好的😋Apple Cider Rita——$78容易入口，好適合女仔飲！仲要勁大飲，可以邊談心，邊飲邊食☺️👍🏻Asahi———$75麥味濃太陽芝士炸雞——$198份量勁多，炸雞可以選擇無骨或者有骨！對於我呢D懶人來說一定會叫無骨😂一口放落口,大大啖咬，勁脆卜卜，肉質鮮嫩，再點埋中間的農夫包入面的半溶芝士，真係好好味！熱帶風情薄餅——$138薄餅個皮夠薄，好香脆，唔會太厚！用料十足，勁香濃芝士

難得今晚黎LKF唔係搵地方飲野/shisha, 而係黎食韓式炸雞! 行到上雲咸街，轉角就見到Sodam Chicken既招牌。餐廳樓高兩層，雖然空間唔大，但依然坐得舒適，而且氣氛十足。我地選擇左3-4人套餐($788)。睇本文既標題，就知重點係放喺芝士炸雞身上啦！所謂太陽芝士炸雞，就係將芝士放喺一個極香脆既麵包入面焗，再將炸雞沾上香濃既流心芝士。香脆既雞皮配上熱騰騰既流心芝士，一咬更係皮脆肉嫩，真心係味覺上既一大享受！而芝士既濃厚程度可以從第三張相睇到，拉到半個人咁高都仲得！套餐亦包另一set炸雞。我地揀左鹹蛋同蜜糖雙拼。兩者相比之下，我較中意新推出既黃金鹹蛋味。先講雞皮充斥著極香濃既鹹蛋味，但唔會過份鹹。相反蜜糖味就調味過重，食完好口乾。除左炸雞，套餐仲有沙律、薯條、冷麵同pizza。沙律用料新鮮，同埋比影相大碟😂芝士薯條帶甜味，同想像中有啲出入。Pizza唔係呢個地方既主打，所以本身都冇咩期望。但食落發現芝士味係超級香濃！！仲用上至少兩、三種唔同既芝士，層次好豐富👍🏻最後，黎LKF又點少得飲番杯呢！叫套餐只要+$25就有杯酒精飲品喇! Cheers!

今晚相約了朋友在蘭桂坊相聚，在飲酒之前我們先去吃晚餐，就在雲咸街這裏有一間出名的韓國炸雞店Sodam chicken，我們便到這裏一試。韓國炸雞是伴酒一流的食物，吃炸雞暖下胃，在飲酒前墊底非常好。我們晚上來到人流都幾多，原來有不少人客都預先book位。我們卻遲了一步，幸好等了大約10分鐘，我們便有位了。這裏有兩層，環境不算大，但感覺韓氣十足。我們一行三人點了炸雞，湯烏冬，pizza和烤雞，很是豐富。甜酸炸雞＄148炸雞可以選擇無骨炸雞或者有骨炸雞。我們就當然選擇無骨炸雞，因為啖啖肉，比較方便吃。炸雞十分香脆，熱辣辣的，炸粉很薄，裏面肉質很是鮮嫩，加上韓式甜辣醬，很惹味可口。蜜糖蒜香焗雞＄140這個焗雞很香脆，雞皮很薄，已經把油迫出，所以並不油膩。蜜糖味道濃郁，很香甜。烤雞上面更灑上可可脆片，為焗雞更添一些香脆口感。熱帶風情薄餅＄138薄餅材料有菠蘿，蘑菇，火腿，水牛芝士等等。這是經典的薄餅的食材。這個批底較為薄身，很香軟。菠蘿的鮮甜為薄餅帶來一些清新。加上惹味番茄醬和水牛芝士，很惹味，而且更能拉絲，視覺效果極佳。泡菜豬骨湯烏冬＄90材料有泡菜，蟹柳和烤肉等等，加上清甜的豬骨湯，很滋味。

呢一日草根姐妹帶埋爸媽一齊去中環食炸雞，之前好hit嘅*Sodam Chicken*草根都係第一次食。中環分店樓高2層，當晚去到都幾多人，好彩full house之下等左10分鍾就有位不過其實餐廳唔多位，我地被安排去2樓坐。咁岩第一層有班人搞gathering，差d連條都行唔過睇完餐牌決定叫一個炸雞，一個焗雞同一個pizza share~太陽芝士炸雞（$198）Cheese Bread Fried Chicken (Mozzarella, Cheddar & Cream Cheese Sauce)麵包🍞配芝士🧀炸雞🍗相信大家都係ig見過，算得上係餐廳名物。麵包好大個，焗得夠鬆脆，中間係熔岩般嘅芝士醬🧀，味道唔會好膩，芝士裝滿左個包，份量都好多嫁！旁邊大約有10件炸雞🍗，炸雞都幾juicy🐥肉質嫩滑，而且嚿嚿都大件嫁👍🏻可以點少少芝士包住麵包同炸雞食，整體味道都唔錯！提提大家記得要趁熱食，會更加滋味啦😏熱帶風情薄餅（$138）Tropical Special Pizza(蕃茄醬Tomato Sauce，菠蘿Pineapple，火腿Ham，蘑菇Mushroom，水牛芝士Mozzarella

蘭桂芳不是只有喝酒的地方，還有很多很不錯的餐廳，今天來到這裡和朋友吃個飯談個天冷面超有彈性超級q,所以要花多一點時間去咀嚼啦哈～湯很清爽，一點點甜甜的，很冰。蛋是全熟的，小菜都很配喔～餅皮很薄，非常脆，芝士的分量很多，拉絲的感覺真的超爽。火腿咸咸的很香，菠蘿酸酸甜甜的，令薄餅吃起來不會覺得油膩。烤雞比較健康所以即使連皮吃也沒有什麼油膩感，皮也脆脆的。烤雞甜甜的，很香的蒜頭味。如果點大份的話是原隻雞囉～雞翅雞翅的部分非常嫰非常入味，但雞胸的地方就比較老一點喔，而且也沒有很入味，但整理來說是非常不錯的～

又去中環開飯喇！最近出開有條癮，發現中環夜晚都有好多好野食，今晚去食韓國炸雞蜜糖蒜香焗雞（$140）蜜蜂香味加上甜甜地，令人越食越想食，食左雞脾位同雞胸，都做到好嫩滑，多肉汁眨吓眼就食完，下次應該要叫大份辣味炸雞（$148）上枱似家鄉雞，但絕對比家鄉雞好食，炸得好好，皮薄鬆脆，冇骨方便食。加上辣汁更惹味熱帶風情薄餅（$138）熱辣辣食好正唔孤寒，有勁多芝士，係薄脆皮，唔怕‘流’，一個有六塊魚串湯（$98）有點失望，分量小了點，只有二串魚串沒特別驚喜。但有少量菜，食完炸野可以中和一下。Apple cider rita食炸雞就緊係要配啤酒，大大杯勁抵飲，二個人先ko晒友人叫左菊花蜜特飲大大朵花夾係邊，呃like時間到餐廳好大方，每枱都會有手套自取，方便大家食雞唔洗下下等佢分給。

表姐過左來香港玩幾日，去左中環購物，行完街肚仔肚餓緊系要吃晚飯啦！知道系中環蘭桂坊果邊有間韓國菜又有芝士火鍋，難得有芝士火鍋緊系食芝士火鍋啦！點左個芝士火鍋套餐：流心芝士年糕，紫薯年糕，豬仔骨，黃金炸薯條，腸仔、養夫包粒。芝士火鍋浸麵包粒外脆內嫩，芝士好濃郁好好味，紫薯年糕內里包住紫薯年糕煙煙韌韌超正，黃金炸薯條炸到金黃色好香薯仔味，豬仔骨肉質好入味又夠淋又香浸上芝士更加美味可口。蜜糖蒜香焗雞，遞上來香噴噴外層層皮好鬆脆內里肉質嫩滑又有肉汁，外層塊塊雞都沾上蜜糖。熱帶風情薄餅外面邊脆卜卜里面好軟熟，又有好香的芝士味道，非常美味可口。

好耐都無同三五知己食飯啦，今次我地咁難得約得成，當然要搵番間好餐廳聚一聚啦！行經蘭桂芳一列餐廳，我地見到一間叫<<Sodam Chicken>>嘅韓式炸雞店。因為朋友一向鍾意食韓國野，加上喺芸芸酒吧中，我地都竟然發掘到韓國餐廳，所以都不約而同決定要入去大食一餐。裏面裝潢好有異國情調，倒吊嘅酒杯喺黃澄澄嘅燈光照射下，顯得格外閃亮。待應靜靜咁帶領我地去到餐館嘅二樓。當時，餐廳嘅客人數目唔算多，可能因為正值放工時間啦！打開餐牌，我地發現唔少令人垂涎三尺嘅佳餚。朋友打算頭盤食得比較清淡，所以叫左一客<<凱撒沙律>>。 沙律裡頭嘅生菜同番茄非常新鮮，食落有股淡淡嘅田園風味。而塗係生菜上嘅芝士粗醬，更突顯沙律嘅歐陸風情。<<芝士薯條拼麪包粒>>我地原本純粹想食煎炸野，先決定叫呢份拼盤，點知佢竟然帶到份驚喜畀我地。薯條同麪包粒炸到金黃色，食落口香脆無比;香濃嫩滑嘅芝士醬，則賦予拼盤鮮而不膩嘅口感。朋友都忍唔住大讚一番呀！<<蜜糖蒜香焗雞>>入得黎韓國烤雞店，無理由唔食番份雞