YAKINIKU KAKURA (黃埔天地聚寶坊)

Open Now

Now Closed

餐廳：YAKINIKU KAKURA地點：紅磡黃埔天地聚寶坊菜式：來自佐賀既日式燒肉餐牌：賣點係由日本直運九州產既A5黑毛和牛。有套餐，黑毛和牛單點，牛豬雞單點，海鮮單點，蔬菜單點，沙律，涼拌小食，湯同麵飯，飲品有酒類同非酒精飲品。落單掃QR code。大判燒！黑毛和牛西冷 $178 另加一大判燒！黑毛和牛西冷係海外店限定。一大塊薄切黑毛和牛西冷好搶眼，燒一陣好快食得。燒完就將塊牛放係溫泉蛋上面。黑毛和牛西冷好嫩口，個汁好好味。點溫泉蛋食可降溫同有壽喜燒風味。牛板腱肉 $98 另加一牛板腱肉一客五件，非常嫩口，帶黎完全唔同口感。燒肉汁豐富，好味道！鹽味牛舌 $88 另加一鹽味牛舌一客六件，厚度適中，好有咬口，簡單加上鹽調味，建議可以加枱頭酸汁同食。壺漬 KAKURA牛胸腹肉 $138 另加一壺漬 KAKURA牛胸腹肉係用一個大壺上，面頭大大塊切割好既牛胸腹肉，灑上蔥花，下底係洋蔥圈。餐廳用自家製麵豉醬調味，味道調得唔錯，味道較濃，好惹味。肉質唔會韌，好嫩又少少彈牙。好味道份量又多。燒洋蔥好味吸左d汁。若鷄雞脛柳 $80 另加一若鷄雞脛柳一客五件，口感非常爽脆，燒得脆皮多汁，再點辣醬食好

黃埔啲間分店係長期多人，就算weekday都一樣要排隊，今次專登晏少少8點先來食，終於唔洗等位😝之前食過銅鑼灣店，極懷念佢個黑毛和牛西冷大判燒，今次都有點，但只是單點沒有選擇套餐，選擇更有彈性，只點自己喜歡食的其實更化算。大判燒!黑毛和牛西冷 $178有職員幫你燒埋唔洗自己動手。厚道適中，因為已經有燒肉汁所以唔需要再沾醬汁，和温泉蛋撈埋一齊食，味道頂瓜瓜回味無窮。有豐富油香，肉質非常軟淋肉味香甜。雖然有點貴，但完全值得，必叫推介。黑毛和牛腹柳小排 $148油脂分佈均勻，肉質軟淋且鮮甜。牛小排基本上好少會唔好食😝黑毛和牛内橫膈膜 $188比較厚身，肉質相對牛小排就比較結實，但都算軟淋，緊記唔可以燒得太熟否則會靭。佢嘅賣點係肉味香濃，有口感。牛板腱肉 $98雖然唔係黑毛和牛，但原來有驚喜，厚切而肉身依然軟淋，肉汁豐盈，抵食推介塩味上牛舌 $118牛舌芯厚切，一啲都唔韌非常淋，肉味香濃，勁好食必點推介。黑毛豚脛肉 $88 黑毛豬嘅豬頸肉，肉質特別甜，有5大片厚切，以海鹽黑椒調味，非常不錯石燒肉泡菜鍋飯 $88啲個石頭鍋飯有驚喜，有多款配料再加上泡菜味道有層次，飯帶煙韌，加上熱辣辣嘅石鍋，能夠

一直都好想食啲高質燒肉，經朋友推介，今次就嚟咗黃埔嘅呢一間日式燒肉店😍今日我哋book咗六點，估唔到入面已經好多人食緊😱所以入到去已經好香燒肉味～一係唔食，一係就食盡佢！我哋叫咗個黑毛和牛盛合 (雅) ($998)🥩上面寫住二人前，入面有鹽味牛舌、和牛腹前小排、黑毛和牛內橫隔膜、和牛西冷180G、特上牛胸腹肉同黑毛和牛上肋骨中肉😍一上枱已經急不及待好想食！最普通嘅特上牛胸腹肉都已經好好食～雖然油脂感唔係好重，但係好有牛味，肉質都幾有彈性～黑毛和牛內橫隔膜就會多多少少油脂，黑毛和牛上肋骨中肉係原條上，燒好再剪，所以肉會比較厚，但就會韌少少～牛舌係薄切，燒得啱啱好嘅話唔會韌，好好味👍而不分上下嘅會有和牛腹前小排同和牛西冷🤤🤤我鍾意和牛西冷，因為覺得佢肥瘦均勻，有油脂香，同時好濃嘅牛味😍男朋友就投腹前小排一票，因為佢真係超級勁油香！質感係比較淋身，可以話係入口即溶🤣食完好似唔係好夠喉，我哋再叫咗一個牛板腱肉 ($98)😆當然油花一定冇和牛咁靚，但係都算好好味😋質感同肉味都勝過好多平日食嘅燒肉🤣食燒肉一定要叫嘢飲🤣我哋叫咗一杯乳酸梳打 ($38) 同埋青森蘋果乳酸梳打 ($42)，味道正常，幾