喜來稀肉 (金巴利道)

Open Now

Now Closed

一向鍾意呢度氣氛好價錢公道，生菜同前菜自助形式，仲好企理。前菜好正！泡菜、青瓜同蘿蔔任食，味道唔係超辣，適中爽口。大醬湯裡面有蝦有肉有大量洋蔥、金菇，味道同日式味噌有d相似，但味道再濃郁d。一定要叫配飯拌食，一羹飯一羹湯就好正。燒肉方面必定order嘅係秘製醃過嘅喜來烤肉同口感實在d嘅牛護心肉，喜來烤肉醃汁比較香甜，烤起嘅肉軟嫩肉香。牛護心肉纖維較多同埋牛味幾重，自取區有任攞生菜，夾埋一齊食仲好食。

下班晚上到尖沙咀逛逛，行完海港城後，走到去被喻為香港韓國食街的金巴利街用餐，那裡韓國餐廳林立，燒烤、快餐任君選擇。今次吃的餐廳叫喜來稀肉，事前做好了準備，在網上預約了喜來稀肉。餐廳預約系統十分親民，以發放短信提示，而且附上菜單參考，菜單的菜式十分繁多豐富。餐廳主打韓燒。餐廳有沙律吧，泡菜可以自助拿取，而每張圓餐桌中間的燒烤爐都設有抽氣設備 ，爐旁有坑位，坑上都鋪滿了蛋漿，這個是可以不停refill，蛋漿煮熟後，口感有點似水蛋。今次點了喜來烤肉 ($158)、牛護心 ($160)來燒。喜愛烤肉擺得像朵花伕的，牛肉之下有蘸汁墊底，口感嫩而充滿牛肉香味。而牛護心係指橫隔肌，肉質彈牙，牛味相對再濃郁一些!雪濃湯 ($125) 係以牛肉骨熬成的白色濃湯，配以類似上海麵質感的麵條。湯汁清純充滿牛香，加上彈牙麵條，送燒肉真的一流。最後就是蟹籽紫菜飯團($50)。巨大的飯團表面上有蟹籽和沙拉醬，底下鋪滿了紫菜碎，自動把飯團紫菜配料混合揉搓，然後再搓成若干個小飯團。飯團充滿飯紫菜香，自己動手搓的飯團特別美味!

特別罕有嘅牛部位 每款肉質鮮嫩 調味可口-🐮 調味牛排骨 ($228)牛排骨係我今餐最鍾意嘅一款牛 200g 長長一條捲起咗上碟 我地可以自己用較剪切開適合嘅size 調味濃郁偏重口味嘅我好滿意!!❤️ 牛護心肉 ($160)呢份係招牌菜之一 牛肉味濃郁 而佢因為有筋膜 所以比較有彈性 口感亦都偏有嚼勁 好少地方有得食呢款牛 一場嚟到要試下👅 牛舌 ($148)呢份催咗兩三次先嚟到 好彩不負所望 份量都幾多 薄薄一片調味十足 牛舌煙韌嘅口感亦冇令我失望 牛舌愛好者唔好錯過🍛 生牛肉拌飯 ($105)食埋個拌飯真係捧住個肚走 個飯好大碗 有生蛋黃同埋汁拌飯 生牛肉個味唔太突出 但加上多種配料例如蘿蔔芽菜生菜等等又好夾喎 另外值得一讚係佢個辣醬分開上 辣度可以自己選擇好啱我地唔太食得辣嘅人🤰🏻 #大肚腩小分享喜來稀肉嘅韓燒係平日都爆場真係好受歡迎 而佢個無限refill嘅爐邊蛋絕對係其中一個吸引我一食再食嘅原因!! 兩格爐邊蛋係有泡菜同芝士兩款 我地特別鍾情芝士蛋 所以第二次refill兩格都食芝士蛋呢🤤 順帶一提佢地啲配菜同埋包住燒肉嘅生菜都係無限refill㗎!!************

今日過開尖沙咀做嘢，見到好出名嘅喜來稀肉，啱啱過左午飯時間，人唔多，就入去試下。入邊得一個餐牌，無下午茶/午餐餐牌。坐低，一如韓式燒肉餐廳，會端上醒胃泡菜同酸青瓜。等待蛋漿成熟時，我嗌左牛互心肉同埋辣五花肉燒一燒先。牛護心肉有咬口，唔韌，幾重牛味。辣五花肉 辣而不嗆。但可能我技術唔好，一掉入燒嘅時候，醃汁燶咗，要麻煩侍應換燒盤，同埋開大嗰抽氣扇。最後海鮮泡菜餅壓軸。裡面有粒粒魷魚的口感，辣辣哋，都幾野味。

話說真係太耐冇食過燒肉🥲同朋友講起就發現今時今日喜來稀肉係香港已經開左幾間分店，但我哋都係未食過🥲所以即刻打去留位，有得食韓式食品之餘又可以食到燒肉😍最後發現真係要book到位先好去，因為當日閒日7點去到，發現已經唔接受walk-in客喇😳可想而知香港人幾鍾意食韓燒🤤。。🔘牛護心肉 | $160評分: 🌕🌕🌕🌕🌗評語: 兩個食真係心大心細，事關本身已經包埋大量前菜，泡菜、酸瓜、酸蘿蔔、生菜、燒蛋餅等等都有提供。眼花撩亂嘅情況下，揀左呢款店員極力推薦嘅牛護心肉，而事實證明真係冇揀錯🤤牛護心肉每一塊都係厚切，但由於油脂分布都非常平均，所以絕對唔會出現鞋口嘅情況，每一啖都係滿滿嘅牛肉，真係好正😍。。🔘石鍋拌飯 | $85評分: 🌕🌕🌕🌕🌑評語: 石鍋拌飯十分足料🤤份量之大足夠三個人食都得呀😂石鍋保持到適當嘅溫度，到枱嘅時候都仲係好夠熱，仲有少少飯焦添！。。🔘海鮮葱餅 | $90評分: 🌕🌕🌕🌕🌑評語: 又係大份到食唔晒嘅一定菜式😂海鮮葱餅煎到好脆口，咬落去好似食緊薯片咁。而且用料好足，煎餅當中有唔少海鮮粒，點埋個醬油食就更加惹味喇🤤。。🔻記得先book位呀！如果唔係有排等🔻小心眼闊肚窄呀🔻

天氣涼涼地最適合食韓式燒肉, 再去覆桌吓呢間正韓燒。前菜有3碟酸蘿蔔、泡菜、酸瓜, 好大份，最鐘意泡菜, 食左兩碟, 酸蘿蔔調味剛剛好, 開胃, 唔會太酸。牛護心肉一黎馬上叫碟牛護心肉, 本人鍾意5成熟, 入口鮮嫩, 有口感, 而且又有牛味。最重要係有一定厚度，吾容易overcook，兼可以鎖住肉汁。靚既牛肉即使稍為熟都吾會太影響質素，生熟度可按個人喜好控制。真雪花牛肉呢碟係其中個碟最期待既牛，份量好足, 每塊厚度十足，脂肪分佈均衡，比少少鹽就可以帶出肉味。護心肉呢碟係其中一碟最值得推介既燒肉, 護心肉原來係位於豬的橫隔膜和肝之間，每隻豬只有二百至三百克，極為矜貴。喜來稀肉呢碟護心肉燒香後油分均勻，口感爽滑彈牙。喜來五花肉五花肉既驚喜黎自醃肉既醬料，厚厚既五花肉，燒完吾覺肥膩，啖啖肉，完全吾比牛肉失色。生米酒有氣米酒，有蘇打氣泡，加米酒香，配燒肉一流。

都唔知幾時先有得去韓國旅行，只好去尖沙咀韓國街走走，順便食個地道韓燒解解癮喜來稀肉出名唔洗我講，以前同公司位韓國人食過後佢都話正今次同行位朋友未食過，咁就等我決定食咩啦！叫左份最出名牛護心肉，之後黎多份豬拼盤，想食D主食所以叫堆雪濃湯同紫菜飯團。牛護心肉真係無咩好介紹，一個字正！肉味好似食緊牛扒咁，真係一人一碟都唔過份！豬拼盤有豬護心肉、五花肉、豬頸肉、豬大腸、豬皮。最驚喜係豬皮，豬皮係真係脂肪上面果層皮，燒完無油脂感，只有重重膠質感，好似食左舊骨膠原入口咀！雪濃湯又一驚喜，有五六舊肉，湯底係清香牛味，可以減輕返燒烤果個濃味紫菜飯團不過不失，不過呢個價錢，係值得一試嘅係香港黎講，呢間舖絕對係地道韓國燒肉，誠意推介呢間韓燒黎解解旅行癮

今日下午約咗朋友食個Lunch! 難得今日無帶我仔岀黎，終於可以去食我最愛之一的韓燒🥩 其實我無揀定食邊間，諗住係韓國街實有間啱心水😋 經過喜來稀肉想起呢間夜晚爆多人，lunch無乜人，就決定食呢間，睇下係咪真係咁好食🍴一入到去就有人立即招呼，好快速擺好位，前菜、水、紙巾都擺好👍🏻 第一次食呢間，唔知叫咩好，所以叫返韓國必食的穩陣，我覺得😂 由於我地好肚餓，都叫咗好多食物，貴州五花腩🥩、 牛護心肉(店員推薦)、海鮮拉麵🍜、雪濃湯、人參雞湯🍲 再黎多杯可樂、梨汁。總共叫咗5樣食物😋總括黎講整體都不錯，係牛肉韌咗啲，下次食牛，我諗都係去返日式可能會正啲🥰 其他食物都挺好食👍🏻 服務態度好好，雖然係後生仔女，但有問必答，起碼好好態度，亦會間中過黎睇睇客人要有咩需要，不錯！👏🏻我地兩個人lunch食咗$8xx，午餐算挺貴！但我地叫咗都幾多嘢食，佢地有set lunch就會平啲。

之前都有朋友介紹過呢間喜來稀肉，今日終於到我有機會嚟”燒一燒”😍地方好寬敞亦有好多燒肉爐，都坐到幾多人🤔我哋五點半左右入座，未到六點已經有唔少人，周圍都聞到燒肉香味🤩由於我哋驚食唔晒又想叫下其他嘢食，最後淨係單點喜來烤肉 ($158) &牛護心肉 ($160)👻喜來烤肉 🐮上菜既時候有驚喜❣️店員會事先將牛肉片捲做玫瑰花形，再有”綠葉”做點綴，未食已經忍唔住打個卡🤩呢款牛幾薄身，燒起嚟好香口而且好快熟👍🏻牛護心肉 🐮相對地多好多醃料，而且厚切，燒起黎會比較韌口同有多d牛既香味，雖然肉比較厚身但亦好軟身唔會太乾🙈除左燒牛之外，我地仲加左碟餐牌推介嘅海鮮葱餅 ($90)👻 果然冇令我失望，薄餅唔算太厚而且邊邊位仲好脆口，葱既比例比想像中更多，每一塊大概有一半份量都係葱，海鮮粒數量相對唔太多。份量多，值得試下👍🏻

好耐冇食喜來稀肉啦！對上一次食已經六年前，今日朋友帶我重回舊地。我朋友除咗係burger expert，佢仲係韓燒expert，佢試勻香港所有韓燒，兜兜轉轉仍然情歸喜來稀肉，今日佢帶我一齊探究喜來稀肉既迷人之處。雖然今日係週日，但銅鑼灣分店仍然爆滿，可見喜來稀肉受歡迎程度。- 牛護心肉朋友一坐低已經話牛護心肉係必食，肉味非常香濃，口感柔軟帶少少嚼勁。餐紙上既文字形容護心肉為稀少部位，朋友果然無介紹錯！- 喜來稀肉呢款肉以餐廳名而命名，令人更加期待。賣相非常別緻，一片片薄肉捲成一朵玫瑰花🌹，味道方面，肉質軟稔，肉靚所以無需特別調味已經好出色。- 真雪花牛肉作為三款肉最貴既一種，肉質有少少失望，肉味欠奉。至於賣相唔錯，雪花分佈均勻。爐邊烤蛋係喜來稀肉既一大特色，烤爐旁有三條烤爐坑，坑上分別有芝士雞蛋、泡菜雞蛋同烤蒜頭。當蛋表面成形，朋友建議立即將烤肉沾上蛋漿，去膩之外亦能嚐到幼滑既蛋漿。餐廳亦有提供生菜，生菜包住烤肉同樣可以減少油膩感。大家唔好睇小呢三款肉既份量，我同朋友最後食到好飽。牛護心肉完全俘虜左我同朋友嘅心，相反真雪花牛肉有少少失望🙍🏼‍♂️。