孖寶車仔麵

Open Now

Now Closed

A wide variety of local Hong Kong street food with nostalgic taste of memories😇 🐷overall: 7.5/10🐄Beef entrailsCan’t deny that you can only find good beef entrails in small hidden local street food stalls, and this place is definitely one of them. The beef entrails include pancreas, intestines, spleen, lungs etc. All soaked in the savory sauce that taste in strong herbs seasonings, even better when served with a few drops of chilli sauce!🍥Shaomai with steamed rice rollsSteamed rice rolls of thin

葵廣真係好多好嘢食地點又方便近地鐵站 呢間車仔麵我真係有驚喜呀晚飯時間好多人證明咗佢係有實力嘅姐姐做嘢手腳好快服務態度都算ok 點菜紙上面有好多嘢可以選擇真係唔知揀咩好呀 樣樣都好似好正咁最緊要係份量夠三餸車仔麵 加一個熱飲都係48蚊都真係幾抵 個人覺得佢個熱奶茶好正凍檸茶都ok 車仔麵我配咗小辣 佢嘅沙爹醬都冇得頂好正加埋個手打麵都真係好飽好 麻吉燒有驚喜裏面係麻薯幾好咬口 牛雜 分量多都幾大分最緊要夠熱啲嘢食好新鮮份量又多 另外佢都有魚肉配生菜腸粉類嘅嘢食嘅 下次去試埋先

葵芳廣場今日好多嘢食呀嚟到地下 孖寶車仔麵真係好正呀好多地膽都識今日星期日都係人山人海呀 事關因為個湯底好味啲餸又夠熱選擇又多面嘅選擇都有個辣汁都真係不得了仲送埋熱飲㖭佢個熱奶茶都係好高質嘅我就揀咗米粉配咖沙爹汁姐姐服務招呼都好好非常有禮貌啲送分量又多又好味又多高質呀我就食咗我最愛嘅豬紅,豬皮,蘿蔔,豬大腸,牛雜,同埋午餐肉啦 三餸嘅車仔麵我同朋友就揀多幾個餸呀另外加三蚊有個凍檸茶都好好飲覺得做街坊生意收費唔貴嘢食分量多又好味豬群芳嘅街坊真係好幸福呀呢個係比較少有嘅齋麵筋去畀咗好多我份呀好粥好好味

香港其中一個令人著迷嘅地方固然就係香港嘅美食與及食物價錢嘅彈性。 六千蚊可以食一餐， 60蚊亦都可以食到一餐非常滿足好味嘅，豐儉由人 。 疫情關係，收入大減價，所以而家出街食飯都會偏向價錢親民一啲嘅小店 。今日就去咗葵芳廣場地下“孖寶車仔麵“食香港地道美食-車仔麵。 兩個人分別嗌咗一碗招牌麵$46， 一碗牛腩麵$36。 另加一份鹵水雞翼尖$12同埋牛雜$20。招牌車仔麵固然大堆頭， 有齊曬雞翼，蘿蔔，豬腸，豬紅等等精選美食，46蚊大大碗性價比十足。 我就食咗牛腩麵，睇圖都見到牛腩覆蓋咗半個碗。入口完全冇牛嘅騷味，而且煮得好林， 好有咬口但肉唔“鞋“，仲有浸浸嘅牛肉香味。 湯底係飲到有味精嘅 ，但係這就是車仔麵嘅神髓囉 。 鹵水雞翼尖冇得輸 。12蚊12隻， 非常抵食 。最適合鍾意“ 算“骨嘅我。 最後一樣牛雜， 如果你去其他旺角嘅街舖，20蚊一杯仔仲要用蘿蔔墊底，數埋先得幾舊牛雜。 但係呢一碟就非常足料，有齊豬腸牛蒡牛肚等等十分滿足 。 順帶一提， 其實除咗車仔麵之外，仲有其他類型嘅食物例如飯同埋腸粉燒賣都有。，選擇都算廣泛 。總括嚟講咁樣食法埋單都係每人60蚊，夫復何求呢。

葵廣美食多已是街知巷聞，日常正餐少不了香港最本土的車仔麵。自選快捷又款式多羅羅，總有一款岩心水。孖寶車仔麵位於葵廣地下近小巴站位置，設兩鋪。三餸麵套餐連熱飲$46 ，價錢合理。辣魚蛋、五香豬頸肉、咖喱魷魚拼油麵，配腩汁是我至愛組合兼日常之選；餐飲加左杯凍好立克（＋$3)。也點了一碗墨魚條碗仔翅同一份牛雜。店員效率十足亦爽快有禮。上餐時亦為粉麵餸加上蓋，添了份安心，堂食都食得放心。陳皮辣魚蛋嚼口十足，辣汁配落粉麵成自選汁，好滋味；豬頸肉微厚切，調得入味；凍食咖喱魷魚則分碟上，（最愛車仔餸）秘製咖喱汁偏辣，非常惹味。墨魚條碗仔翅，翅身不過稀反而足料。多麻油多醋多胡椒；簡單好味。牛雜甜醬黃芥辣，煮得軟腍，點齊兩醬剛好。

孖寶車仔麵 #葵芳 #葵廣 #黃店 💛💛💛年三十就以呢一間又平又好食又黃嘅車仔麵作總結💛！位於葵廣地下，有成三個鋪位，雖然大但都坐滿晒人，啲姐姐全部都好忙碌，就知道有幾多人鍾意！除咗有傳統車仔麵揀之外，仲有牛雜、生菜魚肉、腸粉等小食。牛腩 五香豬頸肉 蘿蔔 手打麵 配秘製汁、辣汁、腩汁、蔥花🍜$48雖然所謂嘅手打麵同上海粗面差唔多，但係啲配料就真係抵食又好味，每一樣都好入味🥳特別係嗌牛腩原來仲包埋有牛筯，而且啲牛筯全部都係非常淋，好重骨膠原🤩🤩蘿蔔同樣入味冇渣又鮮甜🥰豬頸肉就有啲似叉燒，蜜汁味較重。湯底仲可以幾樣撈埋一齊，記住要加埋佢哋嘅孖寶秘製汁！另外佢哋仲有菜圃同埋辣菜圃任你加，更惹味！牛雜🥩$20/碗$20碗來講真係算多。分別有牛肺、牛心、牛肚、同埋牛腸，全部都滷得好入味，一啲都唔臭，甚至比平時專食牛雜嘅店更好味。味道: 4.2/5性價比: 4.3/5整體而言的確係一間性價比幾高嘅車仔麵，大家去葵講食厭晒啲小食嘅話都可以去支持呢一間黃店啊！

🔅🔅🔅今日係葵廣行街心血來潮想食碗麵經過地下聽到好大聲喊著：好味車仔麵埋黎坐呀就係咁被吸引坐低左😆😆🔸原來呢間店面積好大連著有好幾個店舖光顧的人潮不少座位相對闊落🔹一看自助點單紙接近有四十款送菜湯粉麵飯和腸粉都有三送套餐仲額外送熱飲🔸<四餸湯米粉加腩汁> 平時花枝丸就食得多第一次食花枝條～口感爽口彈牙👍🏻雞中翼鹵得入味魚蛋內有陳皮好香而且又麻又辣好過癮金菇新鮮米粉份量很多特加了腩汁令湯底好清甜🔹<三餸湯油麵加孖寶辣汁> 鹵水雞腎入味又有咬口魚肉春卷味道很普通 呢個牛雜真的不錯不同部位都有齊炆得香濃入味加了特製辣汁～不算太辣好開胃🔸<鹵水雞髀> 雞髀超級大隻吃起來肉質嫩滑完全吸收了鹵水汁 不錯喔🤤🤤🤤🔹<熱檸檬水> 檸檬很新鮮片每杯有三塊毫不吝嗇～🔸<總結>必食餸款推介👅👉🏻牛雜👉🏻花枝條👉🏻鹵水雞腎👉🏻鹵水雞髀👉🏻免費辣菜脯（又香又辣值得一試）🔹🔅🔅🔅

去到葵廣當然要盡情地購物👗同食野啦買左好多新衫同食左點小食！行到攰攰地，係時候要搵達地方坐下休息加再醫下肚仔😆就食我喜愛的車仔麵先！位置係葵廣地下果層，好容易睇到。位置夠曬闊落，枱與枱之間唔會痴得好埋！有好多餸可以選擇種類多多，有選擇困難的我要看一看先諗到😂 $44有3個餸👍🏼有五個湯底可以選擇唔想食車仔麵仲有小食可以簡經過 一段時間嘅考慮，我地就決定左叫1碗車仔麵、墨魚條碗仔翅、生菜魚肉湯同五香牛雜來ѕhαʀᴇ食車仔麵餐仲會包1杯飲品，我行到有點口渴又熱，加左$2叫杯凍檸蜜飲下‘爽呀’！車仔麵3個餸包麵 $44，我地加左＄８叫多１個餸！係芸芸眾多既餸入面，我地揀左蘿蔔、墨丸、麻吉燒同菜肉雲吞。湯底我地揀左沙嗲汁(加$2)啲餸排得好靚，完全唔係亂咁放蘿蔔味道好甜，墨丸好彈牙我地對麻吉燒好好奇，因為就咁睇果名唔係好知係....出面係長方形既魚蛋包住左好似係年糕定芝士好煙煙韌韌，好好味喔！菜肉雲吞入面滿滿菜！麵就選擇了手打麵，粗粗地好有口感。這些都是我喜歡食的小食，亦都係好有港式味道的小食生菜魚肉湯$20，生菜同魚肉既份量多，２個人Share食都分到好多魚肉食。有成５款碗仔翅可以簡，ＶＥＲ