豚道樂 (大河道) (Closed)

今日又去荃灣行街, 行過大河道見到台風拉麵要排隊所以唔想等, 再行前少少, 發現唔知幾時多了一間拉麵店, 就決定入去試下~ 餐廳裝修很有style, 日本feel~ 見到海老湯是限定星期五、六、日才有的, 難得今天有所以想試~ 另外太肚餓點了很多小食白提子梳打 &  山梨桃梳打: 很香濃的水果味, 也不會太甜。我比較喜歡白提子, 提子香味十分香灸燒芝士豚肉: 拉絲芝士原來紫菜及芝士十分match!!! 襯熱食~ 啖啖芝士很滿足!!跟餐加$10竟然有一大盆栗米! 必點! 牛油香配上大大粒的甜栗米~ 正!!特上海老湯拉麵: 海老味超級濃郁!! 湯汁較濃, 有點像沾麵的感覺~ "特上" 是豬肩及豬腩肉也有, 還有紫菜~朋友的是特上松葉蟹海老蕃茄湯拉麵 蕃茄湯中依然可以食到淡淡的海老味, 松葉蟹肉結實, 很不錯!蒜蜜味叉燒: 絕對推薦!我發現這間拉麵店的叉燒及海老湯是必點的!叉燒完全不肥膩, 而且一點也不"鞋" 淡淡的蒜蜜味好食!!餃子 : 有5隻, 煎成金黃香脆, 內裡有肉汁很少有竟然感得每樣菜式也很好, 也有驚喜!! 絕對要再來!!可惜今天炸物暫停, 下次一定再來試~大推海老湯! 超級香濃

因為就快出發去日本，最近都忙住整理行程，安排下係日本食d乜，當中搵左好多食拉麵既餐廳，越搵越想食。。。今日就唔理咁多，食番餐拉麵頂下癮先！朋友之前已經推介過我食呢間豚道樂，趁今日過開黎荃灣，就同男朋友黎會一會佢。我地好好彩，未夠7點黎到，仲有位✌🏻，坐左陣7點已經full 晒，仲有其他客人要等位。自己剔order紙好方便，想要乜口味、加減配菜，都係自己話事。湯底都有咁多款，揀d期間限定就岩晒，驚下次再黎無得食。首先黎左飲品，爽！左: 信州蘋果梳打右: 山梨桃梳打特上松葉蟹海老蕃茄湯拉麵 (曲麵、硬麵):先試啖湯，湯頭有濃郁蝦味加上少少蕃茄味，夾起拉麵都可以掛住d湯汁，加上曲麵咬勁足、有彈性，成碗麵味道豐富鮮甜。當然仲要講下d配料，🍜松葉蟹肉: 好多，食晒拉麵以為無啦，點知仲有係底，好鮮甜，啖啖肉，無諗過拉麵店會有咁新鮮既蟹肉食。🍜豬腩肉x1，豬肩肉x2: 特別要講下豬肩肉，係香港未食過一間拉麵整既豬肉/叉燒咁好食，個樣睇落無乜脂坊，但食落勁淋又滑，有肉味，本身無太多調味，但索上湯汁更加好食。另外豬腩肉都不錯，不過豬肩肉太有驚喜，難免被比下去。🍜其他配菜有，2塊紫菜、半隻溏心蛋、紫洋蔥，

還記得第一次來這小店是因為它特別的芥末湯底拉麵，由於印象不錯，所以不時都會再來。對上一次來吃，試了季節限定的「特上松葉蟹海老蕃茄湯拉麵🦀🍅」，已經一試愛上，今次再來encore！湯底味道濃郁，松葉蟹肉大大條沾了蕃茄湯一同吃味道太匹配了！豚肉有足三片，簡直吃過番尋味🙈另外，星期五六日限定的「特上海老湯拉麵🦐」味道也不錯，湯底ok櫻花蝦份量也足。今次四月份來可能適逢是日本的櫻花🌸季節，店內也以櫻花裝飾點綴，蠻有氣氛的。松葉蟹拉麵是季節限定，希望下次來我仍有機會再吃吧😬😬

每次行過豚道樂, 門口都總會有排緊隊嘅情況出現, 但我呢類餓鬼無耐性, 排兩排可能已經頂唔住, 所以刻意選擇大約下午2點, 感覺上過咗lunch hour會順利點!!!Yeah!!! 一行到埋去豚道樂, 就有食客行出門口, 即時有位(暗暗自high)店鋪內有不少熊本熊的小擺設我都忍唔住借來用一下....配合一下蘋果 + 桃梳打特上海老湯拉麵 - $98我就要呢個周末限定的海老湯底, 朋友話我...食拉麵梗係豬骨湯底啦🤣, 其實我都唔知我係被 "海老湯"吸引抑或被"限定"吸引著選擇好湯底, 仲要選麵的種類、軟硬度、有蔥無蔥、配料...我好欣賞呢啲細心位, 尤其我鍾意較硬的麵條海老湯味道超濃郁, 仲有勁多櫻花蝦喺湯底內麵內有兩大塊叉燒, 溏心蛋半隻&紫菜, 但叉燒偏瘦, 唔夠香口特上原味豚骨拉麵 - $85試咗啖朋友的原味豚骨湯, 令的諗起喺九州街頭屋台的拉麵湯底, 將辣醬拌勻後, 味道都幾刺激日式餃子 (5隻) - $30日式餃子即叫即煎, 大約要我15分鐘不過好奇怪, 拉麵配餃子好似定律咁, 唔食又會好似差咗啲嘢而且唔知點解日式餃子皮薄得嚟又有彈性餃子細細隻, 一啖一個好過癮, 不過要

今日係星期六，又係時候周圍覓食！嚟到荃灣區，見到有一間幾多人讚嘅鋪頭，諗住喺度試一試！今次選擇嘅係日式嘅拉麵小店，大家睇睇個餐牌先！拉麵方面，佢有唔同嘅湯底，另外又有幾款小食，怕唔夠飽嘅，可以叫埋小食就啱啱好。唔同嘅拉麵，都可以自己選擇曲面直面、面嘅硬度、湯底辣度同埋走唔走䓤。係嘢食嚟到之前，我哋周圍望吓，見到裏面嘅裝修都好有特色！抬頭望望，上面有舊式風扇形狀嘅燈，同埋一啲倒吊住嘅劍球，都幾有趣！旁邊嘅係開放式嘅廚房，上面亦都有兩塊日式嘅傳統怪獸圖案嘅布。窗邊嘅吧枱，每個位置都有充電線，嚟食拉麵可以順便充充電！返返去食物方面，先來介紹一下小食。韓式蒜蜜味叉燒（$25）味道幾好，蒜嘅香味加上甜甜嘅蜜糖味，幾開胃。而肉既質感都唔錯，中間嘅油脂分布得幾均勻，有少少油甘日式餃子（ ＄30 )煎得幾香，每隻都大大隻，肉汁都幾夠灸燒芝士豚肉（ ＄18 ）芝士控一定唔可以錯過，豚肉上面鋪滿厚厚嘅芝士，上面亦都加左香草同埋辣粉作調味，感覺唔會太漏。特上黑蒜油拉麵（＄93 )呢款拉麵有好香濃嘅黑蒜味，上面亦加左蒜粒，都幾香口！特上海老湯拉麵（$98）呢個海老湯係周末限定，逢星期六日黎到先至有得食，一嚟就

晌荃灣大河道幾出名嘅豚道樂，雖然開咗一段日子，但係呢次係我第一次嚟試。佢入面有幾張高身吧檯，另外仲有一張比較大嘅長方形木檯。同一般嘅日式拉麵唔太一樣，呢度係走工業風路線，天花板仲掛咗好多個好似風扇咁嘅燈飾，都幾得意。同埋擺咗好多個日本達摩，每個嘅造型都有少少唔同。佢哋有幾款湯底揀，仲有平日、週末同季節限定款式，另有特上同經濟之分，前者嘅配料會比後者多。先叫咗兩支飲品，招財貓汽水個樽上面嘅圖案幾可愛，味道就有啲似波子汽水，甜味唔算太重。山梨桃梳打就即係有氣桃味汽水，都唔錯。灸燒芝士豚肉，豚肉上面鋪滿燒到半溶嘅芝士，下層就有塊紫菜，食落香口。日式餃子，餃子底煎得香脆，餃子皮就煙煙韌韌，中間肉餡多汁。不過就等得比較耐少少，我哋差唔多食完拉麵先拎到嚟。特上日本芥末拉麵，分別有豬肩肉、豬腩肉、溏心蛋半隻、紫菜、芽菜、木耳、蔥花等等，配料幾豐富。第一次食呢種加咗日本芥末嘅豬骨湯底，湯呈淡青色，賣相都算討好。先飲一啖湯，感覺黏黏地，同埋有少少辛口，有趣得嚟又唔太過火，入面仲有芝士碎，撈埋一齊食幾惹味。麵條方面就揀咗曲麵，質感都幾煙韌彈牙。豬肩肉薄切爽口，食落唔錯。豬腩肉比較厚切，口感都幾鬆化有油香。

今次係第三次來幫襯豚道樂！我和家人都好欣賞這裡的曲麵，好有咬口（個人喜好麵質較硬嘅麵😘）；豬腩肉肥廋適中，拉麵最基本嘅質素都有齊👏🏻讚❣️特上海老湯拉麵更係最值得推介👍🏻除了基本材料做得好，湯底亦很重要。Topping 有櫻花蝦乾，少許紅椒幼絲和䓤花，海老拉麵嘅湯底，非常濃郁，湯味誘人。今人食得非常滿足😊麵食完后連湯都想飲清光😋昅下隔離枱嘅食客，跟我一樣把湯飲清光😅不是我一個甘離譜吧😂不過提提大家，之前試過這𥚃嘅豬肩肉就覺得肉質太乾😑所以記得叫推介嘅豬腩肉👆🏻大家亦可追加各樣配料，以下分享下餐廳嘅餐牌⋯

『豚道樂』位於荃灣大河道，開業不夠一年，每次經過都會看見門外有一條小人龍，這天終於立下決心去排隊一試！還好舖面座位算多，等了15分鐘左右就可進內了。跟其他拉麵店一樣，店員會給你一張紙下單，我跟男友一人點了一碗「特上」。「特上黑蒜油拉麵」是中規中矩之作，湯底的黑蒜味不太突出，而且有點太過油膩，不像某些拉麵可以連湯也一起飲掉。我選了的是幼麵，麵質算彈牙，而豬肩肉和豬腩肉也不錯。「特上海老湯拉麵」相對下較出色，蝦味湯底很開胃又惹味，拉麵亦加入了很多小蝦米，令每口拉麵都更有口感。男友選了曲麵，他說比幼麵好吃，我也認同。總括來說，拉麵發燒友可以去試一試。不過說實話，其他選擇的話，這間並不是令人一再回味的首選呢。------------------------------

今日去荃灣搵野食! 見到有間細細既拉麵店好似唔錯! 入去來一個午餐!哩度地方唔算太大, 好采黎到唔洗等位! 哈哈!而我覺得哩度好好呀! 每張高枱都有得叉電!睇下佢既餐牌~有好多唔同既拉麵食!我地就揀左特上黑蒜油拉麵同埋特上海老湯拉麵!特上海老湯拉麵讚呀！湯底特濃！好好味呀！好重蝦既味道，又好多好多櫻花蝦...正！佢既豬肩肉好好味！而我選擇左曲麵！彈牙好味！特上黑蒜油拉麵既湯底又係濃濃的! 而哩碗我就揀左幼麵!幼麵都唔錯呀! 同樣都彈牙爽口!原來特上既意思係有埋紫菜同埋流心蛋!可惜咁啱佢今日冇豬腩肉~下次一定要試下!另外小食我叫左我最愛既芝士~炙燒芝士豚肉!細細碟份量啱啱好! 用芝士溶化係豚肉上~正呀!最後飲個平果梳打~滿足呀!

開頭覺得佢想吸拉麵台風啲客...但自從佢上咗openrice榜第三位，就想去探個究竟。環境當然比開業多年的台風新淨舒服，工業風的裝修+各式日式小物裝飾，包括那劍球吊燈，年輕有趣。面壁位可以叉電，又有wifi特上同普通的差別係多兩塊紫菜、半隻蛋同兩片肉，貴$13，唔加的確有少少笨。一般腩肉肩肉只能二選一，特上就兩樣都有，唔怕選擇困難。腩肉係圓形外圈肥肉有啲膠質包住中心少少瘦肉。肩肉就像肉片，主要係瘦肉。肉充滿灰香，兩者比較，腩肉比較突出，油潤非常。蛋望落有少少overcook, 但食落仍是糖心入味。在云云拉麵店中要突圍而出，獨特的又不失美味的創意應記一功。青BB色的史力加wasabi拉麵真係未見過，更未必人人敢試，但依家卻成為小店的招牌菜, 殊不簡單。芥末取其色澤及獨特味道，啖啖wasabi味但不會嗆口嗆鼻，不會流鼻涕流馬尿，就連鹹度也比一般拉麵低，很順喉，連水也不用多喝一口。加了少量的士芝，不會變成芝士撈麵，但為拉麵增添creamy的口感，芝士也能中和wasabi的辣味。而wasabi的味道又能淡化肉的油膩感，配搭新穎卻又言之有物，為食客帶來視覺和味覺的新衝擊。週末及假日限定，湯底都幾

係呢d陰陰凍既天氣總係想食一碗熱騰騰既拉麵 呢間拉麵細細間 裝修到好似日本既拉麵屋咁 好似係呢隻環境食既拉麵會更加地道咁特上海老湯拉麵係周六日既期間限定 橙色濃郁蝦味既湯底真係一食傾心 好似落左幾十隻蝦咁 又香又甜~ 麵面仲有一堆原隻既蝦乾 更添蝦味~ 食完只有少少口渴 不竟味道濃 而湯既油度係有得選擇既麵條；揀左普通硬度既曲麵 唔係好彈牙 蛋味亦一般 不過就勝在好掛湯 麵既硬度同種類可以自選舖頭既招牌就係呢個看似好難接受既芥未湯底拉麵啦~唔好睇佢青bb 好似好辣咁 食落其實只係淡淡既芥末味 好香 有少少攻鼻 但唔會好辣好嗆 係一個比較特別既湯底 值得一試另外 原來佢暗藏左芝士架 麵面有一推芝士碎 芝味唔濃 亦唔會拉絲 但淡淡既奶味可以中和芥末既辣味 令成個湯底更易入口兩款麵都有豬肩肉同豬腩肉選擇 我就揀左較多人推介既前者 半肥半肉又分怖的確係非常邪惡但好食溏心蛋隨麵會有半隻 睇下！！！！佢既溏心蛋真係好溏心 完全係蛋漿咁 個程度係d蛋黃可以"漿"住你個口 而且蛋味都好濃郁 蛋白亦充滿醬油味道 的確高質呀！ 

一個月一次嘅組長訓練，單挑一支公嚟到荃灣，就晌訓練前嚟豚道樂食拉麵，因為見佢排晌十大之內，風評不俗，一於試試其水準如何？由於嚟得早，只喺六點多，所以，見客人唔多，就揀大枱位，費事坐高脚櫈度面壁。室內一派極具和風嘅裝修，牆上掛上少日文牌片，最吸晴應該喺天花燈及倒吊晌上面嘅劍球。餐廳四周主要喺高腳枱櫈面壁位，後尾見唔少人揀坐依啲，原來有免費叉電，哈哈！正中間有兩張大長枱，打住對面可以共坐8個人。餐牌上，已經圖文並茂列晒所有拉麵、小食、飲品。而點餐紙一如其他拉麵店，剔剔剔就搞掂。不過，順便解釋吓「特上」同「普通」嘅分別，兩者相差$13，據店員講前者就喺多半隻溏心蛋、兩塊紫菜，以及有齊豬肩肉同豬腩肉兩款肉，而後者則只可選擇一種肉類，加蛋或紫菜要另外收錢。特上海老湯拉麵 $98見依一款話只有星期六、日供應，仲話每日限量30碗，好好奇佢喺點，所以，揀咗佢。原來，喺以豚骨湯嘅基礎上再加入蝦湯，店員仲話為咗加強個味道，仲有落埋蝦油，而且，豚肉以外，更灑下大量櫻花蝦，所以，蝦味頗為濃郁 、鮮香。麵條可以揀幼麵或曲麵，後者較少食，所以揀曲麵，麵身幾彈牙，又耐浸，每炷麵都掛滿湯汁及櫻花蝦，食晒成碗麵份量可不

中學時期，家規比較嚴厲，放學後就要盡快回家，不得到旺角去，有一次搭小巴經過，先見到朗豪坊嘅雕像有幾咁高大，有大排長龍嘅章魚燒店，好想大個幾年可以同同學放學行吓，係一種免費娛樂同樣又最值得掛念。高中後，認識了其他學校的朋友，因為地區不同，要約見面就會係假日，一啲活動過後，緊係一齊食飯繼續傾，而個陣又想扮大人，就揀咗好多人去嘅一間拉麵店，我同幾位朋友買單時先知，餐廳會有加一服務收費，10%即係每十蚊消費就加一蚊，原來原始 哈哈。到今日，拉麵店都係充滿回憶嘅地方，咩心情都想嚟重溫一下，睇到instagram blogger介紹呢間豚道樂拉麵店，荃灣區嘅朋友食個都覺得好值得推介，就黎試吓啦！去到餐廳，特別會留意佢哋準備比客人嘅儲物方法，特別係香港地舖租金昂貴，係窄少空間要做到方便有實用嘅真係唔容易，而餐廳高枱位有兩款大牌子叉電器，又有wifi可以一邊睇片食拉麵，座位旁邊有小鐵鈎，可以放個手袋，又可貫徹工業味風格！餐廳無加一收費，每逢星期一至五12:00-3:30，凡穿着校服學生惠顧拉麵及飲品，都可享有八五折！另外會定期更新節日限定，為食客帶來驚喜！特上海老湯拉麵 $98睇過一套烹飪做主題日本電

經過呢間拉麵店無限次， 今次終於一試真身! 周圍環境唔錯， 好乾淨，都算幾寛敞， 可以選擇坐高枱/正常枱。 餐牌總共有五種湯底選擇， 我先生就take左只限星期六，日先有既特上海老湯拉麵 ， 好味， 好濃，好鮮甜， 湯裏面仲有好多纓花蝦，一個字 ~ '得!' 而我就好想點特上日本芥末拉麵， 但係怕阿仔又唔食得 (佢得三歲)， 侍應姐姐就提議我地可以將追加個麵可以另上， 我以為會乾上，結果係成碗麵連豬骨湯上， 呢下我真係覺得好窩心 ， 而家已經好少呢種甘有人情味既食店， 其他鋪頭可能已經另收錢! 講番個芥末拉麵， 豬骨湯配上芥末又真係有d驚喜， 味覺幾刺激，連d麵都變埋綠色， 一邊食我就一邊流鼻涕 (真樣衰)，建議唔係好食得Wasabi 既人都唔好點! 豬腩肉都幾入味而且冇乜肥膩感， 怕肥人士可以試下豬肩肉， 佢瘦得黎帶點爽口而且用左黑椒調味，層次感都幾豐富！ 而我最愛食既糖心蛋亦唔失色，流心又入味！等食期間， 發現店裏都係由年青人做侍應生同廚師， 見到佢地好認真去服務， 烹製，做出左一碗碗好好味既麵， 藉此希望佢地繼續努力! 而店內亦有免費電話义電， 突顯貼心！