早安越南 (Closed)

繼續係屋企附近發掘新飯堂，今日要推介既係蔡瀾美食坊既“早安，越南”，裝修幾有特式，有晒越南風再配合k pop音樂....呢個組合幾搞笑！當然對餵食既我食物才是重點~晚餐時間黎到都真係幾full下，好在仲有1張台available 唔洗等位，同老公每人叫左set dinner,再加1款小食，share食青咖哩豬扒飯~青咖哩好香，加左d椰汁，入口都有少少辣，豬扒係鬆軟既，份量足夠，重點d汁可以撈晒成碗飯生牛肉湯河~每次食越南都必點，湯底味夠濃，唔覺意飲左大半，牛肉都有好幾舊，可以自行再加青檸/辣椒/魚露~我好鍾意 （話說有個staff見我飲左大半碗湯，會主動問要唔要加湯，好細心）炸蝦餅~size好似塊面咁大，有蝦味，亦都夠彈牙，配埋泰式辣醬，就忍唔住一件接一件食落口青檸梳打+咸檸7服務加分位~除左之前提過加湯之外，仲有另一件事令我覺得呢度d staff細心~一開始見到我同老公share 食既時候，係我仲未意識到既時候已經放定多set 餐具 （食湯粉類同飯類餐具是不一樣的），呢度既service係食客感受到既如無意外又變成我地新飯堂

難得媽媽今天不用加班，決定帶她吃好西！記得越南菜式是媽媽最喜愛的食物之一，就來了不想對它說晚安的「早安越南」共晉晚膳。餐廳內外餐廳外有一越南橋車，十分吸睛。內裡燈火通明，很浪漫的感覺，且餐廳座位設計十分出色，完全沒有侷促的感覺，冷氣十分足夠，夏天來到也不會感到炎熱。餐牌設計有中有英，也有精選套餐，也可以單點，特式菜式更圖文並茂，完全符合我理想的餐牌。食物方面先後點了1）火車頭湯河粉；2）生牛肉湯河；3）蕃茄紅酒牛尾煲；4）龍眼冰；5）椰汁紅豆冰。上菜速度十分快，不消十分鐘就已經可以開餐。先想說說生牛肉湯河，我之前已經說過，每次到越南餐廳，我也會點一客生牛肉湯河來測試一下水準，結論是非常好。生牛肉十分嫩滑，侍應們的服務也十分好，點菜之後隨即送上檸檬，辣椒等以供調味。湯河也十分多，且滑溜，好吃的！2）火車頭湯河粉，一次過滿足所有希望。材料包括有牛筋，牛丸，牛楠，牛百葉，每種配料打孖上，養眼又吸引味蕾。特別是牛根，超級好吃，好燜！3）最後上了蕃茄紅酒牛尾煲，蕃茄味十分濃郁，媽媽都讚好！牛尾也煮得十分炆稔，值得一試。4）特式飲品也可以在晚飯時段免費贈送，大驚喜！服務態度餐廳的服務員十分足夠，招

同女友約會睇演唱會, 先約好在黄埔逛了陣街。 打算睇show前食啲野填肚, 咁岩見到黄埔天地美食坊開左好多新餐廳。見到呢間越南餐廳既新潮又多越菜款式選擇, 就跟女友入座了。 餐廳装修既時尚又有氣氛, 舒適且帶點格調, 有別於一般越南餐廳, 入面嘅LED neon燈亦非常入流。沙嗲串燒豬牛4串 $76沙嗲汁香濃可口 再配牛肉串同豬肉串 十分滋味 4串兩人食剛剛好。生牛肉湯河 $67湯河香料很香 生牛肉肉薄香囗 河粉份量也頗多 非常好味。香辣肉崧皮生菜包 $83辣肉微辣開胃 崧皮爽口 夾生菜食既爽且脆口。熱香茅蘆薈 $34略带香茅味 味道不會太重 剛剛好 再加蘆薈非常潤喉。

中午過後，來到黃埔美食坊，大部分食肆都已經出現人龍，只有這間早安越南就不用等，有點猶豫，反正我不太抗拒越南菜，人少一點都好。簡單的點了生牛肉湯河，越式春卷湯河，青木瓜沙律和炸蝦餅。生牛肉湯河是越南街頭食物，據說是越南早期在法國統治下，受法國菜的影響的一種食物，主要是一種有肉、菜和香料的菜式，但材料雖然來來去去都是幾樣，但每家食店在處理每種食材的方式，正正就是味道的高下之分！這裡的牛肉湯底味清甜，加了大量的金不換和各種香料，層次豐富越式春捲湯河，春捲分上，味道不過不失！炸蝦餅，蝦餅壓得平平，炸得香脆酥化，但略嫌乾了點，和泰式的蝦餅有一段距離！青木瓜沙律，清爽怡人、開胃好味！可作前菜或餐後清清口腔之物。越南菜勝在能將簡單的食材，轉化為美味的佳餚！

上星期六晚同bb同工人姐姐再去幫襯呢間越南餐廳，但估唔到而家d服務差左咁多，短期內唔會再去幫襯。嗰日我地2大1細，佢安排我地同人搭位，坐一張6人半sofa卡位。對方又係3人，人地一早坐左2人係sofa，我已經表明唔想搭枱，因為同bb一齊比較難控制，但個帶位嗰個女人用極衰的語氣話唔搭就俾唔到位我哋，咁惟有照坐。工人同bb迫埋係本應一個人坐的sofa位，我坐對面，咁仲有一個位係我同陌生人中間，咁我用左張椅用黎放野，點知之後仲要俾位waitress拎走張椅，叫我將袋放番係本應3人座但已坐左4位的sofa嗰邊，然後夾硬拎走張椅，十級奇怪叫左生牛肉湯河，牛油雞翼，越南炒飯同椰清，因為工人姐姐唔食豬肉，問過個越南炒飯係咪冇豬肉，個落單waiter話冇，係海鮮炒飯，上到黎見到一堆扎肉，好明顯係豬肉黎,有冇攪錯，完全唔尊重人地的文化同信仰。而且所有我order的食物都去左隔離枱，唔係搭枱的隔離，係隔左條河的隔離枱，如果間公司係唔識搭枱機制而落錯單咁一開始就唔好攪搭枱。食完埋單289,簽卡竟然同我講要過300蚊先俾簽，我真係冇預到，雖然個女人最後都俾我簽卡但嗰刻好似乞米咁，唔ok law

草根去開黃埔搵食，今次去左間我地好少會去嘅越南餐廳，因為之前總係覺得越南野冇咩好食，味道淡選擇唔多，所以越南餐廳一直都係我地嘅last choice，不過行過見到呢間越南餐廳裝修好似好Chill甘，所以最終都決定試一試生牛肉湯河 （$58）Pho bo (Rare Beef noodle in soup) 散叫左個生牛肉湯河，碗河粉黎到後窒左窒，冇諗過會甘大碗!!!而且真係煮好即時拎出嚟，超熱先試左口湯，食到用左大量南亞香料同胡椒去整，味道超濃👅食完真係會成身暖晒，係呢個天氣下食真係不得了 ✌河粉好幼滑，吸晒湯入面濃濃嘅香料同胡椒味🍲好正😋牛肉重牛味，但可能由於個湯太熱，加上影完相再食已經熟左d，相對冇甘嫰，下次都係要快d食😂 食完今次之後真心愛上生牛河 😍😍😍早安越南 令我地對越南野有改觀啊下次嚟再試多D嘢!!

記起對上一次真係食越南野已經係上年十月係深井食了。啱啱好睇完金剛就越南風情畫上身，直接係隔離解下癮。入到去其實覺得佢似間西餐廳多啲，霓虹燈管同牆壁上嘅酒瓶組合起黎似西式風格。但枱面一樣有辣椒醬同食撈麵用嘅酸辣汁，好一個Mix&Match。第一主食揀左生牛肉湯河，牛肉湯好夠味，唔係死咸死咸的，加上又夠熱，令切得薄嘅牛肉浸係熱湯中好快熟。而且牛肉浸耐左都無過老，仲保持到嫩口。唔錯唔錯。只係河粉少左啲作為晚餐未夠飽。而第二主食係馬拉盞海鮮炒飯。個炒飯非常足料，配料雖然同其他餐廳嘅差不多，青口魷魚蝦等，但入面用左三大隻開邊鮮蝦，而且啲飯炒得夠乾身，所以食落唔油口。我地為左過下口癮，所以點左炸蝦餅。本來無咩特別，但咬落去先發覺好結實外皮炸得好香口，蝦味又足，以為平平無奇嘅一口出奇地好食。尤其係點埋個酸辣醬，中和油分之餘亦蝦餅食落無咁單調。睇完越南戲，食埋越南飯，做左一晚越南人，哈哈。

等齊人等到好晚才食飯啊! 好肚餓，來到美食坊尋美食，經過看到這間設計得很現代又簡約的餐廳，尤其被佢的藍色牆吸引，細看之下原來係越南菜! 大家都冇所謂，便一同入內一試。當然即時叫了比較飽肚的炒飯，每一粒炒飯都炒得好乾身，而且仲落足料，有好多海鮮做餸。小食我哋大家share, 我食咗佢個雞翼同濱海。兩個都做得好有水準，雞翼好甘香，雞肉保持，濱海的皮做得夠薄，又好滑，同裏面的餡料包起來一齊食好夾。叫咗雞肉牛肉沙嗲，特別想提一提佢個沙嗲醬，比平時食開的甜少少，幾特別。十分欣賞佢個生牛肉湯河，皆因啲牛肉好香，肥瘦適中，食落又彈牙，而河粉方面條條都夠幼細，而且好滑。出面食過好多生牛肉湯河的牛肉都會太薄，冇乜口感，或者牛肉太肥膩，所以在佢碗生牛肉湯河同出面的價格差不多條件之下，我覺得做得很好。整體來說我覺得呢間餐廳的裝修，格調，以至食物的質素，性價比都很高，值得再來！

越南菜酸酸甜甜，炸物夠香口惹味，湯河夠晒滑溜，間中諗起都想食返餐！最近小編搵到一間位於黃埔美食坊嘅越南餐廳－－，裝潢別有格調，食物品質又高。齊齊跟住小編，體驗下越食越滋味嘅感覺啦！餐廳裝潢較為型格，用色以暗色調為主，配以搶眼黃色櫈，非常吸引視線。平時小編都幾鍾意食軟殼蟹，鍾意佢外皮鬆脆，連埋蟹肉蟹膏入口感覺飽滿，唯一一個缺點係較易令人覺得膩。如果同小編一樣鍾意食軟殼蟹但係怕膩怕滯，就一定要試下啦！米紙卷嘅外皮非常薄，入口完全唔黐咀，薄薄嘅米紙卷包住生菜，再包住炸過脆卜卜嘅軟殼蟹；然後再配埋生菜、青瓜、紅蘿蔔絲等等蔬菜，入口感覺非常清新而唔膩。小編身邊好多大朋友都鍾意食黃金蝦，鍾意意頭好賣相好，入口又香口惹味。唯一最麻煩就係一食就好易爆Quota，既然決定要爆，梗係要爆得抵啲、食得好啲！大家可以試下，沾上咸蛋黃嘅中蝦，入口好爽身帶鹹香，蝦肉入味，賣相好金黃靚仔，即使係比家中長輩偷食一兩隻都好值得。無論去到邊，身邊都仲會有一個雞翼控，雞翼嘅魔力真係不容忽視！如果想食酥脆可口嘅風味，試試啦！炸漿唔厚身入口唔會過硬，加上蒜蓉粒粒，口感好豐富，入口除咗酥脆之外仲帶少少蒜香惹味，難得嘅係仍然保持到