龍景軒

Open Now

Now Closed

中環連續十四年米芝蓮三星中菜-龍景軒🐉龍景軒(中環)📍中環金融街8號香港四季酒店4樓「努力過活，拼命無恙」#拼命無恙🫶🏻 #林家謙 #世上偶遇也是重遇嚟到2022嘅除夕，繼上次食完唐閣，都係時候分享埋龍景軒嘅食評。貴為全港唯二兩間三星米芝蓮中菜，如果唐閣係走實而不華嘅內儉，咁龍景軒就係走奢華高貴嘅氣派路線。踏入四季酒店再徐徐步入龍景軒，餐廳門口嘅水晶燈光佈置璀璨亮麗，令人對今晚嘅美食之旅充滿期待。-頭盤前菜🥗-蜜汁燒叉燒(半份) 💲210 ⭐️4.3/5⭐️ 每次到訪高級中菜，毫無懸念必點叉燒作頭盤，龍景軒嘅叉燒色澤亮麗伴隨晶瑩蜜汁，肥瘦適中帶燶邊，入口鬆化無比，味道合乎水準價錢合理，但個人而言始終鐘意稍為有咬口質感嘅叉燒。-炸饟鮮蟹蓋(每位) 💲340 ⭐️4.5/5⭐️傳統中菜廳，除左秘制叉燒之外，亦有依道令人欲罷不能嘅炸饟鮮蟹蓋，侍應亦有熱心介紹必點之作，大廚將原隻鮮蟹拆肉混和洋蔥絲釀入蟹蓋之中，再沾上薄薄炸粉炸至金黃酥脆，上枱已經令人食指大動，急不及待將新鮮熱辣冒住熱氣嘅蟹肉放入口中，每梳蟹肉都啖啖鮮味飽滿無比，與洋蔥比例亦調配得非常恰當，令人滿足度爆燈，實屬龍景軒將此道菜色做得精益

是日光顧晚市，點了七道菜，二人合共$28xx 先講好食既，乳豬皮薄而香脆，混合已批去肥膏的乳豬肉食，好香口，亦冇油膩感。 皇湯雞絲羹一食落口，啖啖雞既精華，配以冬菇，味道濃郁鮮味，唔會死鹹，各種材料層次分明，好有水準。 黑松露龍蝦春卷味道亦好平衡，黑松露味突出，但唔會蓋過龍蝦味。炸釀鮮蟹蓋味道不錯，以花蟹肉、洋蔥及鮮奶製成，味道順口滑溜，洋蔥味不會搶過蟹香，蟹肉亦充足。 而甜品香芒楊枝甘露以芒果布甸作底層，上層才是楊枝甘露，布甸味道出色。 以下菜式普通，唔似三星餐廳作品。叉燒軟硬肥瘦適中，但欠缺燒烤香氣，亦無豬肉香，就是普通的街坊叉燒，如以二星的天龍軒相比，天龍軒實力高很多，天龍軒叉燒有炭香味，豬亦有橡果味。 而佢地既招牌菜龍帶玉梨香，唔知係咪期望過高，食落真係極之失望，廚師以薄粉包裹帶子、鮮蝦和梨，再在上面配以芫荽同金華火腿，其實炸的火侯拿捏得好好，皮薄香脆，但除左梨的味道，係食唔到其他材料味道，帶子同蝦完全冇味，火腿都冇味，甚至平時會搶味既芫荽，我都食唔到有味。 酥炸日本蠔配柚子

米芝連3星粵菜🌟餐廳環境闊落，可以一覽維港景色，不過都係覺得望返過去九龍區冇咁靚🤣另外值得一讚係服務好好，每樣食物都會簡單講解一下，仲好貼心咁不停幫你斟茶！鍾意食辣嘅朋友可以點豆瓣醬/ 素XO醬/ 辣椒豉油黎食🌶 /炸茄子/黎個係附送嘅前菜，炸茄子非常鬆脆，炸粉一d都唔厚，加埋辣醬好開胃🍆/假日特色點心 $102/當日嘅特色點心係海鮮餃，佢個外觀好靚，係彩色嘅餃皮🌈餡料有帶子、蝦肉等海鮮，另外仲有粉絲，配埋酸辣汁，都幾得意，味道有d 似韓式餃子😂🙈/豉汁龍蝦馬蹄腸粉 $250/腸粉皮好薄好滑😍佢嘅口感都幾豐富，馬蹄爽口，龍蝦膠彈牙！不過我覺得如果將馬蹄切碎加埋入龍蝦膠可能口感更佳🤔依家我基本上係分開兩樣嘢黎食，一啖係原粒馬蹄腸粉，令一啖就係龍蝦腸粉😂😂😂/原隻鮑魚雞粒酥 $86pp/黎個鮑魚酥味道唔錯，鮑魚質地軟熟，唔會比雞粒蓋過味道，個人覺得最出色係佢個酥，非常鬆化！/崧子叉燒菠蘿包 $102/個人好鍾意黎個叉燒菠蘿包😳新鮮出爐熱辣辣！麵包好軟熟，菠蘿皮鬆脆，佢係比平時嘅菠蘿包更加甜，可以中和返叉燒同埋醬汁嘅鹹味，我覺得黎個味道好正👍🏻餡料仲加左洋蔥同埋崧子，令餡料更加有咬口🥰/片皮

睇過食評，做過功課先過嚟食。用3~6個月大嘅本地加美雞熬成的皇湯雞絲羹絕對必食，味道極為濃郁，啖啖精華。皇湯用小型瓦煲上，下面一直用蠟燭㷫熱令雞湯不會因溫度下降而「凝」油。自問唔算細食，不過食完隔一陣會覺得飽飽哋～ 另一碟有驚喜反而係complimentary 嘅頭盤，酸薑玉子豆腐。味道配搭恰到好處，唔怕酸薑搶味。龍帶玉梨香幾特別，皮薄而脆。唯一就係底部嘅梨有一份甜一份唔係好甜... 自己口味覺得應該配甜會好味d... 其他菜式好似焗蟹蓋、鮑汁扣鵝肝、清湯牛腩都唔錯，啖湯好清（可以想像撈河粉會勁正）。全部水準之內但唔會有特別驚喜。單尾炒飯略油... 呢個真係有d 失望。甜品方面，某youtuber 推介甜品楊支甘露為全港最好食... hm... 唔係lor。 味道冇問題，係好味嘅之但係我唔覺得係「最」好食。明明本來係想試另一個 chef recommendation 嘅甜品，真係可惜了我嘅quota。值唔值？我覺得食物水準，service 同環境都值呢個價位。只係唔係碟碟菜都好驚艷。由於佢係三星，所以本身對佢都好有期望，expectation 亦會相較提得更高。回頭的話會過嚟試下點心。

今年做節，我哋揀咗四季酒店嘅龍景軒食好啲！有米芝蓮星星嘅佢一直都好難訂位，今年咁好彩中秋節俾我哋訂到位！原本我哋都諗緊係咪叫套餐，跟住諗諗吓睇睇下套餐都唔係樣樣想食，今次決定試吓散叫！龍景軒特別在大部份嘅菜式都可以半份咁叫。今次我哋叫咗：1.蜜汁叉燒：係夠淋嘅，又甜甜地，好食！2.凍鮑片配蘆筍紅蜇頭：凍鮑片夠鮮甜，又夠淋，紅蜇頭成片食好有口感，不過我覺得唔夠入味。配喺下面嘅蘆筍又嫩又甜。3.皇湯雞絲羹：龍景軒必試菜式，濃厚嘅雞湯，膠到好似飲緊花膠湯咁！4.皇湯蒸斑片蛋白：為是日特別菜式，唔會係餐牌上面搵到，皇湯蒸蛋白原來可以咁夾好食！5.黑松露炸蟹蓋：都係是日特別菜式，黑松露味突出但又唔會搶咗蟹肉嘅鮮味，多蟹肉，好好食！6.孜然香椒羊蹍肉：呢個叫咗半份，羊肉好嫩好juicy，唔會過熟，好好食！7.蒜蓉蒸半邊龍蝦粉絲：相比之前嘅菜式呢碟就比較普通，唔試無損失。8.蝦子遼參配豬腳筋：爽口嘅遼參配以濃香嘅蝦子醬汁，美味。9.甜品：最後茶藝師會煮一小壺茶俾你，是晚係桂花鐵觀音，好清香入口好舒服。桂花杞子糕同埋嗰粒酥餅都係送嘅。我哋另外仲叫咗碗杏汁湯圓同埋半份蜂蜜薑茶糕。兩個甜品都好好味，雖然已

我媽好中意食點心，難得生日，想同佢食餐好既。一去到就感受到service 好好，好貼心，其實我開頭打電話去book 檯，已經覺到個服務員好溫柔有禮貌，會主動問我係咪特別日子。我之後打電話去追問訂位同泊車問題，服務員態度依然好好，好有耐性。當有我地3個人，想試多少少唔同野，有叫點心，羹，炒餸，炒飯。 價錢都唔平，叫菜/上菜時，服務員會細心解答我地既問題，服務同環境拎我覺得餐飯貴得有理，可惜羹餸飯 都達唔到期望，當中皇湯雞絲羹更要$340 一位。公平咁講，以下我叫既野都好食既，羹，炒餸，炒飯都好多料，皇湯雞絲羹不例外，好香雞味，不過睇埋分量就未必值呢個價錢啦。炒餸，炒飯都好食，係咁既服務同環境，價錢都唔會覺得太過份。 日水重點既就係點心，係我地特登黎既原因。分別叫左龍太子蒸餃  - 好有霸氣，一件一件咁叫，味道不錯。瑤柱蟹肉帶子餃 -  十分好食!!! 必叫，對我黎講好食過其他所有點心，諷刺既係個價錢亦都係最，性價比最高！估唔到入面解蟹肉絲會出奇地多，帶子肉都好滑！崧子叉燒菠蘿包 - 入面唔少叉燒， 個包好鬆軟，菠蘿包嘅甜同叉燒嘅鹹香夾得十分好！原隻鮑魚雞粒酥 - 必試! 鮑魚香到不得了，

好耐冇嚟，因為冇人陪囉😄⋯⋯兩星期前左右訂位，估唔到咁快有😄，或者平日真係容易啲訂位👍。同樣地😁，行政套餐都唔啱食😄，散叫好啲😄。睇過今日點心😳，冇腸粉😭，有啲失望😞。點心都係啦，每籠有3件，但都可以改成人數咁多件，價錢照樣計👌。我地去到，客人仲未離開，咁我地坐出面點住食物先，服務員仲好貼心問，我地趕唔趕時間添😄，我就唔趕，同行趕啲😅。安排到我地坐窗口位，飲水仙丫🙏。一陣就送咗碟乳豬😳，廚師請我地食😄，乳豬皮脆肉嫩，仲少咗啲肥肉😋，原來係廚師切咗啲去，冇咁罪惡感😄👍。蝦餃皮薄蝦肉夠彈牙👍。燒賣豬肉同蝦嘅黃金比例冇得頂👍蝦籽蟹肉春圈，皮脆、蟹肉鮮👍瑤柱小籠包湯汁鮮甜👍桂花蘋果叉燒盞，桂花味清香，叉燒細細粒係半肥瘦嘅，一啖一個真係好滿足👍叉燒菠蘿包，菠蘿包香、皮鬆化👍皇湯雞絲羹，皇湯即係雞湯，煲咗6小時以上，但係飲落口好濃嘅味道，有啲怪怪地😅。鮑汁花膠鮑魚絲炆麵，服務員幫我地分埋上枱，一絲絲嘅鮑魚，花膠就感覺到漲口，麵條彈牙有咬口唔會太腍👍最後想叫甜品，但我地都巳經好飽😄，點知再送上甜品😳。奶皇流心笑口棗👍合桃酥👍桂花糕👍又係非常滿足嘅一餐😄，下次再嚟食好啲😁。

之前嚟「龍影軒」多數定中午飲茶時間，因為今次有貴賓回來香港，特意安排在「龍景軒」晚飯，「龍景軒」在米芝蓮全球第一家三星粵菜廳，由2009年至2018年度連續十年均獲維持3星評級，這間福布斯旅遊指南五星級餐廳和米其林三星級中餐廳由行政總廚陳恩德主理。怎樣令我著迷的粵菜☺️首先環境可飽覽海港美景，卓與卓之間有足夠空間感，精緻餐具與玻璃飾相映成輝，非一般服務水準，多謝「龍景軒」經理款待🙏🙏