滄浪亭

Open Now

Now Closed

滄浪亭的奶白色煨麵家喻戶曉，無奈我每次見到長長人龍都會立即敗走。今次的起心肝，排隊排了45分鐘，終於一嘗這份傳統滋味。———————————————————————點了最受歡迎的嫩雞煨麵。一見到這奶白色的湯底已令我食慾大增，果然湯頭未有令我失望，有雞味有奶香，濃郁得來又未會太重味，就算喝下整碗也不會口渴。麵質方面未有煮得太爛，仍然保留少許麵條原來的韌度，十分掛湯，每一啖麵都吸收了湯的精華。另外雞肉粒和菜粒亦非常充足，充分吸收了湯的味道，唯一可以挑剔的是雞肉未夠嫩滑，略嫌過老。另外還點了糖醋排骨。排骨炸得非常酥脆，但不會有油膩感覺。糖醋汁酸味較重，十分開胃，而且醬汁份量適中，足夠讓每一件排骨沾上之餘，也不會過量令排骨的脆度減低。———————————————————————今次試了這店的兩道名菜都沒有讓我失望，難怪即使店內地方狹窄，用餐空間比較擠逼，亦無阻它多年來的高人氣地位。

今日又去食呢間上海麵，今次叫左糖醋排骨麵、葱油肉絲面、大排面。上次叫左上海湯年糕同嫩雞煨麵，湯底幾濃厚，應該係加左豆奶落去煲，年糕略嫌太淋，嫩雞唔夠嫩，今次想食d其他style。佢既炸野既炸粉不會過厚，十分乾身無索油，好脆身，炸豬扒肥瘦均勻。糖醋醬似糖漿咁杰身，所以可以好均勻咁裹住排骨。排骨都有輕輕醃過，唔會有雪味騷味👍🏻但骨頭比例太高，無乜肉食，所以叫炸豬扒好過葱油拌麵個麵質幾好！夠煙韌！不過湯麵個麵食到一半高林pat pat

呢間位於紅磡嘅小店座位好少，經常爆滿，如果一兩個人去食，就要有心理準備搭枱。不過每次食完佢個嫩雞煨麵，就會覺得即使要排隊或者坐得迫啲，一切都係值得。講返碗雞麵，個雞湯真係靈魂所在，飲落好似creamy嘅忌廉湯，而且飲落仲好似有一陣牛奶味，每次去都會飲晒成碗湯，一滴都唔想浪費。碗麵仲配雞粒同菜粒，睇落都覺得好健康營養豐富，不過今次食啲雞粒好似煮到有啲老，有啲「鞋」，少少失望。另一個好多人點嘅菜式就係糖醋排骨麵，不過個人唔係太鍾意陣酸味，仲覺得個糖醋味有少少影響我品嚐嫩雞煨麵嘅嗅覺同味道。整體而言，呢個價錢配呢個質素，一個字，抵！

食過返唔到轉頭嘅糖醋排骨，透過🐼外賣意外食到佢嘅食物，無論係糖醋排骨，佢嘅麵同埋其他人推介嘅雞絲粉皮，全部都好好味。但係唔知點解食過一次之後，🐼外賣就唔再送去我所在嘅地點。我以為佢地無開門定係暫時 close down, 超級崩潰，所以我向滄浪亭社交平台詢問有關情況。點知發現原來有可能係因為熊貓外賣人手不足而導致呢個“暫不供應”嘅原因。店鋪人員經過了解之後，竟然好好咁安排特別嘅外送服務。雖然可能只此一次但係我都已經極開心，一止連日來嘅糖醋排骨癮。希望佢地可以挨過呢個COVID-19艱難時刻。我最鍾意嘅食物包括：糖醋排骨，個糖醋汁好開胃，個肉咬落去好彈牙，一啲都唔乾。個糖醋排骨仲要有少少脆皮嘅口感，真係超正。雞絲粉皮，個粉皮彈牙，唔係淋 bet bet, 麻醬個味道好濃，屬於少少結，唔係水汪汪果種，雞絲亦味道好好，唔鞋。不過份量屬於細少少，感覺自己可以食兩份。嫩雞煨麵，我一向都麻麻呢個菜，因為我本身唔鍾意呢種麵嘅口感，但係佢個湯超好味。我齋啜佢個湯，另一半就超鍾意，已經翻轉頭再 encore.

酒店地下屹立不倒嘅人情味小店，住hall嗰時諗唔到食咩就會去食，就算而家冇hall住，肥西都會專登返去食🥺👅糖醋排骨麵 ($59) 8/10呢間嘅糖醋排骨係cls 咁好食，仲要成大碟熱辣辣咁上😗炸粉厚度剛剛好，仲要啲排骨有肉唔鞋，keep到些少肉汁。淋上黑醋味濃嘅糖醋醬，但完全唔影響排骨嘅香脆，一啲都唔油膩，我願意就咁叫一碟自己啪晒佢🥲講返碗麵，唔好以為佢睇落好清，但紅燒湯底夠味，啲麵幼身得嚟都有啲咬口，不過浸得耐會變淋，記住快啲食～👅雞絲粉皮 （$38）7.5/10海量超濃花生味嘅麻醬，晶瑩剔透嘅滑嫩粉皮，加埋雞絲同芝麻，真係難啲唔好食🌞如果雞絲可以多啲同滑啲就更好，不過要讚啲粉皮厚薄均勻夠爽口，唔似出面個啲淋到河粉咁🌚👅肉絲春卷 ($26) 5/10係到食過唯一一樣伏嘢🤡又油又少餡，廢事嘥口水講佢，總之唔好嗌🙏🏼👅冰豆漿 ($8) 7.8/10大杯順滑好飲唔甜，不過點都好，食麵飲凍豆漿是常識吧？👅總結肥西食過無數次嘅經驗，最好食嘅麵絕對係無咩人講嘅蔥油拌麵，好多人都推介嫩雞煨麵，但creamy 嘅奶白湯底肥西唔喜歡🥲仲有大排麵嘅排骨都正！！____________________

𝙢𝙞𝙡𝙠𝙮 𝙗𝙧𝙤𝙩𝙝, 𝙨𝙡𝙞𝙥𝙥𝙚𝙧𝙮 𝙣𝙤𝙤𝙙𝙡𝙚𝙨, 𝙙𝙞𝙘𝙚𝙙 𝙘𝙝𝙞𝙘𝙠𝙚𝙣, 𝙩𝙝𝙖𝙩'𝙨 𝙢𝙮 𝙛𝙖𝙫𝙤𝙧𝙞𝙩𝙚 𝙠𝙞𝙣𝙙 𝙤𝙛 𝙨𝙝𝙖𝙣𝙜𝙝𝙖𝙞 𝙣𝙤𝙤𝙙𝙡𝙚 𝙨𝙤𝙪𝙥🍜 𝙢𝙖𝙠𝙚 𝙨𝙪𝙧𝙚 𝙩𝙤 𝙤𝙧𝙙𝙚𝙧 𝙛𝙧𝙞𝙚𝙙 𝙘𝙝𝙞𝙘𝙠𝙚𝙣 𝙬𝙞𝙩𝙝 𝙗𝙡𝙖𝙘𝙠 𝙫𝙞𝙣𝙚𝙜𝙖𝙧 𝙨𝙖𝙪𝙘𝙚 𝙖𝙣𝙙 𝙘𝙧𝙮𝙨𝙩𝙖𝙡 𝙣𝙤𝙤𝙙𝙡𝙚𝙨 𝙬𝙞𝙩𝙝 𝙥𝙚𝙖𝙣𝙪𝙩 𝙨𝙖𝙪𝙘𝙚 𝙞𝙛 𝙮𝙤𝙪 𝙜𝙚𝙩 𝙖 𝙘𝙝𝙖𝙣𝙘𝙚 𝙩𝙤 𝙫𝙞𝙨𝙞𝙩!.久唔久想食上海麵都會諗起紅磡滄浪亭，好食之餘，平得嚟又夠哂大碗，列牌必叫雞絲粉皮，花生醬多到滿瀉勁濃郁，粉皮薄滑爽口，糖醋排骨同大排都即叫即炸夠哂熱辣辣好香脆，糖醋醬黑醋味偏重食落酸酸甜甜送飯一流！另外每次幫襯都會叫返碗嫩雞煨麵，鮮甜奶白湯底配上切碎左嘅雞肉粒同小棠菜粒索哂味，麵條軟滑又帶啲咬口，飲埋啲湯都唔口渴，最啱依加入秋涼涼地嚟食，好滿足～

還記得有一次機緣巧合的情況下，去到美孚幫襯左滄浪亭。店舖少少，卻有家的味道。最記得就係當時冬天等左好耐位，然後飲左一杯好好味的熱茶。今日偶然下又諗起呢間小店，於是收工就去左紅磡呢間分店。去到已經8點多，其實好驚想食的東西會賣完。試過有一次想食水餃雪吞，點知賣哂雲吞。所以想食好野的朋友們就早d去啦。兩個人選擇食物的款式唔多。今次食左紅燒軟排麵、糖醋排骨麵、雞絲粉皮。味道好食而且好抵食。兩個人食，埋單都係$128。簡簡單單食返餐都不錯。最後小店的呀姨們好好人，好有禮貌，態度親切。小店細細，我地只要大聲點叫野食就可以了。而且小店鄰近理工大學宿舍，亦都吸引左一班大學生黎幫襯。

要尋找古早味，今晚就試下陽春麵。門口裝潢好時尚，唔似食上海麵嘅地方。地方好細，只有四張枱，大約十六個位，全店只有一個師傅，兩個姐姐負責其他雜務。糖醋排骨麵一定要食，另外再要多碗紅燒軟排麵。好欣賞碗碗碟碟，好有中國古典風。而且一碗麵很大，比拉麵更大。陽春麵麵條幼細，硬度剛好，麵芯剛剛未熟透，保持到咬口。愛吃粗麵嘅我亦挺喜歡這種麵，温柔嘅外表，有著剛強嘅内心。湯底清甜，加上香葱調味，無搶去陽春麵嘅風頭。糖醋排骨即叫即炸，上枱時很熱，為免熱氣，攤一攤先食，依然熱度十足。 從未食過如此好味嘅糖醋排骨。坊間食過嘅最多只做到脆，但哩個真係酥脆。十分乾身，絕不油。沾上少少醬汁，已令人無法停口。再來嘅紅燒軟排麵，又係令人驚喜。食第一啖，懷疑緊自己係咪食緊豬手。細看之下，的確係豬軟骨。豬軟過炆得好淋，滑到好似豬手咁，而且軟骨位置起哂膠，食到嘴巴黏住黏住。骨膠原係女士們嘅恩物，女士們必食推介。今日食到嘅味道，應該係師傅多年經驗嘅成果，在此享受到簡單而具中國味嘅晚餐，真係滿足！