阿鴻小吃 (Moved) New Location

2022.09.21 慶生飯又來一個米芝蓮餐廳。這次是位於觀塘鴻圖道的潮州菜。撈麵的醬油鍋氣味有點重，有小蝦乾，芽菜與麵的份量差不多。鵝肝很入味，有淡淡的鹵水香，雖然沒有入口即化，但口感軟綿黏滑，可以一試。千層腐竹，每層都很入味，而且鹵水不鹹，味道剛剛好。值得一試鵝片份量還可以，肉質嫩滑入味。元蹄賣相不錯，但有騷味。墨魚口感彈牙，是推薦吃的。蠔餅火候控制得不錯，吃起來很脆，但蠔的分量並不多。十分推薦這個芥蘭非常鮮嫩，沒有菜渣。聞到杏仁香，吃不到杏仁味。感覺就是吃了一碗豬肺老火湯。份量可以夠兩個人分。店舖整體鋪面不大，有兩三間房，但因為係板間房月，所以隔音不是太好。鹵水可以一試；撈麵個人覺得有點油；湯味道還可以，用料也是不錯的。這間米芝蓮餐廳的店鋪裝潢一般，但價格上算是比較平民化，不過店內人手是真的嚴重不足，叫點菜也叫了幾次。

剛剛寫完食評兩個禮拜後再嚟，今次點咗其他唔同嘅菜式，不過素鵝當然一定要再點，芥末雞腳筋幾爽脆，口感唔錯，鵝肝就中規中矩，勾唔起太大反應，滷水汁亦都感覺有啲淡，素鵝依然係大贏家，阿鴻炒飯幾足料，不過功夫就麻麻，炒得唔夠乾身，濕濕地仲幾油膩，加$16送例湯都幾抵，叫做補返數啦⋯⋯ 整體質素真係唔錯，服務都幾好，阿姐都過嚟問咗幾次要唔要再添茶，廁所都算衛生，用TOTO自動廁所板，相信應該係觀塘工廠區比較罕見⋯⋯

連續五年榮獲米芝蓮一星食府的美譽，在商業大廈林立的觀塘區 - 阿鴻小吃。今次一口氣盡嚐各款招牌菜，包括：鹵水鵝片（例牌）$218、素鵝$68、南乳粗齋$78、招牌撈麵$78、迷你金絲蠔餅$78、蠔仔粥$68、芥末雞腳筋$78、醉香鴨舌$80。😚所謂力不到不為財，當天也見老闆在店內打點。相信此為保證出爐品質的原因。小店以卡坐為主，不甚寬躺，如果好似我們那樣叫菜，枱面未免太逼夾了。店內有兩間宴客廳房，一至兩圍也可。食物不純為傳統潮式菜，但確實用心及味美。一碗蠔粥窩心暖胃，鵝肉鬆化軟熟，蠔餅料足甘香，素鵝豆香味濃，南乳粗齋也喜見味美出色，招牌撈麵乾身入味。獨欠潮式糖水甜品。不要期望傳統打冷或高級潮菜，這個價錢及品質已經係喜出望外。😋🌟

星期六放假又係周圍去搵好嘢食嘅日子啦，今日就揀咗觀塘嘅阿鴻小吃，因為聽朋友講佢係米之蓮食肆。如果熟觀塘嘅話，店舖位置都唔難搵。但真係唔search唔知道觀塘有間這樣的食肆。鋪頭門面都幾吸引，入到去都幾乾淨，不過咁岩噴過殺蟲水，就有啲異味。旁邊嘅客人都係一啲遊客，見到周圍嘅裝飾同介紹，知道阿鴻小吃係由2010年到2014年連續5年奪得米芝蓮一星！我都係殭屍叫咗蠔仔粥、素鵝、鵝片撈麵！頭兩樣都係店舖推介，蠔仔祝真係好鮮甜好好食，而素鵝就係有腐皮整出嚟嘅好精緻！

男友說帶我吃滷水，沒想到是阿鴻。原來之前吃的北角店早已搬到觀塘，好，這晚就重拾往日的味道！煎蠔餅保持以往的水準，香脆多蠔肉多，美味！素鵝，必點之選！每一層的腐竹又薄又軟，一口一件，轉眼掃光光櫻花蝦撈麵，連平日不喜歡吃撈麵的男友也吃了兩碗！主角到了，鵝肉鮮，滷水味突出。墨魚片一般。托底的豆腐卻很美味。最後男友點了一碗蕃茄薯仔豬骨湯，湯非常濃郁，但還是媽媽的湯水好。觀塘阿鴻跟北角以前阿鴻的食物依舊美味，會再之到訪。

知道哩間係米芝蓮星星舖，於是同媽媽一齊黎撐檯腳。有碟頭飯，有小菜，碟頭飯會平d，不過請媽媽食飯就唔計較，一於食好D。鹵水鵝肉一定要叫，拼墨魚。一上菜，個賣相真係不得了，勾起食慾。媽媽讚不絕口，好鍾意食距個墨魚片，我就係有肉就好滿足啦。另外媽咪又點左距喜歡的素鵝，真係好多鵝～正！做工好好，比出面其他鋪頭的水準高好多！側面睇，一層又一層，薄又入味，口感好。連最後的上湯小棠菜都有驚喜！面果堆金蒜好香，蔬菜新鮮，湯又鮮甜，所有都好夾。我地兩個食到好飽，都忍唔住一定要食完d菜。享受的一餐，以後自己都可能中午來食個碟頭飯～

我地去左工業區間搵食唔好以為工廠區冇乜人呀！要排隊架！我地一行10個人，剛好可以安排入房YEAH！五香牛展~~~好入味！但我個人覺得乾左D，味道好的素鵝~~~其實係腐皮，個汁甜甜地，好味！鹵水墨魚片~~~刀工一流，切得薄薄的，墨魚好鮮味又有咬口金蒜腿茸白菜仔~~~白菜好嫰，配上金蒜好香喎！招牌撈麵~~~麵質好彈牙，好味！配上微辣的XO醬，再加埋銀芽、薑同葱，簡單得來好味！蠔仔粥~~~粥料都好豐富，蠔仔都唔細架，D蠔粒粒都白雪雪架！味道唔會太濃，清清地但又好好味！重點係有大地魚GOOD麻香雞腳筋~~~好香好香！好香麻油味，雞腳筋又爽又脆，又好入味！鹵水鵝片~~~好香又唔肥GOOD，個鹵水汁好香但又唔會好咸GOOD GOOD鹵水掌翼~~~鹵得好入味，墊底的豆腐好滑滑蒜香雞~~~D蒜好香，但隻雞冇乜味喎！可以唔洗ENCORE食飽了，又係時間歸家了真係開心愉快的一天！

睇完戲的週末晚上，突然想打冷... 便search 到九龍東的米之蓮阿鴻小食。到達時已經是晚上9時，但仍然要等位... 等了15分鐘便可入坐。入內環境舒服，位置頗為寬敞，晚上9時許還是客滿的。侍應姐姐態度不俗，尚算有禮。也許以上種種都是過往獲得米之蓮一星的必備條件。兩個人實在吃得不多，但太多想試，最後點了4樣。潮州菜最岀名應該是鵝片，但這裡很多人推介這個素鵝。跟上海菜的素鵝有點不同，這個是純粹由一層一層的腐皮造的，非常嫩滑。今次真係連素食者都可以打冷！食完假鵝，都要食返真鵝，鵝片拼墨魚，盛為$198, 確實有點貴！但真係無理由唔食，鵝肉嫩滑，只是滷水汁沒想像的那麼岀色，可能希望越大，失望越大。 沒有甚麼特別，只係每餐堅持要有菜，盡量飲食均衡一點。另外還點了蠔仔粥，由於太愛食蠔仔粥的關係，一黎到就開動了，忘記左要相機先食 整體而言，從裝修, 服務態度, 味道而言確實比很多的潮州食肆好，今年作為米之蓮推介都是名符其實，也反映在價錢上

屈指一算，跟鴻哥相識超過八年，見證著一間默默無聞的小店，進佔米芝蓮的地位，更加在不同區分開設分店，但反而少了見面的時間，偶爾只會攪一兩次包場飯局，能聊天的機會是少之又少。由從北角總店結業後，總算抽到時間，找來Openrice第一代網主，與及幾位當年的老朋友，在觀塘店來個私伙飯局。是晚下著雨，氣溫下降得厲害，而店舖地點雖然有點僻，附近都是車房及工廠大廈，加上又是星期一，但竟然全店滿座，相信都是鴻哥的魅力。菜單不用煩，全由鴻哥發板，就由前菜及美酒打頭陣。麻辣鴨舌相連下巴少許軟骨位，少許麻辣的香味在口腔慢慢散開，充滿了餘韻，絕對比起台灣名物不遑多讓。即食鮑魚併海蜇頭是鴻哥特意為歡迎一班老朋友而泡製，海蜇澆了少許陳醋，真的很芳香，食落又非常爽脆，而鮑魚是即食貨，一口一件好方便，煙煙韌韌的，又真的不錯。素鵝蘸了滷水汁的醇香，與豆味很匹配，層次感分明，雖然是轉了店，亦非鴻哥親自下廚，但都有舊店八成水準。麻辣雞腳筋似乎辣度不足，個人始終喜歡入口時的辛勁，事前汆水功夫處理得好，所以食落依然爽脆。芥末雞腳筋有著芥末的清香，與前者又有著截然不同的風味，黃與紅的對襯，既好睇又好味。凍花蟹併冰鎮鮑魚用上花蟹，

以前成日收工都會去北角和富道上面嘅阿鴻小吃晚飯，好多時八點後都會等位生意滔滔不絶，至從榮穫米芝蓮推介之後更加大排長龍，都有好幾年無去過，雖然機場都有開分店但路途遙遠所以無試過，當知道官塘開咗又大又易搵到位嘅新店，即刻約埋官塘做嘢嘅朋友去試。 由於中午時間怕無位所以佢哋一早去登記攞位，不過最終都要等齊人至可以入坐。新店面積比舊店大，裝修、運作較現代系統化，有著住西裝嘅店長招呼客，穿著整齊制服嘅侍應、廚師。午飯時間大枱都以搭枱居多，由於大部份食客都係喺附近返工，所以流轉都好快。 餐牌圖文兼備，款式大至上同舊店差唔多，仲有賣樽裝XO醬同招募會員, 果然與時並進有心大攪，家陣見老闆無再坐陣廚房而係於舖面打點。例湯木瓜唐排: 一大碗足夠兩個人分，湯料豐富有木瓜、排骨、淡菜等等，火候十足味道濃郁，同屋企煲嘅味道一樣。南乳炆齋: 係一味家常菜，大年初一都會必備，有冬菇、粉絲、雲耳、雪耳、支竹、豆卜、白果、津白....，南乳非常惹味，齋都可以好豐富，不過略為咸咗啲。醉鴨舌: 份量好多每條都好厚肉又唔會太淋，個醃汁酒味香濃每條鴨舌都入晒味。鹵水掌翼: 表皮顏色深過鹵水鵝好多，翼無乜肉較乾身，皮連筋膜嘅位

周未午間的工廠區特別靜，最啱我呢ｄ鍾意食又唔鍾意等嘅麻煩人。貴為米芝蓮一星食店既平民食店雖然隱藏於觀塘工廠區一角，但其秘製鹵水汁名揚海外，今次專程過黎試試。薑蔥撈面傳統製作，用豬油撈面，配抄香的薑蔥絲，面質非常彈牙，但記緊要趁熱食，涼左會覺得油膩。鵝片大碗飯鵝片鮮嫩，秘製鹵水汁撈飯好香；欣賞阿鴻小吃的鹵水汁，１）唔會搶左食材味道；２）食完唔會好口乾。唔似外面的鹵水汁大部分都好鹹，食嘅時候會好驚食到有腎病！阿鴻小吃的鹵水汁抵讚！素鵝素鵝尚可，都係因為個鹵水汁好食，原因同上；不過因為得兩個人食一碟，而素鵝又吸收晒個汁，所以食到最後都有少少膩。蘿蔔薯仔湯碗湯係午市隨大碗飯送，百分百屋企湯水，蘿蔔薯仔煲得好稔，無味精，ｏｋ！雖然係小店, 但食店環境、食物質素、賣相都見心思, 值得一試！