金田家

Open Now

Now Closed

收夜的這天, 有點肚餓又想吃好一點. 經過下班附近的登龍街想起這條街除了豚王外, 就只欠這家拉麵未吃過. 又幸好這裡10點仍有營業. 按照一向的習慣, 光顧一家新的拉麵店, 還是點最基本的拉麵試試. 黑蒜及激辛怕會嚐不出基本湯頭的味道. 落單紙上, 可選麵的硬度及要不要蔥. 枱面上沒有任何調味料, 小菜等, 這簡單的場面只曾在旺角的醬家看過. 上桌的這碗最基本拉麵, 除了麵之外只有紫菜, 蔥, 木耳, 還有4,5塊薄豬肉. 麵條是較幼的直身麵, 口感普通. 湯底則是純豬骨湯, 面層雖浮著少許油, 但湯的感覺不濃厚又不複雜. 薄薄的豬肉沒太多調味, 吃起來沒什麼感覺. 整碗麵的份量合適, 但吃完後沒有滿足感, 湯跟麵條太薄弱. 拉麵的水平, 只有50分僅僅合格. $78的價格, 與同街的幾間拉麵相比算是便宜. 但若朋友光顧的話, 我會建議點雞白湯豚骨或其他拉麵. 翻食指數: 0分.   價格中等, 服務可以, 味道不過不失, 但周邊的拉麵店有4,5家, 綜合味道及價格來看, 應不會再光顧.  (此指數平衡店舖交通, 味道, 環境, 價格... 等等, 個人作出的評價.)

趁早放工未多人就試一下金田家的拉麵，睇到評語不錯就試下。拉麵共有六款選擇，我試了最經典拉麵，上菜先發現原來沒有溏心蛋，有點失望，但又唔想加錢所以算了吧。面軟硬度我選了普通，但比起一蘭/拉麵來都相對較硬，好似我食得慢既人，食到尾麵就會軟身D。叉燒切片薄、肥瘦適中、肉質幼嫩，之前食過大部分拉麵既叉燒都會好乾好鞋，呢間既叉燒真係稱得上美味，唔似湯渣，而且湯底味道比較淡唔油膩，飲得多都唔覺飽濟，但湯底的豬骨味相對少。總括而言，幼拉麵、湯底清、叉燒嫩，值得一試！

今日去到附近即管一試，雖然是中午時間，但未至於見人龍，但好幾家都要等位的說，我們就隨便挑一家。吃拉麵跟吃快餐無異，基本上很快就可以翻桌。經典拉麵 $78 追加溏心蛋$14男朋友點的是經典拉麵，亦即是叉燒拉麵。湯底不會油膩，但未至於香濃，但不會說吃完後要灌水。面質類似一蘭那種幼身，我們選的是正常硬度，如果喜歡爽身，建議選「硬」。叉燒薄薄一片，肥瘦適中。溏心蛋是很推介追加的！好滑溜，而且流心效果明顯。至於我一定是選辣味的。激辛拉麵 $93雖然說是激辛，但未至於噴火，個人而言剛好。比較欣賞這個口味，吃過不少普通到不行的所謂赤拉麵，湯底一陣油，以為喪加辣椒油就營造到個辣字。金田家的激辛拉麵不會很油膩，吃得很爽。不過這個是灌水之選。雅布尼叉燒 $25/4片其這幾片跟拉麵中的叉燒是一樣的。不過輕輕燒過，這幾塊更香，帶火炙的感覺。但個人覺得太貴。

今日即使下大雨但都冇阻我要一試登龍街有名的拉麵店的決心。結果在黃金午飯時間竟然可以不用排長龍就可以入坐，實在難得。菜單提供六款拉麵，今日就試試最簡單的經典拉麵。另外，在facebook/ instagram 分享食物圖片加打卡仲有溏心蛋送，加上午飯時段有小食/飲品赠送，心情實在太滾動。拉麵上有三塊薄叉燒、一片紫菜、少量木耳和青蔥。湯面有層泡泡。拉麵是幼的，選了硬的硬度，麵身硬度算比正常的硬少許，有嚼勁。本人愛食拉麵，但最怕食後因湯底太濃，而感到很口渴。這家的湯底不濃，食完一個小時後不會有口渴感。溏心蛋是絕對水準之作，可見蛋黃的流心效果出色，外蛋白帶少少甜醬油味，完全俘虜左我個心~ 薄薄的叉燒是正常之作，不會太瘦而食落好乾。整體而言，是不錯的午膳地點。

餐牌上有多款拉麵可選 而今次就叫左$78嘅經典拉麵黎試除左拉拉麵 仲可以追加 炸雞 餃子 半熟蛋 等等 今次係第二次食 覺得個豬骨湯無之前一次咁濃 但都算好濃郁 麵係偏幼果種 所以掛湯度ok 叉燒 肥瘦岩岩好 而且細細塊可以一啖一塊 整體黎講算非常好 哩個價錢絕值得去食

登龍街拉麵店林立，由早期豚王一店開始在這裡進駐，一直至今有不少日式拉麵店在這裡開張，企圖將這裡打造成一條拉麵街。每次經過金田家，總覺得店舖冷冷清清，人氣比起同街其他拉麵店略嫌失色。其實吃一碗拉麵，往往消費近百元，如果吃到一碗「地獄級」的拉麵便會有被搶錢的感覺，因此拉麵店的口碑和人氣是相當重要的選擇指標。這次的光臨，或多或少是因為看到這裡的評價不俗，於是便索性提起膽子，拉門內進。餐紙提供六款拉麵，這次試了最簡單的經典拉麵。經典就是一貫我們熟悉的賣相、熟悉的配料。拉麵上有五塊薄叉燒、少量木耳和青蔥、一大片紫菜，還有另外追加的溏心蛋($14)。湯底是奶白色的豚骨湯底，先呷一口，可以嚐到淡淡的豬骨味道，湯色較清，濃度偏淡，不會太鹹。五塊叉燒由腩肉薄切製成，肥瘦比例約佔各半，入口香而不羶，可惜其中一塊仍黏有少量的白骨（不是軟骨，吃不了）。溏心蛋約七成熟，流心效果出色，也帶微微的醬油味，算是出色之作。拉麵是幼身麵，選了普通的硬度，仍然很有嚼勁。份量恰當，吃完後剛好有七成飽。如意猶未盡可追加其他小吃或替玉。這碗經典拉麵較為平實，味道是點到即止，不濃不霸道，也可能因為這個緣故，比起同街眾多拉麵店而言，

月黑風高的晚上！拉麵店多過燈籠的登龍街！一陣來自挑戰者的旋風於金田家內掀起！正正就是小妹⋯⋯帶同星球的另一個人 heart 表情符號 來到 金田家 かなだ家 HK 挑戰《金田家決戰九洲拉麵王比賽》！最後挑戰成功，取得榜上有名！親切的店長為星球另一代表的小妹準備了一系列招牌菜，報告如下：經典拉麵中的主角「Cappuccino 豚骨湯底」味道很濃郁，看起來有點油，入口卻不感到膩。叉燒方面經過足夠火候處理後非常鬆軟，據說是採用了日本的黑豚肩用。拉麵方面硬度更可自然調配。滷蛋稠稠濃濃的糖心令小妹一試難忘。最後栗子紫薯餅亦於高質預期之內，紫薯的甜是清清的，與栗子確實絕配！

想吃拉麵, 首先想起登龍街~ 這次就來試試這家金田家~ 位置不多, 有點迫夾...價錢可以~賣相一般, 叉燒肥瘦適中但有點薄...雖有4塊, 但食咗好似冇食一樣...這是引人追加叉燒的策略吧?麵質彈牙, 掛湯力不錯~~豬骨湯底濃而不膩, 還有不少的脂泡, 感覺很足料!!最緊要的是不會愈吃愈渴~ 至尊拉麵相比之下吸引很多~叉燒比經典拉麵多及大塊, 肥瘦亦算均勻除了叉燒不同, 湯底和麵質都跟經典拉麵一樣。$98值不值就真是見仁見智了...追加了溏心蛋及薯餅~溏心蛋外表有點參差, 溏心不算多, 有點失敗...反而薯餅令人喜出望外~平平無奇的外面, 原來有2舊入面有1舊是紫薯~~紫薯的明顯較甜~ 蕃薯味較重~~ 如何可以指定2塊也是紫薯就更好了!!

我朋友之前同我講過呢家拉麵幾好食但係一直都冇黎。尋日下晝岩岩得閒喺銅鑼灣，而金田家好近地鐵站（時代廣場附近）就入去試咗。我去果陣唔係好多人，好快就可以食到。店員都幾熱情~其實我都唔知要邊一款好就要做經典拉麵（點都係經典應該唔會差掛）。都可以揀拉麵既硬度。我就揀左普通。鐘意麵筋道D既人就可以撿硬D既拉麵。拉麵既味超香！！！好想幾口就食曬佢，但係有D熱都唔敢食甘快。拉麵入面有蔥（都可以走），紫菜，肉片同我都唔知係咩既黑色嘢（都好好食）。拉麵既肉真係超好味。肉片帶住一D肥肉。平時我係堅決唔食肥肉既人，但係尼個就好唔同。因為一D都唔膩。所謂肥而不膩瘦而不柴大概就係甘樣掛！同埋D湯我建議大家千企唔好浪費。拉麵既湯簡直就係精髓！湯好濃好香，鹹淡岩岩好。同拉麵一起食真係絕配！尼次黎冇食果D小食，下次都想試下其他~同朋友行下街之後喺尼度食真係方便又划算。

拉麵係我最近好鐘意食的一樣野，鐘意鋪頭會因應唔同客人要求、喜好去製作一碗麵出黎。雖然日式拉麵店往往好細、坐得唔舒服又好快要走，但正因為同其他食客距離近，可以充分感受到其他人的情緒，更加有助融入環境。一坐低，唉呀好失望，冇得任加芽菜，好彩冇得加芝麻！但有其餘兩種配菜。其中一種真係辣到痴左線﹝不是粉紅色果種﹞，店面應該喺樽面表示，方便唔食得辣嘅朋友仔。經典拉麵中有只紫菜、叉燒、麵同木耳絲，我覺得唔夠食所以加左芽菜同溏心蛋，真估唔到隻溏心蛋原來咁正！加$7就有左芽，價錢算係公道，因為都裝滿一大個碗，而且好夠新鮮，放落湯底一陣之後變半生熟，口感剛好。其他拉麵店極其量只有半隻溏心蛋，金田家就$12一隻。稍稍深色、介乎灰同咖啡色的外表，表示佢好入味。食一啖果然冇叫錯，蛋白好甜而且非常軟滑，一啖麵一啖蛋，不得鳥！流心蛋黃同樣係香香甜甜，但該種甜十分天然，唔會蓋過個蛋味。唔知日式拉麵麵質係味都偏硬架呢？我明明叫左「軟麵」但都只不過係香港普通麵的軟度。同行的姊妹們叫左「普通」，但佢地話好硬wo!所以好彩叫左軟麵姐。

我鐘意食麵多過食飯，不論係意粉、河粉、生麵定拉麵我都鐘意，不過就真係好少特登去金田家呢類專門店食拉麵~廚房用玻璃間隔，一覽無遺，可以一路等一路欣賞師父煮麵過程紫菜好大塊係我對碗麵既第一印象，跟住見到日式叉燒好整齊咁排咗喺碗麵上面，配埋少少葱花同一隻蛋，感覺好精緻~ 麵既份量正正常常，湯好夠熱，而且味道濃郁得來唔會太鹹，真係會想飲到一滴不剩! 感覺上就係一碗豬骨既精華，甚至已經超越咗叉燒成為碗麵既主角~ 不過如果可以有少少辣味可能更加豐富

星期六長週，舊同事約食午飯，記得雜誌剛介紹又有一間拉麵店金田家開業，在九州攞咗好多獎，所以就去試一試。雜誌介紹金田家有一部自動販賣機，點知去到先知冇得玩，部機只係用來食完拉麵抽獎，有啲失望，再見到門口影食物張相，第一感覺係唔方好食，入到去，是旦叫了碗經典拉麵，有一塊紫菜，三塊超薄叉燒。先喝一口湯，感覺有驚喜，湯底濃郁不膩，有豬骨味又不過鹹，得!叉燒是我最愛的肥叉腩肉，甘香油潤，正，可惜太薄。至於麵就選了軟硬適中，食到最後一啖都不會過腍。整體來說不是最好的拉麵，但算得上好味有驚喜!