燒味滷師 (安發大廈)

Open Now

Now Closed

星期日想斬料同屋企人食，見到呢間幾抵食同幾「市正」，所以叫咗幾款燒味。至尊燒鵝 下莊 $120燒鵝幾好賣，我五點去嘅時候話冇晒燒鵝，等到五點半先有。燒鵝份量都幾多，好有鵝香味。新鮮出爐，拎返屋企仲暖身。食落都幾多肉汁，加上外皮脆身，燒得幾好。加埋啲酸梅醬，食落味道就更加豐富。下莊有燒鵝髀食🤓老師傅燒腩仔 $64/半斤燒腩仔唔韌，肥瘦適中，一層肥一層瘦，幾靚。至於味道唔會好鹹，脆皮脆卜卜，好香脆，夠晒新鮮。另外會配芥末醬。客家鹽焗雞 $59/隻鹽焗雞做特價，所以唔使$60就買到成隻雞，抵。鹽焗雞肉質白身，有陣陣咸香味，可以再配啲薑蔥一齊食，會更惹味。燒味佬叉燒 $50/半斤叉燒半斤都幾多，食落都幾冧身，甜味比較重。如果邊位可以燒得燶啲就更加香口啦。

時隔一年多都沒有跟親友飯聚，是日就趁着還是新正頭，與親友家庭聚一聚，帶來燒味作「賀禮」，哈哈！這當然是說笑，只是「斬料」就可以不用勞師動眾弄太多餸菜。在親友家附近看到這家「燒味滷師」，有不少街坊光顧，應該差不了哪裡，就買數款店家推介的燒味上去吧！驟眼看看，燒味掛滿在櫥窗之上，琳瑯滿目，非常吸引，感覺款式甚多，定價看來亦相宜，有些更有優惠價。心思思很多燒味也想試，結果，買了一款又一款，有些是想吃的，有些是衝着優惠價而來！打開這一盒「至尊燒鵝」（$110/上莊），那份鵝香立時湧出。燒鵝真的燒得很不錯，外皮色澤亮麗，咬下去非常甘脆，充滿油香，而肉質嫩滑細緻。沾一些冰梅醬，可說是油膩感大減，吃來更清爽。經典的燒味怎可以沒有叉燒，「燒味佬叉燒」（$98/斤）究竟質素又如何呢！有少少燶邊，故份外好看。叉燒屬半肥瘦的，入口軟腍，燒得不會太乾身，又有點油脂香，並帶微微蜜糖的甜蜜味。吃剩的，還可以明天弄個叉燒炒蛋。現在好像很少客家菜館，所以，見到店家供應「客家鹽焗雞」（$59/隻），加上定價超便宜，又怎可以錯過，又來一隻試試。雞肉吃下時肉質鮮嫰，因為鹽焗，有陣陣鹹香味滲出，雖然有配上蔥油及特製醬油，但不

今天與友人到長沙灣吃餃子，回程時途經保安道遊樂場，看到燒味店【燒味滷師】人頭湧湧，便來八卦一下。原來店舖只開業三數月，正進行新張優惠，豉油雞／鹽焗雞只需$59一隻，非常超值。有別於傳統燒味店，【燒味滷師】以鮮黃色為主，店面鮮明整潔，乾淨衞生。 Google一下，原來老闆曾任職酒店，並在世界粵菜比賽（燒味及滷水組別）中獲得金獎殊榮，當然要斬料加餸試試其手勢。燒鵝、油雞及燒味飯盒都在做特價，價錢實惠。"至尊燒鵝"色澤光鮮，油光誘人，豈能錯過。選了下莊，鵝腿啖啖肉，油香四溢。鵝肉質地軟腍，蘸些甜酸醬同吃，可中和肥膩感。油雞有貴妃雞、豉油雞及鹽焗雞3款可選。"玫瑰豉油雞"顏色紅亮，口感嫩滑，醃得入味卻不會過鹹，亦不會蓋過雞的原味。店家還貼心地附上2包豉油汁，醬汁入口帶香甜，用來拌飯吃2大碗也沒問題。另外買了"燒味佬叉燒"及"老師傅燒腩仔"各半斤，叉燒肥瘦適中，沾滿了甜香的麥芽糖，邊位帶焦香最為美味。燒腩仔瘦肉較多，雖然回到家已不帶脆，不過鹹香得宜，也算不俗。

難得今日陪屋企人出黎買餸，當然要搵返d啱自己口味既嘢食啦😆見到呢間燒味店人龍好長，幾受歡迎，一於買嚟試下先至尊燒鵝 (上庄) ($110)- 咁大份上庄燒鵝只係需要$110，屋企人都話好抵食，值得一贊係肉質鮮嫩，充滿肉汁，一啲都唔會老，表皮又燒到卜卜脆，好味到食唔停口🤤老師傅燒腩仔 ($64)- 燒腩仔肥瘦搭配得勻稱，拎到返屋企食都表皮仲係卜卜脆，而且醃得好均勻，唔會忽鹹忽淡，整得好出色🥰客家鹽焗雞 ($59)- 雞件肉質嫩滑白身，望落去好新鮮，食落口感唔錯，滑身得嚟都幾有咬口，而且雞件調味入味，鹹香惹味，好惹味，令人想encore食多盒😁燒味佬叉燒 ($50)- 叉燒切得好勻稱，唔會大小不一，非美觀吸引，醬汁食落甜甜哋，份外入味，而且叉燒唔會乾身，食到好滿足😋燒味質素優質，買番嚟餸飯或配湯河一流，一家大細都食到好滋味👍🏻

呢排都比較忙，個人都好攰，懶得煮飯又唔想出街食，唯有外賣買返屋企😜有好一段時間都冇食過燒味，聽朋友講呢間新開燒味鋪質素又幾唔錯咁，一於去斬料返去同屋企人食下先。今次買左禾田滷水鴨(半隻)($60)、至尊燒鵝(上庄)($110)、老師傅燒腩仔($64)、蜜汁燒排骨($60)禾田滷水鴨(半隻)：鴨肉味濃而且滷得好入味，肉質唔錯唔會鞋口，有醬汁可以點黎食😄至尊燒鵝(上庄)：份量都幾足，燒得夠香，外皮夠脆，而且食落啖啖肉同好嫩滑，唔會燒到過晒火喉好乾柴咁🤤老師傅燒腩仔：燒腩仔層皮一定要夠脆身先好食，搭完車拎返屋企仍然超脆😍燒腩鹹度恰到好處，味道幾好，再點一點芥末醬更加惹味😋蜜汁燒排骨：本身想買叉燒，但又見到有燒排骨，幾特別又好似幾好食咁，於是買黎試下😜蜜汁夠香甜，排骨肉質比起叉燒黎計更加嫩滑😋大合照🤩買左咁多料，成家都食到飽一飽😉價錢經濟實惠，燒味大大份又好味，難怪咁多街坊過黎幫襯，我得閒再過黎買D返去加下餸偷懶都唔錯😆

今晚唔想煮飯，經過長沙灣見到有間燒味舖新開，而且人頭湧湧，於是就買咗幾款返屋企晚飯食。客家鹽焗雞 $59皮薄唔肥，肉質嫩滑，啖啖肉，鹹香味道剛剛好，唔會搶走雞味。至尊燒鵝（上庄）$110鵝皮薄唔肥膩，配上梅子醬好醒胃！飲酒食佢一流!燒味佬叉燒小朋友最愛，搶住食  ;  燒到有少少燶，肥瘦適中，好 juicy，叉燒好淋，燒汁香甜不會蓋過酒香，一流！老師傅燒腩仔拎到返屋企，燒腩仔個皮仲係好脆，肉質鬆化，味道又唔會太鹹。家人都讚好好味，叫我經開再買過 。

聽同事介紹係公司附近有間燒味店唔錯，聽聞係由酒店燒味主廚主理，有信心保証，打算放工行過去望下，點知都幾多人買，忍唔住都買左d 返去試下。客家鹽焗雞雞肉好滑，整得非常入味，唔洗蘸醬亦好夠味，不過都有跟埋薑蓉同沙薑，可以一雞三吃。至尊燒鵝燒鵝燒得好香，外皮燒到脆皮，肉質有彈性，咬落有口感。老師傅燒腩仔買到返屋企食個皮仲係脆卜卜，係真正既皮脆肉嫩。燒味佬叉燒叉燒偏甜味比較多，肉質好軟熟，食落仲好juicy。

我時不時都會行過去長沙灣元州邨嗰邊食晏，有日中午見到有間燒味舖「燒味滷師」好多人排隊，原來係有$22特價飯盒賣。我又八卦攞張傳單返屋企望下，阿媽見到$48隻雞話超抵，仲話搵晚唔煮餸等我斬料返去🙈。呢晚放工我就即刻變身做乖囡去斬料加餸，我已經專登準時走行過去。大約晚上六點半嘅時候，我未行到去舖位已經見到大排長龍👏；好彩我快一步同冇俾個師奶打尖，如果唔係我都買唔到特價雞。我好耐冇見過咁多人排隊嘅場景，皆因燒味舖新開張，做緊好多特價優惠益街坊👍。當我俾錢買完飛之後無耐，已經陸續聽到雞同鴨都賣晒。雖然人多，但小店運作好有系統，客人輪轉得好快，店員同師傅們都好有禮貌，唔會粗聲粗氣😊。舖面亦光光猛猛，令人放心。我哋今晚食燒味大餐🥢，無煮其他餸，我一次過買咗四種返屋企。未食之前第一樣抵讚嘅地方就係包裝得好好，我拎到返屋企一滴汁都冇跌過出嚟，唔會搞到油笠笠。由於做緊特價，四款燒味夾埋都只係$267😍。玫瑰豉油雞($48/一隻)，買完之後我終於明點解🐓雞會最快賣晒，$48大大隻，唔係畀啲營養不良嘅雞仔你，真係唔知喺邊度搵？！雞有三款，包括客家鹽焗雞、瑤柱貴妃雞、同埋我買嘅玫瑰豉油雞。豉油雞入味，唔駛點醬

一去到已經見到好多街坊排緊隊等買燒味，可見非常受長沙灣既街坊歡迎👏🏼價錢平！靚！正！ 個燒味師傅仲係2015年世界粵菜廚皇大賽（燒味及滷水組別）中拎過至尊金獎。由此可見，店舖嘅食物質素亦可放心🥰至尊燒鵝（上莊） $110今次叫咗上莊因為唔想太肥，皮燒至深棕色 口感正常 不會太肥膩亦食得出鵝油味👍🏻客家鹽焗雞 $110雞非常嫩滑🙈 口感偏淋身 皮與肉容易分開 個雞幾好食😋老師傅燒腩仔 $64燒腩仔不會太肥 骨位比較咸 但燒腩部份就唔會咸 配埋芥末食好味🥰燒味佬叉燒 $30呢個係屋企人一致認為最好食！！！叉燒肥瘦適中，咬落一啲都唔會柴！叉燒亦唔會太甜！必叫！😍😍❤️