古今二 (荃新天地)

Open Now

Now Closed

餐廳：古今二地點：荃灣荃新天地菜式：日式居酒屋餐牌：主打特色創意卷物，主餐牌有前菜沙律，刺身，壽司，多款特色卷物，燒物，串燒，鍋物，天婦羅，小食炸物，飯麵類同飲品。呢度都有二人前套餐。龍卷風沙律 $76 另加一龍卷風沙律成座山咁，份量幾大！主要係新鮮生菜塊，加入脆脆海藻，蟹柳絲，蟹籽，撈埋沙律醬同佢地既招牌醬汁，仲有唔少脆片碎增強口感。味道有少少辣，清新之餘又夠味道，唔會淡某某。芝士年糕 $26 另加一芝士年糕一客兩件，熱辣辣上枱。食落外脆內軟，有流心芝士饀，芝士味夠，仲有少少沙律菜墊底解膩。自家玉子燒 $55 另加一自家玉子燒一客6件，加上蟹籽，沙律醬同招牌醬汁。食落係凍玉子，帶好香炙燒味，口感實在。煙花 $79 另加一煙花一客6件，係加左黑白芝麻粒嘅飯卷包住紫菜同辣味三文魚mix辣味吞拿魚加脆片，面頭再加上辣味三文魚mix辣味吞拿魚，仲有蟹籽同脆片。口感係脆加滑，而味道係酸酸哋加沙律醬味，唔覺辣喎。伴有日式芥末。餐廳以木材為主，都頗舒適，位置係喺大商場入面。今餐食物質素都唔錯。

今日嚟到荃灣西食日式料理，呢間既料理好食又適合打卡，簡直係色香味俱全😝店內環境亦很舒服😌金龍卷$98壽司🍣入面有炸大蝦🍤同三文魚，壽司飯好香，炸蝦脆卜卜😍好多肉呀，再加埋面頭既三文魚好正😭😭，prefect match😍😍 再加上賣相好靚，味道仲要一流富士山🗻$88聽到個名好震撼，面頭有好多嘅蟹柳，壽司入面係，鰻魚嘅餡料，鰻魚好多肉，肉質鮮嫩，而整體嘅賣相望落去真係好似富士山🤣，打卡正呀，色香味俱全呀！清酒煮蜆$128😍蜆肉出奇地非常之多，啲湯汁好正，淡淡地既清酒🍶味，再加埋蜆肉，令人食唔停口🤪，就算平時唔鍾意飲酒嘅我，最後我都忍唔住飲晒啲湯汁添🙄自家玉子燒$55面頭有一浸脆卜卜的焦糖，玉子香滑無比，😍一口一個冇難度！古今二 (荃新天地) 荃灣楊屋道1號荃新天地1樓116號舖

之前食過幾次古今二。佢地呢度既卷物款式好多，而且個名好都好特別，有好多唔同既搭配～係又可以打卡有好食既選擇😋  1⃣️龍捲風沙律（$76） 堆得好高好吸引🤩蟹柳山底下係中華沙律同埋沙律菜，仲有啲蟹籽同埋脆片。  2⃣️煙花（$79） 呢款有齊我最鍾意既三文魚同埋吞拿魚😍面頭既吞拿魚蓉幾綿，食落中間包住辣味三文魚，一份六件而且size啱啱好唔會食到好論盡👍  3⃣️蜘蛛（$96）就感睇個名完全估唔到係咩😂佢係包住炸軟殼蟹、青瓜、牛油果同埋蟹柳。炸軟殼蟹真係好正！好脆！加埋青瓜等等配料係個卷入面一齊食，口感多左，而且一件都大件，鍾意食軟殼蟹既要嗌！  4⃣️自家玉子燒（$55） 已經切好左六件，食落係甜甜地既日式玉子燒風味，作為小食一流。  5⃣️日式章魚小丸子（$48） 有六粒，面頭又係啲會郁既木魚絲，仲有紫菜碎，章魚燒熱辣辣出到黎，食落係偏軟身既，食到每一粒入面都有包住彈牙章魚肉🐙

上次食過覺得味道好有創意，所以今次來開行街就有家姐過來食下好嘢😋先來就叫咗個龍卷風沙律，個名很有氣勢，原來係蟹柳絲打咗風咁卷放係中間配以新鮮沙律菜，辣辣地嘅沙律醬再加咗薯片做伴菜，幾有趣但無想象咁特別😛呢度主打係卷物，所以就叫咗2款感覺很不一樣的款式。黑龍卷：卷物面有鰻魚、牛油果🥑！卷物嘅餡料係炸蟹柳加cream cheese，很特別的配搭，非常豐富的口感😋忍者雙辣：外面係炸咗嘅紫菜，入面包住辣吞拿魚，再加埋辣沙律醬汁，好刺激🤭 跟住我地再叫咗個自家玉子燒，燒香咗啲沙律醬放上蟹子，甜甜的幾得意。最後，仲試埋佢嘅鹽燒白鰻， 白鰻皮燒得很香脆，如果調味多啲會更好味🤔

之前食過尖沙咀間古今二🍣~今次嚟荃灣見到有分店,仲望住商場內園景綠油油添🌱!呢個日式麻醬豆腐沙律上次都有叫~豆腐非常滑捋捋,加埋啲麻醬好好味😋~上面仲加咗啲飛魚籽同埋三文魚籽🐟,非常鮮味又有口感~另一半鍾意食玉子燒🥚,所以點咗個~佢嘅玉子好香甜,加埋少少沙律醬同飛魚籽~鹽燒雞中翼燒到個雞皮非常脆🐔,但係啲肉都有啲乾~佢只係用咗少少鹽調味🧂,但都好香好好味~佢哋嘅壽司啲名都好特別,好似呢個金龍卷其實係炸蝦卷🐲~上檯時啲炸蝦仲好脆卜卜🍤~加埋肥美嘅三文魚,同埋辣辣地嘅沙律好刺激味蕾🌶~蜘蛛顧名思義就係炸軟殼蟹🦀,個壽司卷再加咗蟹柳同牛油果🥑~佢哋連擺盤都擺到成隻蟹咁~啲蟹腳同鉗嘅部份就放喺頂,創意十足👍~呢間店啲卷物都幾特別又好食,期待佢哋出多啲新款呢😍!

擁有園林景色的荃新天地分店 𓇗落地玻璃讓午間柔和的陽光滲入餐廳整體採光充沛、景觀開揚 𓅮食客可飽覽中庭露天廣場的綠樹青苗邊享用饕食邊感受愜意的大自然氣息餐牌種類繁多 ☻供應沙律、前菜小食、飯麵、串燒、鍋物、燒物、天婦羅、炸物、壽司、刺身、卷物等多款日料 ～☞ 富士山 $88蟹柳、鰻魚、牛油果、脆片招牌特色卷物用上日本珍珠米包裹住牛油果及鰻魚灑上超大量蟹柳同脆脆☞ 龍捲風沙律 $76蟹柳、海藻、新鮮蔬菜、脆片以新鮮爽口的生菜做底加上中華沙律、蟹籽和大量蟹柳絲沙律伴上秘製醬汁☞ 自家玉子燒（六件）$55經過外層燒香並配上沙律醬汁以及魚籽☞ 埼玉 網燒牛舌（四件）$78經過醃製但同時保留牛舌的鮮味☞ 鹽燒雞中翼（一串）$28灑上海鹽，即叫即燒✁┈┈┈┈┈┈┈┈┈┈┈┈┈┈┈┈┈┈┈✄𖤘 𝙎𝙖𝙫𝙚 𝘵𝘩𝘪𝘴 𝘱𝘰𝘴𝘵 𝘧𝘰𝘳 𝘺𝘰𝘶𝘳 𝘧𝘰𝘰𝘥 𝘫𝘰𝘶𝘳𝘯𝘦𝘺𖤘 𝙁𝙤𝙡𝙡𝙤𝙬 𝘵𝘰 𝘧𝘪𝘯𝘥 𝘺𝘰𝘶𝘳 𝘳𝘦𝘴𝘵𝘢𝘶𝘳𝘢𝘯𝘵 𝘪𝘯𝘴𝘱𝘪𝘳𝘢𝘵𝘪𝘰𝘯𖤘 𝙏𝙖𝙜 @lattemilkyway 𝘪𝘯 𝘺𝘰𝘶𝘳 𝘴𝘵𝘰𝘳𝘪𝘦𝘴/𝘧𝘦𝘦𝘥𝘴

一段時間都無試新野，今日同老友補食生日飯，知佢鍾意食日本野就搵間未試過又多好評既日本餐廳試試啦，上網睇資料呢間古今二主打特色卷物，今日就一於試上試啦，位置係荃新天地入面，鋪面都幾開揚，坐位唔多，但都坐得幾舒服。餐廳都係用QR code落單，岩晒我鍾意慢慢睇慢慢點，睇完就點左d特色卷物同燒物咁啦。自家玉子燒分開左6小件，玉子燒甜甜地，面頭有d燒汁，沙律醬同d蟹子，燒汁比較傑身，整體普通啦。櫻花蝦茄子燒呢份燒茄子幾出危，茄子皮無燒燶，茄子肉都燒得熟無水氣，再加左好多櫻花蝦係面，增加左口感同少少咸香，推薦一試。煙花同餐牌上既樣有d出入，一黎到仲以為上錯枱，問左再對比返先知真係我地點既煙花，面頭加左d吞拿魚蓉同3文魚，蟹籽同薯片脆增加口感，食落都還可以既，但就無乜驚豔感，呢個價錢就略貴d。野菜天婦羅，迷你甜薯天婦羅野菜天婦羅就有金菇，冬菇菇茄子同小蕃薯，份量不多價錢就略貴，甜薯天婦羅就平時少見d，因多數都係燒多，炸過既甜薯外皮就硬身d，甜薯係紫心薯好甜，質地幾好，但都好似用黎燒會香d，炸就有d唔太夾。鹿兒島露荀豚肉，味淋魚干，炭烤孜然羊架豚肉就燒得幾好唔乾，加埋露荀燒就無咁漏，魚干都燒得幾香，

新派日式小店，無論擺盤賣相和食物質素都令人讚嘆♥️♥️♥️🗻富士山 $88壽司卷包著鰻魚、青瓜、牛油果疊成一座山，上面鋪滿蟹柳和脆片，賣相相當吸引🤩🍢宮崎味鹽牛舌串 $32牛舌芯夠淋正呀🍡鹿兒島黑豚荔枝卷串燒 $32豚肉配茘枝甜甜地好味🐣自家玉子燒 $55有6件咁多，上面鋪滿蟹籽🥙龍捲風沙律 $76好大碗裝滿新鮮蔬菜、勁多蟹柳、蟹籽、脆片…#富士山卷 #牛舌串 #黑豚荔枝卷串燒 #自家玉子燒 #龍捲風沙律

有時晚餐都係行過就見到就試 呢一晚同朋友行街🛍我地唔算好餓 決定定少少日本野🏮就決定試這間位於商場內的古今二📍-地點方面，食物都係以日式為主，有唔同卷身、刺身、熟食等📝食物方面，我地先點左2款卷物🍙分別有彩虹卷🌈包括有刺身，牛油果🥑青瓜🥒同蟹柳卷🍙一次過可以食晒唔同款😋我地再點左名為煙花的卷物🤩原來係辣味三文魚，辣味吞拿魚，芝士🥢呢個味道比較濃❣️我個人鍾意有少少辣味呢😍-想暖暖胃我點了清酒煮蜆🥣份量反而幾多✅蜆既數量都多 同埋幾大隻 好鮮甜😋湯底好鮮~不過有少少偏咸❗️-朋友點左自家玉子燒🥚經典之作呢個一次有6件呢! 蛋都好厚實呀!😁-總的來說幾精緻 份量尚可 價錢適中💖而環境係舒服的呢!

自從1月去完日本旅行，都無係香港食過壽司郎以外嘅壽司店，今日係荃新天地D廣告版見倒有間叫 "KOKON2"，之後上OPENRICE睇先知呢間野係日本餐廳，主打創意日本魚生卷物，淨係睇D餐牌嘅圖已經好吸引，就同朋友行左過去試下。雖然間店唔算大，好好彩咁岩有位入得去坐。坐低一共點左五個菜。辣妹 ($72)係五個菜之中，最鐘意呢個辣妹，佢係用辣味吞拿魚放係面，卷入面包左炸蝦同芝士，食落去第一下係感覺倒個吞拿魚沙律醬味，然後係辣味慢慢上黎，不過我覺得係卷物黎講，呢個調味係偏比較辣，如果唔食辣嘅人要留意。超級龍捲風 ($88)  & 彩虹卷 ($116)由於佢餐牌嘅圖真係好吸引，另外再叫多左2種卷物，超級龍捲風係完全滿足倒食肉獸嘅慾望，卷物原本好大舊，加上入面包左鰻魚﹑炸蝦﹑芝士同青瓜，每啖都感覺好滿意。彩虹卷係牛油果愛好者必叫嘅卷物，我朋友食完覺得佢呢個菜式好好平衡左魚同牛油果個口感，而且外觀打卡亦都一流!自家玉子燒 ($55)玉子燒特別用左火槍係面再燒一燒個沙律醬，增加左少少焦香感，加埋少少蟹籽令到玉子燒口感無咁單一。鹽燒雞中翼 ($28)食到最後都係有少少口痕叫左個燒物，真係有驚喜，就咁睇

每次經過都想看到滿座的古今二，當日終於不用排隊，雖然本身不算肚餓，也忍不住想點幾款食物回味一下😌✏️位置（8/10）：商場三樓，扶手梯直達✏️環境（8/10）：開放式裝修，環境開揚✏️衛生（8/10）：食物餐具，整潔衛生✏️服務（8/10）：掃碼下單，上菜算快✏️食物（8/10）：特色卷物，總有喜歡🌟彩虹卷 - $116用三文魚、吞拿魚及油甘魚刺身，配合牛油果、青瓜及蟹柳，濃濃食材的鮮味。師傅把卷物圍成了一個圓圈，看上去也很吸睛🥰🌟忘不了您 - $98一條長長卷物，食材主要有芒果、炸牛肉及芝士，再在卷物上淋上大量千島醬及芥末醬等，因此充滿濃厚的醬汁味及芝士香，加上鮮甜的芒果肉及帶點漢堡口感的炸牛肉，色香味俱全😍🌟自家玉子燒（6件） - $55上台時充滿蛋香的玉子燒，口感綿滑，玉子燒上放上蟹籽，然後淋上沙律醬及日式醬汁再火炙，增添鮮味😃🌟仙台牛舌煎 - $125選了不是網燒，而是煎的牛舌，肉汁豐盈，牛舌香而稔，啖啖醬汁滋味，味道香濃😊🏠古今二(荃新天地) 📬地址： 荃灣楊屋道1號荃新天地1期1樓116號舖

👦🏻👧🏻係荃新天地行街揾食，👧🏻好想壽司，見到呢間餐廳環境舒服，價錢合理，就入去試下～餐廳出名創意壽司卷物，款式好多。仲有提供天婦羅、燒物、炸物、沙律等等。富士山 $88卷物包住鰻魚同牛油果，上面鋪咗大量蟹柳絲，蟹柳絲味道鮮甜，同鰻魚、牛油果組成既卷物好夾，加埋脆片食，非常好食！👍🏻煙花 $79卷物上面擺左辣味三文魚、辣味吞拿魚同芝士，灑上咗蟹籽同脆片，成個配搭令口感好豐富！仙台牛舌煎 $125牛舌切到粒狀，煎到熟度岩岩好！👍🏻 肉質彈牙軟嫩，加埋蒜片一齊食，更香口！🐮自家玉子燒 $55整完即刻上枱熱辣辣！😍 玉子燒蛋味濃郁，面頭有蟹子同沙律醬，令玉子燒味道更豐富！蒜香牛油粟米 $38粟米塗上蒜香牛油燒，聞落好香牛油味，食到甜甜既栗米，好好味～🧈🌽📍 古今二 (荃新天地) (荃灣)荃灣楊屋道1號荃新天地1期1樓116號舖