天天海南雞飯 (Fashion Walk)

Open Now

Now Closed

之前一直想來試吓新加坡過江龍 - 天天海南雞飯，今晚一試果然唔錯，原來仲係新加坡米芝蓮推介餐廳，來頭不小🧛‍♂️先講地點喺銅鑼灣夠晒方便，餐廳嘅座位都好闊落，幾個朋友聚會都唔怕迫夾。食物嘅種類好多選擇，單看餐牌已經好吸引，由小食正餐到甜品都好豐富🧛‍♂️冬天最適合飲湯，我哋叫咗個椰子燉湯滋潤一下。椰子燉湯擺盆精緻，上枱時職員還會用火槍燒一燒椰子外殼，視覺效果一流。份量其實都夠二至三人分享🧞‍♂️燉湯好清不油膩，味道好濃郁清甜。椰子嘅味道都好突出，整體都好好飲。至於主菜海南雞都有三款主打，包括正宗海南雞、天天海南雞、天天燒雞，我就試咗新加坡米芝蓮推薦嘅天天海南雞🧞‍♂️賣相一看都已經好吸引，不得不稱讚這餐廳的擺盤都非常別致。除了平時食開的三款醬汁，淋在海南雞的醬汁味道好特別，甜甜的帶點檸檬香氣。肉質就好嫩滑，配上醬汁非常好吃🧚食完雞想要少少辣的刺激一下味蕾，酸菜石斑必點！石斑啖啖肉，唔食魚嘅朋友都盛讚！除了酸菜，還有一點麻辣在口腔蔓延，超正！$138 仲食到石班性價比超高🧞‍♂️最後當然要叫返個甜品作結尾，「花好月圓」菜式名稱改得都很有意境。一吃原來是豆漿花，好清甜香滑，豆味非常濃郁🧚

海南雞飯，今日食比較貴價既海南雞。果然沒有失望，先係一碟海南雞，海南雞肉滑，見到簡介上寫，健康既雞，吾會有肥肉，而且鮮味無比，雞件真的很滑，而且秘製辣醬好美味。仲有一句飯比雞好食，飯的確好食，油飯超香，平日有時飯只係加上一些黃色色素，但這裡飯確是香。今日既套餐，還有不少食物先係響螺燉雞湯清甜，沒有什麼味精，好清既燉湯海南水果沙拉芭樂，無花果再加上梅粉好開胃，最後幾件，我仲留到最尾當飯後果，黑松露蝦多士最近好多人提起懷舊都有提及港式蝦多士這裡的蝦多比較大件，多士中間也夾著好大件黑松露無骨鳳爪，係用黑鳳爪， 加上麻辣汁既凍食，超級惹味，麻辣汁係係會令人越食越多。黃金軟骨軟骨即叫即炸，比平日食既日式雞軟骨大粒的，咸蛋黃好豐富，都幾多下單食已經好脆，配堆飯就更加正。 最後整碗豆腐花 花好月圓 甜甜地 作今日作結

呢間係新加坡嘅人氣餐廳主打海南雞飯，上年食過沙田分店，今次就黎銅鑼灣分店食！呢到裝修好高級，但二人套餐超抵食！┄┅┄┅┄┅┄┅┄𖣒 超值二人餐 $388$388包6樣餸飽到不得了，仲要樣樣都咁高質，超抵食！-¸.·´¯❧ 南豐海南水果沙拉番石榴同埋士多啤梨加咗話梅粉，味道酸酸甜甜，超級開胃。評分：🌕🌕🌕🌗🌑-¸.·´¯❧ 松露蝦多士多士除左有蝦膠仲有墨魚膠！食落去非常鬆脆足料，仲一d都唔油🤤評分：🌕🌕🌕🌕🌗-¸.·´¯❧ 螺片燉雞湯湯頭好鮮甜，濃郁雞湯味，而且好足料。評分：🌕🌕🌕🌕🌘-¸.·´¯❧ 天天海南雞雞肉幾嫩滑，而家一啲都唔肥。上面淋左佢地特製嘅醬汁，再點埋啲薑蓉同辣醬一齊食，味道好豐富！評分：🌕🌕🌕🌗🌑-¸.·´¯❧ 天天石窩雞油飯飯粒係粒粒分明，而且一啲都唔油，加埋撈醬一齊食會不自覺地食哂啲飯🤣評分：🌕🌕🌕🌗🌑-¸.·´¯❧ 花好月圓呢個應該係杏仁豆腐花，食落唔算太甜。淡淡杏仁味而且豆腐花好滑，好味！評分：🌕🌕🌕🌕🌘-泡菜蠔烙 $108感覺上好似食緊蚵仔煎咁，蠔仔份量好多，但泡菜存在感有d低。評分：🌕🌕🌕🌖🌑-兩個人建議叫2人餐就夠食，叫多樣就太飽🤣🤣

平日好少出街食，但剛好母親大人想食海南雞，於是就帶佢食出名啲雞滑嘟嘟既「天天海南雞」。入店前已見有二人餐，因媽咪同我都有選擇困難，所以二話不說點了二人餐。店內好有情調，燈光較暗，應該幾適合情侶去拍拖。還有Bar 枱供人飲酒長談呢。先來兩客螺片燉雞湯，湯碗放在木座上，好有宮庭感覺呢。個人認為若少一點鹽更能飲出螺片味。之後見隔離枱有原個椰子湯，上枱時更會點火，好有睇頭，於是我們都點了一個。個火維持左10分鐘左右呢！重點係呢個湯好正，材料多，椰子味重，飲過翻尋味！前菜酸酸甜甜幾好食，有三種水果：石榴、士多啤梨同無花果。個人最鍾意食無花果。松露蝦多士好脆、蝦好大隻同彈牙，配上松露醬好好食呀！主角海南雞放在大木盤上，好有氣派。雞肉嫩滑，雞胸與雞腿肉肉質竟無分別！黑醬油亦不會水汪汪。三種醬料一齊點好好味！ 食海南雞當然要配雞油飯，這裡的雞油飯色澤均勻、粒粒都沾上雞油，但食落不會油膩，非常出色二人餐有兩碗花好月圓，味道似豆腐花，不過質感比較稀。

之前食過沙田店既新加坡過江龍天天海南雞今次當然要試下香港既一號店-銅鑼灣店,銅鑼灣店既感覺更華麗豪華,比沙田店坐得舒服.辣子金玉加上大量炸蒜同辣椒同粟米一齊炸香,相當惹味及帶出陣陣蒜香.粟米先帶出一陣辣香味,咬開粟米後充份香甜既玉米香.味香而不油膩,辣味刺激過癮.海鮮喇沙以原個大砂鍋送上濃稠帶住一陣椰香既喇沙,椰香味濃郁之餘亦帶住香濃既咖哩香料,微甜又帶住一陣辛辣感.嗽沙內裏配料豐富,有蝦,魷魚,青口及豆卜.同傳統喇沙唔同既係麵條同喇沙湯分開而且以帶住一點沾麵既形式,將麵條加入喇沙湯內而且充分地掛上喇沙湯.古法肉骨茶肉骨菜同樣以砂煲送上而且底下以蠟燭保持溫熱.肉骨茶以潮洲式胡椒豬肚湯做湯頭,入口充滿胡椒辛香,暖胃得黎胡椒辣味又唔會過嗆.肉骨茶配料同樣豐富,有肉骨茶既精髓:一字骨,豆卜,豬肚及炸枝竹.一字骨肉質香嫩而且一咬就離晒骨,咬落好嫩腍.豬肚爽口彈牙唔會帶一陣腥羶味,處理得好乾淨.豆卜同炸枝竹吸晒肉骨茶湯既精華,每咬一口都品嚐到湯底既香味.天天石窩雞飯以前係新加坡食過已經好鍾意佢地既雞飯！雞飯粒粒分明而且充滿濃郁既雞湯香,雞湯味清而不濁.除左雞湯外亦帶一陣香茅香,就咁淨食雞飯都已經

突然好想飲肉骨茶，於是呢晚去左‘天天’度食晚餐😀銅鑼灣分店既環境裝修好靚，好似高級西餐廳咁，有驚喜！😀古法肉骨茶：每條肉骨都好長，好多肉，最抵讚既係有豬肉既油脂香😋豆卜、腐竹、腸肚都好入味，湯飲完唔口渴☺️😋軟骨大根（石鍋蘿蔔黑磨豉豬軟骨）：豬軟骨既份量不少，仲要全部都炆得好冧、好野味！喇沙脆腩（脆烤東山羊腩）：香噴噴！外皮好脆！羊腩好香！點埋喇沙醬更好味！推薦！👍🏻榴連丸子：外脆內軟，如果榴連蓉多d會更好！花好月圓（豆腐花加燕窩）：豆腐花好滑，燕窩都不少，好清甜！😋😋總結：食肉食得好滿足！好味，但又唔會太油膩！😋😋

沒有錢去旅遊氣泡，都想好好食個海南雞，過江龍海南雞，品嚐一下海南雞原味。因為選擇困難，所以就揀左個二人餐，其實相當之豐富。先來個涼瓜鳳梨，其實係個中湯，鳳梨加涼瓜再加上肉排製作，湯好清好香，沒有什麼油，反而好重湯料鮮味，味道令人好舒服，涼瓜更可起清熱既作用為晚餐打開序幕。脆爽海哲原來係炒過既海哲，加入荀，馬蹄粒等等，其實幾清新開胃，加上其實海哲相當有咬口，馬蹄等配料亦相當爽脆。辣子金玉其實係香蒜，辣椒煮粟米，粟米用黎燒就食得多，但係咁樣食原來好惹味，粟米變得又香又辣，粟米本身亦相當吸味。黃金軟骨，這是二人餐另外再散叫的，這個真係必食，蛋黃之香，完全滲入軟骨裡面，軟骨又比肉排好，因為每口先係外層脆粉，再黎既係裡面既軟骨，每咬一下都好脆。加上一口就食完。回味無窮。天天海南雞，終於到主角天天海南雞，新加坡海南雞，鮮味，嫩滑，再加上海南雞既醬，真吾錯。不能去新加坡食海南雞，至少香港都可以食得到先，比起本地既白切雞，海南雞又是另一番風味。海南雞當然要配油飯，飯是另外配的，而且有個名叫天天石鍋雞飯，正呀，飯配海南雞再加小菜食。而且飯雖然說一至兩人份量，其實係超多超大份，大胃王都夠食呀。花好月圓豆腐

之前食過圓方嘅《天天海南雞飯》，之後去過新加坡，試佢嘅本店。呢晚再食多次香港嘅分店🥰店舖裝修時尚，充滿黑藍顏色，空間感大，幾舒服。呢到由四間米芝蓮推薦嘅新加坡美食品牌組成：《天天海南雞飯》、《超好面》（新加坡式拉麵）、《老街坊》（牛腩麵）、《五十年代》（咖啡奶茶）。本menu勁厚，咩都有得食，包括燉湯、海鮮如花膠海蔘龍蝦等等、甜品、水果茶、咖啡、清酒cocktail mocktail紅酒白酒啤酒等等等等，包羅萬有😱嚟得梗係必點天天海南雞同雞飯啦！天天海南雞（例）（$158）其實我覺得呢到嘅海南雞分分鐘好食過新加坡嘅總店！（當然可能係presentation、氣氛都有影響啦，不過價錢就香港貴好多～）呢到選用同新加坡總部一樣嘅雞種，喺各自嘅農場養殖，都係雞皮薄，肉質嫩滑，無肥膏。淋上獨有嘅秘制雞汁，雞肉涼，雞汁熱，入口會暖暖哋😛配上海南雞嘅拍檔：辣醬、黑醬油、薑蓉。辣醬係獨家秘製嘅，辣味好夠，同雞肉好夾，可以一試😛天天石窩雞油飯（$48）- 1-2人份量雞油飯用石窩盛載，可以保暖。飯粒粒粒分明，雞油味又香又濃，卻又唔會食到滿口油，不錯👍另外，以下兩款都係相當特別、相當有驚喜，而且值得推薦嘅

今天2個約會均在Fashion Walk，呢頭同三月壽星飲咖啡扮完文青，轉頭又趕過來為四月壽星E慶生。餐廳內燈光昏暗，氣氛比較似酒吧。大家早已到齊，已經開吃，鮮蟶子皇份量非常精緻，賣相似沙律，祇有8件蟶子肉，蟶子肉爽口鮮味伴以大量芫茜，幾香。牛肋骨過熟、肉質柴皮，調味尚可S响星洲食過極推嘅菜式，果然香軟嫩滑有雞味，三款醬汁任你點，個人較為喜愛原味油飯無食，大家都無投訴。女士精選用石窩上，其實係牛肝菌炆花膠海參，花膠軟滑膠質豐富，海參腍身帶少少爽，加入牛肝菌入一齊炆，夠香又夠味小炒之皇夠鑊氣，不過有點油，顏色不錯，韮菜花夾埋蝦乾好香。辣展藕苗：藕苗和牛腱是主角，調味香辣，藕苗鮮嫩爽脆牛腱量少，未能吃上一口，配菜芫茜，更似主角。原隻波士頓龍蝦上菜時餐廳已把龍蝦肉起出，客人毋需剝殼，可以直接食用，也可以醮星洲辣醬添風味，龍蝦肉質爽彈，味道鮮美龍蝦頭亦處理好，掀開就可以食完美蟹逅其實係蟹王炸麵，蟹王係以蟹膏、籽、肉等烹製而成，嗅到甚香，入口卻無甚蟹膏的甘甜，炸麵已經分開幾份，不會糾纏不清。口感香脆花香菜膽係清熱之饌胎菊和芥菜都係清熱解毒食材，菜膽爽口味甘，雲耳爽滑清淡，舀一口湯汁喝，菊味甚濃，