Burgeroom (Fashion Walk)

Open Now

Now Closed

煙肉芝士牛肉漢堡 $95  牛肉厚到真係嚇親！🍔同個包一樣咁厚身！食一細啖已經 feel 到好濃嘅牛味，加上大大舊，真係好邪惡！加埋脆身嘅煙肉，口感十足。而飽身有烘過脆脆哋，同帶啲蜜糖味真係好加分！極推俾食肉獸！💥牛油果醬芝士雞柳漢堡 $100  雞柳好嫩滑，好 juicy，一咬好多肉汁流出嚟，唔需要好多嘅調味已經好好食。🥑牛油果醬好 smooth，成個配搭都好夾。旋風薯條 $35  一上枱就感受到係新鮮滾熱辣咁炸出嚟，好香嘅薯仔味！🍟食到最後，就算擺耐咗都仲 keep 到好脆身，唔淋~蜜味辣雞翼 (6隻) $65  雞翼整得好香口，食落首先會有陣陣而唔膩嘅甜甜蜜糖味🍯，之後就係微微嘅辣。成個感覺好有層次，唔會搶咗大家嘅味！蜜桃冰茶 $38  食 Burger 緊係要飲番杯凍嘢平衡番！🍑甜甜嘅蜜桃香夾清新嗁茶底，好清爽！熱濃香朱古力 $40  冬天嚟都可以叫一杯暖暖嘅熱朱古力！☕朱古力唔會好甜，飲落順口，而且都幾大杯！有驚喜，好滿足。布分室外同室內位。周邊會有火爐，就算冬天嚟坐室外都唔怕會凍。同朋友嚟飲番幾杯都幾有feel！

打完風之後想好好食餐飯，揀左銅鑼灣嘅burgerroom係fashion walk 食街入面，即使係平日，都係最多人幫襯嘅餐廳店員會帶你入坐，揀完野食去cashier 落單，淨係漢堡都睇到花多眼亂！🍔大啡菇芝士牛肉漢堡加牛油果漢堡會自動一開為二，好啱同朋友share食，一個包嘅份量已經可以喂飽2個女仔！（如果唔想佢分開，記得落單時要講清楚）個漢堡扒超級超級juicy!真係食過數一數二好味多汁嘅漢堡扒，絕對一定要叫牛肉漢堡，食完返唔到轉頭架.芝士薯條可惜無晒旋風薯條，粗薯條配芝士一定無得輸，芝士醬多到好似唔洗錢咁，但一定要襯熱食，凍左就拉唔到絲.馬蘇里拉芝士條芝士控必叫！熱嘅時候拉絲拉到好長都得，超香濃滿足，相對芝士薯條，芝士味淡左少少蜜味辣雞翼蜜桃冰茶解熱氣一流，以為好平凡，飲落有驚喜，推薦Greentea latte

落雨嘅星期四銅鑼灣唔算多人一個人睇完Hottoys 撳吓電話見有BurgeRoom就行過去有露天位置同埋室內記得當年第一次食鵝肝漢堡係幾震撼🤤今日就再回味下Foie Gras Beef Burger ($168)+ Portobello Mushroom ($30)》》鵝肝牛肉漢堡+ 大烤菇漢堡包烘得香脆，大烤菇多汁鵝肝煎得焦香入口有油香，外脆內軟漢堡扒厚身咬落啖啖肉勁Juicy配埋芝士嘅鹹香更加惹味生菜番茄就減低油膩感有冇人好似我咁鍾意拆開個burger嚟食？Honey Spicy Chicken Wings ($60)》》蜜味辣雞翼雞翼唔算大隻，不過炸得香脆甜中帶辣Straight Fries ($30)》》直薯條最鍾意粗薯條，啖啖薯仔肉加少少鹽吊味已經好正總結：價錢中上，配搭特別，可以再Encore

雖然算不上是burger控，不過都幾鍾意食，今日就嚟咗呢間burgeroom 朝聖。餐牌分牛肉類、魚和海鮮類、雞鴨類、和素食等差不多40款burger可選，另外有小食和沙律等，飲品選擇亦很多。今日食咗個「黑松露芝士大烤菇煙肉牛肉漢堡」（ $130 ），加$30轉套餐，有埋薯條及飲品，飲品可選餐牌上的熱飲、冰茶，或雪櫃內的樽裝飲品，最後我揀咗個桃味果汁汽水，都不錯。Burger製作需時，同行朋友嗌嘅「蜜味辣雞翼」（$60/6隻）就出場先，試咗一隻都幾好味，辣味唔算好勁，但食落好惹味，似係新鮮炸出嚟，正！主角出場，個包size都幾巨型，一拎上嚟已經聞到好香嘅黑松露味。牛肉漢堡好厚，好有肉味。仲有個大啡菇都好大，而且食落仲有好多水份，唔會焗到乾晒相當juicy。加埋啲溶咗嘅芝士，直情一路食，一路都滴啲汁出嚟，好好味呀！朋友叫咗個「軟殼蟹漢堡」（ $108 ），真係有成隻軟殼蟹係個包度，相當大隻，食落好多蟹肉、厚身，仲有番茄和生菜做配菜，好味！套餐嘅薯條都算粗，又係新鮮熱辣辣炸出嚟，正！可以喺自助吧嗰度自己唧茄汁，食幾多用幾多！Burgeroom仲有個細心之處，就係每個Burger都會幫你切一

食過咁多次burgeroom都未試過總店，今日行開街咁岩可以試下。店係名店坊果邊，出面好多燈泡串燈，好有feel.銅鑼灣店有露天座位。由於上次叫左既main太好味，今次黎到總店再叫返，睇下佢有無咩唔同！所以今次兩個人叫左牛肉漢堡($75), all day breakfast ($98), 原味薯條 ($28), 蜜味辣雞翼 ($50)同Snapple & ginger beer ($28 each)首先要讚下呢到上菜勁快，大約十分鐘全部上齊。 我叫既all day, 講真真係抵食夾大份。個蛋係今日既亮點，炒到半熟，蛋汁仲浪浪下，加上香草真係好美味！ 其次係個大啡菇，焗到好juicy. 薯粒又夠多同沙律菜做返balance. 如果蕃茄都有焗過就會加分。朋友既牛肉漢堡。試左一小角，覺得個汁好好味係成個包既精華。Fat fries. 自助拎既醬汁。薯條算粗身，食到一啖啖薯蓉，炸到好乾身，仲有薯片連住，有咬口。雞翼我都推薦大家叫，因為好新鮮，咬落去雞油都飛出黎。雖然無乜蜜味，但辣味補夠，好野味！朋友的Snapple同我既薑啤。 一句講晒夠解渴，配炸野同漢堡唔可以無左佢。

上星期再次到訪Burgeroom。其實呢兩年都嚟食過三四次，基本上行到Fashion Walk又諗唔到食咩就會食Burgeroom，因為佢啲漢堡好足料！今次同男朋友叫咗兩個漢堡，一份升級做午市套餐，仲叫咗一份雞翼。唔好以為份量好少，我哋食完呢餐，夜晚飽到都唔係好食到飯！次次嚟到我都會食大烤菇芝士牛肉漢堡。隻菇好似一隻手掌咁大，烤完之後超多汁，夾埋芝士同牛肉一齊就唔會咁肥膩。 一如既往，塊漢堡排好厚身，不過一啲都唔乾，仲好有肉味。不過個包真係太足料，所以都幾難一啖咬到全部食材！男朋友叫咗菠蘿煙肉牛肉漢堡。呢個包個亮點係塊菠蘿！塊菠蘿微微燒過，所以個甜味幾出。甜甜酸酸嘅菠蘿同煙肉漢堡好夾，減低咗兩種肉配料嘅油膩感。我哋仲食咗蜜味辣雞翼！蜜糖同雞翼已經係好夾嘅食材，再加去微辣嘅調味，好滋味。就算食完個漢堡好飽，我哋都食得曬啲香脆雞翼！飲品方面，我哋叫咗Snapple嘅桃茶。以前讀大學成日都會喺飯堂買Snapple，而家都好少成會飲到。嘅個茶係少少甜甜酸酸，好開胃！相對其他漢堡包店，Burgeroom 係少啲花巧嘅菜式，不過亦證明佢真才實料，所以我哋先一再嚟食。

呢間漢堡店我已經食過幾次啦，佢出名份量大又好吃，次次都食到好滿足！今次我就帶兩個朋友未食過一齊黎試下！店係百德新街果邊，裝修分為室內同室外區域，好有外國風味漢堡選擇很多，牛肉，雞肉，海鮮類甚至素類都有，除左漢堡，仲有其他小食同沙律選擇，就算唔中意漢堡既人黎到都一定有啱佢食既野。另外我最開心係佢飲品選擇多，真係好開心吖等左一陣，漢堡包就黎啦！佢仲係同以前一樣巨大,見到都會哇一聲！🍔大烤菇芝士牛肉漢堡$108麵包是烘過的，挺身而鬆軟。中間夾著一塊好厚身既手打漢堡扒，肉扒很厚身鬆化，而且肉味香濃，每咬一啖都feel到肉汁滿瀉！配菜仲有大啡菇、紅洋蔥、番茄片、生菜同半溶芝士，每樣食材都新鮮多汁，好好食！🍔特量芝士牛肉漢堡$108同前一個漢堡一樣，都係麵包鬆軟漢堡扒超厚身。不過最特別係滿瀉既芝士，充滿鹹香味，超級邪惡！我地怕膩所以特登加左10蚊既酸瓜，果然可以中和肥膩，大家不妨試下。🐔辣單骨雞翼配蜜糖芥末醬 $60熱辣辣炸起既雞翼非常脆，肉質都幾嫩，配埋蜜糖芥末醬食好惹味🐔蜜味辣雞翼$50烤到好香，先甜後辛辣，口感層次豐富，推薦生啤75蚊杯，非常巨大，食漢堡飲啤酒真係人生一大樂事！呢間漢堡包店分

Burger room好受歡迎次次去都要排隊今次同啲朋友諗住唔洗排咁耐所以坐戶外既位不過坐出面其實唔太舒服,張櫈頂住咗亦都有人食煙之前食過軟殼蟹漢堡同牛油果雞肉漢堡都覺得幾好味今次食啲未食過嘅漢堡叫咗個大烤菇芝士牛肉漢堡漢堡大到無可能一啖咬得哂個大烤菇好好味好juicy但塊牛肉雖然好厚就有啲失望感覺係啲牛肉攪得太碎,個漢堡扒入面就好似一pat嘢咁中間好"林"身又冇乜肉味另外食咗個芝士旋風薯條同 蜜味辣雞翼薯條好夠芝士,啲雞翼就細細隻但都幾唔錯