Soi.29

Open Now

Now Closed

排隊人再次出沒，由18:00開店，旋即坐滿便要等候第二輪。平日從18:30開始排隊，大概19:05便可入座，用餐時間限時60 minutes。以下由（餐牌）- 廚師推介 Soi.29 Special 而點：(1) 醉貓炒河 Pad Kee Mao (Thai Drunket Noodles)泰式很喜歡的粉麵 - 寬米粉。它比慣用粉麵更能吸收裹味，將泰式的香料及火辣都包藏其中。口感比較像涼拌粉皮，但更加Q彈。不過這碟火侯過猛，醬料未能充分滲入麵條中，亦凝固在表面呈微焦感。(2) 燒牛肉 Roast Beef賣相非常吸引，不沾辣汁都有泰式串燒的風味。不過牛肉上碟稍涼，但不致於影響味道。(3) 冬蔭公湯 Tom Yum Soup味道正常，偏酸而不帶辣感。(4) 椰青清甜去膩。Soi.29 Chef Key有兩間店舖，分別位於尖沙咀及灣仔。灣仔現時可訂座，而且位置亦比較寬敞，一群人聚餐比較方便。

呢間餐廳收藏左一段時間，但礙於小店無得BOOK枱之餘，仲要晚上6點先開門，加上好多人都話要排好耐，所以遲遲未有去試🙉。適蓬平日星期四早收工，5點55分到達店外排隊，但由於朋友未到，所以未能成為第一批食客。最終朋友嚟到，剛好有位，6點40分可以入座。目測店內可容納38位客人，某D座位較為寬敞。每枱必點之一---醉貓炒河$88即叫即炒，快速上枱!! 配料有洋蔥、青紅椒、蛋碎、車厘茄、金不換、肉碎，辣度我覺得微小辣。聞落鑊氣香，不過食落香氣一般， 我自己就覺得呢個炒粉一般 ，而且好油🙉， 不過男友就話幾好食。人氣推介-----燒牛肉$138牛肉份量唔算少，呢個價錢嚟講好抵食，我地一致認為係全餐最好味嘅食物，如果再嚟都一定會再點佢!!😋 牛肉粉嫩、軟熟、多汁，外層微微焦香，淡淡嘅牛味，唔沾醬汁已經好夠味，最適合配白飯或者酒😏串燒拼盤$158/12串其實另外仲有款得雞豬共6串嘅拼盤，不過男友想食雞軟骨，所以點左12串。豬、雞、雞軟骨、腸仔，每款各三串。當中雞肉最軟滑、豬肉調味最好，帶點肉嘅雞軟骨亦唔錯。但我個人覺得似港式串燒多過泰式😅，本身有腸仔已經好港式，再加上串燒嘅蜜糖甜味特出，而旁邊嘅沙嗲

見到社交平台好幾個post都有分享去呢間由泰國人主理嘅餐廳，話哂本身個人都好熱氣嘢，所以就走咗去試嚕~嚟到廳嘅時間大概係18:30，喺呢個未算係人流嘅高峰期，我地前面已經有7枱排緊隊了，一行兩人嘅我地係第8枱，成三十幾度喺條街度企其實都真係幾熱，店住有將餐牌貼喺出面，方便外賣同堂食客睇定想叫啲咩食先。再望入餐廳入面，佢真係全場爆滿，個個都叫到成枱嘢食，睇嚟如果唔想等位嘅話，平日要六點入座先得。喺等位嘅期間，不停見到有人嚟叫/囉外賣，由此可見佢都幾受居民歡迎。等咗半個鐘終於入座了，曾經聽人講要排幾個鐘隊先入到去食，所以我諗半個鐘算快~ 嗱嗱聲叫咗三樣嘢食：醉貓炒河、燒牛肉、泰式椰汁雞湯燒牛肉（$138）：份量足，就咁食牛肉都有淡淡蜜糖甜味，帶出牛肉嘅鮮味，值得一提嘅係牛肉燒得啱啱好，唔會嚡澀澀。蘸咗泰式辣醬嘅牛肉就超惹味，辣醬味道似係以現成嘅醬加工而成，美中不足。泰式椰汁雞湯（$108）：椰汁雞湯好足料，有極多湯料，椰汁味突出，味道小辣鮮味可口，兩個人叫細嘅份量剛剛好。醉貓炒河（$88）：肉碎份量好多，味道只有bb辣，整體調味貼合香港人嘅口味，寬河粉份量可以多少少，咁就大滿足。以一個鐘頭

6點嚟到已經大排長龍，人氣爆燈唔係講笑，真心好好食！排咗一個鐘都值得，冇失望！完全有泰國街邊食嘅味道！仲要性價比好高MM冇介紹錯！下次要再嚟試多啲!!!燒牛肉超正！完全媲美出邊西餐廳四百幾蚊食牛扒嘅味道、水平。啲牛肉燒得剛剛好，完全唔韌，油脂分布適中，完全唔會覺得膩，亦唔會過多肉部份，令佢容易變得太煙靭，剪出嚟嘅每一嚿都係一口，方便咀嚼！醉貓炒河又係勁好食！但個汁有人可能會嫌重口味較鹹，不過對我嚟講完全係泰國食到嘅口味🫶🏽好味！啲河粉好彈牙、闊條，特別掛汁。就連平時我唔食嘅青椒、紅椒，我今次都食，因為實在炒得太好食了！勁辣炒椰菜🥬 又係好好食！唔係香港平時會食嘅菜類，幾特別！個汁又係十分泰國口味，好惹味、停唔到口。芒果糯米飯又係十分出色！必定要叫！熱烘烘嘅椰漿糯米飯，加大大嚿甜嘅芒果，好味！椰漿糯米飯當中仲加咗啲脆米，令層次口感不同！Perfect Ending!!!

長龍人氣店！泰國人主理，超火辣惹味鑊氣泰國菜🔥！・・・・・・・・・・・・・・・・・・・・🥩 燒牛肉 HK$128・味道：嫩口焦香火喉足嘅牛，好重牛脂香，牛魔波大滿足！只用黑椒調味都夠好食，因為舊牛本身夠高質，牛脂牛味都好足，非常正：P 個汁係泰式辣醬，都幾辣，輕點小小試吓好啲，食三小辣嘅肚波都覺得幾辣下，辣妹必食🤪！・口感：偶爾有一兩嚿有啲咬口，但冇筋的，jeng！🦑 酸辣鮮魷沙律 HK$118・味道：鮮魷新鮮爽彈，配菜都夠爽脆，但好辣🔥・口感：動L動L！🍝 醉貓炒河 HK$88・味道：呢個都係勁辣🔥但炒到好乾身，鑊氣足，夠豉油香！配埋花生好香口，係穩陣嘅好食！・口感：比想像中冇咁油，食完唔會好滯，乾爽河粉配juicy肉片同爽脆菜菜子，不錯！🍹 香茅荔枝冰 HK$42・味道：店員推介，果然有料XD荔枝冰微甜，淡淡香茅又幾fresh，組合幾特別但個味又出乎意料地好飲，一啲都唔突兀喎！・口感：清爽desu～🥛 泰式紅糖奶 HK$38・味道：呢個偏甜呀，不過同行朋友話同泰國飲嘅一樣，正宗！味道真係加咗糖嘅奶，或者係煉奶溝浠版XD・口感：好水嘅唔會話好漿口，不過口味問題，我麻麻咁甜嘅奶XD・・

之前睇電視介紹已經好想食，有次星期日行過想食先知星期日唔開。今次星期六過嚟，大概18:15到，等咗1個鐘就入到去食啦。生蝦新鮮，醬汁開胃。炒嘢果然好有鍋氣，醉貓炒河出晒煙好香，即叫即炒要襯熱食，否則河粉凍咗會痴埋一舊。飛天通菜簡單蒜香好惹味。串燒拼盤有豬肉、雞肉、雞軟骨和香腸，吃香腸就知有燒烤風味，加上應是自家調製的串燒醬汁，十分香口。蟹肉奄列真係有蟹肉，蛋味較重，香口但不會油膩中。椰青中肉嫩水多且清甜。龍眼冰友人飲用，我無試過，但個樣好泰國風，而且佢飲晒，應該不錯。餐廳環境比想像中闊落，坐得幾舒服，幾有泰式風情，週末去食餐當去咗泰國。總體來說，食物樣樣都好，值得去吃，但遲啲夏天再熱啲要排隊等就有點辛苦了。

因為睇MM條片而認識呢間舖，一直都想搵機會試下今日咁啱有得早收工，於是18:00過嚟碰運氣，結果一嚟到門口就即刻有得入座(不過當時已經淨番一兩張枱，到18:15已經坐滿，要排隊。到18:45陸續有人埋單)三個人叫左醉貓炒河(走辣)、馬拉盞椰菜苗（走辣）、燒豬頸肉、串燒拼盤、咸蛋魷魚因為見到openrice 食評話食物偏辣而我唔食得辣，所以索性全部走辣串燒拼盤性價比高，有豬肉、雞肉、雞軟骨、腸仔。每樣都燒得好食，加埋個沙嗲醬冇得輸。臨尾幾串唔夠醬點，問店員可唔可以加醬，佢都回應得好爽快👍🏻醉貓炒河可能因為走辣，所以略嫌覺得唔夠味，但個河粉都好彈牙～咸蛋魷魚比較失色嘅一道菜，魷魚比較細隻，口感一般（唔係平時去大牌檔食果種咁厚身大隻) 燒豬頸肉好有炭燒風味，夠厚切，份量多馬拉盞椰菜苗掛住食唔記得影相，佢個調味好好，值得點總結：食物、環境、服務態度都好滿意食物嘅選擇多，會想再嚟試其他嘢食😄最後埋單$600/3位

無意中留意到的泰式大排擋，看過大家的評語之後也決定一訪，蘋果茶還沒有飛過泰國，想不到weekday的晚餐時段，(餐廳Openrice未設訂位)整條寶勒巷只有這一間外面擠滿人龍，令我更加想快點吃吃它的真偽？！幸好和友人談談天吹吹水，大家都不介意等位，晚上七點，一等就要九點多才入坐，有夠誇張的。餐廳的店內環境不算大，應該也是等位的原因之一，裝潢像鐵皮大排擋配上牆身鐵牌裝飾，鐵的桌椅也花過心思，我覺得很可愛也很”打卡able”。因為太餓的關係，加上排隊時看完又看的menu，我們一坐下就決定好要吃什麼，首先上桌的有“生菜包/豬肉” $88生菜新鮮爽口，豬肉對我們來說，很辣~~能吃辣的不坊一試。“泰式生蝦” $138很鮮味彈牙，必吃之選。粉麵我們點了兩款，“醉貓炒河” $88 是又扁又濶的河粉，炒得惹味，辣度不算好辣，口感很好咬。“海鮮炒烏冬” $98不辣的點給小朋友吃，價錢來說有魷魚有蝦，海鮮彈牙性價比高。小食”炸春卷” $58和”酥炸皮蛋蝦餅” $78香口好吃，大推”蟹肉奄列” $108蟹肉份量好多，蛋香十足。“燒牛肉” $138燒得好嫩好香，不會過老過熟，牛肉富油亮感又帶有肉汁，讚讚“串

有人介紹就去試下，睇過吾少食評都話晚晚都長龍。今日星期一9:30挑戰，排第3-4，吾洗15分鐘就入得！燒牛肉真心正，佢似系5成熟，一咬落去超淋，有入口即溶既感覺😍 果然系必食！$158好似少少貴，但其實佢好足料，有好多舊醉貓炒河叫左小辣，但對於吾食得辣既我都系要配個凍飲先食到。咩味我又好似講吾出，但好好味😭好似乾炒牛河，但又濕D，又寬D，配肉碎食都好夾！同樣嗌左小辣，但尼個仲辣🥹 食吾到，但又為左豬頸肉系咁追食，豬頸肉好多片，我諗嗌尼個可能仲好過齋嗌豬頸肉，又有沙律食👍🏻一上枱系兩層色，好似同平時飲既吾同D，但其實攪拌完，個味同普通泰茶一樣，系甜左少少，不過可接受，因為對我嚟講佢嘅作用都係解辣😂 *有嗌少冰，但...好似冇少到...

食泰菜，唔一定盡在九龍城嘅，今次就喺尖沙咀搵食，介紹一間抵食又好食嘅泰菜！🥰如果週末過嚟，好大機會大排長龍，所以小妹特登避開人群，搵個平日夜晚來，果然即到即入🤭店面為大排檔裝修，鐵皮加五顏六色poster 牆身，紅藍綠櫈都好有大排檔vibe。泰菜本來就以「五味雜陳」見稱，而我覺得呢間餐廳表現有驚喜👍🏼保留到泰菜精髓，價錢亦十分親民！1️⃣ 燒牛肉 $138必點之一✨✨牛肉切片，燒到五成熟，中間呈粉嫩嘅紅色，咬落去即刻有種幸福嘅感覺🤌🏼 因為個牛除咗保持到肉質嫩度夠juicy，味道仲非常濃郁，炭香味一流，調味亦剛剛好！配上泰式酸辣汁，辣度唔惹少，啱哂好辣之人🥵；就算耐辣能力弱少少，但食到開始有膩感，不妨蘸少少汁，事關佢夠哂開胃同解膩！2️⃣ 醉貓炒河 $88醉貓炒河係比泰式炒河Pad See Ew （See Ew 即豉油嘅泰文譯音）更重口味，加入多種🌶️🌶️辛辣香料，例如九層塔、辣椒辣醬、胡椒（通常會連胡椒梗一齊放入去炒），味道更強。呢間嘅醉貓炒河冇得自行加配肉類或蝦，主要落咗豬肉碎、洋蔥、豆角、車厘茄、九層塔一齊炒，味道合格，略嫌唔夠重香料同胡椒味。溫提：少辣仍算偏辣，可自行加糖平衡，如想試到原始

佢係最近超人氣嘅泰國菜， Happy Friday兩個人撐枱腳食個early dinner。我哋6:15已經到餐廳，唔使排隊就可以入座，但係都要搭枱，用餐限時65分鐘。餐廳上菜算係好快，所以有足夠時間食嘢。我哋點咗酥炸皮蛋蝦餅、燒牛肉、醉貓炒河和飲品椰青。食物質素非常唔錯！酥炸皮蛋蝦餅有驚喜！蝦餅外皮炸得香口，裏面嘅皮蛋係溏心，加晒分！點泰式辣醬食，好match！燒牛肉都非常唔錯，好似睇落每一枱都有叫，非常熱門嘅菜式。燒牛肉medium rare，非常啱心水！牛肉好Juice，夠嫩，肉味都濃！個汁好辣，少少鹹，好惹味。如果係要挑剔，係有少少肥膏。主食叫咗醉貓炒河，已經叫咗小辣，但係都幾辣。河粉係用闊河粉，連埋肉碎、洋蔥、豆角、車厘茄一齊炒，味道唔錯。但係份量有點少，唔係好夠喉。加啲魚露同埋糖，感覺冇咁辣。埋單價錢唔係太貴，臨走仲會送一人一條雪條今日有椰子同提子揀，梗係試椰子啦！係椰汁冰咁，夏天今晚食都幾正！重點係免費送嘅我哋7:15離座，餐廳外面已經排晒長龍！真係早到早享受

🇭🇰Soi.29·呢間我covid夜晚禁堂食既時lunch time食過佢 覺得佢啲嘢超有鑊氣 但係因為佢之後淨係做夜晚 所以一路都無再食過 今次夜左收工就終於有機會再食佢啦😎😎·醉貓炒河$88 l 滷水泰式豬手$138 l 馬拉盞椰菜苗$88佢個醉貓炒河真係好好食 佢係勁有鑊氣🔥而且佢係闊啲嗰種河粉嚟嘅 所以質感好好 超掛汁 不過雖然佢真係好惹味 但係對我地黎講真係太辣 我地最後係辣到要用水沖一沖先食到🫢🤣🤣之後佢個豬手都整到好好食 佢個豬手好入味 肉質都好嫩🐷最後個馬拉盞椰菜苗都唔錯 又係超有鑊氣 炒得好好🥬·芒果糯米飯$78之後因為佢實在太辣啦 所以我哋就決定嗌個甜品解下辣🥵佢呢個個芒果超甜 不過個飯我就覺得有啲偏硬 無咁甜品🥭·#rbyeat#rby東南亞菜#rby尖沙咀·📍尖沙咀寶勒巷29寶昌商業大廈地下

去尖沙咀行街唔知食咩好，就試下呢間泰菜 <Soi.29>，Weekend晚上6-7點去唔洗排隊，裝修泰國風，好似去左曼谷街頭小店禁！泰式生蝦 ($128)：生蝦感覺都爽彈，醬汁都幾辣下，加埋生蒜一齊食，好味！不過如果唔食得辣就未必岩。燒牛肉($138)：廚師推介既燒牛肉，的確係唔錯！牛肉唔un、有牛味，值得一試醉貓炒河($88)：平時食泰國菜都係食萬年Pad Thai/ 濕炒河，今次就試下OpenRice個個都推既醉貓炒河。主要係豬肉碎+闊河粉+九層塔+少量青椒炒埋一齊。味道唔錯，不過不失啦！馬拉盞炒通菜($88)：正正常常，不過不失，唔會太辣。飲品嗌左芒果沙冰同青檸梳打，冇伏！溫馨提示如果食泰式生蝦，記得嗌野飲！性價比：四餸 兩特飲 Total 買單~$500頭 人均 ~$250。尖沙咀旺區黎講可以接受，多人share會抵食啲。回頭指數：值得一試🐥

同一班人一齊最好就係食大排檔，今次就特別d，係泰式風味，但依個大排檔都好乾淨。燒牛肉 $138依個真係大推，燒牛肉有d炭燒香，食落牛質好淋，又唔會太瘦，加埋d汁更開胃。炸蝦餅 $78炸醬好脆，蝦餅蛋呀彈牙，但都算驚艷，加酸甜汁可減低油膩感。醉貓炒河 $88好夠鑊氣，味道同普通炒河差唔多，但就唔會太油膩。

Finally tried out the insanely popular Soi.29 located at TST. The hour-long wait was totally worth it because the food was really quite something! 🤤 Pic 1️⃣: 醉貓炒河 - $88 hkd 🌶 — This was SO good, I’d probably come back just for this dish! Insanely flavourful dish, as the flat noodles had so much surface area to hold and absorb all of the sauces and stir fried minced pork which was already bursting with flavour. Not to mention, the noodles had the perfect chewy texture to it. Definitely recommend th