火薈中日火鍋

Open Now

Now Closed

勞蘇食又打邊爐，之前已經見到開左間新既上樓高檔次邊爐，無左正斗就一於試下啦星期日比較夜既時間先黎到，唔使等就有位，不過就未到特價時段，但肚餓就無等喇，裝修門面個啲都幾靚，走新派火鍋店路線服務非常熱情，又推薦唔同既野食，餐牌花多眼亂，湯底都十幾二十個，亦有不同既海鮮餐、海鮮呀咁，生牛刺身都有睇到飲品見到佢特登影相推介咸檸七同竹䉀茅根好好笑，因為其他野飲野食都係無相既，飲品選擇都多，我就都係啤酒算喇叫完野食自動自覺拎醬油俾你，服務態度好好正常既醬油啦都係落重本叫左個秘制冬陰公海鮮湯，特別之處黎喇，中式x日式火鍋溝左個冬陰公出黎，仲要秘制？？？ 上枱都算幾吸引，主打有蝦、有蟹、有蜆，仲有一大堆魚肉、魷魚、菇個啲，蝦蟹都算足料而且新鮮個湯底幾好味既，唔感覺味精味，香料足，唔會太酸或太辣，值得一試先黎一碟本地手切鮮牛肉，個樣放得好靚，食落牛味普通唔太差，但薄得濟，$238既價錢得幾塊真係太貴咋一聲就食完，燒銀紙一樣，又唔算勁好食接住係蟹粉蝦滑拼墨魚滑，蟹籽味幾出，加埋湯底係冬陰公幾好味不過又係條管都細過人，貴左啲打邊爐當然要食埋蘿蔔同萵筍啦，同個湯底亦非常之挾勞蘇食推介既今次係廣島蠔，蠔味濃幾隻

自從幾個月前試過呢間火鍋店之後，每逢朋友相聚一堂既時候，我都會提意食呢一間。原因好簡單，環境舒適唔太嘈，相比旺角又多人坐得又逼夾係兩碼子既事。今日約左女友人再到呢一間火鍋店試下。醬料一望埋就知好新鮮，蒜蓉蔥炸蒜辣椒通通有齊。侍應仲話優惠期間仲有生蠔餸添，本身個人對腥既野無乜興趣既，但係送既點都試下，點知食完發覺一點都唔腥，仲好好食好甜添！估唔到送既都有咁水準，係意料之外火焰波士頓龍蝦海鮮湯底聽到個名已經好正 仲有場表演睇添侍應放好哂食材，就開始啦！話明係海鮮，當然有主菜波士頓龍蝦，蛽，魷魚，仲有粟米冬菇葱同生菜火焰真係有火焰既，唔係呃人當時聞到海鮮加酒同洋蔥嘅香味，已經好肚餓啦侍應仲貼心提醒 一滾就食得，唔好overcook。我地急不及待啦已經，到滾好。當然要試吓個龍蝦先呀，可能因為兩個人分嘅關係每人分到嘅龍蝦都好多，龍蝦煮到岩岩好 淡淡肉 又鮮甜加上酒香味 正！鹿兒島黑毛豬 脂肪比例平衡，薄薄一片已有好濃郁既豬味。帶子，個人認為呢到既海鮮真心正帶子爽口，鮮味十足 食左咁多野再食個帶子，都無蓋過佢原本既味道甜品，雪米糍食完咁多野再食埋呢個中和一下，完美！總結，高質太子火鍋店 係朋友相聚

做了平民這麼久的我，決定，今天要吃一下太子級的料理。這家火煱店能襯得起我了吧!本太子在平日的晚上前來，裡面的人不多，不需要等待就能進去了。這家是一家中日韓的火煱店，潢裝看起來也頗具東亞的特色吧!說起火煱的配料，本太子或多或少也有選擇困難的症狀。所以就直接選了這個賣相不錯的鮑魚龍蝦餐。主菜來前少不了醬料，這麼多選擇也足夠滿足我了。至於湯底的選擇方面，有清湯，蕃茄湯等，本太子就選了芫茜湯。凳凳凳凳!!海鮮駕到!!根據菜單的描述，這裡有波士頓龍蝦，日本大元貝，大連鮑魚，中山鱔片和廣島蠔，相當豐富。注意這裡是二人的份量啊！所有的材料很快都被端上，包括安格斯牛肉點上配醬，很正啊!招牌的三寶丸稻庭烏冬，沒錯，就是正宗稻庭味道~還有田園蔬菜籃~要說到最深刻印象的都是這隻波士頓的龍蝦了，看看是多麼的大，大口吃起來是啖啖肉，十分的滿足。大元貝和鮑魚也是本太子十分喜歡的，看看大元貝和鮑鮑是多麼的肥美就知了~哈哈 這麼一餐情侶來吃就最棒了。至於價錢方面要留意一下茶芥每位10元，醬料每位15元的。

今次係我第二次黎呢間火鍋店喇，記得對上一次印象都非常好，由環境、食物質素、服務到臨走我「參觀」埋店家嘅洗手間都非常滿意。週二晚同朋友食飯，佢話好耐冇食火鍋，我就諗起火薈喇！我地都喺附近番工，所以好方便，收工就行過黎，餐廳位於酒吧街果邊，以前都好旺，不過老實講，而家大不如前，唔知係咪因為咁，呢間火鍋店客人唔算好多，所以我地都冇預約，直接walk in。餐廳喺2樓，個人認為裝潢幾靚，相當闊落，四人枱位置充足，而且客人唔多，唔催唔趕，真心坐得舒服亦有卡位，房間，房間有最低消費，但問過，定價合理，人均二百左右坐到，日後有聚會都要提議朋友黎呢度。餐廳除左火鍋，其實仲有私房菜，不過我地就冇留意有乜食，睇番火鍋。火鍋選擇豐富，湯底都有十幾款 $68-$298，沙嗲、麻辣、胡椒豬肚雞、冬瓜瑤柱蛤蜊、蝦兵蟹將等。配料有肉類、海鮮、刺身、自家製手打丸、餃類、一般火鍋配料、粉麵、蔬菜等，定價中上，但質素甚高。佢地都有套餐供應，三款定價每位 $208/268/298，另收茶芥($10/位)、醬油($15/位)、加一服務費，連埋飲品人均三百起，包湯底、牛、海鮮、丸類、餃類、滑類、蔬菜、粉麵等，上次我已經試過最平

有時兩個人要諗食乜都係幾煩惱嘅事，尤其我地冇住家飯食，一星期諗足7日你都咪話唔頭痛，又要啱食，又要唔貴，又要份量適中，最近就經常打邊爐，貪可以烚下烚下慢慢食。喺公司附近都有好多火鍋店，但我地貪新鮮，通常想試新野。週三晚黎到酒吧街嘅火薈中日火鍋，餐廳位於1樓，位置唔算好多，但空間感足，卡位多而且寬敝，裝潢簡單，近門口位置有間房。平日晚上客人唔多，所以職員都將我地安排得較集中，方便招呼；不過正正背面一行十人，難免會有少少嘈。除左火鍋，其實佢地仲有私房菜供應，人均二百零蚊，四位起用。店員好快就送上茶($10/位)、醬油 ($15/位)，醬油箱幾特別，要嘅都有齊。餐牌選擇豐富，除左雞煲，13款湯底定價 $88-288，例如：五行鍋、人蔘雞湯、豬骨湯、胡椒豬肚雞鍋等。此外有唔少佐酒小食、海鮮刺身；火鍋配料有牛、豬、雞、羊、手打丸、蔬菜、粉麵等，配料價錢唔算貴。我地人少少就睇中套餐，套餐三款 $209/$268/$208一位，兩位起就送湯底，可選芫茜皮蛋/鮮茄薯仔/四川麻辣/馬來沙嗲。最終揀左最平嘅火薈精選餐，本來眼闊肚窄仲驚唔夠食，加點左一款丸、豆腐，結果飽到顛，原來唔加野食都好夠呢。火薈精選餐

雖然任飲任食形式的火鍋店開到成行成市，不過有時也會遇上用料參差的店鋪。太子的火薈中日火鍋主打高質食材打邊爐，所以也吸引了我預留增肥quota來一試  XD這天早來了，所以人客不多，7pm過後就開始多人了。這裡坐得舒服，一點也不覺得擠擁，加上枱面又夠大，可以放到大量食物。看完餐牌後，就發覺套餐似乎比單點更抵食，所以今次就點了C餐。以同區來說，價錢確實是偏貴，不過試完後，就知道食材也是與價錢成正比。這裡提供各式醬料，自行混出最適合自己的口味，另外溫馨提示一下，醬油會收$15一位，茶錢則是$10位。今次我們兩人就點了C餐火薈精選餐 (每位$208)，另外再加多兩碟單點，這個份量其實多了點，兩個人食一個餐其實已經很足夠。鮮茄薯仔湯底帶有濃濃的蕃茄味，酸甜又開胃。湯底絕對真材實料，裡面真的有很多蕃茄薯仔，打邊爐時這些食材還可一齊煲著吃。美國雪花肥牛雪花肥牛肥瘦勻稱，如雪花般的細緻油花分佈，脂肪比例平均，切得薄片，肉質細嫩。平時我都不算特別喜歡吃牛肉，但難得今次的肥牛算是高質，靚肥牛肉質腍而不韌。鮮雞件 (半隻)雞肉滑嫩不鞋口，沒有絲毫雪味。雲吞併水餃外皮厚薄剛好，不會太厚，薄皮口感嫩滑，不會吃到

好友聚會梗係要搵個可以傾到計，慢慢食野既地方啦，系Openrice見到呢間新間既餐廳，環境裝潢得好令，開頭覺得會好貴，睇埋MENU即係打電話去book枱！嘩！同我上網睇到既一樣，呢度真係好令原來仲有兩間VIP房，有一間仲有埋唱K！可惜今日一早俾人book左無得轉VIP房，下次一定要再早d book！！另外，佢地仲有專為吸煙人士而準備嘅露台，唔使特登落樓下食煙，非常貼心！👑叫左個岩大家口味既豬骨湯底，店員介紹佢地對湯底好嚴謹，叫我地可以試下就咁飲個湯！係要幾有信心先講到呢番說話，果然真係好甜！！湯底放左大量豬骨、大豆芽、粟米、紅蘿蔔同埋白蘿蔔，熬製成奶白色嘅湯底，加上胡椒味，更加香濃。最重要既係咁有質素既湯底只係$138！！醬油配料見得多，炸蒜片第一次見，通常都係蒜粒加生粉炸成，但佢地好明顯無加生粉，連蒜片既紋都好清楚見到！其他配料顏色鮮豔，睇落去都好新鮮！連匙羹都係獨立擺開，好乾淨喔呢個係佢地自家製既竹蔗茅根，一飲就知落足料！而且都睇到好有大舊粟米同竹蔗，味道好清甜、清熱解渴一流！涼拌豬耳味道非常惹味，除左有麻辣味之外，仲有濃郁既醬油味，而且咬落好爽口！另外仲有一d雲耳，一樣好爽脆！五