埠 (Closed)

好耐冇入西灣河, 呢間日本野對正碼頭, 望落環境唔錯, 不過門口係密封趟門, 如果整返透明玻璃門會更加吸引。講返食物, 前菜叫左雞泡魚乾, 濃濃魚味, 唔會太硬, 好食；燒明太子, 唔係一般的燒玉子, 而係鹹香的魚卵, 配上清新蘿蔔絲, 不過呢個對我黎鹹左D。串燒叫左安格斯牛+牛舌, 2樣質素都好好, 牛味濃, texture 好好。花魚一夜乾, 店員推介的, 其實是把鮮魚經鹽水醃漬與風乾一天處理, 經燒烤後, 魚皮香脆, 魚肉微鹹鮮甜, 好岩送飯。之後叫左個鍋燒烏冬, 烏冬彈牙, 感覺唔錯。Overall 黎講, 呢度D野食比其他日本食肆感覺正宗, 碗碟擺設都好有心思, 環境一流! 仲要對住個無敵海景。不過價錢略貴, 2人賣單around $600

今天跟老公忙裡偷閒，來到西灣河碼頭這一帶覓食。SOHO東這邊有很多餐廳，但說到最近海邊一定非這間埠莫屬。我們坐在位子上，往窗邊一看已經是海了，不說還以為在船上用餐。餐廳小小，但裝飾得很有日本風味。高櫃上擺放多款日本酒，想跟廚師有近距離接觸亦有吧枱位置。餐牌選擇很多，我們點了幾款串燒和一個主菜烏冬。白鱔由三小塊組成，燒過的鱔味道很出，邊位燒得有點脆脆亦更有口感。豚肉露筍卷由豚肉包裹著露筍卷，肉跟筍的比例剛剛好，一口吃下去口腔內同時充斥著兩種味道，筍亦能中和豚肉的油份。月見紫蘇免治雞棒雞棒口感豐富，另配上生雞蛋醬汁令雞棒香口之餘更添滑溜。京都絹豆腐一串有兩塊，豆腐面塗上特製醬汁，豆腐超級滑，完全是外脆內滑，令人眼前一亮。鍋燒烏冬以鍋盛上，烏冬又爽又滑，昆布湯底很清甜，還附上大大塊腐皮。蕨餅沾了豆粉的蕨餅比坊間吃到的結實，而且豆粉非常香濃。這間餐廳不僅是吃氣氛，食物質素更有保証。

好少去西灣河食野之前成日聽太安樓同蘇豪東多野食，今日同個朋友黎到西灣河試下呢間埠先間埠係馬頭隔離，真係無人帶去都無留意，又睇唔到入面，好神秘咁先叫左個煙薰鮭魚乾。呢個用黎送酒就very good喇食落好香魚味，有咬口，停唔到口叫左好多串燒呀！佢仲拎左海澡鹽俾我地自己調味，不過其實廚司已經調左味，可能前排節食食得好淡，依家食野唔使太重口味，所以我都無用到。嘩好認真！用左個爐慶住啲串燒，個爐只係用啲燒熱左嘅石，所以唔會overheat改變食物熟透度，好細心喎燒雞皮燒得岩岩好，唔會太燶，脆脆地好香口燒牛舌都好好味咖，少少彈牙爽口，用左少少調味就帶出牛舌嘅香味燒白鱔都唔錯咖魚係要燒先出香味，特別係個魚皮，少少燒焦，超香雞腎切得好細粒，好搞笑呢個蔥蒜牛肉最好味調味十分好，蔥蒜平衡，仲有醬汁，牛味被充份襯托出，好有層次美國安格斯肉眼厚身，都好好味咖呢個啤酒比一般生啤好飲！最後驚唔夠飽，食埋個鍋燒烏冬。入面有塊大腐皮，湯底好清新，似係鰹魚湯底。呢間埠真係幾好咖，好多細節位做得好認真，好有日本人一絲不苟嘅敬業樂業嘅態度，加油呀

平時夜晚緩步跑都見到西灣河馬頭有間日本餐廳，一直都好想試下，不過因為睇唔到餐廳入面，成日覺得佢好似會所，唔係俾我呢啲平民去。今日終於去左，而且發覺呢間餐廳其實非常優質。餐廳格調非常日本，傢私同餐具都好精緻。睇黎老闆同大廚係十分講究質素。雖然我好為食，但最近細食咗，想試多啲嘢，所以每樣野都叫一串。我叫左個前菜煙薰鮭魚乾，一堆串燒包括墨魚腸、白鱔、牛舌、蔥蒜牛肉、美國安格斯肉眼、赤雞皮、赤雞腎同鍋燒烏冬。當然唔少得啤酒啦啤酒有兩隻，一隻係Sapporo draft，另一隻係Ryujin Ozeno Yukidoke beer （尾瀨雪融）。個人覺得尾瀨雪融好飲好多。呢度仲有其他酒，不過我就無試到。先食下個煙薰鮭魚乾。暖暖地，好香魚味，送酒一流。原來串燒會有個石爐興慶住佢地。個爐無火，下面有好多久燒熱咗嘅圓石，好細心，呢種執著充滿了藝術感。其實所有都好好味，不過咁多款入面，只可以㨂三款的話，我會推介蔥蒜牛肉、墨魚腸、同白鱔。蔥蒜牛肉嘅汁同配料混合得好好，帶出左牛肉嘅香味。墨魚腸味道又係好特別，好香，好有層次。如果唔夠味，可以自己加鹽。又係另一件藝術品黎！最後食番個鍋燒烏冬。最初以為好似一般港

以前不時會經西灣河碼頭去鯉魚門體育館攀石，但愈大愈忙，已經好少再踏足碼頭。估唔到今次嚟唔係搭船，而係食串燒。埠嘅燒物用石爐保溫，以瀨戶奈海藻鹽調味。成得最豪嘅係厚切A4和牛。平時冇食開唔知價，望落係細塊，但食落真係不得了。和牛喺爐上一直滴油，發出「炸炸」聲。 厚切和牛令肉心保持嫰粉紅，成塊肉都充滿油脂香，牛味好濃。月見紫蘇免治雞棒食法比較特別，可以將雞棒切成細段，然後沾上蛋漿。雞棒甜甜地，沾上蛋汁肉質更嫰滑。京都絹豆腐幾有驚喜。一端上枱見到豆腐偏黑好似燶咗咁，其實有啲錯愕。但一食就知佢係將甜醬油焦糖化，令絹豆腐比炸豆腐更脆。豆腐密度好高，食落結實，豆味濃陏。喺電視見過人話日本燒雞皮好正，所以就點嚟試試。果然冇錯！雞皮燒到出晒油，食落脆口，有雞油香但唔油膩，好似豬油渣咁嗰種質地咁。羊扒雖然定價較高，但燒得好出色。入面嘅肉係嫰粉紅，但生嘅部分好易咬開，好稔，好香！鍋燒烏冬滑嘟嘟咁，鰹魚昆布湯係全鍋嘅精華所在，腐皮就吸晒呢啲精華。哈！睇到都覺得正啦！蟹腳燒鹽味經外殼滲入鮮甜蟹肉。蟹鉗位啲肉厚到成支漿糊筆咁！啖啖肉，啖啖海水味。食埋甜品，呢餐靚景正嘢食冇得輸。