Kozy Okonomi-yaki Teppan-yaki

Open Now

Now Closed

這間都幾難book的鐵板燒，位於銅鑼灣市區，我哋都等左兩星期先有位。我們四人，其中一位友人比較心急，當晚爆滿，每碟餸嘅上菜時間比較長，友又吃得很不耐煩😅。 如果慶幸地book到bar枱，和鐵板燒師傅近距離接觸嘅話，可能成個體驗會更加有趣。總體來說，食物質素是高的，每碟餸都有它的特色。當晚我們選擇了個關東煮$150。我覺得味道偏淡，比起我去日本七仔食嘅有點兒遜色😅。不過只是純粹個人口味，其他成員沒有特別挑剔。海鮮總括是新鮮好吃的。2份燒帶子$98和兩份燒蠔$88都新鮮好吃。這兩份聖子，友人覺得有些少靭，其他成員覺得OK的。這個燒蝦雖然好食，但有啲貴。牛舌夠冧，平時唔係好食牛舌嘅我都覺得好食。雜菜燒冇咩特別，除咗洋蔥特別甜之外…呢個燒雞腿幾香，肉質不錯。鹿兒島黑豚肉，反而食唔出有咩特別…大阪燒，普通貨色，有點貴。番薯蓉雪糕原來是分開的，不是番薯雪糕啊～注意沒有免費的水供應。已經是上年年尾去用膳。整體感覺是一般。值得一試，但一次就夠了。有YouTuber極力推介。喜歡熱鬧嘅朋友可能會喜歡，氣氛適合一大班朋友飲飲食食，詳談一番。我自己就麻麻哋了….

在社交平台上看到有日本人推介 這間專吃大阪燒 鐵板烤肉 鐵板炒麵 看著影片已 “流曬口水” 位置也很方便 沿著銅鑼灣崇光 行過不遠處就是 決定這天晚市 在沒預早訂座下 早少少出門 碰碰運氣 還好 7 點半交枱 可以吃到 美味大阪燒啊！😜😜這間店舖 面積不大 開放式廚房 圍繞一排 高腳吧櫈 可以看著 廚師的手藝 還有塊黑板 寫上當天限定 餐牌沒有的鮮食 這裡無論 人客或員工 講日文絕對比中文多 很有氣氛 就像到了 日本居酒屋一樣 🍶🍶 我們二人點了香蔥大阪燒 🥢🥢煎餅夾著滿滿的 細香蔥花 薄薄的肉片 切得細緻的蔬菜 餅面掃上 薄薄的醬汁 灑上木魚碎 甜味比一般做的少 滋味無比 😋😋帶子鐵板燒 🦪🦪食材新鮮 稍稍調味 已很鮮甜 好吃海鮮 🥢🥢芝士蛋奄列 🧀🧀食客極之喜歡美食 蛋卷厚煎 芝士碎 半溶化狀態 混合蛋液 極致美味 🍳🍳關東煮 🥚🥚多款食材可選 以每件計 當日點了炸豆腐 鹵蛋 蘿蔔 上桌夠熱 煮得軟嫩 碗邊放了些黃芥醬 味道不錯 🥣🥣鹿兒島黑豚腩扒 🐖🐖除咗大阪燒 做得好滋味 呢個 鹿兒島黑豚腩扒 配上薯蓉藻鹽 絕對有驚喜 肉質嫩 肥瘦適中 肉味濃 廚師煎煮技巧出色 一口接一口 吃

疫情問題去唔到日本不知不覺已經有兩年了，早前見到日本大島San拍片分享呢間大阪師傅主理鐵板燒已經好想試。餐廳比較細，所以都幾難訂位，連續問左好幾日都只有9點至有位。當晚叫左好多野食，諗住好好解下思鄉之情，係咪叫驚為天人又唔係，但係當你真係太耐無去日本時食到少少果陣風味，加上野食唔太差時係真係幾滾動。唯一要講既係，得兩位師傅煮野人手好唔夠，啲order根本做唔切，講緊我地入座都已經唔係正常晚餐時間都要等咁耐，加上日本人文化有食客請飲酒即使工作緊佢地都會飲，果晚都見有唔少日本人，請左師傅飲酒，所以可能有影響到出餐真係好慢好慢，好似食左個法國餐咁，平均一道菜等20-30分鐘今次用餐安排係bar枱位置所以可以睇到哂師傅煮既過程，總結，野食不錯，係真係要預時間當食法國餐咁食，同埋一定一定要訂位同要求坐bar枱，唔係等上菜既時間咁長坐order 枱會好無癮。

男朋友食過幾次覺得好食, 所以帶我利慶祝食生日飯。店鋪有分Bar枱同普通枱, Bar枱既話, 會有日本師傅係你面前煮, 好似置身於日本咁。不過我地今次就坐普通枱, 都好舒服。芝士蛋奄列 ($48)芝士+蛋, 而個組合好難唔好食, 利到個時熱辣辣, 香噴噴, 夾起個時啲芝士好澎湃, 所以好好味, 不過如果加栗米會更好, 多一份香甜,同建議要趁熱食, 芝士凍左就會同蛋分離。關東煮 (蘿蔔+蒟蓊, $24)係日本, 最鐘意走去7-11買關東煮, 今次點左蘿蔔同蒟蓊, 店員好好, 見我地2個人, 細心幫我地分左2碗, 蘿蔔多汁冇渣, 蒟蓊彈牙, 旁邊有黃芥末, 味道很嗆, 所以落一點點就好, 略嫌湯底有點太清。蝦($98)厚實多肉又有膏, 用乾煎方式, 整得好好味。牛舌 ($58)爽口, 牛味濃, 鍾意夠厚身切粒, 食落有口感, 旁邊既椰菜都爽脆, 睇得出食材唔馬虎。豬肉大板燒+魷魚 ($68+$10)我的最愛日本食物, 曾經試過係日本買7包急凍既大板燒返香港。味道好好, 好建議加10蚊配料, 因為份量都唔會好少, 我地加左魷魚, 彈牙爽口, 反而變相豬肉就唔係好食得出, 材料方面, 如果面

為了坐吧枱今次要兩星期前預訂枱 推遲左一星期的晚餐 好期待🤨今次可以點點點 食食食 飲飲飲 4人用膳最適合🦐大蝦 必食 抵食 好食蝦腳都煎得脆脆的 全隻由頭到尾都可食 關東煮白蘿蔔 豆腐 薯仔 蒟蒻 蛋 牛筋今次個蘿蔔有點淋 牛筋好淋 連個湯都要飲埋嘩⋯⋯嚟喇👆🏻試下你就知跟住八爪🐙 爽口鮮甜 （一啲都唔韌）雞腎 爽 （柚子胡椒）配銀芽 好入味蟶子 ⋯駕到😄又一美食 新鮮 香口 😋白子 白子呀（季節限定）一人一份先夠食🤣外脆內嫩 好味到不得了A4 剛剛好 蒜片不黐牙 牛味濃 不油膩 又有入口嫩滑 又有口感 食完塊麵包仲可以做pizza 每次都想朋友快點食牛 我可以有Pizza食😆雞軟骨第一次食 應該係雞胸軟骨 都唔錯 連埋洋蔥一齊食仲正鵝肝呀喂～😋配埋薄脆多士 一口啱啱好豚 必食 雞我覺得啲菇仲好味😄仲有豚肉大阪燒 帆立貝 同埋幾款小食 清酒x2 無影相另外 之前食過 燒野菜 炒烏冬 炒飯 仲有雪糕配年糕 都好好味架 （今次無食）真係好好味兩位日籍師傅 有禮貌 又nice 煮嘢又好食 仲陪我地飲🍶 辛苦晒 店員都好好服務今晚朋友們都好開心 好有氣氛 大滿足😃今日はありがとうございます☺️

男神生日去食好日，日式鐵板燒我會揀這間，這不是我第一次來，水準依舊，但建議坐吧台是最好的， 廚師為日本人，感覺好有風味，每度菜在你前面即時煮上。而且我早有預備與餐廳制造驚喜，店員稱可在大板燒寫上名字，就像生日🎂一樣。溫馨提示：由於餐廳細小，食完衣服會有味！

第一天假期開始心情特別愉快 唔好俾佢停⋯今日晚餐太早食了 幾小時後又開始想揾嘢食 夜媽媽食乜好 諗起有位日本朋友介紹過宵夜好去處 位於銅鑼灣 日本師傅 最緊要係營業到零晨三點 啱晒我放假唔洗瞓又為食嘅人 即刻上open rice揾個電話訂枱先 剛好只剩返兩個位 唔訂枱真係無得食架 即刻再約朋友仔先⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯到了係咪好想知係食乜架呢😏好有氣氛 不過略為熱左少少 可能係有兩大塊鐵板嘅關係 唔理喇 order 先 ⋯⋯⋯⋯睇左相先講嘩～～～～～真係正 原來未食大阪燒、芝士蛋奄列呀😩期待下一次⋯

第一次去呢度食係上年12 月 經朋友介紹 博一博 walk in 因該一般都要預約 好在平日甘岩有位 遲少少都冇喇 入面地方吾大 成個環境都好日式 係大煙左少少 客人有一半都係日本人 所有野食都好好味 即叫即燒 份量吾大 但係就岩岩好 同朋友傾計飲野一流 絕對會再去

友人突發奇想，想吃大阪燒，上網搜尋一下，發現選擇也不太多，便隨心的選了這裡。於銅鑼灣Happy Friday吃晚飯，大部份餐廳都滿座，這間也不例外，我提早了大概2星期預訂了它的 Bar 枱位置。大阪燒就是出名價廉物美，其實它的用料很普通，但就是這種適合普羅大眾的配搭，才會令人百吃不厭！其他的燒物也很不錯，我們坐bar枱，可以近距離欣賞一下師博的廚藝。餐廳座位不多，店員會主動推介菜式，氣氛都很好。值得一提的是這裡的梅酒超好喝的，大家記得來一杯啦！

記得第一次光顧時，一個人坐在Bar枱，看著日本師父在面前做鐵板燒料理，手法之干淨純熟，看著也是一件樂事。打從之後之後再帶其他朋友來光顧，朋友都稱讚有加。這晚又和幾位知心好友來光顧，由於一行四人的關係，所以選擇了坐Sofa位，放便聯天嘛。一入坐，第一件事情先叫杯啤酒。再點了個佐酒小吃-蜆，份量不大但味道不錯，只是在鐵板上煮熟，再以蔥花及金蒜調味。粒粒飽滿，肉質鮮嫩。芝士蛋奄列-蛋煎得老了一點，有少許的硬身，味道方面還是可以的。蛋漿加入蔥花一起煎，最後加入芝士製成奄列。吃起來有蛋香及蔥花的清新，蔥花的清新可以調和芝士的膩感，不錯。牛筋煮-其汁帶有少許麵豉的味道，加入蒟蒻和牛筋及小量的肉一起煮。肉質方面以筋腱為例，不會煮得過腍而缺乏咬口，亦不會太韌，要用力咬。蝦-被師父分為三個部分去製作食用，蝦肉(身)、蝦膏(頭)，蝦胸足。先講胸足部分，師父用壓模將其壓平在鐵板上燒至乾脆，吃起來十分香口，蝦味香濃。蝦肉亦十分爽口，兩邊帶有少許的焦香，好吃，蝦頭的膏亦綿滑甘香。一隻蝦一次能吃出幾個口感味道層次，正吖。牛舌-味道簡單，帶有少許的檸檬香氣及酸味，兩邊燒得有點焦香，吃起來肉質爽滑，不乾身。黑豚豬腩

認識了兩位新加坡的朋友，想帶她們吃點特別但價格未會好高昂的餐店用膳，便決定帶她倆到一家朋友推薦的日本鐵板燒店。九時到達，店內已近乎無虛席，經過半小時後終於有一席予我這位未預約之人士。旁邊四人走了，但店外已有數位預約人士正在等候。坐下後每人均獲一條溫熱毛巾。可爾必思 提子味乳酸飲料的一種，有微微梳打汽，可以要求原味，但即便加入其他口味都毋需收額外費用，提子味淡淡的不過甜又未會好虛偽，也可以。關東煮 $12/款要了白蘿蔔，清甜厚大，軟腍無渣，吸滿濃而不烈的湯汁，吃起來就是簡單又滋味。炒雜菌 $58 (5/10)份量不至於多，每口散發略略牛油香氣，但這種質素與價錢果然是全給店鋪而不是手工費了。芝士蛋奄烈 $48 (5/10)人人都讚好的芝士蛋奄烈當然是必要之選，一份三件，煎至外表宛如蜜瓜網紋般，內裡是厚厚半融芝士，入口軟綿，蛋香幽幽，可惜鹹度很高，像把鹽放進口似的。豬肉大阪燒加麵 $78 (6/10)*需等候約半小時這裡的大阪燒醬汁質感較水質，味道上比平常吃到強調醬油鹹味的略淺一點，甜味較為突出，在大阪燒內加入炒麵吃起來口感挺不錯的，也沒有厚厚的粉團質感。日式炒麵奄烈 $88 (6/10)炒