嵐橋丼飯專門店 (Closed)

尖沙咀棉登徑真係好多好好味嘅料理，質數又高嘅餐廳。今次我同朋友就去咗「嵐橋丼飯專門店」食新鮮美味嘅丼飯。雖然話係丼飯專門店，其實佢哋仲提供有沙律、刺身、壽司、手卷、小食、沙律同關東煮嘅。喺食丼飯之前、我同朋友就先點咗關東煮嚟做前菜。關東煮選擇都好豐富，有成12款食物咁多。我哋就點咗好傳統嘅竹輪同日本白蘿蔔。竹輪同日本白蘿蔔都好大件，白蘿蔔入哂味，一咬開，整件蘿蔔都已經變哂湯嘅顏色。隨關東煮附上嘅醬、混有山葵、帶攻鼻嘅沖激，不過用嚟點竹輪又好好食喎。北海蟹肉丼：食材非常豐富嘅一款丼飯。有一隻甲羅燒、松葉蟹肉、蟹鉗、蔥花吞拿魚蓉、海膽同三文魚籽。除咗基本嘅山葵同壽司薑、丼飯仲要係壽司飯底，仲有紫菜、胡麻同沙律菜。每款食材都非常鮮味，而甲羅燒嘅蟹肉蟹膏、更係多到嘩嘩聲。極上大拖羅丼：叫得依款丼飯，當然只係食吞拿魚啦。所以配料都係吞拿魚，有5片大拖羅，蔥花吞拿魚蓉同埋鵪鶉蛋。大拖羅超鮮味、入口即時嘗到大拖羅果種油香。蔥花吞拿魚蓉撈埋鵪鶉蛋一齊食，令原本已經好好味嘅吞拿魚蓉味道進一步提升。丼飯價格都好合理，而且真係好好味。款式眾多，要再嚟試埋其他丼飯先得。

返工生涯就黎有半年了除左有班好qq的小朋友 還有個啱傾的同事今次就同佢去食下日本野 減下壓黎到尖沙咀嘅嵐橋 食下丼飯🍚同事唔太好魚生嘅關係就叫左個黑松露帆立貝鵝肝丼 ($168)帆立貝都幾大粒 黑松露唔太強烈鵝肝煎得岩岩好 唔會太油至於我就要左個蜜餞角切海鮮丼 ($158)海鮮份量都叫做適合 而且都新鮮嘅但始終冇一塊塊咁食咁正同過癮🤭除此之外仲叫左小小關東煮黎食推薦黑豚肉腸 ($28) 好味👍🏻_________________________裝修環境：✨✨✨✨✨服務態度：✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

之前嚟過呢頭嘅餐廳食嘢，先發現原來附近好多日本嘢，除咗拉麵、燒肉、日本炸雞之外，仲有呢間食日本丼飯嘅專門店～係門口已經見到裏面嘅裝修好別緻，成個日式居酒屋咁。天花板上掛咗燈籠同好多日本嘅魚旗幟（唔知個啲叫咩😛）有個位係可以睇住師傅攞邊舊魚生嚟切，好似個吧枱咁嘅因為呢到都比較full，所以要等一等先有位，一路等嘅期間都有兩三group人嚟咗等位極上海之幸丼佢嘅材料有大拖羅、鮑磯煮、吞拿魚蓉、牡丹蝦、蟹鉗、海膽、三文魚籽、深海池魚、金目鯛。首先想講每一樣都好新鮮，完全唔會有腥味，全部都好鮮甜，所以基本上成餐飯都唔會要點豉油。飯就係赤酢壽司飯個大拖羅一入口就好似唔洗咬咁，個口感係好soft，加上佢入面嘅油脂更加豐富個味道蟹鉗係超級超級之大隻，食落去爽過食北海蟹丼嘅蟹鉗，因為大隻到成口都係蟹肉🤤個牡丹蝦好大隻，個身長差不多係個碗一半，咬落去黏黏地鮑磯煮係已經會煮到隻鮑魚好入味，咬落肉質結實，非常之厚身。佢事先切開一半可以同朋友share北海蟹丼朋友好鍾意食蟹，所以就揀咗呢個專食蟹嘅丼。佢個樣都砌到成隻蟹咁🦀 上面有兩塊脆片，入面仲有甲羅燒、松葉蟹肉、蟹鉗、呑拿魚蓉、海膽、三文魚、三文魚籽、蟹籽

專門做海鮮丼飯的餐廳不多這家算是食材新鮮價錢親民特選鐵火丼由三款吞拿魚做成吞拿魚魚蓉吃得出是新鮮赤身魚味突出特別香濃中拖羅柔軟魚脂味豐腴中間還配有一顆生的鵪鶉蛋白飯軟綿綿絕對是高級白米三文魚親子丼有媽媽和兒子三文魚和三文魚籽就是天生一對鹹鹹香香在口腔爆香的感覺很幸福關東煮是這裡的另一主打油豆腐吸盡昆布湯汁鮮味清甜在這裡能吃到真的意想不到白果切記不能吃太多因會中神經毒簡單一碗海鮮飯陪伴我渡過憂鬱星期天

尖沙咀棉登徑的「嵐橋丼飯專門店」，可能係我食過最好味嘅丼飯，誇張啲講句，比日本吃的還要好味店舖面積雖然不算大，但是整晚客人絡繹不絕，沒有訂枱的客人恐怕要等上一段時間！丼飯種類精挑細選，每一款都令人垂涎三尺，揀好之後就馬上快快落order等食先送上味噌湯，為味蕾做好熱身準備，暖暖胃口特選鐵火丼，有拖羅、赤身和吞拿蓉，配上子薑和山葵，除了賣相精美之外，所有食材都是新鮮直接日本送到，貨真價實另一款「黑松露帆立貝鵝肝丼」大大粒的帆立貝，鮮甜味美配以黑松露，把味道提升層次感，還有甘香可口的鵝肝，入口即化，份量亦不少關東煮🍢有日本銀杏、淮山魚卷和山芋魚肉餅，鮮甜美味，不可不試串揚有豆腐和沙椎魚，配以特製醬油，脆卜卜，食得過癮，回味無窮店內環境氣氛十分和諧，服務員效率和態度十分令人滿意，各方面都達到高水準，值得推薦

喺尖沙咀行街完街，真係附近亂行睇吓有咩食，點知就比我見到呢間好似係新開既日本野！出面嘅裝修都幾有日本風味，入面又幾多人所以決定入去一試～果然係丼飯專門店，丼飯選擇花多眼亂不過原來除咗丼飯仲有好多其他選擇架！《三文魚親子丼》$148淨係睇食水都已經睇得出三文魚同魚籽係幾新鮮，三文魚除咗嗰幾片厚切之外，側邊仲有啲三文魚粒粒，非常足料~魚籽粒粒飽滿👍最特別嘅地方係上面既籽同醋啫喱，一般嘅丼飯絕對唔會有呢兩樣野，香脆既籽增加口感，醋啫喱解你膩濟感！《極上海之幸丼》$258呢個就勁喇，魚生種類多到你唔信，大拖羅、海膽、吞拿魚蓉、牡丹蝦、深海池魚、三文魚籽、松葉蟹鉗、金目鯛、鮑磯魚！淨係睇啲配料都知有幾正，仲要樣樣魚生都鮮甜新鮮👅一試難忘丼飯都會配麵豉湯《沙椎魚串揚》$25《蓮藕串揚》$20最驚喜嘅就係食到呢兩個！之前喺大阪旅行食個串炸，一試愛上～ 之後係香港完全搵唔到地方食，點知今日就搵到喇！關東煮🍢《竹輪》$23《炸魚餅》$25關東煮餃得好好，好有闈本便利店食果種味道，另外兩款都好煙銀有口感👅正

唔止丼飯@尖沙咀通常賣丼飯嘅地方都係得丼飯，咁都好正常嘅。不過呢度有埋串揚同關東煮，而且都整得好食，多啲嘢揀又幾好 因為鍾意食海膽就揀咗日本牡丹蝦海膽丼，有日本赤海膽同韓國馬糞海膽兩種唔同嘅海膽！韓國馬糞海膽係會薄身少少，不過紋理清晰，都好鮮甜。至於日本赤海膽嘅味道就更加濃郁啦 呢個丼仲有隻日本牡丹蝦、三文魚籽同蔥花吞拿魚蓉，全部都好新鮮。吞拿魚蓉好幼滑，加埋會爆嘅三文魚籽，口感豐富！蜜餞角切海鮮丼除咗有啲雜錦嘅角切魚生粒粒，仲有牡丹蝦、蔥花吞拿魚蓉、三文魚籽同蟹籽。通透嘅方形粒粒係柚子蜜整成，酸酸甜甜咁，令到個丼飯更惹味～用新鮮菜葉去間隔唔同魚生呢個做法都幾特別同體貼，想分開食唔同刺身又得，撈埋又得仲有就係兩個丼都係加咗赤酢，比起一般壽司飯好食得多～送嘅麵豉湯都用料十足串揚個樣係有啲似串燒，不過就係炸咗嘅，個迷你盤都好 cutie～ 正宗串揚係一串一件，我哋一串係山芋、一串係蓮藕。兩樣都炸得好有水準，香脆之餘唔油 關東煮就係蒟蒻同雞胸軟骨丸，整得似模似樣喎 雞胸軟骨丸入面有啲白色軟骨粒粒，彈牙有咬口，幾過癮～

高質丼飯專門店👍🏻之前見網上有推介呢間新間嘅丼飯專門店啱啱岀糧嘛 食好啲呢🙈呢到有丼飯 關東煮同串揚食 標榜用日本當然三樣都要試試呢🤭落左order之後 好快就有麵豉湯飲 暖一暖胃先🍣 極上海之幸丼 $258丼飯方面有三款飯可以揀 包括麻油白飯 冬菇赤酢壽司飯 同 赤酢壽司飯我選擇左赤酢飯 醋味會濃一點😉極上版有9樣刺身 超級豐富🤩‼️大拖羅、磯煮鮑魚、吞拿魚蓉、牡丹蝦、深海池魚、三文魚籽、松葉蟹鉗、金目鯛 韓國海膽‼️每樣刺身都好新鮮 而且顏色鮮豔 好吸晴呢💓大拖羅肥美無筋 入口即融喔鮑魚好入味 又夠腍👍🏻牡丹蝦 大大隻又彈口😚特別之處係飯上有一啲醋jelly 都好開胃呢個價錢 絕對值呀☺️👍🏻🍣 海之幸丼 $238再嗌左另一款平少少嘅海之幸丼飯 compare有咩唔同🧐呢個嘅配料有中拖羅 海膽 松葉蟹肉 牡丹蝦 油甘魚 三文魚 海鰻魚 三文魚籽比極上少一款 配搭都有不同我會建議食極上 貴少少 材料都升級了👍🏻亦食得岀大拖羅同中拖羅分別🤤🍢 關東煮 關東煮嗌左3款 丸揚 $28 竹輪 $23 年糕福袋$30 點少少黃芥末食 正☺️年糕福袋煙煙韌韌 又索唒啲汁👍🏻🍢 雞肉紫蘇卷 $28用紫蘇包

這間日本料理座位不多，只有大約二十幾個座位，所以很快便滿座。裝潢很有日本特色，最特別是這裏可以自選飯底口味，我們分別選了赤酢壽司飯和椎茸赤酢壽司飯，這裏的壽司飯醋味剛剛好，米飯夠黏糯，真的很好味，有椎茸的壽司飯口感又再豐富些。隨丼附送的麵豉湯比一般日本料理味濃但又不會覺得鹹，有豆泡絲、昆布和蛋絲。特選鐵火丼 新鮮的中拖羅入口即溶，赤身也不錯，葱花吞拿魚蓉加了鵪鶉蛋很滑溜和美味，還有沙律菜和蘆薈粒很特別。蜜餞角切海鮮丼 牡丹蝦很爽甜，葱花吞拿魚蓉很滑溜和美味，加上雜錦魚生粒、三文魚籽和蟹籽也很豐富，所有魚生也很新鮮。關東煮 雖然關東煮賣相很普通，但炸蟹餅很美味，椰菜卷就很清；白板魚蛋和芋絲就一般，加點芥末醬也很滋味。

在 K11 購物之後已經是晚餐時份，記得上一次同樣是自己一個人，在棉登徑找到好吃且適合單身飯局的 西班牙 tapas，今晚再到這條街，遇上了丼之專門店－嵐橋丼飯。 門面尚算寬敞，細細間的店舖，壽司吧枱及開放式廚房頗大， 簡單的兩三張過膠餐牌，主要是海鮮丼，亦有一些關東煮及串掦。 麵鼓湯 點菜後不到片刻，馬上送上熱騰騰的麵鼓湯，色澤比一般深，原來用了赤麵鼓，混合關東煮的湯頭。 味濃但沒有過鹹，昆布豐富，蛋絲及滑豆腐等，口感不寂寞。 關東煮－黑蒟蒻、炸芝士魚餅及蘿蔔  清甜的湯頭，配合味道同樣較清淡的配料，可蘸配備的辣椒醬，偶爾一口辛辣刺激，感覺不錯。 黑鮪霜降腹丼 $258 大拖羅丼吃過不少，無可置疑是極品，配只迷你鵪鶉蛋是個好主意，可以令口感更順滑，但都試過， 今晚真的與別不同，亮點是輕微酸甜的蘆薈及醋汁啫喱，配合沙律菜及吞拿魚蓉，口感極佳。 黑鮪即是大拖羅，肥美無比，入口即化，好一碗黑鮪霜降腹丼！ 完美的配搭，胃納大滿足。 着數位：新張期內滿$300有85折

行完K11商場之後就出左商場睇下附近有咩好食，附近出名既日式燒肉店同拉麵店都食過，然後發現一間新開既日本丼飯店，所以就去試下先。店內既環境充滿日式風情，有壽司bar 枱之外亦有普通枱。可以見到餐牌上主要以丼飯為主，另外亦有關東煮，串揚同埋刺身等既選擇。赤味噌湯，亦即係日式麵豉湯，用上關東煮湯底加上味噌製成。關東煮我就食左日本白蘿蔔 ($23)，黑蒟蒻 ($23)以及年糕福袋 ($30)。日本白蘿蔔都算清甜，而黑蒟蒻幾爽口，年糕就煙韌軟糯。終於到左主角出現—　極上海之幸丼($298)。呢碗海之幸丼裡面既海鮮刺身都有好多，包括有大拖羅，磯煮鮑魚，蔥吞拿魚蓉，日本牡丹蝦，松葉蟹鉗，三文魚籽，深海池魚，金目鯛以及韓國馬糞海膽。聽落睇落都好豐富，個人最喜歡既分別有大拖羅，質感肥美，帶著油脂甘香。而鮑魚幾爽彈，牡丹蝦亦頗爽口。