天天海南雞飯 (ELEMENTS圓方)

Open Now

Now Closed

來自新加坡的天天海南雞飯，出名招牌海南雞飯皮薄肉嫩，再加上煮雞精華的油飯，每一次食都大滿足😌💫 新加坡天天無骨海南雞和燒雞雙拼 海南雞可選正宗海南文昌雞，雞件🐓肥瘦適中，啖啖肉，肉質夠滑，燒雞加上豉油汁雞皮香烤過別有一番風味😋肉質較為煙韌有口感，另外再配上滿滿雞油香的油飯，讚👍🏿而且份量頗多不用擔心吃不飽🤣💫肉末豆腐水晶粉 滿滿的肉碎加上煎炒過的豆腐粒組合，味道鮮美香口，而且有特製醬汁調配都頗為濃味，底層仲有水晶粉煙煙韌韌夠晒入味，口感特別😚💫 豆漿海南雜菜煲 豆漿湯底意想不到的好味道👅感覺清清地又帶點油香，煲裡有各種新鮮的蔬菜，煮得剛好入味爽口，湯汁清爽甜美😍每一口都充滿了豆漿的鮮味和蔬菜的清爽，健康之選💕

今日終於約到朋友來試這間星加坡十分出名的天天海南雞飯。平日時間餐廳都相當多食客，幸好我們早入座就不用等位。餐廳環境十分舒服，座位數目。一座下店員為我們送上一壺熱茶，之後看餐牌商量點什麼美食。當然少不了點出名的海南雞，海南雞可以點中粉或全份。我們點了一客中份的海南雞，仲可特別點選文昌雞件。海南雞到來，賣相相當不錯，白白滑滑的雞件，份量不少，看到美味的雞件令人食慾大增。而且仲配上了四款汁醬，有雞汁、雞蓉、辣汁、豉油汁，配上不同汁醬又會有不同的味道，每款汁醬都相當特別和好味，令人食完一件雞又食一件雞。吃海南雞，當然少不了雞油飯，我們點了一碗雞油飯。雞油飯份量不少，足一碗滿，金黃色的飯粒，散發着雞油香味，用來配上海南雞拌飯相當惹味。斑蘭汁椰香鱈魚，散發出幽香的斑蘭香氣，鱈魚炸得金黃香脆，一咬下香脆的炸皮，中間是嫩嫩的鱈魚柳，好好味。沾上沙律醬更為惹味。迷迭香火焰黑金叉燒，這個餸菜十分推介，店員會即場以火槍把叉燒加熱，令叉燒上的蜜糖即時加熱，成為更香濃更香甜好味的叉燒。而且叉燒的肉質相當有口感，一層層的肉類，有肥有瘦的部位，咬起來恰到好處相當好味。小籠包，相當特色，因為把醋放到小管內，再插到小籠

今日去左圓方行街街，行到攰就上網睇下附近餐廳有咩推介。見到呢間新加坡餐廳係米芝蓮級數就去試下。餐廳環境好大，食飯時間7:00見到都幾多人，座位都舒適闊落，我哋一坐低店員就介紹餐牌同上咗一壺熱茶，好好服務。天天海南雞拼燒雞 : 🌕🌕🌕🌕🌕因為係第一次食所以就試晒海南雞同燒雞，果然係米芝蓮級數，海南雞好滑雞油味好足。第一次食海南雞唔點醬汁，都已經好好味。燒雞，個皮燒到卜卜脆。但係雞肉食落都仲保持到滑身嘅口感👍🏻證明佢哋啲雞真係得!雞油飯 : 🌕🌕🌕🌕🌕雞油飯有分大鍋細鍋，因為我哋兩個人就點咗個細鍋，份量好足，雞油味好香，啲雞油飯係粒粒分明。我哋兩個人食，每人都有兩碗飯。羅勒街頭小食拼盤 : 🌕🌕🌕🌕🌕啱晒想試晒咁多樣嘢嘅我，入面有蝦餅、春卷、蝦片、腸仔、串燒。

去開西九文化區，就順便係圓方搵嘢食，發現呢間餐廳，因為好耐冇食過海南雞飯，就決定試下，見到佢仲有米芝蓮推介，質素應該有返咁上下一試果然值得推介門面同舖頭內嘅裝修都好柔和，唔會話好誇張但睇餐牌就好吸引，選擇好多入去見到餐具好有特色，坐得都好舒服，之後即刻睇吓餐牌有咩岩食，選擇多到有選擇困難症但點都冇理由唔試佢嘅招牌菜—海南雞佢有二人餐同四人餐都超抵食，但見到份量真係太多，我哋兩個人怕食唔晒，所以唯有散叫佢嘅小菜同海鮮都好吸引，下次一定要叫多幾個朋友一齊嚟食，咁就可以試多幾個菜最後我哋兩個人叫咗一個正宗海南雞、雞油飯、雜菜煲、木瓜花膠同甜品食到超級飽雞嘅份量都好多，差唔多成20件，重點係啲雞肉無肥油仲超級嫩滑，雞皮一啲都唔肥膩，係好爽口，雞皮同雞肉之間係一層厚度適中既啫喱，之前最怕食海南雞層啫喱又厚又凍冰冰但呢間好食到唔停得口，呢刻我終於明白點解佢係米芝蓮推介啦食過真係返唔到轉頭，三個醬汁之中我最鍾意黑色嗰個有少少甜少少鹹嘅醬，同雞肉嘅味好夾好濃郁，鍾意食辣就可以點埋佢個辣醬，超級惹味細雞油飯拎到上嚟真係俾佢個份量嚇親，仲以為佢拎錯咗大份，打開之後即刻聞到好香雞油味，食得出冇落味精，亦唔會

本日相約朋友到10年無去既ICC觀景台欣賞香港既美麗夜景，睇完已經係8:30。諗住行去佐敦食，但朋友第二日又要返工 ，咁唯有係ICC 度食。ICC咁多餐廳，又貴又唔抵，我同朋友睇佐10間餐廳最後選擇佐呢間米芝蓮餐廳。食完呢餐，真係覺得我地無選錯餐廳! 打開個menu 見到最抵食就係呢個2人餐，我地就二話不說叫佐呢個set。新加坡米芝蓮2人餐(1) 蝦皮素肉鬆凍豆腐諗住係好普通既豆腐，點知意想不到咁好味! 最精華既就係豆腐既豉油，豉油帶有輕微辣味同甜味，將每啖既豆腐撈埋豉油一齊食，唔洗2分鐘，就將豆腐食哂，一定要點豉油黎食。我地食完整個豆腐仲餘下好多豉油，因為實在太好味既原因，我地將豉油倒埋去雞油飯唔好哂。(2) 黑松露墨魚蝦多士一共有4舊多士，每舊蝦多士既中間都有濃濃黑色既墨魚，配上黑松露既甘香，配搭一流。(3) 鳳利涼瓜乾貝燉龍骨雖然有涼瓜，但湯水飲一啲都唔苦，反而有苦瓜既甘香味。雪梨就係呢個湯既主角，非常滋潤同非常適合寒冷既冬天飲。唯一缺點係湯渣可能煲得耐，啲肉比較難咬，如果可以林啲啲就好啲。(4) 天天海南雞侍應同我地講天天海南雞就無雞既，所以我地最後選佐天更海南雞，岩哂我地啲懶

同新同事食迎新飯，兩個人都唔想去太遠，於是揀咗公司樓下嘅餐廳，貪佢舒服體面得嚟又就腳，又可以順便介紹埋公司附近嘅餐廳俾新同事。今次係我第一次係天天食晚餐，晚餐餐牌都好多選擇，最驚喜就係有蛇羹套餐，中意食蛇羹嘅朋友可以嚟試下。新加坡米芝蓮二人餐鳳梨涼瓜乾貝燉龍骨湯菠蘿炒餸就食得多菠蘿燉湯都係第一次，湯水睇落夠清唔油，可能菠蘿抵消咗苦瓜嘅苦味，飲落味道唔酸唔苦甜甜哋幾開胃，而且好足料，飲完仲即時暖笠笠。海南沙律沙律顏色好靚，主要係水果為主有無花果、番石榴、士多啤梨，面果浸我估係酸薑梅粉，同啲番石榴好夾，不過同事就唔欣賞啦，佢食咗一舊就冇再食過，結果我食晒我將個沙律留到最後食用嚟解油飯嘅油膩。黑松露墨魚蝦多士食落味道好豐富，鬆脆而又唔乾，而且口感好有層次，食得出多士嘅香味蝦同墨魚嘅爽彈，同事同我都認為呢個多士好好食。 本人就覺得表面嘅木魚同沙律菜可以唔使咁多，蓋過咗個主角，可以簡化下個擺盤。正宗海南雞&雞油飯套餐有天天海南雞同正宗海南雞選擇，侍應介紹前者特色係啖啖肉但雞味較淡，後者就用文昌雞相對雞味較濃。中意雞味濃所以揀咗後者，可惜雞味唔係我哋預期咁濃而且有骨，懶得「論」骨嘅朋友唔建議揀，海

之前喺新加坡食過一次天天海南雞飯，今次係第一次喺香港食呀🤭估唔到質素都可以啵有好多唔同嘅套餐揀呀，啱晒啲有選擇困難症嘅人😬，我哋叫咗「新加坡米芝蓮二人套餐」($499)，包咗前菜、小食、燉湯、海南雞、蔬菜、雞油飯及飲品首先前菜揀左海南沙律，係用番石榴、士多啤梨整成嘅水果沙律來的🥗，做開胃菜一流餐飲可以自選「五十年代系列」飲品，我哋叫咗恐龍美祿同埋酸柑桔蜜，味道正常水準交到貨～小食揀咗斑斕汁椰香鱈魚，鱈魚係切成細粒炸過嘅，幾香口，點埋椰汁食幾得意👍🏻燉湯鳳梨涼瓜干貝燉龍骨，幾多湯料，用鳳梨煲湯第一次飲，飲落甜甜地咁☺️海南雞可以揀天天海南雞或者正宗海南雞，我哋揀咗前者。食落ok，幾嫩滑👍🏻，雞肉都唔少，啖啖肉～點埋醬汁食幾好味，食海南雞當然就係配雞油飯啦～參巴辣椒炒通菜，面頭係脆卜卜嘅炸白飯魚，參巴醬經常出現喺娘惹菜，夠惹味啱晒送飯🤤總括嚟講餐廳水準可以，上菜非常快，啱晒想食新加坡菜嘅人😆

太耐冇去星加坡，今晚就食返餐星加坡米芝蓮過江龍。平日餐廳晚上大概八九成full，有卡位，地方闊落。$499，2人餐，價錢超值！🍴蝦皮素肉鬆凍豆腐蝦皮份量很多，擺盆有心思，醬汁甜甜辣辣，作為前菜很開胃。🍤黑松露墨魚蝦多士木魚和沙律菜鋪滿整個蝦多士，分量十足，加上芝麻醬，令整個蝦多士refresh起來。黑松露味薄弱，但咬落去有墨魚膠，口感很特別。新鮮炸出來，脆卜卜，好食。🐔天天海南雞又是賣相超美的一碟。雞皮有彈性，而且無肥膏喺夾層，肉質嫩滑得嚟有咬口。雖然是雞胸，但雞肉是嫩嫩的，小雞剛大為少女一樣的肉質。天天海南雞的醬汁絕對是加分為，提升了雞味。分量偏小，但在整個二人餐中，都食得很飽。🥬森巴辣椒炒通菜有鑊氣，惹味。通菜新鮮翠綠，用鐵鍋上盤，熱辣辣，猶如置身新加坡一樣。🍚雞油飯食海南雞，最重要一定係碗油飯。這裏的油飯齒頰留香，飯質粒粒分明，不會因為有雞油就黐埋一舊。在米飯香中心出淡淡的雞油味，香而不膩。二人份量的雞油飯，超大碗的一定食唔晒！

作為海南雞飯愛好者，點可以唔試埋獲米芝蓮推介既新加坡名店既海南雞飯～餐廳既茶壺值得一讚，日式鑄鐵風，美觀又保溫。叫左佢既招牌海南雞，皮薄肉嫩既雞肉，冇過多既油脂同啫喱層，即使一個人食半隻雞都唔會覺得膩。美中不足係雞味略淡，要靠佢既秘製雞汁提味。油飯中上水平，有雞湯味又唔會好油，飯粒分明。睇menu仲見到個龍蝦汁海鮮泡飯好吸引，上菜時侍應會幫你將脆米倒入滾住既龍蝦湯汁即煮。龍蝦肉份量亦好足，原隻龍蝦尾拆肉上，食落啖啖鮮味，以一間海南雞飯專門店黎講呢道菜有驚喜。餐廳整體黎講質素中上，可惜性價比較低，覺得試一次就夠了，類近價位既海南雞飯感覺有更好既選擇🙈

幾年前去新加坡旅行冇機會試到天天海南雞飯，依家又冇機會搭飛機去旅行，所以真係飲恨咗好耐，好彩天天海南雞飯已經開到嚟香港，今日終於嚟一償我嘅心願。呢度用嘅餐具同茶壺都富有新加坡特色。我哋二話不說就叫咗呢度招牌菜天天海南雞，果然非同凡響，店員話天天海南雞所用嘅雞係來自新加坡，皮夠薄，肉夠滑，而且已經去骨，配合埋海南雞汁，再隨個人喜好隨意沾上薑蓉、辣汁或黑豉油，簡直係人間美食。食海南雞當然要配返個雞油飯至夠正宗，諗住少少哋叫個1-2人份量嘅細飯，點知原來係大到有成四碗飯咁多，雞油飯好香又冇乜油膩嘅感覺，所以真係好抵食。唔知碗飯咁大碗，所以我哋仲叫咗哪吒鬧海，其實即係海鮮喇沙。叫得哪吒鬧海，麵條嘅造型都唔講得少，成個麵凌空吊起咗真係好magic。喇沙湯底香而少辣，海鮮亦都包羅萬有，有大蝦、魷魚、青口同蜆，真係夠晒豐富。始終都想叫多碟小食或小菜，最後就揀咗黃金大蝦，原來除咗大蝦之外，其實仲有翠玉瓜，鹹蛋黃完全包圍住每隻大蝦或翠玉瓜，真係夠晒罪惡感！今次呢一餐所揀選嘅菜式份量比預期多，但因為太好食，所以我哋係完全清碟。以往好多過江龍餐廳都俾人品評唔及原有水準，我自己本身未食過新加坡嘅天天海南雞飯，

💎總評分：8.5/10-來自新加坡嘅過江龍🇸🇬，海南雞係自家農場養殖，採用每日新鮮嘅鮮肉雞，比黃油雞更健康，連同醬料都係自家制。對比起一般食海南雞嘅餐廳，天天行高檔路線💫，環境闊落坐得舒服。1️⃣ 天天海南雞 $158/中份 + 雞油飯 $38/1-2人份量嚟到必食嘅當然係照牌海南雞🐣，皮薄肉嫩，無肥膏食落健康，起左骨嘅雞件啖啖肉，再點埋自家制三色醬: 黑醬油、秘制辣醬、白薑蓉，的確係水準之作👍🏻。留意反，海南雞唔跟飯，雞油飯需另叫📝。 小編同寶貝叫左個細portion，嚟到見到佢成鍋上俾個份量嚇一跳🙊，二人share more than enough。小編一向怕食油飯，覺得一定係油淋淋好肥，不過呢度嘅油飯煮得較乾爽，香得嚟唔太油膩👌🏻。2️⃣辣子金玉 $58用左避風塘式整嘅粟米🌽，D炸蒜好熱氣但係又真係好味，夠香口，做小食唔錯😋。3️⃣ 黃金軟骨 $68同坊間嘅「黃金」菜式一樣，滿滿鹹蛋黃味🤤，但係欣賞呢度相對炸得無咁油淋淋，邪惡得嚟無咁大罪惡感💃🏻。4️⃣ 鴛鴦菜花 $98鴛鴦其實係指泰國椰菜同椰菜花，用馬來盞炒，中規中矩🥬。餐廳除左海南雞亦有其他星馬菜式，Menu成本雜誌咁，圖文並茂，小食主菜蔬

Seafood loves sake椒鹽魷魚 配 帝松 辛口個味道普通，魷魚🦑幾嫩滑爽口酸菜石斑 配 龍勢 夜之帝王個湯底酸中帶辣，酸同辣嘅程度都恰到好處，唔會好酸好辣，而石斑嘅肉質鮮嫩緊實（但個人認為用石斑做酸菜魚唔係太match，覺得酸菜魚比較適合用肉質比較軟嫩嘅魚🐟）海南雞啲雞肉皮薄肉滑，雞皮冇肥膏唔會油膩，雞皮食落口感似好軟嘅果凍，涼嘅雞肉配上暖暖嘅秘制雞汁食落香滑又多汁，配搭嘅三色醬每個醬都好出色，黑色：黑醬油、橙色：特色秘制辣醬、白色：醬蓉雞油飯色香味俱全，一帶開就香味撲鼻，飯都粒粒分明超級水果茶（👍🏻超級推薦）水果又新鮮又豐富，每種水果都大大塊貨真價實，清香嘅茶底加上水果嘅鮮甜認真好飲，而且💰38就有1L咁大杯（兩個人飲都飲到好飽）價錢雖然唔平，但味道好出色非常值得食

自從喺新加坡食過海南雞飯後，返到香港就好想試番天天海南雞飯。但同新加坡唔同，香港嘅天天主打高檔路線，連餐具都有特別設計。海南雞飯嘅雞同新加坡感覺差唔多，加埋醬料好食～個飯都好大碗，兩個人食都覺得太多🤣 換一換個擺盤，成個飯即刻升level 咗🤣波士頓龍蝦係出奇地好食，而且成隻唔洗剝，啱晒我呢啲懶人🤣 加埋蛋白喺面，真係好正驚喜嘅仲有水果茶，有成1000ml 咁多，個杯大過我手掌！4個人share 嚟飲都仲得。

想試呢間嘅海南雞飯好耐啦！之前都聽過係米芝蓮推介，係新加坡都好出名，聽講佢地仲係有自己嘅農場養雞所以特別新鮮夜晚都好多人食，全場滿座，想唔洗排就最好早啲黎，食完出黎都有人排緊隊天天海南雞 🐔（例牌）$158雞油飯 🍚（細）$38一黎到已經睇到啲雞肉皮薄肉滑，雞皮同出面唔同，同雞肉個顏色接近，雞肉上面仲淋左一啲秘製醬汁，另外配左三色醬（海南雞豉油、辣椒醬同薑蓉）雞肉食落好滑，而且啖啖雞胸肉冇骨，加埋佢個皮好薄，女仔食都唔怕有肥膏油飯做得好出色，一開蓋已經聞到好香，食完仲想再食，份量黎講都有4碗飯，兩個人食已經夠晒松露蝦多🍤🍞呢個真係超正！極度推介！多士炸到脆卜卜，大蝦放左係上面，入面就搽左黑松露醬，另外再淋左黑松露蛋黃醬係表面，有咬落去雙重口感，而且味道好濃🤩🤩同埋食完唔會覺得好油膩，諗起都好想再食軟骨大根🍖豬軟骨煲到軟淋淋，連啲骨都可以食埋，蘿蔔都炆到好淋同入味，配飯一流海味豆腐🦐豆腐入面釀左蝦膠同豬肉，加埋蠔油汁都幾有鮮味，同屋企人黎食可以揀呢款，幾健康呢到坐得好舒服，仲望到出面日落有feel

日日都留係屋企無病都鬱到病所以今日要放下自己不過又真係擔心個疫情唯有去少人D既地方啦揸車到圓方行下街食飯本來圓方都唔多人而家少到同其他人至少有10米距離🤣🤣見到有天天海南雞即刻諗起係新加坡既回憶入到去探完熱坐低服務員就送左枝搓手液仲俾左個紙袋我都放口罩好體貼😘同隔離枱都好有距離👍🏻我好鐘意隻碟啊😻😻仲有熱茶或者水選擇so sweet!一定要食海南雞仲一定一定要配雞油飯千祈唔好叫白飯難得食餐好唔好怕肥就錯過好野😹😹😹呢個脆腩就弄出一個笑話我地一開始以為係牛腩一食就騷騷既味道仲以為變左定點問服務員先知原來上年年中就已經由牛腩變左羊腩🤣🤣🤣🤣🤣唔。。。我就麻麻地甘騷既東西啦不過只怪自己無睇清楚啦😂😂😂😩😩😩😩😩😩😩😵總括來講呢度就變左高擋版天天食物保持水準環境又靚服務又體貼甘當然價錢都有返甘上下Ps: 食完飯keep單泊車就免費了！