鳥華亭

Open Now

Now Closed

忙碌了一天就以一碗日本人氣雞白湯拉麵終結餐廳設計充滿傳統的和風，如置身日本的拉麵小店所有拉麵均即叫即製，一進店就傳來濃香撲鼻的氣味拉麵共有五款常設口味，另外有期間限定的口味雞白湯拉麵溫度足夠，入口質感很厚，有漿口感覺小食明太子雞翼皮脆肉嫩，咬開有豐富飽滿的明太子餡料，帶點微辣 華味鳥雞軟骨肉丸加蛋汁肉骨比例八二比，肉質鮮美彈牙飲品Suntory Highball角濃威士忌有氣調酒清涼易飲巨峰提子梳打甜酸口味在口中滿盈，果味清香

今年情人節撞正年初五，小妹今年決定食拉麵慶祝！一去到灣仔，不論地鐵站內、站外，甚至電車站都見到一對對情侶，手中總有一扎鮮花，羡煞旁人，好彩小妹都唔輸蝕🤭，今年又有靚花收到啦❣️六點鐘，手牽手去尋覓於灣仔的《神級雞白湯》～鳥華亭，約20分鐘後就到達，好彩早咗少少咋，如果唔係就要等位入座架啦！原來鳥華亭既店員係以英文溝通，好特別，仲以為係日本人，但其實只識少少日文咋😆店內座位品不多，位與位之間的距離差啲就可以背貼背了，恥ずかしい🫣🫣聽聞呢度啲雞白湯係神級，便揀咗兩款試下：🍜至極白湯拉麵🍜雞白湯拉麵雞白湯底又濃又香，好似飲緊金寶雞湯咁，麵的種類同硬度，我地都揀要軟身的直麵！兩者分別在於湯底🤭首先「雞白湯拉麵」係鳥華亭中最原味的拉麵；而「至極白湯拉麵」則係經長時間慢火烹調而成、濃郁滑溜的雞湯，兩者都各有特色！（不過小妹覺得味道太濃，都係座銀比較吸引小妹🫶🏻）🦀忌廉蟹肉餅呢款小食要大推丫，蟹肉餅薄皮多餡，味道非常好👍🏻，炸得又香又靚，絕對可以再encore ❣️除咗以上兩款美食外，其實仲有其他架，最近更新出了《雞白湯番茄芫茜拉麵》，如果唔怕食芫茜既朋友可以試吓😄

呢間係灣仔嘅隱世拉麵店，如果唔係朋友仔帶我去我真係完全睇唔到呢間舖頭😂⭐️特盛雞白湯拉麵 $138⭐️雞白湯拉麵 $87呢兩個面其實係一樣，只係特盛會多啲配料，包括有味旬，雞叉燒，紫菜）佢嘅雞白湯係奶白色嘅，口感黏稠，味道鮮甜，平時絕對唔飲湯底嘅小編都忍唔住飲咗。而佢嘅雞叉燒咬落係超級軟滑，一啲都唔乾唔鞋身，出邊好少雞叉燒可以做到佢哋咁好食。曲直面超彈牙同埋掛湯，仲有佢碗麵有炸蓮藕片，咬落吹脆卜卜幾過癮。⭐️炸雞 $48呢個價錢比足六嚿雞，仲要咁好食，我真係收貨架啦！配埋沙律醬勁好食🤤仲有就係佢有麻油辣芽菜做免費嘅配菜都勁正，同埋佢個面底都比較大份，好落力食都仲食唔晒🥹店員係外籍人士，非常之親切，當日落雨我哋冇帶遮仲問我哋使唔使借遮（都可能因為朋友係成日過嚟食嘅VIP🤣）如果喺灣仔返工嘅朋友仔真係不妨一試！

係灣仔一條後巷嘅隱藏咗一間家庭式拉麵店，淨係門面已經好有日本風味😍好有feel ~店舖細細，由一位師傅掌廚，主打雞湯拉麵🐔***********是日之選***********🐔雞白湯拉麵雞湯濃厚、慢煮雞肉保持鮮味。麵質彈牙，好食！🍋香檸至極雞白湯拉麵相比起嚟，至極雞白湯底更濃味，另滲透淡淡檸檬香，帶出仲夏嘅風味，几特别嘅配搭👍🏻🦀忌廉蟹肉餅外脆內軟、好啱配拉麵😊 蟹味就淡咗啲🥟煎餃子餃子煎到脆脆地、又保持到入面啲肉汁、點埋啲醋食，好開胃，正！自家醃製芽菜：爽口、清甜、好開胃！總結：鍾意呢種地道小店、有自己風味、貼地、有種無形嘅溫暖感。簡簡單單一碗拉麵已經大滿足，正👍🏻

平日中上環返工嘅我難得過黎灣仔，緊係搵D特別餐廳食下啦經朋友介紹，有間拉麵店，小店黎嘅，喺交加里其實係喺灣仔道，再入一條橫街，就係交加里了，個度唔多餐廳，同埋真係好隱世，一般黎講都好少行去個頭搵食門外掛左好幾個日式燈籠，有居酒屋嘅感覺其中一個燈籠寫上店名店舖太細，12點零鐘去到都等左十分鐘左右先入得，坐喺門外等嘅時候，可以望到餐牌以腳架形式展示，外賣自取仲有八折等候中途，一名女店員會用英文問你幾多人，然後比左張點餐紙你落單先餐廳都好細心，除左中文餐牌外，反轉面係日文（其實都有英文字）有樣特別野真係要指出呢間拉麵店可以揀直身麵或捲曲麵我揀左前者，下次試試後者先點左呢間店最著名亦係最平嘅雞白湯拉麵，追加糖心蛋一隻拉麵冇糖心蛋簡直硬係欠咁D野咁配菜都有D同一般拉麵店唔同，有塊好薄身，炸過嘅蓮藕片，兩條蘆筍雞湯味道濃郁，忍唔住飲多幾啖，雞肉有四塊，亦都好味，唔“鞋口”，份量整體上唔係好大碗但都夠飽，餐廳亦有提供凍水比食客自己斟餐廳其實得3張枱，加一張面對廚房嘅長枱，好似bar枱咁，加上疫情關係，會分隔D食客所以想幫襯嘅朋友可能要比D耐性等等啦只見店內除左廚房兩位老夫婦預備食物外，就只有一位女店

事隔兩年，再次到訪昔日心目中雞白湯第一的鳥華亭，只覺人面全非，味玉成一大敗筆，可惜。後街小店，質素差了，竟然多了人排隊，有趣的現象。雞白湯拉麵 (總分: 7.75/10) ⚪️湯頭(8.5/10)：雞白湯質感濃厚，雞味濃郁，真材實料，無味精不口渴，尚能保持昔日質素👍🏼🐓 雞叉燒(7.5/10): 質感嫩滑🍜 麵質(7/10)：正常🥚 溏心蛋(3/10)：全熟的溏心蛋，低級錯誤，完全不合格配料(7.5/10)：以前最愛的炸蓮藕依舊不錯，但不及昔日大塊和香脆。露筍是很好的配搭。餃子(2/10)：要煎得這樣差也不容易。———————————————————————————⭕️ 總結：今不如昔，味玉成敗筆，已落後於座銀、金鶴，希望會改善💵Budget: $100 pp 📍 鳥華亭 (灣仔)灣仔交加里22-30號華都樓地下15號舖

喺香港食到嘅雞湯拉麵唔多，但間間都各有特色，唔會係相似味道嘅雞湯，無論係麵屋武一 、座銀、立體派、定係今次介紹嘅鳥華亭。-🍜 雞白湯拉麵 💰79（👅: 9/10）至極雞白湯拉麵同雞白湯拉麵個分別就係有冇溏心蛋，嗰時第一次食，淨係想試佢個雞湯，所以就冇特別加。餐廳嘅雞湯係用50公斤嘅巴西雞雞腳同埋20公斤雞殼，加入昆布、洋蔥同薑等等，以慢火熬製12個鐘，之後會放置喺攝氏四度嘅冷水降溫，然後密封放喺一度嘅冷藏庫24個鐘，等雞嘅精華慢慢滲出來。食拉麵第一樣是會試佢個湯，溫度係足夠，入口個雞湯質感好厚，有少少黏口嘅感覺，以香港好食嘅雞湯來講佢係算口感最濃，但又唔會好鹹，會令你覺得個湯非常足料，食得出好獨特嘅雞湯鮮味，再加上雞油喺你個口腔徘徊，但雞油都唔會令你覺得好油膩，可以講喺香港最認真嘅雞湯。如果你係揀大廚推介，麵條會係偏硬程度，會好有嚼勁，我自己食拉麵好鍾意食比較硬啲嘅麵，因為腍得滯就完全唔似拉麵，同埋會冇口感。不過如果你叫直麵嘅話，掛湯能力係一般。所以我建議大家試吓佢嘅曲麵，會俾佢嘅側面更加掛湯，麵條都索滿晒佢濃厚嘅雞湯。而最後就係配料，叉燒係雞肉叉燒，唔會一夾就散，睇得出係經過長期功夫

今次這篇位於灣仔內巷「交加里」，主打跟雞肉有關日本菜餐廳「鳥華亭」，我在「鳥華亭」寫的食評，跟其他日本菜餐廳食評有個最明顯的分別，就是食評是橫跨兩日進行。當初我光顧尖沙咀「霸X拉麵」也是分別兩日進行，但兩者是有點分別的。所謂橫跨兩日進行，原因除了是我個人的飲食習慣之外，還因為「鳥華亭」預計不到我在餐廳，竟然會如此這般地點菜，結果星期六那次有些餐點一時間無法提供。我需要留到翌日才能食到，食評亦被迫橫跨兩日進行。第一日去到灣仔「鳥華亭」，我對「鳥華亭」的第一個感覺就是店舖真的很小，很像瑟縮在鬧市小巷內，正在默默耕耘，艱苦經營的隱世小店。星期六那天我上門幫襯「鳥華亭」的時候，我本來是想先點一個材料較簡單「雞白湯拉麵」，再加一向是我最愛菜式的「親子丼」，在「鳥華亭」名稱稍為改變了的「滑蛋雞叉燒飯」。但是很可惜，「鳥華亭」店員跟我道歉，說當日用作「滑蛋雞叉燒飯」的雞叉燒很不幸已經售罄賣清，結果我在星期六只能吃到「雞白湯拉麵」，然後只能晚餐的「雞飯」空缺，留了給旁邊的灣仔「KXC」。到了第二日，星期日我來到「鳥華亭」，等到「鳥華亭」晚市開始，我第一時間上門再光顧，才能真真正正吃到我最吃的「滑蛋雞叉

香港的拉麵店多不勝數，因豬骨湯底不是我的心頭好，而尋訪一碗好味的雞湯拉麵店有一定難度位於灣仔的鳥華亭店址在一條人流不太多的內街上。店內坐位不多，一坐下店員即奉上一枝凍檸水給我們。選了雞白湯拉麵，對糖心蛋並不喜愛所以沒有選至極白湯拉麵。選了掛湯力較高的捲曲麵，感覺吃日本拉麵時大口大口吸進嘴裏才過癮雞湯拉麵的熱力十足，拍幾張照後，雞湯的面頭便凝結了薄薄的一層油脂膜，可見面頭油量十足。雞湯的口感濃厚，每一口也透著膠質。有足夠的鮮味嚐得出是由大量的雞件熬出來的。原以為雞湯會比豬骨湯少點油膩和較爽口，但並沒有，如果喜歡濃郁雞湯的人會喜歡這湯底。捲曲麵的掛湯力不俗，我和男友分別選了硬麵及普通，可是食起來則沒有分別，兩者的口感都偏硬身，配合湯底來吃十分搭。第一次食雞叉燒，肉身較實，帶有淡淡的酒香味。有點像淡味版的醉雞整體感覺幾特別，加上香港主打日式雞湯拉麵的店不多，雞湯風味淳厚，會再支持。

收工夜媽媽，又唔想食太飽，見到鳥華亭原來係附近，就走左去！地點其實唔太起眼，近垃圾房…大熱天時，一陣酸臭，鳥華亭座落附近，感覺實在唔係太好，好彩入到舖就聞唔到。地方唔大，得幾張枱，以前尖沙咀舖比較舒適。已經唔記得以前既味道，黎一個基本既雞白湯拉麵。熱辣辣上枱，雞湯香味已經聞到，口水直流，呷一啖湯，好濃既雞味，正…再呷多幾淡，由於湯太濃稠，咀唇都痴立立。麵唔算大碗，估唔到…麵韌度岩岩好，用雞做既叉燒好特別，外表同豬肉做既差唔多，雞肉肉質就較為實淨，佢地切得都算厚身！整體最出色係個湯，如果真係完全無添加，就真係頂瓜瓜！