LAB10 (Under Renovation)

2020年已到來到，又是時候身與朋友食個飯。旺角就往往是中間點，方便香港島及新界的朋友都可以出黎，但旺角的食店好多，今次到朗豪坊食燒牛肉。Lab 10 實驗主題，連飲品杯都好似做緊實驗。本身就門口已經見到有一個$248套餐，可以任食不同肉類，飲品，薯條等等，限時90分鐘。248比一般放題都要便宜。可以說是岩曬一班大胃口的人士。今次我就先叫了散叫，先是一份牛牛版，裡面有厚切牛舌、牛肋條、一口牛。牛小排、牛後腹、安格斯西冷 。1牛肉新鮮，色澤分明。每片牛肥瘦均勻，燒一燒已經好美味，由於肉質好，每片牛燒出來都好香，油份在口中化開，嫩滑。2每樣都有幾件，大家都可以試到牛的不同部位。3 抽風系統一流，燒烤完頭髮完全不會有味。 另外叫了一個韓式牛肉炒粉絲炒粉絲不會痴埋一舊，粉絲炒得香，不會痴口，，配上牛肉等。韓風美味，而且配燒肉相當不錯。 另外是一份韓式泡菜豆腐鍋冬天叫這份是一流，暖笠笠的感覺。豆腐滑，加上蜆肉、韓辣醬。忍不住叫左個白飯，伴飯一流。店內的食客普遍都叫了燒肉，但這裡的泡菜豆腐鍋都好好味道。最後叫了熱情果梳打 Big n small特飲

平時好少可嚟到旺角朗豪坊樓上食野，咁啱經過見到間平平地嘅韓燒，而且裝修好似幾得意咁，有啲似自修室咁，每個位之間都隔住塊板，一於就入去試下啦😊！雖然呢度係食韓燒，但餐牌上寫住無煙韓燒，同埋個爐同平時食嗰啲韓燒有啲唔同，所以燒起上嚟都唔會話好大味，我都唔需要擔心件褸吸晒啲味啦😅！呢度有得比你揀任食或者散叫，如果任食就$248 一位，最後我同朋友都揀咗散嗌。叫咗個牛牛板🐮，好得意呀，同個名一樣，真係用一塊牛牛板去裝住唔同部位嘅牛，有韓式牛肋條、厚切牛舌、安格斯西冷、特級牛後腹、黑牛牛板腱、特級牛小排、嚴選一口牛，總共有7款，啱晒2個人食。啲牛好有韓牛嘅味道，尤其特級牛後腹，牛味濃郁，肉質嫩滑，太好味啦😋😋！濟州三色豬五花🐽，個人比較鍾意食韓國嘅五花肉，呢度嘅五花肉唔會太過肥，燒起上嚟好香，脂肪比例恰到好處。點埋特製生薑蘋果醬🍎、生薑菠蘿醬🍍同青檸醬，味道酸酸哋，另有一番風味。韓式牛肉炒粉絲炒得好香，啲粉絲條條分明，唔會嗱埋一堆，加埋韓式牛肉一齊食，非常好味！🤤飲品方面我哋揀咗個Captain Lab & Red Hot，佢用咗實驗室嘅容器去裝住啲飲品，完全match番晒餐廳個名Lab 10。

Lab 10 #旺角呢間位於朗豪坊嘅韓燒，特別在於佢大部份嘅座位設計係比兩個人，而且仲有啲二人份量嘅套餐，所以如果得兩個人無啦啦想食韓燒，呢間的確係唔錯嘅選擇。最最最好係佢係冇煙韓燒，所以唔會食完之後成身都係韓燒味！牛牛板 $198(二人份量)厚切牛舌、安格斯西冷、黑牛牛板腱、特級牛小排、韓式牛肋條、特級牛後腹、嚴選一口牛以呢個價錢可以食到咁多唔同部位品種嘅牛，都真係幾抵！而且大部份嘅牛都好淋、入晒味 (除咗牛舌比較硬之外)。 不過雖然佢話係二人份量，但其實每一個部位只係得幾塊，嗌多碟飯或者面會飽肚啲。味道:4/5性價比: 4/5韓式牛肉炒粉絲 $85呢個就普通左少少，佢嘅牛肉其實似肥牛，而唔係真係一塊塊牛肉。而且佢嘅調味偏淡，就咁食真係有啲難入口，但係點少少佢嘅韓燒豉油就會即刻好味好多！而且成碟野都好油，比一般嘅韓式炒粉絲油好多，一般般。味道:3/5性價比: 3/5我都幾推介呢間嘅韓燒，但係就絕對唔建議帶炒粉絲，如果真係唔夠飽可以試吓去其他熟食。

今日有人想食韓燒，我們一行五人，出「旺角」最方便～～～上Openrice 找找旺角有什麼「韓燒店」，原來「朗豪坊」10樓有間新式韓燒店 LAB 10, 評級不錯，一於試試～～～這兒環境跟一般韓燒店好唔同，簡潔時尙有點文青氣息先來飲品，我們都點了「果汁梳打」果汁梳打都是用鮮榨果汁做的，非常新鮮，但是梳打水比例不夠、不夠氣；似飲果汁多過飲梳打。肉類我們點了必食「五花腩」脂肪比例多，所以燒起來都幾「野火🔥」，但吃起來又不覺肥膩，味道不錯「護心肉」第一次食傳說中的「護心肉」，想不到又真係好好味喎！！有肉味又有咬口！！所以都忍唔住再Encore!!最抵食是這個$198 「牛牛板」有齊牛的七個不同部位的肉，有牛小排、一口牛、黑牛板腱、牛後腹、安格斯西蘭、牛肋條、厚切牛舌。大部份都好味，尤其是「牛肋條」、好林、好香牛味，好好味只是厚切牛舌就失色了，很靭、比較難咬得開呢個「牛牛板」，我們都再Encore!!「蔬菜籃」蔬菜都OK 新鮮，不過南瓜很難燒很林，燒都濃晒都仲好硬。「薄切牛舌」牛舌真係要薄切先好食，口感好好多；加上上面的洋蔥碎，好香好味！！這兒的抽氣是向下抽的，所以不會成間餐廳煙霧瀰漫～～～食完

韓劇裡總會出現燒烤的情節，烤肉真係人人都鐘意食，雖然食完又要再努力減肥，但總叫人忍不住口。旺角行完街，去到朗豪坊，叫到門口就已經見到 198 牛牛板，食足牛7大部位，就是被它吸引住了。完全不用考慮，直接叫這個就岩了，另外叫了泡菜金字塔，(辣蘿蔔，辣青瓜及泡菜)，韓式牛肉炒粉絲，加2杯飲品。前菜3樣，十分開胃，特別是蘿蔔，好爽口。牛牛板好可愛，上面分別是一口牛，特級小牛排，牛後腹，牛板鍵，安格斯西冷，韓色牛肋條及厚切牛舌。一set叫，最適合我選擇困難的人，不用在餐廳左看右看，還是不能決定。爐起之時，正好開始燒烤。要推介牛板鍵及厚必牛舌。自己本身好鐘意食牛舌，但好多時都是薄切牛舌，少見厚切，厚切更好食。這裡的調味沒有好濃，所以每件牛仍然保持原汁原味。再加上這裡是無煙燒烤，真的食完頭髮外套都沒有味，非常好，不用食完又要洗衫。韓式牛肉炒粉絲，又韓式烤肉，又有粉絲，令全餐都韓風十足。粉絲份量都幾多，而且炒既時候不會黏成一舊，但又冇油膩的感覺。2杯飲品，一杯是西柚香橙蜜糖生薑，完全係開胃之選，酸酸地又甜甜地。另一杯係熱情果，蘋果，西柚，蜜糖。估吾到可以係咁便利既商場，價錢又吾貴，味道又好 ，不錯不

朋友係要見嘅~~~所以一早打電話黎 Lab10 book 枱book7:00，留枱到7:10五個人坐六人枱，好濶落環境好光猛，有d枱中間有塊隔板，好似自修室🤣我地叫左一份牛牛板 ($198)同埋OPPA 牛牛板 ($388)一共食左12個牛嘅不同部位🐮🐮🐮最鍾意食黑牛牛板腱、特級牛小排同埋厚切牛舌！😋😋😋韓式牛大腸都好好味，一定燒到脆先好食喎~🤤🤤🤤野飲我推介Red Hot同埋The flash($98/Jar)😌好refreshing，同韓燒好夾！除左韓式燒肉之外，我地仲叫左其他韓食韓式牛肉炒粉絲($85) 好普通韓式鐵窩飯($78) 好味泡菜海鮮薄餅($138) 好有特色，餅底好脆韓式水冷麵($75) 還可以黎食一定要book枱呀～勁多人排隊！

今晚同老婆出開朗豪坊行街，見到呢間舖食韓國野，而且仲有燒肉食又唔係貴。裝修比較簡潔，座位都唔小。入面唔覺有油煙味，所以個爐抽風好好。Lab cube，每種味有兩支，青蘋果、士多啤梨同芒果，佢另外仲有個杯比你倒埋一齊，好似中學做實驗咁。另外叫左杯CoCo，呢杯比較消暑，主要係椰青水同西瓜汁，清涼得黎唔係好甜。牛牛板，有7份牛唔同部位既肉，最好味非牛小排莫屬，油脂分布唔錯，比牛後腹相對腍。而厚切牛舌就比較爽口有咬口。韓式牛肉炒粉絲，無想像中咁濃味，味道恰到好處，出奇地好食。韓式海鮮蔥餅，比其他地方食開厚身，底同面都好脆。

去朗豪坊睇阿童木展覽諗住係埋呢度食晚飯，搵咗呢間餐廳。餐廳裝修時尚，整到成個實驗室咁，特色係無煙韓燒，真係唔講都唔知係食韓燒牛牛板 $198-擺碟係牛牛樣好得意，好幾種唔同部位嘅牛肉，有厚切牛舌、安格斯西冷、牛板腱、牛小排、牛後腹、牛肋條同一口牛。最鍾意食牛舌，口感軟脆爽口，西冷都好正，肉味好濃同肉質同脂肪比例均勻濟州三色豬五花 $130-五花腩脂肪較多，燒嘅時候滋滋聲勁吸引，流曬口水，食落好香口，三種醬分別係生薑蘋果醬、生薑菠蘿醬同青檸醬，減少五花腩嘅油膩感大帶子 $58-個殻雖然燒到燶燶地但係個帶子燒得啱啱好，食落有彈性又鮮美韓式牛肉炒粉絲 $85-冇油膩嘅感覺，味道都一樣濃，甜甜地咁，粉絲亦夠彈滑Captain Lab $35-熱情果、奇異果同橙嘅mix，好香甜食完唔會成陣韓燒味係身

睇完Captain Marvel外面落大雨，唯有食個early dinner，嚟到呢間標榜無煙韓燒一試。同朋友兩個人，坐位好迫下，叫多兩樣嘢都唔夠位擺，其實又唔駛咁迫啫。所謂既無煙其實係佢喺個爐度有抽風口，唔會走到出嚟。前菜都係要order，盛惠$48燒物我地叫咗兩款，一款牛舌，同一般差不多水準。另一款係雞扒，不過個青檸醬其實唔係太夾。牛骨湯就比較清淡，唔係太多味道。反而個炒粉絲幾好食，雖然個賣相就hea啲。比我地有驚喜既反而係呢味生牛肉雪梨牛油果，本身我有少少怕食生牛，但呢個夾埋牛油果同雪梨又出奇地好味喎！呢度啲飲品都無得少冰，太凍了。呢度的確係無煙，唔會令到啲衫吸味。但係座位唔舒適，加上限時一個鐘，未食已經覺得好倉促咁，食都唔食得安樂。而且嘢食無話特別好味，反而唔係咁抵食添，我諗我都係寧願去返炑八了。

旺角終於有間好食有質素，食韓國小菜嘅餐廳啦！成間餐廳嘅設計都好用心，好cyber 好 creative 咁樣，全白嘅design 真係好似一個lab 咁樣 哩度嘅定價亦唔太貴，份量亦夠曬足先黎飲品，哩杯飲落酸酸甜甜有菠蘿味，真係好開胃佢嗌左哩杯都係佢地recommend 嘅，士多啤梨味夠晒香韓國嘢點少得燒肉！哩度嘅爐細細個咁，唔會好似喺平時韓國嘅餐廳咁樣，會俾個爐慶到好熱咁樣。哩度嘅肉實在有水準，軟熟juicy芝士牛肉 pizza 薄得黎又勁cheesy! 幾咬落又脆脆地，正！水冷麵好煙韌！仲會另外俾枝醋你撈落啲麵度，唔怕會無味炒粉絲真係無得頂！味道夠濃又唔太油，正食完飯後仲會免費送菠蘿，又甜又多汁，滿足2個人食到飽一飽都係$700, 份量夠足，扺啦！

剛入秋，唔知點解就係好想食BBQ/韓燒之類既野食🍢😆🙈天氣涼涼地感覺無咁辛苦 (對住個火爐)以前有某幾間任食韓燒鋪好似漢X，都係我地九十後常常幫襯的(岀賣年齡系列)🙈都算係初期興起韓國野既代表近哩幾年多左好多不同既韓國餐廳，今次就同老表黎到係朗豪坊入邊既位置方便易去 今晚去到人唔多光猛既裝潢 環境唔錯 Tasting menu : 除了燒烤仲有單點因為兩個都係第一次食，唔知d牛份量，就叫左個精選和牛拼盤 $360 同埋其他野食牛既質素同其他野食屬正常未話去到好驚喜環境反而不錯真係可以做到「無煙韓燒」👍🏻哩個真係加分雖然價錢比傳統既貴少少，但可以一試既新派燒肉。

周末既旺角搵位食飯真係好難，所以我不嬲都會走去朗豪坊高層睇下有咩食，貪d人懶得制唔上去。餐廳望落幾整齊，而且燈光好足，比人一種好精神既感覺。店員都係以年輕人爲主，佢地既打扮都有少少韓風。入到黎先知道原來仲有韓燒食，不過又唔算太餓，所以就無揀到韓燒。脆香芝士炸雞食韓國野當然唔少得食炸雞啦！不過每次叫炸雞都有個煩惱，就係人少叫炸雞食完就飽，叫唔到其他野食。但呢度既炸雞係放係前菜，所以份量不算太多，就算2個人都食得晒。炸雞炸得都算脆，雞肉嫩滑，唯一美中不足既係唔夠熱。韓式牛骨湯傳統韓國湯，平民價錢但係要用2-3個鐘去熬煮，所以要整呢個湯都幾費神。湯水睇落好清，但其實牛骨味道濃郁。韓式牛肉炒粉絲粉絲炒到條條分明，食落又唔會話好油。牛肉份量正常，味道都屬正常水準。鰻魚鐵鍋炒飯正宗韓國食法係上菜時將d飯壓落去，咁就會整到d飯焦出黎，有d似煲仔飯咁。鰻魚口感較軟身，味道濃郁，炒飯亦都充滿鰻魚汁既味道。Captain Lab呢度d飲品都係呢間餐廳既特色之一，係門口就會見到個Juice Lab專門賣果汁。呢杯Captain Lab由熱情果、奇異果、香橙同蜜糖等調成，味道酸酸甜甜，仲飲到熱情果肉，絕對係減

韓燒一向都好深受香港人愛戴，包括我自己在內，但每次韓燒完個身都會一陣味🤢今晚同朋友係朗豪坊行街，途經十樓既時候就俾LAB 10個門面吸引住，全白色既裝潢，再望下個餐牌竟然係韓燒，即刻拉左朋友入去。坐低之後仲係度諗緊自己有冇黎錯地方🧐因為餐廳非常乾淨，丁點油煙感都冇😱😱韓式牛骨湯大量白蘿蔔，清甜到痺，侍應仲會提供條小匙羮俾你食牛骨入面既骨髓韓式牛肉炒粉絲出奇地一D都唔油，粉絲仲好彈牙，份量都唔小特級和牛拼盤有牛肩肉、牛肋骨、西冷、肉眼四款，份量十足💪🏽牛魔王至💙每塊牛既油脂都分佈平均，牛味很濃，大多入口即溶，基本上醬都唔駛點，首推🐮肩肉!!!食韓燒又點小得啤酒Buy 2 Get One Free 🍻🍺

星期日約在旺角行街，晚上到朗豪坊食野，約好食這間開了不是很久的韓式燒肉。🇰🇷(新張期內，更有優惠哦！更要入去品嚐一下）地點好方便又乾淨，空間好大又舒適，每張枱與枱之間都有白色板格住，讓客人有私人空間。服務好優越，好有禮貌又態度好友善，主動幫助客人收碟又細心講解燒肉的注意事項，好欣勤又主動！食物方野，有燒肉（豬牛雞、海鮮及蔬菜）、小食、湯類、飯麵等等，飲品更有好多選擇（果汁、梳打、啤酒、奶昔等等）；在這餐廳前，有一個飲品外賣的，讓街客能夠品嚐到這些美味又健康的果汁飲品！每張枱都有爐在中間的位置，是底一層的，如果客人叫了烤的食物，服務員就幫忙開爐。 🔥🔥🔥清潔得好乾淨！叫了大帶子，好新鮮！好靚的帶子哦！有2隻！鹽燒雞扒配青檸醬好香好愛好多汁，鹽燒好香唔會太咸，好雞又唔會有雪味，質素高！青檸醬微微的酸甜，配在一起食真的一流，可減輕油膩感！秘制護心肉：以黑椒及秘製醬汁 成的護心豬肉，顏色好靚，好腍好香好有豬味，細細片好易燒熟！鰻魚鐵鍋炒飯：熱騰騰上碟，好靚好香喔我最愛的鰻魚！醬汁好香濃好好味道！鰻魚好多又好有口感，無骨！炒飯中有紅蘿蔔、蛋等配料，好好好食的炒飯！推薦哦韓式牛肉炒粉絲：粉絲好彈牙

平時係Aeon 見到counter 専櫃賣韓牛已經有幾次要買來試，但自間廚藝麻麻，怕浪費了貴價貨😅適逢我同老公結婚紀念日，就豪一豪食燒韓牛，滿足下好奇心😆老公收得夜，就返佢放工地方就係旺角朗豪坊新開嘅韓國歺廳一入門口，韓國feel 出曬，格局裝修很潮，鐵板型格得來很整潔。而且係引用日本無煙技術既燒爐，難怪半點油煙味都無呢，呢點最正我們是為韓牛而來的，所以點了一份特級1++韓牛拼拼，塊塊都很厚，油脂分佈均勻，牛味極重，真的有別於其和牛之類，雖然$780一份有點貴，但能食齊三個部位，值得一試另外再點了韓式牛肉炒粉絲，不太油膩，用料足，粉絲粗粗的，很彈牙😆韓式石頭鍋飯亦是韓菜嘅signature ，很大盤，石碢熱辣辣，要上桌即刻加醬料伴最好，很多蔬菜呢！