COBALT

Open Now

Now Closed

今日放工想同朋友chill 一chill, 經過見到呢間都幾多人就想試吓。一入到餐廳左邊就有一排拍牆嘅酒櫃，餐廳以藍色為主調，坐得好自在，係一個同三五知己把酒談歡嘅好去處。 我哋叫咗風乾火腿凱撒沙律沙律嘅調味同配搭恰到好處，加上風乾火腿同埋脆脆嘅麵包糠，口感豐富，非常開胃。之後嘅小食就真係令我喜出望外香煎法國鵝肝配香檳啫喱本身只係諗住鵝肝應該係配toast嘅，估唔到原來廚師用咗白糖糕夾鵝肝，感覺異常合適。有驚喜嘅係，原來白糖糕配鵝肝係咁好味，我覺得廚師係有用心去設計呢個菜式嘅，係一道不容錯過嘅菜式。個main就揀咗慢煮紐西蘭法式羊架慢煮羊架將肉汁鎖住，並充分滲透每一根骨嘅肉質，冇絲毫嘅乾柴感，讓每一口都能感受到羊肉嘅嫩滑，配搭醬汁入口嘅體驗令人驚喜。薯菜方面嘅配搭亦都非常出色。最後甜品就係心太軟外層的蛋糕表面微脆、內層則保持柔軟濕潤的質感。一刀切開後，熱騰騰嘅朱古力漿從中流出，搭配抹茶雪糕，冷熱交融，帶來了清爽的尾韻。

大角咀不嬲有好多隠世餐廳，今次朋友帶我黎呢間高質既西餐廳，一入餐廳就見到好大既酒櫃，紅酒白酒清酒啤酒樣樣齊😍岩哂收工後品嘗美酒chill 下🔶避風塘香辣雞軟骨估唔到西餐廳都可以做到咁有鑊氣既避風塘風味，雞軟骨炸到好鬆脆，加上香口既炸蒜，好岩做佐酒小食/餐前小食🔶香煎法國鵝肝配香檳啫喱鵝肝擺盤好靚，新鮮嘅食用花加上柑橘，色彩繽紛。呢個法式鵝肝最特別既地方，配上中式傳統嘅白糖糕，白糖糕口感煙靭，加上鵝肝軟滑嘅口感，增加層次。另外，仲有配埋香檳味既啫喱，酸酸甜甜既味道可以解鵝肝既油膩。🔶美式BBQ醬豬肋骨豬肋骨的肉質酥軟又多汁，好容易就可以砌開豬肉同埋骨頭。豬肋骨既BBQ 醬燒烤味濃郁，加上甜味和微辣香味，令豬肋骨的味道更加豐富。🔶法式朱古力心太軟心太軟入面既朱古力軟滑，甜度岩岩好，加上香滑既雲呢拿雪糕，一冷一熱口感令人好滿足

大角咀其實隱藏好多高手小店，今日偶然嚟琴呢間巷弄內的隱世西餐，睇餐牌都睇得出廚師功架及心機～有啲甚至出邊食都無食過！🌟 慢煮加拿大豬斧頭扒配蘋果陳皮茸 $348比起牛扒，豬扒是相當考驗廚師功架的一道菜，要懂得掌握火侯、保持肉質嫩滑也純非易事。這道菜的豬有事先醃製，內裡有肉汁，味道剛好口感也不會太靭！配上特色蘋果陳皮茸，帶有微微酒味的汁食落更別有一番風味，輕輕點汁已更能點綴出豬味。伴碟的薯蓉同時也絕不馬虎，牛油/奶味重，口感十分綿滑～🌟 香煎法國鵝肝配香檳啫喱 $168餐廳一改以往做法，沒有配上黑醋及焦糖蘋果多士，反而用上白糖糕及香檳啫喱作中和，咬下鵝肝油香感與其他食材互相融合，口感微甜，味道互相暉映，絕對不會在其他地方食到！🌟 西班牙辣肉腸配炸薯條辣肉腸先切粒煎香，將食材本來的油份融入香脆薯條，配上蛋香味十足的溫泉蛋，味道層次豐富，脆/淋的口感可以一次過食到！🍨雪糕free最近做緊只要社交平台就可以有Movenpick雪糕呢～即使係free都超有心，除咗一大球雪糕外，再加入Nuts提升口感🫶🏻