Channel 3 Tapas Bar & Restaurant

Open Now

Now Closed

週末同朋友到酒吧放鬆嘆世界，選了間西班牙餐廳🇪🇸有大螢幕可以瘋足球⚽️餐前會先送上一盤Doritos，每人會收20元，不便宜的零嘴，但是可以無限續的。香燒乳豬仔香燒乳豬配上麵包跟小黃瓜，吃起來爽口又開胃。德國蜜汁燒豬手超級大一份不太好切最後是請餐廳侍應幫忙切成一塊塊，豬手食起來外皮超酥脆裡面的肉十分Q彈軟嫩，一旁還有薯仔可以解一點肉的膩。豬手份量很夠，飽足感十足又好味！西西里海鮮Pizza 料很豐富，味道也很好。特別的是他的餅皮是硬的，吃起來像是在吃餅乾一樣酥酥脆脆BARCELONA 來酒吧當然要來杯飲品，餐廳自製的mocktail味道很好，真不愧是調酒得獎店家總體而言，食物美味，環境不錯，說實在很少酒吧的食物能有這樣的水準調酒也很出色，還會再來試試其他酒類

話説最近同女友歐游番黎，對Barcelona ge tapas實在依依不捨，話嘥Barcelona都係歐洲ge美食之都之一，所以我地就揾下究竟香港有無d食tapas ge地方，順便懷緬一下我地ge旅行，結果就黎左e個Channel 3 tapas入到黎係酒吧ge setting，感覺氣氛似係放工黎happy hour吹水飲酒ge好地方，而入面播住Spanish ge哥，所以幾有feel 事不宜遲，首先叫左perfect martini，因爲見到餐牌上面有Vermouth，係我地係Barcelona發現ge liquor，入面有sweet martini同dry martini,達到balanced。個waiter重同我地講，如果太strong可以叫過杯，貼心呀 (5/5) 香燒乳豬仔乳豬仔肉厚，但一d都唔un，亦唔會太咸，下面ge青瓜同麵包令個豬無甘漏，正呀(5/5) 香煎蝦餅蝦餅入面充滿鮮蝦，適合重口味人士，好似我甘，不過如果煎得再脆d就perfect池 (4/5) 招牌炸雞翼叫得招牌，果然名不虛傳，我食落有陣小小ge孜然粉味，但唔會蓋過雞翼ge味道，而雞翼係好juicy，必叫至選

放工去happyhour, 同事介紹一間嘢食好好味嘅酒吧 聽到嘅時候都覺得好驚訝，因為通常酒吧都冇啖好食六點幾就嚟到，梗係趁happy hour 叫番杯啤酒飲，Nuts係墨西哥脆片 （$20一位Nuts 無限添加）朋友介紹一定要食個乳豬原來呢個乳豬係西班牙特色，加咗車厘茄青菜同多士底，咬落去啖啖肉，加上乳豬皮好脆，真係好特色嘅小食，價錢仲要唔貴（$78）好抵食Parma Han蘑菇pizza （$88）超抵食，有六件ham加淡淡蘑菇，同埋有好多芝士，只係88蚊 餅底係餅乾底，雖然乾左少少，但送酒就一流啤酒炸雞🍗係忍唔住再講多句好抵食，（$98）有半隻雞加薯條，雞皮炸得夠晒脆，醃味夠晒香口 配酒飲好perfect. 朋友果然冇介紹錯，冇諗到原來太子嘅酒吧嘢食都咁高質

難得放假，就梗係要去食超高級嘅餐廳啦，呢間係太子嘅bar啲都唔難去，重點係大有來頭，極有亮點，我即刻同大家講下啦！餐廳門口以西班牙風格為主導，映入眼簾嘅係非常之有格調嘅門面，最吸引眼球嘅係餐廳原來係西班牙領事館指定餐廳，我都即刻忍唔住問一問店員，超級有來頭㗎，仲有西班牙領事館親自頒發嘅證書俾我哋睇，今次真係架勢十足！餐廳內裏格調非常高級，以吧枱為主，四處都係廣播嘅相信世界盃時期10分爆滿。一入座嘅時候職員會非常貼心為我地附上小食。而今次總共我就叫咗三樣菜式再加兩種嘢飲，等我一入嚟同大家滿分介紹：蘑菇帕爾馬火腿Pizza：Pizza咬落去熱得來脆度十足，即是攤左一陣都唔會覺得變硬，反而依然keep住咬落去嗰種脆爽嘅感覺，非常美妙。上層嘅芝士非常之有厚度，咬落去嘅時候十分舒服，濃郁嘅口感加添風味，再加上帕爾馬火腿嘅咸味，令成個Pizza嘅味道突出得很，好開胃呀。板燒西班牙黑豚肉：黑豚肉口感鬆軟，入口即溶，脂肪和肉質嘅比例非常正確，令咬落口嘅時候唔會覺得油膩，反而覺得充滿口感和油香。上面林生澆上嘅醬汁着酸味，令呢度菜式味道層次昇華，配襯嘅薯角十分香脆，蔬菜非常新鮮，呢道菜十分出彩。西班牙香燒

今日放工行完花墟就黎到太子搵食，男友又話想飲返杯所以去附近酒吧街睇下啦，見呢間🎃Halloween👻佈置又靚，入面又幾多人咁，就諗住入去試下。雖然係間Bar，但佢個food menu好多野食，好在咋🤣唔講唔知原來呢間係Tapas bar，啱哂我呢D又貪心想叫多幾樣但又食唔得好多野女人💃🏼我地揀左飲品、3個tapas同一個main dish，大家既願望都滿足到。先來左飲品🍺🍹同小食🥜，店員話個nachos每一枱收40蚊，不過無限refill既。我鍾意佢跟埋sour cream食真係絕配🤤雖然口就話咪食咁多，怕一陣食物黎既時候食唔哂，但有sour cream去點真係停唔到口🙀個炒辣魷魚🦑幾香口，其實唔係話好辣，但佢有好多sauce，好似韓式炒年糕既醬，香辣味🌶同埋有好多蒜片! 魷魚既口感唔錯，份量都OK，我地兩個都每人食到6舊左右。另外揀左個招牌香燒乳豬仔🐷，一睇個賣相就知正! 舊乳豬燒到個皮好香同脆，中間有塊青瓜🥒、下面就有塊法包多士🥖一客有4塊，抵食! 而且一咬落去個皮脆但內真係好嫩，又唔會好油! 中間舊青瓜同個肉真心好夾，肉偏咸但正正青瓜就清甜，同埋加埋個多士，三樣野都好crunch

星期五忙咗一個禮拜要落bar同friend飲嘢relax下先😏揀左呢間西班牙菜😋入到去就見到呢個發光摩天輪😍一坐低梗係要食d薯片nuts，先有feel😁個menu都有西班牙feel😏黎杯Murphy🍺ham係要配蜜瓜既😎仲要勁甜既蜜瓜😍中間夾咗塊麵包皮同青瓜中和返油膩👍乳豬亦燒得好好👍新菜式🆒️一次過試埋牛腹，牛柳，牛冧🐂多肉醬😋有氣氛又有美食😋Relax不可少既地方😏

食得多街邊好嘢,我梗係要搵機會試吓與眾不同嘅嘢啦,今次就去咗我好少去嘅酒吧,一齊睇吓西班牙式酒吧有咩食啦一係呢間酒吧嘅類型就知佢係行型格路線,深色的格調型格得來不失霸氣,店員幫我地安排左近吧枱位置着陸,一坐低店員就會馬上放上精心排列嘅紙巾座同埋精美嘅小食~就係香辣粟米片再加酸甜洋蔥醬汁啦,粟米片香脆可口,洋蔥醬汁酸甜得宜，確係一個好好嘅開胃小食雖然我哋得兩個人仔去食，但係我哋食嘢上面就梗係唔客氣啦，我哋分別就order咗四個主菜,分別係”西班牙啤酒會慢煮牛肉”, “巴塞隆拿海鮮炒飯”, “西班牙香煎蟹餅” 同埋”香燒乳豬仔” 先係講下慢煮牛肉,基本上一上枱已經,可以俾佢嘅外型嚇親,佢成碟餸係向上發展架,非常之宏偉,碟入邊有椰菜花和薯角做襯托,當然不少得佢嘅主角,啤酒汁加慢煮牛肉,牛肉切落去非常鬆化非常軟熟,放入口入邊我都忍唔住嘩左一聲, 我冇諗過牛竟然可以煮到無根,並且一食落去係即時溶左係口入邊,呢種口感我真係從來未食過, 軟熟可口,非常值得一讚再嚟講下巴塞隆拿海鮮炒飯外觀非常精美, 包含咗我最鍾意食嘅魷魚.青口同埋好好味一蝦,一食落口已經fel到非常之新鮮充滿鮮味,係包含咗海鮮嘅味道

朋友約我太子食晚飯，收工趕到太子都8點了，返工甘辛苦，想飲杯野chill一chill朋友建議黎這間channel 3 tapas bar and restaurant 食下西班牙菜，正👍岩曬我整條街都很多食肆，不過這一間人氣最鼎盛餐廳近乎滿座，好彩還有位，店員安排了坐長吧枱，又幾舒服喎，店內播着音樂，牆上掛有西班牙鬥牛照片，柔和的燈光，Open kitchen，坐吧枱的好處是，可以欣賞廚師和調酒師的表演好多選擇，樣樣都嘗試，唔知道揀咩好店員非常友善，問我們如果不是太餓的話，可以選西班牙小食拼盤，裏面樣樣都可以試下，佢又知道我樣樣都想試嘅😂還是happy hour 時段，朋友點了Paulaner啤酒🍻坐下不久，店員說即遞上墨西哥片，配沙律醬，好正送啤酒一流，好趣口，很快就吃光了，還可以再添。好大杯看着調酒師如何正確傾到啤酒，令到Paulaner泡沫如此豐富香濃，放到嘴邊已經聞來自慕尼黑經典小麩啤的味道，精緻的酵母味道，軟綿綿順滑的口感，相信懂啤酒的你，會懂的欣賞調酒師調教出黎的一杯mojoto，我的最愛，女士岩飲，透心涼的薄荷，清新的青檸，配以梳打和rum，有水準的coke tail 香

通常飲酒都去中環及尖沙咀，朋友相約喺太子等，到左發現呢度成條街，有多間酒吧林立，好多選擇朋友揀左Channel 3 Tapas Bar & Restaurant酒吧煙光昏暗，播出柔和音樂，氣氛輕鬆，適合朋友們聚會一坐底，店員隨即奉上墨西哥脆片，黑西哥脆片香脆美味，食到停唔到今天喺Monday, 叫番杯Blue Diamond 襯托下，淺藍色外表，味道微酸，酒唔太濃，感覺好fresh白洒忌廉煮青囗青口雖然大大隻，一尐都唔靭，幼嫩，每隻青口掛滿忌廉汁，好味道香燒乳豬仔乳豬皮脆卜卜，肉質好香配埋爽脆青瓜一齊食，味道更豐富板燒西班牙黑豚肉外面微燶，燒得好香，肉質呈粉紅色，好幼嫩, 多汁，一試難忘朋友仔好介紹，呢餐無論環境，食物及飲品都好滿意

今日老公又好夜先係太子外勤完收工，佢話想飲下酒輕鬆下，但我未食飯喎！點算好在俾我地發現太子警局附近有依間 Channel 3 Tapas Bar & Restaurant 可以一次過滿足我地食飯同飲野既願望餐廳入面係酒吧的格局，有長長的吧枱和高高的吧椅，播著西班牙的流行音樂一坐低老公就叫左一大杯Heineken，佢話啤酒都係要即斟先好飲，枝裝同罐裝都完全無得比而我高叫左杯mocktail 叫Beauty Queen。質地有小小似沙冰，青檸味偏重，仲有小小荔枝既清香，清清甜甜，很清新，不錯不錯！之後我地叫左兩個小食，其中一個係燒乳豬仔，估唔到乳豬仔伴以青瓜同車厘茄，仲有烘到表面有小小脆既百吉包。有別於平時在中式酒樓吃到的乳豬，channel 3的乳豬仔非常香脆乾身，而且肉質結實，絕不油膩，食完都不會一口油，想不到小小的酒吧在沒有大型烤爐的情況下都能把乳豬仔做到如此出色！另外我個都點了大啡菇作小食。大大隻的啡菇配以大大片的芝士和煙肉去烤，芝士表面烤得微微的焦，口感和大啡菇非常match另外一讚，小食的份量都幾大份，雖然未至於可以當正餐，但絕對不是用來<攝牙那>，相當抵食！至

星期一就忍唔住去酒吧街飲返杯嘆美食，位置方便又近港鐵站，而且附近都有其他酒吧餐廳，好多選擇，但今次揀呢間「channel 3 tapas bar & restaurant」，就係貪佢多tapas，樣樣都好吸引。呢度小食係粟米片，睇落冇咩特別，但就冇hea交貨，有個醬配粟米片，滑溜香濃，酸酸地食落唔膩，仲加左香草，真係食唔停口，有個醬就唔會覺得食到個口咁乾。我同朋友都點左cocktail，我杯係由士多啤梨、椰奶、malibu rum 酒等等調成的雞尾酒，strawberry coloda $88，味道有如草莓奶昔，易入口又濃果香甜味，酒味較輕，好岩女仔飲。朋友的sunset song $76，由香蕉、菠蘿汁、橙汁、blue curacao及cacao white酒等調成，酒味較重，有熱帶水果風味，好清新爽口。忌廉芝士煙三文魚波 $68，呢款tapas真係不容錯過，材料同做法都好簡單，但味道就好好。用煙三文魚包著有一大粒Cream cheese，芝味濃郁回味無窮，煙三文魚加檸汁配刁草，唔腥又夠咸鮮，仲有軟滑細緻的忌廉芝士慢慢溶化，好滿足。香燒乳豬仔 $72，細細件好可愛，感覺食再多都未飽，

行入通菜街 一大堆餐廳酒吧 唔知㨂邊間好好彩今晚朋友仔一早坐底等我 唔洗煩餐廳清一色吧枱 樓底高 空間感十足餐前小食 至愛嘅墨西哥脆片配cream cheese西餐都可以食乳豬 正 肉嫩皮脆配上青瓜嘅爽甜 去除點油膩德國腸拼盤 腸同腸中間又有辣肉腸 澳洲M3西冷 5成熟 岩岩好 少有餐廳無過火配上黑醋同沙律菜 口感一流拌碟重有薯角 脆玉瓜 茄子等等 非常豐富海鮮炒飯 比想像中creamy 飯粒比較軟身大蝦肉質彈牙爽甜 炒飯中有尤魚等等 最後食得咁開心 無理由唔飲返杯架

考完試夜晚想吃餐好，又想有個地方可以吹下水，發現了一間價錢比較平民一點的西班牙餐廳。*NUTS($30)一坐下就自動送上nuts，不過我們都不飲酒，志在吃小食！這個脆片偏咸，比較適宜送酒吃。*忌廉芝士煙三文魚波($62)先來一客冷盤小食。煙三文魚片，包著一粒粒圓形的忌廉芝士；每粒都是一口SIZE，而且很夠凍；煙三文魚咸咸地，再加上芝士帶點咸香，送酒就更加適合。吃完很有罪惡感。*香燒乳豬仔($68)烘過的法包上，放了青瓜片和乳豬片，再加了半粒車厘茄。這道小食最好就是趁熱食！乳豬片很香脆，有點像豬肉紙的味道，又不會太咸；法包塗上少許少律醬，烘得很香脆；加上有少量蔬菜，感覺不太肥膩。*白酒忌廉煮青口($78)白酒忌廉汁很濃，味道剛好不太濃；青口很大隻，啖啖肉。*慢煮西班牙雞肉卷($58)因為是慢煮的關係，等了大概一個多小時，不過一點都沒有令人失望。雞肉中間包著菠菜；雞肉很嫩滑，而且很厚肉，非常JUICY；雞皮亦煮得很香脆，大部份的油都迫了出來。雖然只是食小食，但是對於兩個女生來說，已經很滿足。

睇完戲找野食吾知食咩好，去到太子見到間未飲過既餐廳，原來食西班牙菜，見價錢都吾錯就二個入去試下佢....一黎就有墨西哥脆片都幾特別。餐牌都好有墨西哥特色，野食大約五十六十左右一個，送酒吾錯選擇又吾會太飽。飲品方面都有吾少選擇，有酒同調酒啤酒…最後我地叫了2款飲品！～炸芝士飯波配蕃茄莎莎：芝士吾叫好濃。但有少少火腿香加飯的口感幾特別，炸出黎效果吾錯吾多油。黑松露醬炒野菌：黑松露醬都不少，野菌份量多，炒出黎細細粒易入口。香燒乳豬仔：有四件都抵食，上面乳豬仔皮仲有少少脆口，加上青瓜就有咁滯，如果多士燶同熱少少就更好吃。德國腸拼盤：沒想到份量會咁多，有少少類似燒汁會冇咁乾身，腸都有幾款選擇，本人最喜歡乾身薄身的腸仔，送酒都吾錯選擇。蘑菇帕爾馬火腿pizza：薄餅皮整得好脆口同薄身，蕃茄醬味濃，配料都多，如果火腿再咸少少送酒就更好。芒果特飲：顏色都好靚（橙色漸變紅色底）而芒果味重，吾會太甜好香，但如果份量多點就更好。酒x2：因為男人飲吾知係咩，佢解釋係紅酒加上浸生果，飲落少少生果味同酒味幾特別，而這間的做法沒有加冰就更濃身，原來佢用一個大器皿出面加凍雪。

美食處處，來到太子，從地鐡站A出口走出大街，然後轉往西洋菜街方向走，黑暗的舊街道上亦有如繁星點點的食肆及酒吧餐廳，這個晚上，我們就來試試新開的第三頻道 Channel 3。門口有個櫃窗，把啤酒展示於香水產品。推廣的酒類亦擺在門前，吸引路人。進門右方是大酒吧，左方是酒吧的方枱小桌，盡頭是電視大屏幕，不停播放著音樂片段。主打西班牙菜，西班牙的小吃款式多而份量少，正好以作佐酒，每款幾四丶五或六十多元一客，合理。飽肚的飯麵亦有，想必只是小份，因此，別以為有西班牙大鑊飯供應。飲品以酒類為主，款式很多，亦是百元以下的價錢為主。飲品未到，炸薯片 先到，這個BBQ味的味道不錯，配忌廉醬亦配合，少有的令我吃至停不了，想不到，服務員自動為我們添加，服務好，俾個like。我們隨意點選雞尾酒Pina Coloda 歷史不衰，椰子酒香，配合果汁，酒精不高，味道甜美，特色在發光杯墊，紅黃綠白之光閃爍，令人矚目，飲得開心。Strawberry Coloda我選了新產品 Strawberry Coloda，口感如奶昔，可以待飲品中的冰溶化，奶味就會淡些，酒味會出一點，本身是奶加酒的混合。忌廉芝士煙三文魚波三文魚及忌廉