Platform (Closed)

自從搬咗去大圍就周不時喺附近搵嘢食，尼間餐廳已經關注咗好耐，今日終於有機會同阿仔一齊嚟食晏。可能因為係星期六，我哋前面有八張枱，等咗四十分鐘之後終於可以坐低。因為等待嘅時候已經睇咗餐牌，所以一坐低就落order，阿仔叫咗個馬鈴薯糰同lemon ginger with apple drink，而我就要咗個港式煲蛋同cheese latte。阿仔第一次食馬鈴薯糰，話口感似mochi 又chewy, 覺得好好味。迷你煲仔內嘅腸仔、蘑菇、薯仔、蕃茄、鷄蛋, 加上芝士一齊煲令人同一時間食到多種口感，佢同我心中想像嘅味道有出入，所以對個combination 覺得有驚喜。尼個餐仲跟埋一個bagel同沙律，我十分喜歡那酸酸甜甜嘅沙律醬，食落十分開胃。最後要講嘅係杯cheese latte。一上枱就覺得佢靚，上層白色咸味芝士中一小撮玟瑰花瓣令到杯latte 飲落非常有層次感，令人感到十分滿足。尼一間餐廳，我哋一定會再嚟！

嗰日去完車公廟就睇吓附近有啲咩野好食✨見到呢間文青小店cafemenu啲食物同環境睇落都唔錯就去試試🤓.間店比想像中細同個地點唔近市區但佈置都幾舒服 好適合打卡好彩去到咁岩有位唔洗等👯‍♀️.食物方面就揀左熱門個啲分別有馬鈴薯糰同黑松露帶子意粉個人覺得馬鈴薯糰真係值得推薦因為呢樣餐廳比較少見馬鈴薯片幾煙韌😋同忌廉汁芝士好夾 而且汁個分量剛剛好！食到最後一啖都好creamy配埋煙肉白菌一啲都唔膩🤤.黑松露帶子意粉都唔錯小帶子分量比想像中多👍🏻👍🏻但個人比較重口味 覺得黑松露味再重啲就perfect了🤤.飲品方面因為我係一位芝士控🧀見到有野飲配芝士即刻揀左Cheese Latte🤤賣相又好適合打卡一層薄薄既芝士係上面 再配上花片做裝飾🌸咖啡☕️本身唔會太苦飲落去甜而帶少少鹹 幾好飲👍🏻.因為平時好少去呢頭整體間餐廳幾值得一試✅

餐廳位置唔算特別難搵，跟google maps行都好易搵到。大約二點半左右去食，前面要排4位客人，等左起碼20分鐘先入去食。法式蛋捲 $92 外貌係幾靚用黎打卡係唔錯，但係食就真係好一般，首先個蛋唔係熱既亦唔暖既，麵包就好似外面批發市場拎貨直接擺上盤既感覺，口感一啲都唔軟熟，好坦白我都係見呢道菜上熱門菜式先至叫，我同朋友一致認為實物同好評相差太遠。其次，朋友話個蛋無咩味，咁就問侍應會唔會有番茄汁？侍應答有不過等等，好啦我朋友就呆坐等佢拎黎先繼續食，等左10分鐘個侍應先走埋嚟話無番茄汁？我同朋友個刻只係想拿拿臨食埋俾錢走。馬鈴薯糰 $92不過不失，唔算係好特別但可以接受，咬口感係唔錯。芝士貝果 $20 今餐lunch最滿意係貝果，口感幾煙韌，亦係唯一一樣上枱既時候係熱既，而且係食到有芝士味！總結，唔會再去。呢度主要賣點只係食物既外觀，而食飯質素明顯需要改善，如果要食cafe其實沙田都仲有好多選擇，除非為去而去。

估唔到喺屋村🏘範圍裏邊竟然有一間質素相當唔錯嘅cafe！聽朋友嘅推薦嚟到，雖然落咗車仲要行一大段路，但食完就覺得值得黎試👍🏻。餐牌有好多新穎嘅菜式，比一般all day breakfast選擇多，仲有甜品🧁同意粉🍝，當然唔少得咖啡☕️。港式煲蛋 $88睇落去好似煲仔飯咁，入邊其實係西式嘅燉菜，面頭佈滿芝士🧀非常邪惡。炸左嘅羽衣甘藍好似天婦羅咁脆口，仲令佢苦澀味淡咗，第一次試覺得好好味。燉菜用咗蕃茄🍅同香草做咗個底，配合唔同既配料而成，我覺得幾特別，而且裏面足足有成兩隻蛋。Bagel🥯就揀咗芝士味，質地比較鬆軟，搽咗層薄薄既牛油🧈好香。整體黎講，唯一要挑剔嘅就係沙律菜🥗冇醬汁食落去好dry。馬鈴薯糰 $92忌廉汁好香濃，仲食到有蒜香味🧄，配合流心蛋嘅蛋汁加埋一齊食🥚，非常濃郁。不過薯糰就麻麻地，感覺好淋，煮得過份軟身，而且冇乜薯仔味，要靠個醬汁補救💦。Hit Me!! 敲我朱古力 $82非常之有驚喜嘅一個甜品！最上嘅朱古力盒🍫裏面包住白朱古力醬汁，下面分別係咖啡蛋糕☕️、雪糕同布朗尼，周邊既係金寶碎碎。敲爛最上面嘅朱古力盒，醬汁就會流落嚟，非常有睇頭適合打卡！醬汁流落嚟之後俾本來比較乾身嘅蛋

上次來大圍已經幫襯過PLATFORM，所以今次一心來到大圍想去另一間咖啡店試試，可惜尋找了1小時車位也找不到，心灰意冷下決定再去田心村碰運氣，泊車位當然又是滿了！正打算離開回家之時，剛好有車走了，既然有位泊車，就順理成章再來PLATFORM吧！可能今日較晚來到(7時左右)，咖啡已不提供。原本想吃的蛋卷都賣光了，唯有點了上次已想吃的馬鈴薯糰($92)及菠菜蝦卷，可是下單不久，店員告知菠菜蝦卷也沒有了😢 。想點朱古力貝果，當年也是賣光光😥。只好點了燒鴨胸肉Brunch($96)。馬鈴薯糰先來，使用了忌廉汁、煙肉、白菌、溫泉蛋、芝士及洋蔥配搭，有如馬鈴薯糰版的卡邦尼吧。我本身也很喜歡吃馬鈴薯糰，但香港較少餐廳有這道菜，自己在超市買回來烹調的總是覺得不像樣，今次在PLATFORM 吃的實在很不錯👍🏻 馬鈴薯糰咬落有點煙韌，軟得來仍很有質感。芝士煙肉配忌廉汁怎會輸，加上溫泉蛋就更上一層樓！不久燒鴨胸肉Brunch來了😁，相當豐富的一盤，有鴨胸、蘆筍、薯蓉、煎蛋🍳、沙律菜及Bagel。沙律菜很新鮮，醬汁微酸帶點香味，加上少許橄欖，吃起來很清新。烘得脆脆又暖暖的芝士Bagel 鬆軟可口，牛油芝士香味

晚餐時間7點幾去到，估唔到平日既星期四都坐滿8、9成枱。 最後要搭枱，啲位有少少窄。佢既早午餐係由朝11到晚8點半，好長XD我地叫左早午餐之外既選擇︰馬鈴薯粉糰(gnocchi) - 係我至愛既gnocchi!!! 一嚟到覺得「哇...咁細碟既」但食完之後飽到想叫甜品都食唔落XD粉糰超Q，軟軟靱靱咁，好正！但隻蛋比我想像中熟，冇得流心咁撈埋啲粉糰食。忌廉汁好creamy，所以一啖一啖食完飽左！黑松露帶子意粉 - 睇起嚟都大碟過我嗰碟XD 我偷食左幾啖，好香黑松露味！帶子細細粒，但都有咬口，加埋啲蟹子食既時候口感好足！

朋友提議之下去左呢間餐廳食晚餐，餐廳地方唔算大，但老闆好親切，係睇緊食咩既時候都會推介啲菜式比我地，對餐牌有疑問都會詳細講解，食物有驚喜，每一樣野都好靚，味道好好下次都會再去！手撕豬肉底下嘅麵包係可以揀味道，有芝士、芝麻同原味，個外邊係脆嘅，入面比較軟身，手撕豬肉濃味，旁邊配左青蘋果沙律，食落冇咁膩波菜蝦肉卷意粉意粉嘅質地有少少似千層麵，而裏面包住啲菠菜同埋一啲細細粒嘅蝦肉馬鈴薯糰比較特別，唔似一般食開嘅意粉，有少少煙un既口感，下面個汁底就有啲似卡邦尼黑松露帶子意粉非常之濃味嘅意粉，好濃郁嘅黑松露味，意粉嘅軟硬度適中唔會太淋棉花糖朱古力朱古力偏甜小小敲我！底下嘅係Brownie，敲出黎既係類似白朱古力同牛奶嘅混合，幾得意嘅甜品，可以玩又可以食紅酒燉洋梨個梨係好濃肉桂一味，而且係燉到好淋，食落去幾有特色Affogato平日期間限定，睇落好似甜品，其實係飲品個餐牌，將個特濃咖啡倒落啲雪糕到，將啲蛋糕放埋入去食既，味道好香，有啲似Tiramisu雖然餐廳菜式唔多，但都各有特式，我本身比較小去類似既餐廳食飯，覺得好有驚喜

嚟到大圍新開無耐嘅Platform，呢盞白鴿燈都幾別呀！佢哋用咗牛皮紙做餐牌，除咗各式咖啡飲品等等之外，仲有幾款主食同甜品。原本想食嘅嘢賣晒，咁就叫咗個馬鈴薯糰，係先要將頂層嘅溫泉蛋撈勻咁食嘅。淺黃色細細個嘅馬鈴薯糰嘅外表好似蠶蛹仔咁，質感非常煙韌。個忌廉汁入面有啲切成一粒粒嘅煙肉同洋蔥，同埋仲有啲白菌同芝士粉，加埋一齊嘅味道唔錯。不過啲汁都幾多下，唔排除有人會覺得太過濕，有少少似放湯咁，但對於好似我呢啲鍾意多汁嘅人嚟講都唔錯嘅。