Yadllie Plate 야들리애플래이트 (海之戀商場)

今日約咗朋友去海之戀食韓國嘢，好好彩可以坐近窗邊，個view勁正，一邊食炸雞一邊chill驚喜二重奏，呢個幾特別，可以食到牛扒同埋炸雞，牛扒上菜嘅時候熱辣辣，煎得啱啱好，食落好重牛味，而且好有咬口，炸雞微辣，而且醃得好入味，揸到好香口八爪魚煎餅，佢上面真係有好多八爪魚嘅粒粒，而且個煎餅餅邊煎得脆脆，再沾上旁邊嘅醬汁好好味，乳酪粉無骨雞，一啖啱啱好，上面嘅芝士粉鹹鹹甜甜，雞肉亦都好多汁，下面仲鋪滿番薯條，番薯條食落甜甜地都幾開胃鮮蝦沙律，見到顏色咁豐富都好開心，而且食咗咁多肉，食個沙律就最啱，沙律酸酸地好開胃，而且上面又有大蝦，好彈牙香蕉沙冰好重香蕉味，朋友就飲草莓乳酸梳打，佢鍾意酸酸地唔會太甜

突然想食炸雞，諗起Yadllie Plate炸雞幾出名，臨時捉朋友同我食！呢間新式韓國餐廳主要食韓國菜，門面裝修卻喺英倫風。餐枱之間有足夠距離感，卡位佔比較多。餐廳其中一面是大面積玻璃窗，外面是商場平台花園，望出去一片綠色視野。講返呢度食物，份量都比較大份，適合三五知己聚餐！✔️鮮蝦沙律$118首先點咗個鮮蝦沙律醒醒胃，賣相好colorful，見到心情都會好。大鐵碗裝住沙律菜、鮮蝦、全熟烚蛋、蕃茄仔、蘋果片、粟米粒、腰果、洋蔥條，食材食得出好新鮮，最驚喜係個調味醋汁，醋汁內應該加入咗少少蜜糖同柚子汁，好清新好開胃，總之就好味！✔️半半炸雞$208呢度嘅炸雞大有來頭，有骨炸雞係原隻從韓國入口嘅「走地雞」，醃製醬料係採用韓國濟州島栽培嘅新鮮蔬菜和20多種天然材料混合而成，餐廳更取得幾個炸雞醃製專利！聽到都覺得勁！炸雞有6種味道可選擇，1種味道炸雞盛為$188 ，選擇2種味道嘅半半炸雞只需多加$20 ，唔使諗一定揀後者！揀咗蜜糖乳酪粉炸雞和黃金蒜香炸雞！一上枱，蜜糖粉和炸雞嘅熱氣就湧入鼻孔，炸雞外皮結實又香脆，同滑嫩多汁嘅雞肉形成對比，加上蜜糖粉好香甜！黃金香蒜味嘅炸雞上面有蒜片，亦有蒜粒一起炸

阿囡鐘意食炸雞，之前係旺角試過呢間韓國菜，啲炸雞💥🐔幾好食，近近地同阿囡去荃灣海之戀分店食多次先！餐具裝潢簡約，環境濶落，我地日頭坐近窗口位置有園林景緻，感覺幾舒適。..🥗鮮蝦沙律**$118沙律菜幾新鮮爽口，有蛋,腰果,粟米,芝士碎，日式香醋汁配上爽口大蝦，讓味蕾清新一下。..🐟魚介湯鍋**$238魚糕愛好人士必點，豐盛嘅韓國魚糕及魚板，配上鏗魚高湯，韓國年糕，蛋，金菇，冬菇，蔬菜，原煱暖住上。..🐔半半炸雞**$208**大丘辣醬,黃金蒜香100%手工炸雞，炸粉不厚，香料味濃，炸雞口感鮮嫩！6款炸雞口味，我地揀左2款雙拼，每款有2雞胸,雞翼及雞槌。大丘辣醬款係微辣，雞皮香脆及惹味，無可抗拒要食埋雞皮。黃金蒜香有滿滿的蒜香味，加上炸蒜片同吃，配菜有醃白蘿蔔及炸蕃薯條。..火炙牛**$98用火槍即燒火炙牛，充滿蕉香，牛味香濃，肉質軟腍，加埋燒汁生蒜片及青瓜絲同吃，5片真係唔夠！..巨蜂乳酸梳打**$48草莓乳酸梳打**$48果汁，梳打水加上微甜益力多及益力多爆珠，好味道芒果雪冰**$88每次食韓式甜品必點Bingsu，一捧上枱就要即刻打卡。已混合淡奶及芒果汁的刨冰棉密幼細，入口即溶，碗