八妹雞煲

Open Now

Now Closed

最近涼涼地好想食雞煲,同朋友揀左間裝修幾懷舊嘅餐廳食😋好多嘢都想試😂想試埋肉蟹花甲煲但要提早預訂!今次當然叫咗個招牌秘製雞煲🩷雞煲好快就上枱,我哋只係叫咗半隻都幾大份~職員會喺面前幫手開火兜一兜然後就可以食😋我地叫左少麻少辣,味道啱啱好!醬汁濃郁而且雞件多肉又滑👍🏻紫洋蔥好甜👍🏻食唒雞煲就可以加清湯打邊爐😋我哋叫咗份大嘅手切肥牛,睇落唔多但原來係有兩三層😂肥牛好厚身,油脂豐富~食落口非常滑同重牛味,相當好食!😍鴛鴦滑係墨魚滑同埋蝦滑,份量相當大😂食落口感都唔錯!水魷都好大份,幾爽口👍🏻放辣湯好好食上枱時微暖,問店員先知原來可以就咁食~就咁食面頭有啲脆口,內裡鬆軟好香墨魚味👍🏻用黎打邊爐幾索味竹蔗茅根水好清甜解渴👍🏻唔錯

天氣開始轉凍，又係時候食雞煲打邊爐！上網搵咗呢間出名食雞煲嘅餐廳，係太和火車站行10分鐘左右，都算方便。除咗雞煲，餐牌仲有好多其他款式嘅煲。不過今次一心想食雞煲，所以就叫咗花膠雞煲(半隻雞)。同我一樣唔食得辣嘅朋友，可以試吓微辣，有少少麻味同辣味，惹味得嚟又接受到😋• 花膠雞煲(半隻雞) $228半隻雞嘅分量兩個人食啱啱好！而且花膠嘅分量都唔少，大概有6-7塊，每塊都大大塊，絕對足料。雞煲嘅醬汁係有少少甜甜地，好濃郁。雞件索哂醬汁嘅味，而且一啲都唔老～• 八妹拼盤 $82呢個好有驚喜！全部蔬菜都好新鮮～打邊爐除咗食肉，都要食啲菜先得嘅😂• 手切肥牛(小) $208打邊爐必叫嘅肥牛😂今次奢侈少少叫咗手切肥牛，牛味幾濃，而且肥瘦比平時嘅肥牛均勻。• 羊肉卷 $58呢碟羊肉幾抵食～$58份量都幾多。而且估唔到羊肉同雞煲湯底都幾夾😆• 鴛鴦滑 $108左邊白色係墨魚滑，右邊係蝦滑。兩款都好有鮮味！而且就算滾耐咗都keep到好彈牙😋• 三拼(萵筍/准山/蘿蔔)一盤有哂得我打邊爐必叫嘅配料，三樣食材都係越滾越入味，可以吸哂湯底嘅精華😋餐廳嘅飲品選擇都幾多，今次就叫咗杯凍檸柑桔($32)。味道同酸梅

朋友出左糧又帶我去食好野，佢今晚帶左我去太和食雞煲兼打邊爐，兩個人叫左個胡椒豬肚雞煲半隻份量，如果人多可以選一隻份量，朋友負責點埋其它食物雞煲好快就預備妥當上枱開火，個煲好大，裡面既料都好多好足，唔係水汪汪得啖湯，除左雞同豬肚仲有咸菜同大量炸枝竹。朋友點的火鍋配料都上枱，張枱唔夠放時，待應會拉部車仔黎放係我地枱旁邊，再幫我地擺放整齊，等我地拎得就手係開始食之前，聞到個湯底咁香都忍唔住畢左碗黎飲，飲落好多胡椒粒，個身當堂即刻暖笠笠，朋友都叫左好多火鍋配料，有手切肥牛、鱈場蟹棒、鴛鴦滑、豆腐、生菜、什菜拼盤(蕃茄、露筍、海鮮菇、皇帝菜、粟米仔、秋葵、南瓜)、什餃盤(魚皮餃、雲吞、餃菜餃)，仲有個三色拼盤(萵筍、准山、蘿蔔)，配料全部望落好新鮮，擺放整齊，樣樣份量都好大兜，值得一贊係唔會係當中加插唔係自己點唔相關既菜係底魚目混珠。我先倒入些難熟和可拗湯既配料落鍋，再黎食下豬肚同雞，豬肚好腍同好夠味，好易咬，無咩肥脂層，彈牙得黎食多幾件都唔怕肥，雞件份量足半隻，完全無醃製過，食到原汁原味道，鴛鴦滑分別係有蝦滑同墨魚滑，兩者都新鮮彈牙朋友仲叫左Jar竹蔗芧根水，味道都幾濃的，樽底仲有些紅蘿蔔、馬

之前未裝修前已經來幫襯過，覺得個雞煲幾好食，今次特登等佢裝完修再來食～！個感覺同以前唔同左好多，新裝修得好有特色❣️幾有創意👍🏻有啲懷舊feel，好似真係坐係街邊大排檔食嘢咁，同時又好舒服地有冷氣☺️ ❗️今晚我地點左個半分🔪微辣🌶嘅「八妹雞煲」再另加左$60 要豬大腸～唔洗點等，一上枱撈一撈就食得喇！雞煲醬汁香濃惹味，食到有花生醬、沙嗲醬、麻辣油等，溝出來隻味真係會令人食一次就愛上🙈💕☺️醬汁同雞件混合得好均勻，雞件岩岩炒起熱辣辣♨️，食落嫩滑入味，口感彈牙結實，唔會煮到腍晒❗️豬大腸一樣好高質素❣️煮得好腍超入味😋，帶有少少煙韌，口感一流🤤食落比雞辣少少～食咗兩件雞，其他火鍋嘅配料亦都好快手地陸續上枱❗️所以我哋即刻快快脆脆食晒啲雞，然後將湯倒入雞煲入面煲😝今晚要特別推介呢一個「即炸響鈴」係店家自己親手整嘅👍🏻非常有心機，我都係第一次食即炸嘅響鈴🥰 所以特登試吓咩都唔蘸就一啖咬落去🤣，口感好鬆化，有啲似食蛋散，但比蛋散更脆🉐！食咗幾啖之後，再蘸落湯浸 5 秒又變返外軟內脆嘅口感👍🏻呢個響鈴係💯❗️另一樣好想推介嘅就係「海鮮芝士豆腐」真係新鮮即制，上到枱仲出緊煙😂 所以我又忍唔住即刻夾左一舊嚟食🙈，一

窩夫與蝦子餅近日常在大埔出沒，日前光顧了全新懷舊裝修的八妹雞煲。走進店內，已被牆上的「八妹十大必食」吸引著，點菜前可以參考一下。在「戲院」吃火鍋。到「售票處」取醬油。第一次光顧，當然要試秘製八妹雞煲，但原來還有多款其他湯底選擇。火鍋配料種類不少。見到鄰桌點了大大杯系列的飲品，真的很大杯呢。窩夫與蝦子餅點了天地一號蘋果醋($36)。主角八妹雞煲來了，半隻($155)微辣的，份量十足。拌勻便可進食，雞煲加了大量香料，帶微辣特別惹味。吃完雞煲，將桌上的湯加進煲裡，準備打邊爐。十大必食之一的野生竹笙($62)，份量比預期多，由於竹笙吸了很多熱湯，吃時要特別小心。二人必點之一的混丸($55)，魚蛋、貢丸、墨魚丸和牛筋丸每款各兩粒，可以一次過多試幾款。什餃($55)是另一款二人必點，有雲吞兩隻，魚皮餃和韭菜餃各三隻，韭菜餃非常飽滿，皮夠薄，少肉多菜，味道很好。蔬菜方面，蝦子餅選了白菜仔($30)，洗得很乾淨。火鍋不可缺的牛肉，窩失點了手切肥牛($178)，色澤紅潤，咬下去牛肉味非常濃郁，肉質嫩口不韌有嚼勁，水準非常高。鯪魚滑($65)獲蝦子餅大讚。窩夫不太愛吃鯪魚滑，比較喜歡鴛鴦滑($98)，即蟹

一大班人食飯 梗係要食下雞煲啦 之前都有聽朋友介紹呢間鋪佢地食過覺得勁好食 雖然唔近火車站 都想特意去試下湯底 食物 飲品都有好多選擇 想食咩都有我地點左藥膳花雕醉雞煲（半隻）（ $148 ）有好多紅棗 而且一上枱就已紅聞到好香濃既醉雞味又唔會太重口味好適合打邊爐打邊爐當然唔少得牛肉 我地先叫左A級安格斯肥牛（大） （$168） 肥瘦比例適當 又薄 淥一陣就食得 好鮮甜既牛味 推薦另外 都有試本地手切肥牛（大）（$198）相比安格斯肥牛 呢款係厚啲 但牛味更濃 更有口感 肉質彈牙 係得食過最好食既牛鴛鴦滑（$88）一份包含蟹子蝦滑 同蟹子墨魚滑 一次過滿足兩個願望 兩份都有蝦味同墨魚味 而且都真係好滑 好難夾起添我會鐘意墨魚滑多啲 入面真係食到粒粒墨魚粒 感覺好真材實料 好高質打邊爐點可以唔食海鮮 我地就叫左雙拼蚌（$128） 個人認為白色個款好味啲 彈牙啲 但唔知叫咩名當然都要叫下菜 我地就叫左菇拼（$35） 一份有齊冬菇 秀珍菇 同雞脾菇 正一開始就擺入個煲到 等到最後吸曬啲湯汁 好juicy 勁好味響鈴都係必點 一睇就知係自家製作 仲要係即叫即炸 新鮮出爐黎到呢度都要試下熟食 呢

4個女仔出街去到大埔搵好野食😆 見到呢間雞煲好似好正 有好多自己平時屋企唔會買嘅料😆一入到黎 d 店員都幾nice 仲叫我地揀左雞煲先 邊爐料就遲d慢慢揀 因為都要時間預熱雞煲 幾細心🙈我地叫左呢個花雕雞煲 d雞好滑呀！同埋好新鮮 唔係屋企食冰鮮雞嘅味道 而且配合買好足嘅藥材料 有好多紅棗杞子 好養生🙈好似呀媽煲d雞湯 估唔到出面都食到！（圖上）手切肥牛---比較上厚身 但牛肉味最重 食完成口都係牛肉香味 👍👍（圖下）安格斯肥牛 --- 好薄 好重牛肉味 肉好嫩口 入口即化 最後encore左🙈青口--- 夠新鮮 大隻 🤤日本壕--- 好大隻呀！ 一口食唔曬 咬到中間 會有必出黎嘅感覺 好鍾意🤤鴛鴦滑- 係蝦滑 & 墨魚滑 爽滑 鮮甜 用筷子夾都夾唔起 真係太滑😂 好食過之前係深圳食海底撈食嘅🙈雙併蚌好新鮮 個人比較鍾意珊瑚蚌😆帶子 雖然得8粒 （因為我地食到唔夠喉哈哈） 好滑同夠鮮甜👍👍軟殼蚧--- 個名好特別所以叫 原來係炸野不過好好食 完全冇平時炸野d 粉嘅感覺 好奇點解可以炸到個味咁正😋炸響鈴--- 宜家先發覺平時係樓下買嘅其實好cheap😂 呢個係即叫即炸 送到上台 熱呼呼的

今晚星期五，和朋友來到大埔吃雞煲室內很寬敞，光光猛猛挺令人精神的，有大桌子適合大夥人聚會，也有二人枱、四人枱呢。我和朋友兩人，所以點了半隻雞煲，辣度有六個選擇，我們點了微辣加15$每碗八妹辣雞汁。雞煲汁很濃郁雞塊滿滿雞煲汁，很惹味八妹辣雞汁對於愛吃辣的人來說是超正的麻麻辣辣，與雞煲很夾！吃完雞煲，當然是加湯打邊爐肉類還有醉雞可點呢，很香酒味。鴛鴦滑是蝦滑和墨魚滑，熟了之後入口挺彈牙雞煲火鍋怕熱氣可點竹庶茅根下火很清甜惹味雞煲

大埔一向都係美食聚居地而八妹雞煲更係出晒名係大埔就己經有兩間今次係同爸爸去首先就叫左一隻雞既雞煲份量超多食完就己經有6成飽😊食完就叫左啲海鮮食海鮮最重要既當然係鮮啦上枱之後啲鮑魚同蝦仲識郁架!😆後來因為飽飽地就叫左份細既安格斯肥牛係幅圖就己經睇得出質素非常高另外叫左兩杯野飲大大杯又好飲抵飲😘雖然八妹雞煲並唔平但係啲嘢食真係好高質素對於好西黎講絕對值!!而且啲姨姨態度都好nice有警察抄牌仲會提啲客洗走架車添整體黎講十分好！😄