生記飯店 (Moved) New Location

一整個季度，大家都在艱難中苦苦支撐。是，困境總會過去，但我又能捱到太陽再出來的日子嗎？「要活下去」，想「生」，就會有「機」。把自己多年受主顧們喜愛的菜式，變成放題「盡地一煲」，就是這坐擁多年「米記」稱譽老店的招數。最初反應淡靜，後來經媒體曝光，便引來不少初試的客人，也不乏忠粉撐場，總算有了成績。今天連假，便把補祝和預祝生日、母親節等一次過同慶 - 就四個人！我們甫安頓不久，已經有菜式上桌！不用點，送的：每人一隻新鮮炸起的乳鴿！四人中有兩位不吃，那我不客氣，多吃一隻了！熱騰騰的脆皮，咬落滿有肉汁，對餓著肚子到中午的我，真是及時的慰藉。除了乳鴿，放題還有幾款每人一份的菜式，包括羹湯和粥，把這些都吃完，您大概已飽了一半！接著是「當店自慢」、每枱必點的生炒排骨。既是一饗老饕的「名物」，評鑑的水準自然要提高一些。個人覺得若汁少一些、排骨炸得更脆身，效果會比較好。我心中的標竿，是原位於中環金華燒臘旁商廈樓上的革新會，其貌不揚、售賣兩餸一湯、白飯任裝的打工仔套餐，但做出連食慣好嘢、那天「紆尊降貴」陪我們同去的主管，都大讚「好食到耳仔郁」的生炒排骨！可惜金華現在已經消失，至於革新會，還是當日去吃飯那個

睇咗電視介紹佢呢間懷舊飯店，打電話去訂位職員好好就會問我哋要唔要預留鹽焗雞或炸子雞，我哋就留咗半隻鹽焗雞，因為得兩個人，好想食炸子雞但炸子雞要全隻，我哋叫咗佢嘅招牌生炒骨，另外椒鹽魷魚，鹽焗雞非常好味道，好特別真係好好食，好滑好香，生炒骨真係要俾個大手指公佢，有人話佢啲嘢貴，當我自己食完我覺得係值比呢個價錢，真係出面第二度食唔到咁好廚藝，咁出色嘅舖頭真係希望佢繼續可以營業keep住，真係好難食到咁好味嘅生炒骨同鹽焗雞，我一直唔知乜嘢叫做念念不忘，好回味，食完好想再食，真係會好掛住，原來就係佢個鹽焗雞生炒骨，希望日後人多啲去食，可以叫多啲唔同懷舊菜式，師傅真係好掂👍👍👍👍👍

疫情之下，就連米芝蓮食府都推出午餐飯盒，小人先後兩次試過，深感不俗；故此其後一天到餐館堂食。午餐有7款選擇，連飯連湯，友人最愛肉餅，所以小人先要榨菜肉餅飯。這個肉餅厲害之處是無需額外的豉油，本身已夠味，佐飯超正。小人另選了黑椒牛肉炒烏冬。老實說，牛肉不算多，幸而尚厚而有肉味。至於烏冬很滑，黑椒下得重手，香氣強勁偏辣。兩次跟餐的都是龍脷葉湯，湯內發現紅蘿蔔、南北杏、無花果等等食材，獨獨不見有肉，果真是個清湯。堂食那次點了鹽焗雞半隻、蝦籽山筋豆腐及蝦籽柚皮。鹽焗雞雞肉很滑，不會很肥，鹹淡適中。山筋豆腐的蝦籽味很濃。至於蝦籽柚皮相當厚身，汁液滲進柚皮裏去，滋味甚佳。不愧為米芝蓮食府，食物水準甚高。

放假前夕,約左幾個朋友食餐飽傾餐飽...朋友想食中菜之前聽同事話呢間幾好味,就一於同朋友去試下啦我哋叫左六個餸,仲有例湯送椒鹽鮮魷炸得好好味,啲粉脆而且夠薄,鮮魷又鮮味...但份量就少咗啲菠蘿生炒骨- 甜酸汁嘅稀稠度煮得恰到好處,肉質外脆內軟,配料菠蘿,青椒再多少少就好啦朋友話太耐無食梅菜扣肉啦,今晚好想食扣肉入口即融,肥而不膩,梅菜吸咗啲肉汁,甜甜地好好食,兩個加埋真係絕配下面仲放左一層菜芯..送飯真係一流.鹹蛋蒸肉餅 -肉地嫩滑,肉汁鮮甜,又夠彈牙.魚湯竹笙浸豆苗-豆苗好嫩,竹笙吸咗魚湯,好鮮甜我哋叫左半隻鹽焗雞,雞幾滑,皮又幾脆,但我覺得味道淡咗少少......

今晚同2位弟兄慶祝生日，訂了這間餐廳，我們5個人食。星期五這裡好多客人，差不多每張枱都好客人，好彩我們一早訂位了。8點前就比我們入坐。我們坐一樓，這裡都好多選擇，也有好多推介食物。我們叫了好多菜，有：例湯： 冬瓜黃豆豬骨湯 唔會太咸 好清甜 幾好飲 有住家感覺的湯水 菠蘿生炒骨好脆好夠味好開胃 配飯一流 不過就細碟咗少少鹽焗魷魚好香口 有魚露汁（少辣）好彈牙 細碟鹽焗雞 半隻好滑好夠味 都唔錯鯪魚餅好脆好薄 但又不會乾豬潤九杞好大塊豬潤 好爽好好味 菜都好好 又有湯飲粥好滑 好鮮甜 配牛脷酥 好開心呀！送了甜品：白糖糕我覺得普通 但彈牙不太糖

成幫人飯聚,朋友提議到灣仔生記.印象中此店食物水平還可以,不過服務只屬一般.當然以這類食店而言,尚算不難接受的程度.是晚預訂了六時半,八時交枱;可是多人的飯宴,總有人會遅到,到正式上菜時已七時多了..起初時間還早,店員大叔仍很友善,不過見遲遅未能上菜,大叔們面口開始有變,態度亦顯得𣎴耐煩..到臨近七時四十分,進餐到泰半,他們開始收拾桌面,並不斷提醒我們八點正要交枱!這下可惹惱了在座某些食客,眼見現場空置率達七八成之多,不満服務員態度不佳並連番催促.臨尾席中有人不知是有心還是無意,意慾加菜時,大叔們的面色是徹底的黑咻咻!我只有合十希望他們不會"贈慶"或"加料"..最終在氣氛崩張的情況下,結束這場飯宴.我明白店員是責任使然而已,奈何其手法彈性不足,假如軟性些,顧客也是明理人,自會願意配合..不過這種老店,這樣素質服務員,永遠不會明白這個道理,依舊一副"唔憂做"的嘴臉.生記餸菜素質多年來都保持一貫水準,就是沒有退步,也不會進步.椒鹽鮮魷,苦瓜抄蜆,魚湯莧菜,蓮藕餅,鹽焗雞,蒸肉餅,泥鯭粥,大部分水平屬於中規中矩,跟一般類近食肆差無別幾..其中"白飯魚煎蛋",如此簡單菜式,雞蛋過老,倒有點令人

同大班朋友食團年飯, 諗住大眾化d去生記, 不過埋單一d 都唔平, 仲好似冇乜食野落肚, 要食宵夜 煎蓮藕餅：好香好鬆脆, 不過偏咸要送飯, 一碟得果幾件, 手快有, 手慢冇枸杞浸豬潤：招牌菜, 唔訂可能冇得食, 但自覺味道普普通通, 豬潤切得好厚, 枸杞得果幾條, 菜咁平好心俾多d la 鹽焗雞：冇乜特別, 肉質亦唔算嫩滑蒸薑蔥魚雲: 得果幾舊, 點夠分呀? 不過咸得要命, 不吃也罷 肉丸泥鯭粥: 又係招牌菜, 唔訂肯定冇得食, 不過可能真係好多人訂唔夠分, 唔多見有泥鯭肉, 連米都唔多夠, 水流流 梅菜蒸菜心: 梅菜好甜, 菜心蒸得入味而唔會變黃, 全晚至正既一味菜 老少平安 : 豆腐+鯪魚, 都幾鮮甜, 唔會蒸得太實, 加埋豉油食啱啱好咸魚蒸肉餅: 咸魚味唔係好濃, 但勝在惹味, 送飯一流蓮藕炆豬手：又係得果幾舊，唔夠分冇食到羅漢齋煲: 基本上得栗米芯同腐竹, 低成本製作, 但一d 都唔平加送白糖糕, 味道一般, 但冇乜地方食到, 當係懷舊服務態度尚可, 上菜速度極快, 可能因為太多booking, 其實以咁既價錢, 唔算係好出色, 都唔知點解咁多人去?位

5月8日（星期五），是晚受到邀請出席有“教父”之稱的慶生飯局，十分榮幸，而且是來「生記」吃晚飯，當然要出席支持。是晚原本打算去接女友收工然後一齊去的，但女友又因工作繁忙要差不多八時過後才能收工，所以我先行到達，和一眾食友寒喧一番後，等到差不多齊人，幫主就吩咐食物可以準備上檯。鹽焗雞先來，賣相雖不吸引，但食落卻實而不華，外層雞皮香口帶點脆，雞肉很入味，有咸香且有雞味，做得很出色；雖然粟米魚肚羹味道一般，其實十分足料；煎藕餅香脆可口，蓮藕南乳炆腩仔味道不濃，涼瓜炒蛋的蛋炒得很嫩滑，而薑蔥焗魚雲、枸杞上湯浸豬肝和釀尖青椒我沒有吃；椒鹽鮮魷脆漿很薄，香口美味，很快就被吃光，結果要追加一碟椒鹽骨，但這味小菜卻失色得很，既炸得過火之餘，每塊金沙骨亦很大塊，不便於進食；陳皮蒸肉餅先後來了兩碟，皆因肉餅鬆軟可口，肉味濃郁且帶微微的陳皮香味，本應是送飯一流，奈何肉餅總是與白飯欠緣份，不是肉餅在而白飯未到，就是白飯涼了而肉餅還未來；吃到差不多一半，女友才能趕及來到！最有趣的莫過於阿叔同是上了兩碟咕嚕肉，問我們是否點了一碟咕嚕肉和一碟生炒骨，然後跟我們說這店的咕嚕肉就等於生炒骨，這種老店果然別樹一格。雖然如

上次來生記,是為C小姐慶生,今次來,同樣是慶生,主角是有教父之稱的友人F.生記是走實力派路線,周五晚上全院滿座,隔離維景酒店仍舊未解封,軒尼詩道如臨大敵的氣氛,同經濟持續不景氣,好像在此找不著痕跡.我們十幾人,坐在三樓的大檯,正正是上次坐的一檯.第三次來生記,在舊店年代吃過鹽焗雞,今次就與他再續前緣.不同那些客家菜館,同港大校友會一樣,用鹽焗到色澤金黃,雞皮吃落帶點脆口,咸香味十足,而且有雞味.當中最特別的部位,自然地流落在子陵的口中.煎藕餅份量十足,煎得金黃,有咬口.粟米魚肚羹是旨在大家喝碗羹作間場.蓮藕炆腩仔是家常菜,生記一樣做得很好.煎釀尖椒一樣地好,當然同街邊的煎釀三寶是兩個檔次的事.另一味家常菜陳皮牛肉餅,鬆軟可口,最後吃到要再加.椒鹽鮮魷又是高水準之作.涼瓜菜式一向是生記之主力.是次一記涼瓜炒蛋,輕易地討好大家.涼瓜爽甜,炒蛋炒得不過老,很有水準.另一道名菜枸杞浸豬潤,豬潤爽,湯甜菜滑.煲仔菜的薑荵魚雲煲,香就夠香,但魚雲的腥味未盡除去.在生記之下,咕鹵肉同生炒骨,是沒有分別.水準當然沒有那些名店的好,但不俗.椒鹽鮮魷不夠喉?再加多一碟椒鹽骨.最後上的,是一大窩泥艋粥,又是