金鶴拉麵 (利民大廈)

Open Now

Now Closed

一直都未試金鶴拉麵，今日終於約埋老公出嚟撐枱腳。嚟到梗係要食佢最出名嘅招牌菜式，極濃龍蝦湯拉麵，湯底果然濃郁。其實加$60仲可以配有一隻龍蝦尾，見到隔籬枱啖啖肉食得津津有味，下次都要再加。北海道蟹湯拉麵湯底呈現奶白色，感覺特別暖笠笠。一大份嘅蟹膏蟹肉放在拉麵之上，真係非常香口。兩款拉麵都配有半隻流心蛋。仲有慢煮嘅叉燒，薄切嘅叉燒令口感更嫩滑。當然就唔少得紫菜，浸過湯底嘅紫菜，真係好似打邊爐嘅響鈴咁好味。另外我哋仲揀咗鹽燒五花腩，呢個價錢有兩串都唔錯。而且每塊都燒得甘香，近皮嘅位置仲燒得脆卜卜，食起上嚟唔覺油膩。

心血來潮想食碗熱辣辣嘅拉麵，係旺角鬧市揾到金鶴拉麵 。除咗做堂食，亦見有客人搶外賣拉麵。而呢間拉麵店以黑主做主調，無半開放式廚房欣賞到師傅為食客煮麵，平實簡單😎🔅極濃雞白湯拉麵 $138 餐牌提到湯底係用原隻🐥雞烹煮 8 個小時嘅白湯，天然精華充滿住骨膠原，係護膚補品👸白湯湯底味道清甜濃郁，附上牛蒡，乾身時脆口，用湯浸一浸就帶少少煙韌 ，另外重附有大大塊嘅豚肉，半隻半熟蛋，同埋兩塊軟嫩雞肉，份量十足👏🔅北海道蟹湯拉麵 $138湯底同樣濃郁，質感少少杰。白雪雪嘅🦀蟹肉份量唔少，令每口拉麵都可以有蟹肉伴住食，另外亦附有半熟蛋同大大塊嘅紫菜💕🔅鹽燒五花腩 $48/2 串外脆肉嫩，燒得惹味，如果再多少少厚度就更好😆食完兩碗拉麵之後，都唔太覺有膩或者口乾感覺，呢兩個湯底又的確唔錯👍

心血來潮想食拉麵，放工去到旺角睇吓有乜選擇，我哋喺通菜街見到有「金鶴拉麵」。之前喺唔同地方都見過呢間拉麵店，一直想試，但未有機會，而且亦無諗過係喺旺角獻出第一次🤣。呢度環境正正常常，無華麗嘅裝修，廚房亦設喺舖入面，唔似其他拉麵店半開放式嘅狀態，所以睇唔到師傅整嘅過程👨🏻‍🍳。餐廳提供約十款拉麵湯底，定價由$88至$138不等，聽聞有期間限定款式，不過問店員就話啱啱完咗。我哋嗌咗兩碗唔同湯底試吓🍜。極濃雞白湯拉麵($138)，呢個係店長推介款式🌟，雞湯煮至奶白色，味道濃郁，但唔重口味。湯底用上原隻雞慢煮8小時，將雞嘅精華提煉出嚟，補充骨膠原，女士恩物🐔。雞白湯另一賣點係配上炸牛蒡，老實講唔係上網睇食評都唔知係牛蒡，因為同平日食嘅漬物好唔同。原條牛蒡刨成薄片，炸至脆卜卜，而浸湯後就變得煙韌。每碗拉麵均配有雞肉同豚肉🥩，白色嗰兩塊係雞胸，肉質唔嚡；而大大片嘅就係豚肉叉燒，如果稍為炙燒就更正。麵條並無設軟硬粗幼等個人喜好選項，我認為屬普通水平🥢。香辣豚骨湯拉麵($98)，湯底呈橙黃色，辛辣味道都幾明顯🌶，但又未算過火，反而幾過癮。豚骨湯本身唔太肥膩，難得地清澈。每碗湯麵嘅配菜包括半隻溏心蛋🥚、