阿三大牌檔

Open Now

Now Closed

個人好鍾意食新式有冷氣嘅大排檔，今日嚟大埔墟行街搵到呢間餐廳，環境乾淨衛生，座位枱櫈寬敞，加上有冷氣坐得好舒服，又不失傳統大排檔鑊氣小炒嘅風味。黃金豆腐- 豆腐外皮炸到好香脆，粒粒金黃色，火候控制恰到好處- 裏面豆腐好滑，豆味香濃，做到外脆內軟- 一啖一件，送酒一流😍豉椒炒蜆- 份量都幾多，蜆肉幾鮮味，大部份都開晒- 蜆肉吐沙吐得幾乾淨- 醬汁好香好惹味，爆得好有鑊氣，送飯一流😝蜜椒薯仔牛柳粒- 份量都幾多，有好多薯仔，牛柳粒同三色椒- 牛柳粒肉質嫩滑，牛肉味香濃，口感有少少爽脆，肥瘦適中，比起其他餐廳做得出色，一啲都唔會過火又唔會老👍🏻- 薯仔炸到金黃色，全部大細一致- 醬汁香濃帶蜜糖味，配上三色椒爆香非常香口惹味，值得推薦🤩🥬啫啫蝦乾唐生菜煲- 上菜嘅時候出晒煙，熱辣辣夠晒鑊氣- 生菜新鮮翠綠，口感爽脆- 爆香左嘅蝦乾好有鹹香味，整體非常惹味又唔會太鹹😋總結：- 菜式款式多，質素高，即叫即整非常有鑊氣，上菜速度好快- 服務態度有禮，店員會主動介紹菜式同詢問食客意見- 環境舒適，乾淨衛生，比起一般大排檔舒適，坐耐啲都唔會催你交枱- 食物份量豐富，性價比高

今日嚟大埔墟行街食飯，行過見到呢間新式有冷氣嘅大排檔，好似啱啱新開張，入面環境都幾大，乾淨衛生，座位枱櫈都幾寬敞。餐牌都幾多選擇，除咗常見嘅鑊氣小菜小炒同蒸品以外，仲有鐵板同燒烤。鐵板波士頓龍蝦球🦞上碟熱辣辣出晒煙，淋左龍蝦湯之後仲咋咋聲，🤩蝦頭有超多膏，金黄色的膏好香好濃，龍蝦肉質新鮮結實，爽口彈牙，好鮮味🤤 原隻開邊斬件，蟹鉗都開埋，方便食用。龍蝦嘅底部放咗大量嘅配菜：茄子🍆及翠玉瓜，蔬菜經鐵板燒香後再吸收左龍蝦湯嘅精華，好惹味，茄子Juicy, 翠玉瓜爽脆。🥦西蘭花炒帶子份量都幾足料，帶子有成10隻左右，幾飽滿大粒，鮮甜爽口；西蘭花翠綠爽脆，熟成度啱啱好，上碟熱辣辣，整體好有鑊氣，調味亦恰到好處👍🏻蒜子火腩炆大鱔好大煲，上碟熱辣辣，材料好豐富，裏面有六件大鱔，火腩，大冬菇，豆腐及枝竹。大鱔走油後爆到好香口，大大件啖啖肉，肉質鮮嫩，細骨都唔多；火腩大大件，肥瘦適中，鹹香味濃；大冬菇好厚身，炆到好入味；豆腐都炸香再炆，同枝竹一齊吸收醬汁好惹味😋黃金豆腐雖然係小食但係份量都唔少，豆腐外皮炸到好香脆金黃色，一口一件，小心熱到燙口，配埋酸酸甜甜的醬汁好開胃👍🏻原隻燒生蠔（半打）生蠔肉質鮮嫩

今日係阿三大排檔新開張嘅大日子，我就最鍾意食大排檔㗎啦，因為貪佢款式多，而且啲小菜夠晒有鑊氣😆，雖然呢間餐廳新開張未有經過時間嘅考驗，不過望落骨子得來企理，外表睇落我對佢都幾有信心🙈，擇日不如撞日，既然咁有緣咁都比我撞到佢開張嘅大日子，當然要入嚟食返餐勁㗎啦🤪。。黃金豆腐每一粒都炸到金黃色，外表炸得酥脆之餘，內裏依然保留到豆腐滑脫脫嘅口感，好食👍🏻。。珊瑚素心燕通常菜來來去去都係嗰幾款，諗住問吓餐廳老闆有冇邊啲推薦，跟住佢就推介左我揀呢一款珊瑚素心燕，佢話原因係呢一個菜，好食得來又值得打卡😂，上到嚟又真係幾靚喎🙈，而且味道都好好。。薑蔥田雞煲細細個嘅我就好鍾意食田雞😃，大個咗真係冇乜點食，難得見到呢間大排檔有田雞煲。佢嘅田雞都好入味，火候掌握得好好，肉質煮得啱啱好，咬落好嫩😋。。豉汁蒸白鱔味道有啲太濃，有少少膩，不過如果送飯嘅話一流，蒸得啱啱好肉質好滑👍🏻。。川味麻辣炒蜆我叫咗大辣❤️，好有風味，而且份量好足。味道方面，我朋友係一般人佢覺得啱啱好😂，但係對於我呢個辣控黎講，如果可以再辣啲我相信會更加惹味😚。。蒜蓉燒扇貝舖滿蒜同辣椒嘅扇貝，調味啱啱好，而且扇貝好新鮮，非常甜美😊。。原隻燒生