金子半之助 (新都會廣場) (Closed)

今晚約咗媽咪撐枱腳，近近哋，揀咗新都會廣場嘅日本過江龍—金子半之助，嚟一個天婦羅🍤晚餐。我哋叫咗江戶前天丼同迷你天丼配稻庭烏冬。江戶前天丼 $138天婦羅有穴子（即星鰻）、海老、小柱魷魚天婦羅餅、溫泉蛋、海苔及莢豌豆，附味噌湯及潰物。天婦羅炸得甘香酥脆，食落唔覺油膩。我特別欣賞小柱魷魚天婦羅餅，口感有彈性，味道鮮甜。溫泉蛋天婦羅都好特別，感覺要炸而不爛嘅難度好高。天婦羅醬汁甜甜哋十分香口，令整體味道大大提升。迷你天丼配稻庭烏冬 $118天婦羅有菇菌、海老、南瓜、海苔、莢豌豆及溫泉蛋。菇菌特別酥脆、南瓜清甜，好味道。稻庭烏冬口感煙韌，湯底清香味美，最特別係佢會提供一個大木盒，裡面有五款烏冬配料供客人自由配搭。黑豆茶味道甘香，食完油炸食物就最啱飲，可以解膩消滯。今日雖然係平日，但都差唔多座無虛席了。

今晚下班後跟爸爸到葵芳進食晚餐，今次又來夠這間專吃天婦羅飯的日本過江龍。呢間天婦羅飯十分有名，現在已經開了數間分店。呢間天婦羅飯十分出色，因為是用了古早秘傳的醬汁，傳統的天婦羅炸起來，都會放上飯面，令整個飯看起來好豐富好滿足，呢間餐廳務求希望每一件天婦羅都可以沾上了獨特的古早味秘製醬汁，令每一啖天婦羅都十分美味可口。古早味秘製醬汁更能重現江戶時代傳統的風味。日本風味十足。除了古早味秘製醬汁外，還有日本的特製高胡麻油，可以令天婦羅更加芳香撲鼻，而且色澤較深，色香味俱全。講咗咁耐呢間餐廳的獨有特色及醬汁。呢間餐廳有數款丼飯可以點選。江戶前天丼、上天丼、天丼、迷你天丼及烏冬、烏冬。今日爸爸對餐廳的期間限定很有趣味，今次的期間限定是松葉蟹天丼，點了一份松葉蟹天丼和一個迷你天丼及烏冬。首先講一講呢個松葉蟹天丼，有兩隻松葉蟹、兩隻海老，還有小柱海鮮餅、海苔、溫泉蛋等等。賣相很吸引，因為看到滿滿的天婦羅放在蓋飯上。十分豐富，很滿足。天婦羅的醬汁和高麻油令天婦羅的色澤金黃香脆，惹味無敵。松葉蟹也十分好吃，因為很鮮甜無比，很喜歡這個飯，因為又有蟹又有海老，令人垂涎三尺。另外一款點了迷你天丼及烏冬，烏冬可

Happy friday，同田會長去了日本過江龍人氣天丼店-金子半之助，呢間大家都想試好耐，機緣巧合之下可一試了www。晚餐時段果然好多人，7點幾去到已有人排隊～大約排左15分鐘入座。餐廳以木系係為主調，感覺和風，暖色燈光感覺柔和。有用餐教學。主打天婦羅丼飯，選擇並不多都好合理，除左飯亦有烏冬揀。上天丼，$118，天婦羅，即叫即製熱騰騰，炸物呈深褐色，有白身魚、海老、小柱魷魚天婦羅餅、溫泉蛋、海苔及莢豌豆，附上味噌湯及漬物，份量十足。賣相睇落都幾油下，脆口同時又好油，唔夠乾爽，白身魚比較有魚味，其他的味道普通，用淺碗非常好，米飯量唔會太多，份量適中，醬汁甜，都幾多汁同濃味，我果碗太多汁，會長果碗就太少汁，太有相差了⋯食到差唔多一半再撈溫泉蛋食，口感更豐富。漬物⋯呢一刻覺得漬物好需要，因為酸酸去油膩.......。江戶前天丼，$138 ，田會長的，最有份量的天丼，30cm長的穴子(星鰻)，賣相夠晒霸氣。黑豆茶幫助解油膩，狂飲左。價格合理，但實在係太油同膩，可能每間分店唔同。

菜單才三款選擇，一份天婦羅飯等了半個小時！最失望的是水準之低還敢收$138！上檯就能看到顏色深和油膩，連基本油溫都沒控制好居然說是天婦羅專門店？而且還會直接送給客人就證明師傅也是不夠班（或根本不用心）。還不止，飯居然更是黏的！也就是從表明都能看到，裝飯的師傅大概就是習慣這種質素吧。那個最貴的食材：穴子（小鰻魚之類）炸出來不就是一塊魚乾？就只有那個黑豆茶還可以。這個名氣，這個價格，等這麼久，來了一份快餐店都能比這好吃的！這店是永不光顧！！

豐盛華麗之江戶前天丼有穴子、海老、小柱魷魚天婦羅餅、溫泉蛋、海苔和莢豌豆。一上枱就見到穴子橫放在碗上，好大條呀！因為穴子實在太大條，要食左穴子先食到個飯。所以我先食穴子。穴子即是星鰻，外脆內軟。外層嘅炸漿好薄，入面嘅鰻魚好肥美，無骨，啖啖肉。即使炸過，仍然保留到魚嘅肉汁，唔會炸到乾爭爭。食完穴子先食飯。食飯之前先將溫泉蛋戳破。睇住蛋汁緩緩流出，感覺治癒～飯本身已有甜甜地嘅醬汁，撈埋蛋汁，口感豐富，令飯更惹味，淨食飯都得呀！天婦羅炸蝦就食得多，呢個丼飯有海苔同埋小柱魷魚天婦羅餅我覺得幾特別。炸過嘅海苔香味更突出更脆口。不知師博是特意還是無意，一邊沒有蘸上炸漿，另一邊有。可能是不想讓炸漿蓋過海苔的顏色吧。如果是因為這樣，就要讚一讚師博的心思啦！魷魚天婦羅魷魚夠新鮮，口感彈牙。如果想加d辣味可以自行加d調味粉。味道類似七味粉。隨餐奉送味㬝湯同埋漬物。味㬝湯唔會好鹹，有豆腐同海苔，豆腐同海苔份量都幾多，好足料。漬物有兩款：紫薑海帶絲同埋白蘿蔔漬。紫薑海帶絲紫薑好辣，冇渣，配埋海帶絲同吃，海帶絲爽脆，更添口感。食紫薑辣得滯嘅話可以食下白蘿蔔漬中和下。白蘿蔔漬夠酸又爽脆。仔細睇原來上面有柚子果皮絲

爸爸一直都好鍾意食脆卜卜既天婦羅，今晚再帶爸爸黎encore天婦羅飯，之前都同佢黎食過一次，念念不忘，所以今晚就到時間就再黎食了。呢間金子半之助係日本既過江龍食店，一直都好多食客。今晚同爸爸早入座，所以人數不算太多，不用等位。餐牌方面都是以3款天婦羅丼飯為主，今次仲有新餐牌，有稻庭烏冬。或者可以選個雙拼，又有個天婦羅飯，又有個稻庭烏冬。正我同爸爸都係一人點了一碗江戶前天丼，因為我地都好鍾意個款又長又肥厚既穴子。呢款飯仲有海老、小柱魷魚天婦羅餅、溫泉豆、海苔、莢碗豆。所有天婦羅都好好味，即叫即製的，所以入口脆卜卜好好味，又熱辣辣，溫度岩岩好。穴子仲好長又肥厚，好正。次次食完個穴子都覺得大滿足，好正。另外飯上都淋了醬汁，醬汁份量岩岩好，又綿綿的粒粒日本米配上香濃惹味既醬汁，好快就會吃曬成碗天婦羅飯。個套餐仲有配上漬物同麵豉湯。餐廳仲有黑豆茶飲，黑豆茶可以消油膩，茶味香濃，唔錯，可以清一清口中的油膩感，從新的再吃下一款的天婦羅。除了免費任飲既黑豆茶外，仲可以飲下汽水，汽水配炸物都幾爽架。

新都會廣場是我喜歡到的一個商場，最近得知網上介紹有新食店，是東京過江龍的天丼專門店 ，我們異話不說就入去餐廳品嚐一下日式美食啦！這餐廳連續5屆榮獲 ，而且選用產地直送的新鮮魚獲、115年歷史的純天然秘方醬汁，以獨門秘傳食譜炮製精緻又價格親民的人氣大熱天丼料理！餐廳裡人頭湧湧，我們都等了15分鐘才有位  ;  餐廳裝修時尚簡約，感受到日式風格，它以開放式設計的廚房，看起來的空間有通透感。這裡有設置吧枱，可一邊吃一邊觀賞師傅的用心製作料理，很不錯。餐牌上有 3 款天丼飯，分別是 、 及 。  :  穴子魚、鳳尾蝦、魷魚海鮮炸(墨魚粒、干貝)、溫泉蛋、海苔、小青龍。  :  鱚魚、鳯尾蝦、雜錦海鮮餅(墨魚粒、干貝)、溫泉蛋、海苔、小青龍。  : 舞菇、鳳尾蝦、雜錦海鮮餅(墨魚粒、干貝)、溫泉蛋、海苔、小青龍。坐下來先送上黑豆茶，清香撲鼻，飲起來順喉，功效多多的黑豆茶，保健養生。黑豆茶具有補益止汗、滋補腎臓、補肝明目、滋潤肌膚、抗衰老之功效 ; 並可除濕熱、解痰、提神化痰及消水腫功效。江戶前天丼     $138這個餐份量十足，材料很豐富，包括有穴子魚、鳳尾蝦、魷魚海鮮炸(墨魚粒、干貝

好耐好耐冇食過日式丼飯，係葵芳行行下見到有間幾吸引既日式丼，二話不說就入左黎食！充滿日式餐廳氛圍，客人一入餐廳，在場店員都會以日語表示歡迎。興幸我地早左黎，因為再晏啲就好多人。呢間係日本第一天丼過江龍，8月中先岩岩開幕，！Menu 款式唔多，只有三款天婦羅丼飯選擇，同朋友分別嗌左江戶前天丼同人氣爆登既天丼。每位客人都會配贈黑豆茶，幫助解油膩感，茶味香濃，甘香唔苦澀，唔錯！朋友嗌既江戶前天丼，食材包括有穴子(鰻魚)，海老，魷魚天婦羅餅，溫泉蛋，海苔，莢豌豆，另配漬物及味噌湯鰻魚既份量比想像中大好多好多，已經長到超出碗既範圍，見朋友食得津津有味就知一定掂！天婦羅式製作，改善左鰻魚原本既皮下脂肪既油膩感，變得鬆脆美味，愈食愈過癮。天丼，食材包括有舞茸，海老、魷魚天婦羅餅，溫泉蛋，海苔，莢豌豆，另配漬物及味噌湯天婦羅丼一定要襯熱食，時間愈耐炸物既口感都會隨時間改變，所以一定要提提大家～海老，香脆彈牙，仍然保留海蝦既鮮味！店員建議食法：先刺穿將溫泉蛋並融入丼飯中，拌勻一齊食口感同味道更佳。呢個食法真係不得了，蛋漿融入飯粒後，加上原本淋上既拌醬飯汁，令人回味三分，依家諗起都好餓！另一出色天婦羅就係

結束一星期工作完畢的晚上, 要食好啲慰勞吓自己黎到已經有廿幾三十人排緊隊, 都排到出門口喇, 好彩夜晚唔係太熱, 唔係真係中暑到最後都係排左45分鐘就入到去, 原來佢餐牌得三個款式, 當時諗應該會做得幾好, 叫左一個江戶前天丼(穴子,海老,帆立貝魷魚天婦羅餅,溫泉蛋,海苔,莢豌豆)同天丼(舞茸,海老,帆立貝魷魚天婦羅餅,溫泉蛋,海苔,莢豌豆)三款其實差不多, 係其中一個貴食材嘅分別, 店員送上黑豆茶話可以解膩, 等左15分鐘有野食, 店員都有細心教, 飯食到一半先整爛隻溫泉蛋撈黎食, 但我食左幾啖就忍唔住要整爛撈黎食, 因為太淡喇, 佢雖然有落醬汁, 但味道真係好淡, 唔似醬油唔似豉油咁而炸物佢唔會話好厚粉, 我幾鐘意個穴子同魷魚, 穴子裡面雖然有骨, 但佢炸到可以連骨食, 因為平時我食鰻魚好怕有骨, 哩個完全ok可以吞埋而魷魚非常淋身, 唔會過熟好硬個種另外蝦又係無味, 可能係雪藏蝦雪得太耐, 食落無咩蝦味, 到最後我係食唔哂, 因為好油膩雖然佢飯唔多, 但係女仔黎講炸物有d過多, 如果可以有個輕量版就好啦, 不過整體黎講一般般, 試過就算

今日終於約到朋友黎吃呢間天婦羅餐廳啦之前一直都好想食，不過常常行經門外都見長長人龍，所以都放棄了。今日早放工，跟朋友6點左右便到了，好幸運食客未算太多。好開心終於可以吃了。餐廳內座位數目不多，不過可以清楚看到廚部食材的製作過程。十分乾淨衛生，而且香味四溢。呢間以天婦羅聞名的餐廳，當然一定要吃天婦羅飯，丼飯其實只有三款，大致的食材都是一致的，都有海老、帆立貝魷魚天婦羅餅、溫泉蛋、海苔、莢碗豆。呢三款丼飯最大的分別是每款都有一樣獨特的食材。如、江戶前天丼有條又長又大既穴子。上天丼有鱚魚。天丼有舞茸。所以總有一款合自己口味。店員為我們送上黑豆茶，十分特別。我們點了一份江戶前天丼、一份上天丼。好開心，食物即炸，所以真的好香脆又正。先說一下，我點的江戶前天丼，穴子真是十分大條，又長。啖啖肉好正。外皮香脆內裡軟滑，唔錯。仲配以淡淡的柚子清香，吃起來更為鮮味、清新。味道好特別。其他食材都十分滋味，每款天婦羅都做到不油膩又脆卜卜，好正。粉漿配得好好。令人一試難忘。另外我都十分喜歡流心蛋外皮帶點點脆口，但一咬下，蛋汁四出，滋味，以蛋汁來拌飯更為惹味。不得不提，天婦羅汁都好好味，用黎拌飯一流，有種令人愈食

因為小弟立心想成為一個foodie ，所以呢排不停捐窿捐啦去搵美食啦！見到呢排吹緊天婦羅熱朝，我當然要去試下啦！首先想試下係我公司附近嘅「金子半之助」每次收工都見到好多人，又嗅到好香麻油味。心唸一定好好味啦。就捉左我女朋友去排隊等我啦。我女朋友7：00就開始排啦。我就大約7：15就蒲頭啦。來到就見到仲有好多人啦，女友已經hihi地面。我當然放佢行街先啦😂我就繼續排啦。8:00佢就返來，但就仲未入得。一齊排左半個鐘8:30就終於入得😪黑豆茶幾特別好咸超油女朋友話，個蝦細過佢手指尾😂總結有今次無下次😂

真係好失望囉。今日原本朋友唸住叫我另外一間天丼，我仲叫佢不如一齊去試食下呢間新開嘅金子半之助啦😞😞點知俾我個frd喪鬧囉😭😭😭😭我哋7點半到，已經見到一大班人似蛇餅咁排，心唸pk啦，有排都未有得食啦。仲要條隊分2面，一邊係得少少冷氣，一邊先有商場冷氣。好灰啦。已經係俾個朋友喪話啦，又話點解唔試我想食果間，又話點啦。我即刻就話可能好好食，你聞下好大陣麻油味，一定好正啦。最終排咗個半鐘後終於有得食啦。點知原來係惡夢嘅開始😑點解話個薑救我一命，就係呢個位啦。個飯係痴到一個點。要食塊薑先解決到對唔住，我最後都係食唔落個飯最後係俾我個朋友鬧爆啦，我話下次同佢食反佢果間啦。希望唔好令我哋對天丼嘅產品失望啦😪😪

今日同個fd一齊行葵涌，行完係地面過去逛下新都會廣場，唔順便吃午飯，一入門口就見到這間店，金漆招牌好搶眼，朋友話不如就吃呢間，所以入咗去試試menu好簡單，主食只有三款，江戶前天丼、上天丼、天丼，另外唔夠可以額外加錢，選配其他天婦羅！只做天婦羅，專注專業坐低後店員幫我地倒茶，佢介紹返原來不是普通茶，這是黑豆茶，杯內有兩粒黑豆，再倒入的也是黑豆茶，茶味很濃，完全沒有苦澀味江戶前天丼-穴子、海老(鳳尾蝦)、帆立貝魷魚天婦羅餅(墨魚粒、干貝)、溫泉蛋、海苔、莢豌豆穴子睇落很大條，其實她就是星鰻，星鰻體型比一般鰻魚小，所以江戶前天丼已經用了一整條穴子，比碗更闊，而且口感比一般鰻魚更佳，因為數量少以價錢比較高，所以這丼可謂不惜工本上天丼-鱚魚、鳳尾蝦、帆立貝魷魚天婦羅餅 (墨魚粒、干貝)、溫泉蛋、海苔、莢豌豆，大致上同江戶前天丼一様，只係將子換成鱚魚鱚魚用來做天婦羅好受日本人歡迎，肉質雪白，脂肪少，結實又彈牙

昨午經過葵芳新都會，發現日本過江龍天丼店「金子半之助」剛好開張，見排隊情況還OK，便去嘗嘗。等了約二十多分鐘便入座，入面採開放式廚房設計，製作一目了然。其中看到店員拿飯後會磅重，由此感覺到日本料理店的認真。我一個人幫襯坐吧枱位，感到的油煙味會較其他位置重，但對經常入廚的我仍屬可接受範圍。 坐下後店員送上一杯有兩粒黑豆的空杯，自行從茶壺倒水便成了黑豆茶。味道淡淡的無甚特別。 Menu很簡單，只有三款天丼。因為我勁愛吃穴子（即是星鰻），所以便點了menu中最貴（$138未計加一）、唯一有穴子的江戶前天丼。再等了約十五分鐘，天丼來了。賣相都算大堆頭，除了一大件約有三十厘米長的穴子外，還有蝦、帆立貝魷魚天婦羅餅、炸溫泉蛋、海苔同筴豌豆。另外，個Set已包括泡菜同麵豉湯。其中泡菜不過不失，麵豉湯卻有點過鹹。回說那江戶前天丼，整體感覺唔錯，東西炸得不油膩，聞到濃濃麻油香。炸漿幾香脆，但我稍嫌穴子的炸漿厚了一點點，穴子肉倒是不錯，質感仍夠紮實。海老（蝦）不算大隻但頗彈牙。帆立貝魷魚切粒後化身天婦羅餅，味道頗有驚喜，質感亦夠爽彈。配角的海苔及筴豌豆OK但份量太少。另外，店內的建議是炸溫泉蛋是在飯吃到一