金子半之助 (奧海城二期)

Open Now

Now Closed

約咗朋友喺奧海城行街，揀咗一間天婦羅專門店食晚飯。環境坐得舒服，雖然店內以天婦羅為主，餐廳也不覺得有油煙味。因為準備食炸嘢，叫左清淡的前菜。仲有得黑豆茶都好有特色和清熱。海老豆腐煮豆腐香滑，有中size的蝦做點綴。浸漬茄子有驚喜！煮得好腍身，茄子完全吸收了漬醬的味道，少許酸，好開胃。半生熟烤牛肉沙律牛肉果然半生熟，呈粉紅色，口感嫩滑。配上沙律加咗日式醬汁，醒胃之選。海老天押壽司押壽司比較少食，海老天婦羅爽口，配上紫蘇葉，經炸過，口感獨特。迷你牡蠣天丼配稻庭烏冬對於女士們來說迷你版份量剛剛好，除了有牡蠣，還有野菜，大蝦。加上日本出產的珍珠米和特製醬汁，配搭得宜。稻庭烏冬也不容忽視，口感煙靭幼滑。

有一天，我和一位跟日本文化甚有研究的朋友談論到日本天婦羅做成天丼的由來，感受到這傳統食法得以完美的留存下來，不僅滿足味蕾，更是一次視覺和感官的享受。不其然便跑到在港開了分店的東京名店「金子半之助」來品嚐。我們兩人各自點了不同天丼套餐，內裡都有醒胃前菜和麵豉湯。還有不得不提十分好飲解膩的黑豆茶。 江戶前天丼這道天丼每一個細節都透露出匠心獨運。整件穴子天婦羅又長又大件，超厚的肉身口感紮實而肥美。小柱魷魚天婦羅，雪白鮮味又彈牙。半熟蛋用來炸後，蛋白炸至甘香，蛋黃仍是流心，可見火喉拿捏得恰到好處。香脆海苔和莢碗豆組成另一口感。我還加了$38由海老轉為車海老，體積明顯大了，蝦味更濃郁爽口。另外，每件新鮮炸起的天婦羅均勻地淋上古早秘傳醬汁，天婦羅都吸入甜香醇厚味道。這種獨特的食用體驗，讓人仿佛穿越回到江戶時代。迷你天丼配稻庭湯烏冬這套餐則是一個輕巧的選擇，它包括了彈牙海老、香甜南瓜、清爽菇菌、香脆海苔、流心半熟蛋和莢碗豆。這個小巧的天丼，每一口都充滿驚喜，是對於那些想要品嚐天丼，但又不想過度飽腹的食客的完美選擇。另外，稻庭烏冬以其幼扁彈牙，細膩的湯底和豐富的配料組成。食客可以根據自己的喜好選擇蔥花

今日和友人去了奧海城逛街，行到累了，就在這個商場找地方吃晚飯，看見言間店就好奇的行去看看，原來是食天婦羅的專門店，雖然我對天婦羅並不喜好，但見到餐牌介紹好像大大份的，看上去頗有睇頭似的，所以被他吸引入了去。這裡地方火算太大，但總算骨子，我們坐下後望望餐牌，十五十六都不知吃邊款好，有個侍應見我們那麼奧惱，就講解了他們的天婦羅，原來是用傳統做法將新鮮的天婦羅上飯面，然後淋上天丼醬汁，目的是每一件天婦羅都可沾上醬汁。就是因為這樣，所以這裡的天婦羅並不會像一般的脆口，反而係追求每件天婦羅都能沾有醬汁。而這裡是使用古早秘傳醬汁，這樣才可重現江戶時代風味。不單如此，這裡還用上日本特製的高級胡麻油，用胡麻油製成的天婦羅芳香撲鼻和色澤也會較深。我們聽了侍應的講解和介紹後，就叫了一個期間限定，和一個稻庭烏冬套餐。等待食物時，侍應給我們一杯茶，原來茶入面是用上黑豆製的茶，入口甘香可口。期間限定的車海老帆立貝天丼，上枱見到很大堆頭，裡面有車海老，帆立貝，小柱魷魚天婦羅餅莢豌豆，海苔和溫泉蛋，食丼要有程序，他們一炸起天婦羅就立即上枱給人客，然後淋上醬汁，令天婦羅和米飯都沾上醬汁，吃到一羊就將溫泉蛋液均勻的包住

老公成日問我點解甘鍾意食呢度既天婦羅丼飯，其實我好喜歡佢既胡麻油的香味，仲有特製，天婦羅係超香。牡蠣車海老天丼老公梗係要食蠔D啦，牡蠣係日本廣島直送， 上次都出過一次，但食唔到，今次食到勁開心。外衣脆卜卜，入面很creamy,肉質厚厚嘅牡蠣，海水味淡淡的。仲有兩隻肉質爽口既車海老，即係蝦呀。上天丼 稻庭烏冬我就食軟殼蟹上天丼配稻庭烏冬，軟殼蟹很肥美大隻，上枱見到佢甘霸氣鋪在飯上面都好震撼。外衣酥酥的，咬落去食到蟹膏，好鮮美。迷你丼天婦羅既醬汁都好香，每件都沾上醬汁，食落去微甜，很有古早風味。

今晚約咗朋友喺奧海城食飯佢介紹呢間金子半之助 話天婦羅好食  就去試下 我諗唔到食咩所以揀左貪心之選迷你天丼 同 稻庭烏冬（凍）既組合天丼既天婦羅有菇、海老、南瓜 、紫菜、豌豆 、溫泉蛋一黎到天婦羅勁香 原來係用日本特製高級胡麻油食得特別放心食落好脆口 粉槳薄 仲食到材料既鮮味 最鐘意天婦羅蝦 蝦肉嫩又彈牙 炸溫泉蛋最有驚喜 外面脆卜卜 裡面仲可以係流心 配飯食一流 仲有佢既古早秘傳醬汁淋落天婦羅一齊食 更好味另外仲有冷稻庭烏冬 烏冬好幼身 冷湯清清地 跟芥末一齊食 而家熱辣辣食就岩晒 朋友話佢食過招牌穴子天婦羅又長又厚肉  好好味 但佢今日揀左限定既牡蠣車海老天丼天婦羅 有牡蠣、車海老、小柱魷魚天婦羅餅、莢豌豆、海苔、温泉蛋蠔有三隻 但都好大隻 車海老有兩隻 蝦都幾嫩小柱魷魚天婦羅 個魷魚食落好軟熟最後想講佢地提供既黑豆茶好貼心幫助消脂解膩 所以食多幾次 熱氣野 都唔驚

依間想食好耐了😳今日係奧海城睇戲前見仲有時間即刻係到食個晏🥳店舖以木系為主軸，環境闊落座位夠多，加上採用開放式廚房，比人舒適既感覺同地方睇落更大❣️店員都好nice好有禮貌🥰，高質❤️-💕 松葉蟹天丼 $158松葉蟹|海老|小柱魷魚天婦羅餅|萊豌豆|海苔｜溫泉蛋👅好味指數：8/10「期間限定！」「連續7屆榮獲日本全國天丼金賞」，見到依兩項介紹冇理由唔簡佢掛😆❗️放到滿一滿，份量十足😚 即叫即炸既天婦羅炸得好酥脆😍，又不滲油不油膩👍🏻，炸漿厚薄適中，不易脫離🥹🙌🏻。當造既松葉蟹🦀肉質特別鮮嫩😍️原隻松葉蟹腳鮮甜多汁😚 小柱魷魚天婦羅餅🦑，魷魚味濃郁😍肉質爽彈❗️全部食材都好新鮮🥳，再加上餐廳採用左日本特製高級胡麻油同古早秘傳醬汁，天婦羅適量均勻沾有醬汁，色澤變得深色吸引啲之餘，聞落都好香😋味道更醇厚惹味🥰。-💕 迷你天丼&稻庭烏冬(冷) $118菇菌｜海老｜南瓜｜海苔｜莢碗豆｜溫泉蛋單品追加+$38海老2隻👅好味指數：8/10三心兩意之選🤪又食到天丼又食到稻庭烏冬，夠哂豐富🤭❗️迷你天丼都有六款配料，當中海老蝦味濃郁肉質鮮甜☺️忍唔住另叫多2隻😝，切開埋半熟既溫泉蛋，蛋液加埋香甜醇厚既秘傳醬汁，好滿足

金子半之助被譽為「日本第一天丼」，在日本連續7年榮獲全國天丼金賞，2019年起在香港開設分店，至少仍經常大排長龍。到底有甚麼特別呢？🍤🔺 「期間限定」松葉蟹天丼 ($158)天丼食材非常豐富，包括松葉蟹腳、海老、小柱魷魚天婦羅餅、莢豌豆、海苔和溫泉蛋，飽腹感滿滿。天婦羅炸得十分香脆，炸粉厚度適中，可嚐到食材的鮮味，且加入秘製醬汁後更加惹味。回頭率：🌕🌕🌕🌕🌕🔺 迷你天丼配稻庭烏冬 ($118)這不僅是味蕾的享受，更是儀式感滿滿的一個選擇，店員會端出一個大木盒，大家可以按個人喜好添加蔥花、鰹魚花、海藻等配料。迷你天丼同樣用料豐富，有海老、菌類、南瓜、海苔、莢豌豆和溫泉蛋，再加上口感彈牙的稻庭烏冬，份量十足。回頭率：🌕🌕🌕🌕🌕🔺 黑豆茶 (免費)除了主食，還有一樣必須推薦的，是免費的黑豆茶。除了茶味又濃又好喝，更有不同保健功效，如補益止汗、滋潤肌膚、抗衰老等。回頭率：🌕🌕🌕🌕🌕

今晚去咗奧運搵朋友食飯，佢帶咗我去金子半之助，話午餐時段成日好多人排隊，所以好奇想試下。佢叫咗迷你天丼&稻庭烏冬餐，雖然叫迷你天丼，但配菜都有菇菌、海老、南瓜、海苔、莢碗豆、溫泉蛋。我同朋友都好欣賞蔬菜嘅天婦羅，感覺冇咁邪惡又比較少食到。稻庭烏冬啱哂我朋友口味，味道清淡加埋啲配料，口感十分彈牙爽口。正準備品嚐之際，侍應突然放低一個木盒。原來餐廳仲提供加配料俾食客自由加入烏冬，分別有蔥花、海藻、鰹魚花、天婦羅碎同埋溫泉蛋。我就叫咗松葉蟹天丼，套餐有漬物前菜，蘿蔔帶有少少柚子味，加上生薑辣辣地，非常開胃。除咗松葉蟹肉之外，仲有海路、小柱魷魚天婦羅餅、莢豌豆、海苔同埋溫泉蛋。蟹肉好飽滿有蟹味，蝦肉質結實，口感極佳。丼加了柚子皮，味道更加獨特。溫泉蛋外面煎香，入面流心，食到咁上下嘅時候，可以篤爆佢撈飯食，令到白飯更加濕潤之餘帶有濃濃嘅蛋香。我哋追加咗穴子，味道同質感都同鰻魚好相似，用炸嘅食法更為新鮮，點埋餐廳嘅秘製醬汁一齊食味道出奇地匹配，令整道菜的味道昇華。餐廳仲提供黑豆茶，根據佢哋嘅描述，有補益止汗、滋補腎臟、保肝明目、滋潤肌膚、抗衰老嘅功效， 亦都非常好飲。

小妹好鍾意食煎炸嘢，所以上次喺大角咀上完堂之後，就同佢去咗奧海城新開嘅「金子半之助」食天婦羅丼飯～連平時唔鍾意食炸嘢嘅我，都覺得真係幾好食！😋不過原來烏冬都好食喎！😂「金子半之助」喺來自日本東京嘅過江龍～😳在日本連續7年榮獲日本天丼金獎～餐牌上只有3款天丼選擇，分別是江戶前天丼、上天丼、天丼，仲有期間限定嘅松葉蟹天丼。最基本嘅就係天丼，價錢$98亦都係最平，都有齊海老和小柱魷魚天婦羅！☺️而江戶前天丼和上天丼嘅分別就在於穴子或赤甘鯛，所以我就叫咗個江戶前天丼，再另外加左份赤甘鯛（$28/件），咁就可以一次過滿足晒所有願望～😎店內提供黑豆茶，有滋潤、除濕熱等功效，好貼心。☺️⭐️推薦❗江戶前天丼（$138）份量相當有誠意，天婦羅覆蓋了整個丼飯，而且款式多～有長長嘅炸穴子，即星鰻，肉質鮮嫩脂肪少，口感細密；有兩隻大大隻炸海老，口感爽彈；有一塊口感豐富嘅小柱魷魚天婦羅餅；天婦羅秘製醬汁可以分開上枱，咁就唔會保持天婦羅🍤嘅香脆可口，仲有一隻炸至半熟嘅流心蛋；店家建議丼飯食到一半嘅時候先戳破雞蛋，以蛋汁撈飯，超正！赤甘鯛，表面燒得乾身，吃下去魚肉保持肉汁鮮嫩，外脆內軟，值得一讚！⭐️推薦❗迷你天丼&稻庭

香港唔算多天婦羅專門店，今次專程嚟食呢間日本過江龍~雖然Menu款式唔算多，但嚟得就緊係要食天婦羅同烏冬啦🤩一坐低店員已經準備左有原粒黑豆嘅杯，俾客人倒茶落去，平時都知黑豆茶係幾有益，可以去濕解痰，估唔到餐廳都有得飲👍✨江戶前天丼 - 滿滿咁上枱好吸睛，穴子大大塊夠真材實料，外脆內鮮嫩😋海老我upgrade左做車海老，大條d, 肉質鮮d, 另外個小柱魷魚天婦羅餅幾驚豔，好滑好易入口😍佢仲有教食到一半就可以篤穿隻炸蛋，等蛋汁包住飯粒，增添口感😜✨迷你天丼&稻庭烏冬(冷) - 呢個丼有嘅材料大部分江戶前天丼都有，係多左個菇菌同南瓜天婦羅~烏冬舖得好靚，質地有咬口，係我鍾意嘅口感！✨檸檬味果凍 - 係夏天限定嘅甜品，酸酸甜甜，又真係幾啱夏天食，夠晒fresh!

近排好多日本品牌都來港開店，食店、藥妝、超市等。當中一間就是我喜愛食店之一「金子半之助」，憶起在東京旅行時往往都要在門前排隊才可品嚐得到，今日在港已開了幾間店，仍然都有一大堆捧場客在門前排隊，可想然之他們的出品有多好食。今次到奥海城分店，店內用上日式木材裝潢來佈置，長長的工作吧檯後，全部是廚子的工作空間，燈光打照下，顯得專業又高雅。另外，店內環境最好之處當然是沒半點油煙味，令人客可品嚐到美食之餘亦不會受到油煙的煎熬。食品方面全是天婦羅炸物，專業程度可見一斑。餐牌不用多看，就點了期間限定「車海老軟殼蟹天丼」和「迷你天丼和稻庭烏冬」。 車海老軟殼蟹天丼$168澎湃豐富的天婦羅堆滿在碗頂，款式仲多，車海老大大隻，口感紮實爽口，鲜蝦味濃郁。軟殼蟹整隻炸得香脆。小柱魷魚天婦羅餅用料十足，小柱和魷魚軟腍又鮮味。海苔香脆。加隻炸過的温泉蛋，蛋汁和特別調配的醬油，混入日本米飯中，真係停唔到口。迷你天丼和稻庭烏冬$118迷你天丼內有海老、菇菌、南瓜、海苔、豌豆和溫泉蛋。海老鮮甜多汁，款款蔬菜都新鮮美味。稻庭烏冬十分幼滑，店員還送上一盒配料給我灑在上湯烏冬一起食用，清爽可口。白身魚$28追加了一件白身魚，