名館 (黃埔天地) (Closed)

因為遲左出門，來到黃埔搵午餐食，都已經2點了，又未早餐，好鬼肚餓！來到名館面前，之前都食過午市及晚市，都覺得可以再試，忽然見到依家疫情期間做緊優惠---點心任食！$128起！我地二話不說就沖左入去食（其實都要等5-10分鐘，因為都坐滿左人，足見他有質素）因為太肚餓的關係，我地前前後後差不多點左十幾樣點心，我就不一一羅列了，有圖有真相！

抵食下午茶任點點心推介！$103/位 全包受疫情影響，不少餐廳也做推廣優惠。黃埔蔡瀾美食坊這間名館，疫情期間推出優惠，五月份期間惠顧，下午茶任點點心$100有找，連茶錢也只是$103，不設加一。食物選擇也算多元化，即蒸點心、煎炸小點、涼菜小食超過30款。食物精緻美味，必試推介有：#黑金流沙包，黑色鬆軟的外層夾着燙口香甜的流心奶黃。#薑汁千層糕，薑味濃郁，超煙韌，有口感。#香煎臘味蘿蔔糕，非常足料，很多蘿蔔，不會太粉。#鮮蝦春卷，即叫即炸，蝦肉大隻爽口，酸味濃郁。那天三時才到，店長說已沒有鮮肉一口小籠包、和蔴醬雞絲粉皮、手工黑毛豬糭， 聽聞是比較熱門的菜式，有機會再試！

之前其實經已同女朋友黎過呢到食一次，發現呢到好多中菜配搭都好新鮮，功夫好好，所以今次帶多左家人一齊黎呢到食晚餐！第一道係冷盤，係一個蓮藕中間釀左糯米等，對於平時唔食蓮藕既我黎講都容易接受，同時表面甜絲絲咁幾開胃。之後係厚切叉燒皇，望落好似好瘦，開頭都怕佢好乾，但原來食落好淋滑，表面既醬汁唔會太甜，重點係厚切到，口感十足，鍾意叉燒既朋友可以一試。秋葵好多時都唔係人人岩食，呢到用蒸既方式，每條出到黎都係好靚既翠綠色，欖角都好多，怕太咸可以夾走少少欖角，一樣好食。呢款係我最推薦既呢到招牌菜，蜂蜜柚子蝦球，蝦球好大隻，炸醬又唔會厚，仲有酸酸甜甜既醬汁，食完一舊好想再食第二舊。另一道都好推薦既菜式係呢個私房黃金球，整個飯團表面充滿飯焦，浸係上湯入面就算浸左好一段時間都依然好有口感，上湯飲落都好鮮味，唔會太咸！酸菜魚，雖然價錢上係今晚比較貴既一道菜，但同一時間份量都好多，每塊魚片都剛好熟透，好滑，加入左炸蒜去令成道菜更香口，酸菜清爽👍🏻黑金流沙包，上次食完今次都要再叫，比佢個麵包吸引左，唔會有平時茶樓食既咁乾同埋好煙煙靱靱，今次由於等女朋友到有啲耐，個包放耐左，但中間依然係流沙，一啲硬塊都冇，值得

今晚同屋企人黎到食這間名館，環境好好、舒服、光亮，而且比起一般酒樓清潔乾淨。等了15分鐘，好彩等到梳化位就座。鮮肉一口小籠包🥟整體不錯👍🏼小籠包的皮剛剛好，薄厚適中，餡料的豬肉碎幼滑而且多汁。識的時候，可以考慮配合餐館的黑醋汁。金銀蒜蒸勝瓜🥒勝瓜及金菇的味道濃郁。蒜蓉味道豐富，如果不喜歡蒜頭的朋友，未必接受。但是自己頗喜歡。黑金流沙包好醒目的黑色麵包，配上金色橫文，設計值得加分，麵包結實飽滿。奶黃好香、好滑，而且有好重蛋味，咬落去要小心熱辣辣的流沙流出來🔥好有水準金黃球泡飯🍲這個賣相非常可愛、特別！中間圓圓的是香脆飯焦，內面有軟軟白飯。湯汁中有唔同的材料可以混合飯焦一起吃，有豬肉，紅蘿蔔，粟米，香蔥粒。混合後成為，美味健康的湯飯🍲，而且入面的飯焦，令到湯飯口感多元化！水蜜桃黑豚肉餐廳選擇使用肉，肉質鬆軟好吃，去除腥味亦做得好好。水蜜桃配合醬汁，所以比較甜，咕嚕肉外表炸得香脆美味。

兩個人想食啲小菜就嚟咗呢度，貪佢多款式，叫咗5個餸樣樣有啲以為差唔多，點知飽到反艇依家啲天氣成日都想飲啖湯，私房金黃球泡飯（HKD68）就啱晒，有少少飯焦口感唔錯。最正係湯清甜又多蔬菜。小菜就揀咗蜂蜜柚子蝦球（HKD78），蝦肉爽口又唔會有肥膏。特別嘅係柚子醬有青檸味中和返，冇咁甜添。和麻醬雞絲粉皮（HKD58）個醬有啲辣都唔錯，最鍾意佢有大大把花生碎，好足料。粉皮有啲似薯粉，幾掛汁添。蔬菜係必需食嘅，金銀蒜蒸勝瓜金菇（HKD58）有蒸扇貝咁嘅大堆蒜蓉提味，重口味得嚟又清清哋。黑金流沙包（HKD48）作為甜品嚟講好飽肚，但佢嘅流沙真係好出色，就算擺耐咗都一樣流得到㗎！唔怪得呢個係招牌甜品呀！埋單覺得貴咗少少，因為叫多咗，呢度夠3個人食囉。

與朋友相約喺紅磡食晚飯， 要搵一間坐得舒服又可以傾得耐嘅餐廳， 黃埔入面的美食坊 都係一個唔錯嘅選擇， 名館價格唔算好貴,  晚餐小菜連飯都係七八十蚊就有交易， 裝修算舒服企理，不過有一點我唔太喜歡的係卡位的背靠太矮, 我好怕撞到後面的客人。今日叫左幾道菜: 私房黃金球泡飯黃金球泡飯原來係一個炸過嘅波波球飯, 白飯搓成一個波形輕輕地走過油, 外層飯焦非常香脆， 而湯底非常濃郁， 入面嘅材料亦都非常多， 有毛豆蕃茄肉碎冬菇 同埋粟米， 口感豐富。 唯一美中不足係如果飯嘅份量唔係好夠大伙兒食, 如果份量再多一點就會更好。蜂蜜柚子蝦球大蝦球肉質非常爽身彈牙， 蝦球輕輕裹上粉再用油去炸， 炸粉不算太厚， 配埋柚子果醬， 入口酸酸甜甜， 開胃又爽口。黑金流沙包黑金流沙包即叫即蒸 ， 話明黑金其實係指包身係黑色， 包身有少少煙韌， 而蛋黃夠曬流心夠曬滋味，味道鹹鹹香香， 食嗰陣真係要睇住個嘴仔，小心辣親。五仁口水雞口水雞雞肉嫩滑， 配埋獨有嘅紅油， 淨係睇賣相 ，口水就一直不停流流流。 最特別係餐廳加咗啲五仁落去， 有花生芝麻杏仁南瓜子等等， 口感豐富一流， 配埋雞肉嘅嫩，一軟一脆，口感非常獨特。

向來都幾喜歡食中菜的，特別係有特色既新派中菜餐廳！係 Facebook 冇意中見到名館既專訪，見到菜式都好特別，加上價錢又大眾化，就係甘即刻係group 吹雞黎試下！加上分店位置都好方便，一行四人就黎到黃埔啦...私房金黃球泡飯 HK$68原來所見的黃金球散開就是泡飯，外層係香脆飯焦，入面米飯不會太黏又有咬口！加上清甜雜菜湯底，我地連一滴汁也沒有放過...蜂蜜柚子蝦球 HK$78蝦球用上蜂蜜同柚子製作，入口酸酸甜甜，加上蝦球肉質鮮嫩，食落又開胃又爽口，不錯不錯！沸騰水煮滑魚片 HK$168估不到竟然有水煮魚食！魚片超滑又冇骨，辣度又啱啱好，值得推薦呀！銀湖天鵝酥 HK$58呢個天鵝酥賣相都幾吸晴，未食前先同佢影返張合照先！哈哈！原來入面係紫薯黎，食落甜甜地又不會太滯～ 黑金流沙包 HK$48呢個流沙包堅好食呀！包又夠軟身，蛋黃又夠滋味，好食到我想自己一個食晒成籠流沙包呀！鮮肉一口小籠包 HK$58小籠包皮夠薄，肉夠嫩，汁夠鮮，一口一個好正呀～紅燒嫩滑BB鴿 HK$58呢度d 乳鴿堅係採用BB鴿，因為肉質真的特別嫰，加

午餐食得太多西餐有啲厭，晚餐決定同朋友食中菜，平時既中菜份量兩個人好難就，但名館出奇地岩岩好，可能 target 左小型家庭既市場。一坐低就上左壺茶，食到最後都唔使 refill, 幾大壺，茶既味道好特別，似係有炒香過。晚市都可以揀點心好驚喜，而且呢個流沙包夠流沙之餘又唔太甜，包既口感鬆軟唔痴牙，係近期食過好正既流沙包。蜂蜜柚子蝦球，蝦球既粉槳唔厚，炸得香脆，柚子蜜加柑桔令整體少份油膩而多份清新。欖角肉鬆蒸秋葵，估唔到秋葵可以蒸黎食，同啲醬既夾，完全冇青味。五仁口水雞， 有花生同松子仁等， 連埋雞一齊食好香口， 底部墊有青瓜。 私房金黃球泡飯，飯煎香左，個湯有豬肉，粟米，蕃茄，都幾濃郁但咸淡適中。呢度晚市好特別，點心，粉麵，海鮮，蒸飯，小菜，燉湯等都有得食，岩晒唔同口味既人。而且發現晚市套餐好抵食，下次一定要試下。

黃埔呢個地方，最近都聲名大噪，大家都發現紅磡黃埔呢區都好多好野食，加上起埋港鐵站，大家都紛紛黎覓食。但其實係未有港鐵站前，黃埔就已經係一個成熟既小社區，除左可以滿足居民既日常生活外，仲有小型既黃埔商場，其中黃埔美食坊，就有好多中高級既美食選擇喇！ 今次我地好想食中菜，就黎左比較有信心保證（大集團比較多分店吧），名館Ming Bistro，試一試佢既質素！閒日等左幾張枱就可以入座了，客人都很多，我地被安排坐左張位於角落的四人枱，都算寬闊！入座後，店員主動為我地加茶，係麥茶，帶有陣陣濃郁既小麥味，聞落清香簡樸，飲完令人心曠神宜,感覺好舒服，打開胃口，準備食餐豐盛既晚餐！ 前菜方面，我地叫左「京川汁秋葵 $48」，京川汁，混合北京同四川既風味，酸酸的，又帶點辣味，加上外皮爽口、內裡黏稠既秋葵，確實係健康又適合夏天既小食！ 之後再叫了「五仁口水雞 $68」，個汁辣度適中，微辣已經好開胃，雞件好幼嫩，食落好滑，好快就比大家搶食一通了！ 「黑金流沙包 $48」賣相好吸引，有一種型格時髦既感覺。墨黑色既外皮，加上金光閃閃的點綴，彷似用畫筆在包上作畫。咬落去奶黃馬上傾出，造出流沙效果，香甜又綿密既流沙

今天和媽媽行黃埔 ，接近晚飯時間，去左黃埔美食坊揾食。很久沒有去美食坊，原來多咗好多新嘢。 我哋見到一間叫明館好似食上海菜。 小菜幾精緻， 几啱兩個人晚飯 ，決定一試。 紅燒嫩骨bb乳鴿 $58 上枱時熱辣辣香噴噴， bb鴿肉嫩多汁， 名不虛傳，難怪差不多枱枱都有叫。養肝人蔘燉鷓鴣燉湯 $58個湯好清澈， 充滿甘香的參味， 亦有瘦肉，雞肉和鷓鴣肉煲燉， 味濃而清甜。金銀蒜蒸勝瓜金菇 $58絲瓜切開一小段排得整整齊齊 ， 勝瓜同金菇蒜蓉同蒸， 勝瓜蒸得頗腍， 蒜香惹味。 砂鍋焗小黃花魚$68 用砂鍋焗熱小黃花魚， 黃花魚細細條相當多細骨， 表面鋪滿薑蓉， 肉香細滑， 如果太細條還是把它炸脆了連骨吃比較好。石鍋鮑魚雞粒炒飯$98 熱辣辣的鮑魚雞粒炒飯， 較熱的石和更能保持飯的 熱度， 鮑魚係冇花假但是鮑魚係超級迷你版， 為數不少，有鮑魚質感和味道，配合雞粒材料豐富。 個飯非常入味，粒粒軟熟分明， 還好飯焦不是烤得太乾硬， 帶點焦脆，口感一流!黑金流沙包 $48 外型很特別， 金色就有如金漆招牌 的 顏料， 好奇是什麼來的。 個飽表皮係黑色， 但又沒有芝麻味道， 流沙餡料是帶鹹蛋黃味的奶

地鐵開通黃埔站後，真的方便了很多，今日友人相約到黃埔食晚飯，地鐵站一岀就到了友人知我喜歡食流莎包，而她又喜愛吃小籠包，我們便到「名館」聚一聚「糖心黑蒜燉響螺 」$58 ，湯濃又足料「自製菌皇醬蒸鐵棍淮山」 ，淮山蒸得還有少少爽口，呢個小菜又幾健康「私房金黃球泡飯」上枱時還有個小火爐的，飯粒是藏在個黃金球內的，弄穿他便變成泡飯了「和味豬手」內有很多件，豬手十分惹味、骨膠原又豐滿「手工蔥油餅」外層鋪滿粒芝麻很香口「鮮肉一口小籠包」有啖湯汁掛在小籠包內很Juicy「黑金流沙包」內藏流沙的奶皇小菜質素高質，坐位又闊落，很有私人空間