Marco's Oyster Bar & Grill (Moved) New Location

話說某日和朋友行經此餐廳。被現場彈奏的吉他聲和歌聲吸引。演奏者自我投入非常賣力，不自覺地跟隨歌聲進入餐廳⋯別緻的餐廳正位於聖地牙哥酒店樓下。全落地玻璃。奶白色的皮梳化椅子。餐廳自稱是生蠔專賣店。主打即開生蠔。當然要試一試，推廣價加10元就可以吃到美國蠔，如果自選生蠔12只還送一支酒添，非常扺吃。該晚套餐是法國鵝肝牛柳餐，五款主題合乎一般西餐的要求，最啱對㫓西餐有要求的朋友，毫不費神就可安座等吃。煙三文魚獨有的香味，最重要是配上法包，完美的結合。沙律菜非常好吃，可惜份量太少，覺得有些不夠喉。龍蝦湯相比牛肝菌忌廉湯比較遜色，口味略謙清淡，可能因為我吃得比較濃味。所以如果喜歡清爽的感覺也會喜歡的。但想濃郁意的就可以試下牛肝菌忌廉湯。兩種不同風味。非常邪惡的鵝肝，煎至外脆內軟，人口即溶，濃香的鵝肝湛透出它獨有的香味，閉上雙眼慢慢咀嚼，非常消魂。喝口清水過濾一下口腔之後，開始進攻牛柳，看似還有點血紅，吃起來卻容易咀嚼而且不韌，這正正體驗出慢煮的功力。伴碟的意粉有令人驚喜的發現，彈牙又香口，與普通意粉很大不同，可惜有點偏咸了少少。期待的甜品是朱古力心太軟，朱古力流心隨著切開後慢慢流出，味道香濃又甜

芝士蒜蓉包好多芝士 脆之餘又唔會太乾龍蝦湯湯挺濃郁的 入面有少許蝦肉焗蠔好食！有海水味分芝士味同黑松露黑松露有芝士同菇個人認為芝士比較好食田螺蒜蓉味香 好惹味西班牙炒飯半隻龍蝦肉質彈牙 調味都唔錯 好食飯入面有蟹柳同蜆肉 同平時西班牙炒飯唔同 有咖哩味味道就麻麻 但勝在份量大 多料同龍蝦肉唔錯2個人大約食咗500蚊

我哋喺附近買完嘢，N年前嚟過，印象OK，所以就嚟呢度食。入到嚟又好似唔同咗，Anyway 都試吓喇。呢度環境OK，一坐低Waitress就放下一個南瓜和筆，佢叫仔仔喺南瓜上面畫畫，仔仔當然很開心啦。我哋 order 咗兩個鵝肝牛柳餐($168) + 焗田螺，首先嚟龍蝦湯，有少量龍蝦，味道OK，但唔夠 creamy，我問waiter有冇麵包，佢就立刻焗幾片蒜蓉包比我哋，蒜蓉包十分香脆，值得一贊。跟住到三文魚撻撻，三文魚生生哋，味道偏咸，塊多士又唔夠脆。焗田螺就更差，質感淋pat pat，味道又太咸。主菜喺鵝肝牛柳，鵝肝煎得唔夠脆，味道OK啦，我要牛柳五成熟，結果六成熟，都OK嘅，塊牛柳都幾厚喎，雖然唔夠牛肉味，但都幾淋，味道都幾好。最後係朱古力心太軟，這個不錯，一切落去個蛋糕上，D朱古力就流出嚟，朱古力味都幾濃，暖暖啲朱古力加上凍凍的雪糕，味道很好，如果隻碟雪凍咗效果會更佳，我未開始食，雪糕已經溶梗。Coffee 都喺麻麻哋。好彩碟主菜和甜品攞番D分，差D要比喊面tim。

今日同兩個朋友一齊去行街...見有d肚餓..回想起"Marco's" ge朱古力心太軟好想好想再去幫嚫...所以就專登...本人對食野要求係環境舒服...野食好味...同服務祗係叫左個龍蝦湯,日式雞扒出前一丁麵$18,一set high tea$38,心太軟$38因不想食太多野..所以叫左好少野畢竟祗係下午tea龍蝦湯好正~熱到啱啱好~仲食到好大舊龍蝦肉tim...正(我好仲意食海鮮ga..haha)個雞扒麵超抵食!18蚊喎!!!"心太軟"朋友們...下次再去時必選之一...哈哈!!好想學整"心太軟"唔知問果度個boss會否教我呢???hehehe

一早Book咗平安夜嚟呢度食飯，不過去到發現好多人圍住個門口，原來係客人Book咗檯，但係餐廳又比唔到檯人。我地Book七點，都擾攘到七點半先入到去。唔緊要啦，有得食就得喇。我地兩個人，叫咗兩個鵝肝牛柳餐，個餐有龍蝦湯、煙三文魚火雞凱撒沙律、鵝肝牛柳扁意粉同聖誕甜品。龍蝦湯：味道一般，有少少龍蝦肉，不過就有D未攪溶嘅粉漿。煙三文魚火雞凱撒沙律：煙三文魚不過不失，火雞極硬，男朋友形容為脫水食物。另外得好少沙律醬，要問佢攞多兜。鵝肝牛柳扁意粉：鵝肝(or鴨肝?)好香，配牛柳食好好味。男朋友個五成熟牛柳擺明係七成熟，好韌；我個七成熟就變咗八成熟，不過唔太韌，可接受。扁意粉冇味，我地兩個都食咗兩啖就冇食。聖誕甜品：全晚最差！甜品但係有咸嘅花生醬味，騎呢！可能因為平安夜，餐廳都幾嘈，而且侍應做嘢做到亂晒。我地個沙律未嚟就上Main Course，隔離檯個煙三文魚火雞凱撒沙律竟然冇煙三文魚。總括嚟講$228一個聖誕餐都唔算貴，不過我地就覺得食物同服務都可以再好D。

D人話佢唔好, 但我覺得$160-$170 真係抵到爛...我勸各位就住個價錢啦!我都係u magazine介紹marco's既鵝肝牛柳套餐$158service一流，manager好有耐性，其他staff都好好 (除了一個中年女人較鍾意搶牒)龍蝦湯幾好, 濃,有幾粒龍蝦肉，ok!三文魚他他好香脆,幾好!田螺 + $30, 但好正！好香garlic!鵝肝牛柳: 鵝肝好大塊，出面一定食唔到咁平! 牛柳幾軟熟!dessert 屈機好食, everyone 都話!