鳳城1954 (MegaBox)

Open Now

Now Closed

中國菜中，粵菜系有分廣州菜、潮州菜、客家菜及順德菜。當中順德菜，又名鳳城菜，是中菜的佼佼者。順德魚農產品富庶，再加上在中國歷史上自南宋時代經濟活動已經非常活躍，加上人文薈萃、文化發展迅速，順德菜亦因而盛名。鳳城酒家是香港享負盛名的順德菜館，已有數十年歷史，除了傳統的菜色外，還會推陳出新，不時推出時令菜譜，例如最近的大閘蟹、蛇羮等，不過筆者還是最愛傳統的菜色。今餐有點心，包括蟹粉豆苗餃及鳳城水餃，小菜有1954蝦多士、大良炸鮮奶及蜆芥鯪魚球，主食有牛仔骨陳村粉，而甜品是西米焗布甸。蟹粉豆苗餃絕不欺場，大大隻的餃子，用料十足，不過蟹粉不算太多。鳳城水餃也是大大隻的，不過由於水餃在市場上實在太多，未見有特別的驚喜。1954蝦多士是以每件計，麵包上的蝦是完隻蝦，十分新鮮彈牙。大良炸鮮奶是必食的，因為已經不是很多酒樓會提供，這裏的炸鮮奶是鹹食，鮮奶饀有些䓤，炸皮非常鬆化。蜆芥鯪魚球略嫌魚肉的彈牙力一般，但蜆芥汁不算太鹹，而且有成隻的蜆肉，十分滿足。牛仔骨陳村粉黑椒味濃，與陳村粉一起食洽到好處。西米焗布甸也是必食的，在市場上也不算多見，布甸內有蓮蓉，但甜度適中，就算已經吃得飽飽的，也不會覺得太膩。

鳳城1954(Megabox)之前已經來過幾次，覺得食物質素非常高，所以今日同屋企人再來光顧。環境不錯，枱同枱之間唔會太迫，四個人或以下坐窗邊卡位，望下風景更好。金皮炸子雞每次必食，十級推介，好味到震！雞皮炸得香脆，肉質鮮嫩，一d都唔乾，重食到雞油同肉汁，個個爭住食。1954蝦多士蝦膠彈牙，多士鬆脆，不過油多左少少。金磚豆腐真正做到外脆內軟，外皮香脆，豆腐滑，加埋調味粉，令人想一食再食。金光炸粉果原來配湯食，都幾特別，外皮脆，咬落去粉果煙韌，饀就略淡。福建炒飯蛋炒飯底香，d飯粒粒分明，用料豐富，汁多，味道一流。

香港順德菜唔算普遍係megabox搵到呢間幾有質素不得不推薦下環境裝修坐得幾好假日黎講,客人都算少一行2,3人都可以安排到坐大枱我見門口貼住話用餐係90分鐘,但侍應又話唔洗理,應該係因為少人冇人等位今次同屋企人黎搵食,由我決定點菜點知失左手,唔係野食唔好食係因為我點左大部分都係炸野,笑死因為我見好多signature 既順德菜都係炸野,點下點下就冇理到,哈哈總結黎講,食物係好食,而且外形上都好花心機present 出黎服務就普通正常吧價錢可以,會再回頭➽紫砂茶壺燉螺頭湯 $92 位侍應放低以為搞錯左,黎左壺茶原來係特色用一個紫砂茶壺裝住個燉湯然後倒少少湯出黎個茶杯度,細飲小飲特色創意分好高而且,用茶壺有好處,係可以存溫,飲到尾都仲係好熱,出晒煙咁正,最喜歡飲熱湯個湯好甜好濃郁,每壺都有少量湯渣有龍眼﹑杞子﹑螺頭﹑瘦肉略嫌螺頭唔多,我個壺得一細粒,可惜價錢有點少貴,但配合返味道同特色,而且湯量也不少,還是推薦➽龍袍四季豆(蛋黃醬) $72呢個正到不得了勁邪惡外層蛋黃醬好香郁,而且皮也不厚入口好粉脆,快溶正呀➽脆皮咕嚕肉 $148一黎就見到半隻菠蘿,又以為落錯野又係特色菜菠蘿裝住既係咕嚕汁

由於Megabox嘅位置問題，我都比較少去呢度飲茶，所以都有一段時間冇嚟鳳城，但呢度嘅點心的確唔錯。呢度嘅點心精緻，出面又真係唔多食到。見到有蝦多士，縱使唔係好想食熱氣嘢，都忍唔住叫嚟食，果然冇令人失望，炸得好香脆好好味。而紅寶石素餃嘅餡料雖然只係一般素餃，味道冇乜特別，但外型就做到好似番茄咁，好靚，即時增加咗食慾。至於鳳城水餃係能夠保持一貫水準，炒飯亦都炒得唔錯，夠乾身，除咗有叉燒粒同蝦仁，亦有番茄粒，減少咗炒飯本身嘅飽滯感。整體令人滿意嘅一餐。

「餓」了這麼久，當然趁有吃便吃了，這次的飯聚點就在九龍灣 Megabox的鳯城1954。這裡的炸子雞很不錯，四個大男人，半隻當然唔夠啦。有人提議叫燉湯，是晚的選擇有椰皇燉雞湯及燉螺頭湯，而我就選了後者，用紫砂壺盛載不但可保溫；更可持久保香，淺嘗一口；湯頭濃郁味甘，既滋陰又補腎。1954蝦多士～金黃四正，蝦肉爽彈，大人細路都鍾意的一味小吃。大良炸鮮奶～正宗版本要以水牛奶入饌，現實雖不可行，然這裏的出品倒也做得外脆內滑。一口野雞卷是以豬肥膘、瘦肉及火腿做成，口感酥脆帶煙韌；據說以前是不折不扣的雞卷，但後來改用豬肥膘代替，因完全沒有雞肉成份，就在前面加上「野」字，則代表為不正宗的意思。金皮炸子雞/一隻～新鮮雞;味道零舍鮮，金黃外皮香脆少肥膏，大家也吃得滿意。孔融釀蟹蓋～烤得金黃的釀蟹蓋熱辣香噴；一客兩件，無需讓嚟讓去啦。輕輕揭開面頭的芝士，便見餡料充塞其中，濃香的芝士和蟹粉原來可以咁夾。金叵蘿蟹鉗～兒時每次跟父母到飲宴場合，最喜歡同印象深的非「百花釀蟹鉗」莫屬，每每是又怕燙、又饞吃；吃著這個香脆彈牙的「金叵蘿」，童年回憶返晒嚟。蜆蚧鯪魚球～蜆蚧醬的味道未必人人接受，像本人便喜歡直接食用，其實

公公喜歡嘆一盅兩件, 今晚終於齊人陪佢老人家去酒樓嘆點心。九龍灣MegaBox鳳城1954, 就連夜晚都供應點心, 而且質素同味道都有唔錯嘅驚喜。【彩虹鮮蝦餃】HK$48與別不同嘅彩虹賣相令蝦餃更加吸引, 蝦餃脤卜卜, 皮薄餡靚, 蝦肉餡料鮮甜爽口。【鮑魚燒賣】HK$48燒賣大大粒, 混入蝦肉跟香菇餡料, 鮮味彈牙, 配上原汁原味嘅小鮑魚, 味道超正!【龍蝦湯鮮竹卷】HK$39鮮竹卷外皮索左鮮甜龍蝦湯, 卷中有蝦肉碎, 既有層次, 鮮甜更加突出。【金藏牛肉球】HK$39腐竹包住整個牛肉球, 牛肉球keep到豐富肉汁, 牛味濃郁。【1954蝦多士】HK$40多士香脆鬆化, 開邊蝦仲幾爽, 點少少沙律醬食, 味道更加提升【孔融釀蟹蓋】HK$58/個釀蟹蓋好足料, 表面焗至金黃, 有陣陣咖喱香, 仲食到一梳梳嘅鮮甜蟹肉同埋豐富層次嘅餡料, 正!【彩棉芒果布甸】HK$36/杯質地彈滑, 芒果味濃, 配上入口即溶嘅彩棉, 唔錯~

最近兩個月工作太忙碌，再加上沒有晚市堂食，晚飯都變成宵夜了。難得晚市堂食重開，忙裏偷閑去了九龍灣Megabox的鳳城1954大吃一餐。鳳城 1954 為鳳城酒家飲食集團旗下的新派順德菜品牌。品牌在保留傳統的同時設計、改良並推出新派食物，吸引年青消費客群。新派/改良版的美食真的很多。創作{包}點便是其中之一。三款賣相可愛的包包供食客選擇：豬嘜叉燒包、青趣奶皇子、溶岩流沙包。想每款都品嘗得到？包羅萬就可以滿足到你。叉燒夠水準、溶岩流沙鹹蛋黃味香甜、最特別莫過於流芯抹茶陷的青趣奶皇子，抹茶味香濃而不膩。燉湯以紫砂茶壺盛載，賣相精緻。紫砂茶壺吸收了油份之外，還為湯保持熱度。紫砂茶壺燉螺頭湯，材料豐富，螺頭、瘦肉、桂圓、杞子。湯品鮮味夠火候。原隻鮑魚煮得入味，鮑汁滲透下層的雞粒，撻底鬆脆，這個鮑魚雞粒酥相當精彩。黑松露野菌餃是近年新興港式的經典蒸點改良版。在上素野菌餃上再加上黑松露醬，提升食材味道，亦令野菌餃更高貴。金磚豆腐外層金黃酥脆，內裡柔軟滑嫩，是我喜歡的豆腐菜式。剛炸起的金磚豆腐表面雖涼、但內部仍然很熱，所以食的時候要小心燙口。1954蝦多士作為鳳城的經典菜式，當然是

平時唔鐘意食中菜但係就吓老人家父親節飲茶，覺得都呢間都唔錯，有傳統點心，亦都有啲fusion菜式，適合唔同口味嘅人。叫咗好多小菜同埋少少點心，全部味道都幾好，但某啲菜式嘅份量就比較少，例如麻醬手撕雞、黑醋木耳同1954蝦多士就得好少或者好細份，蝦多士直頭係一口咁滯😓。比較推薦嘅菜式有脆皮咕嚕肉、蠔仔炒蛋同貴妃bb鴿。👍🏻咕嚕肉嘅汁佢放咗喺個菠蘿入面，所以蘸幾多可以自己決定唔怕太酸或者太甜，而且可以保留個炸得好酥脆嘅皮。😍😋蠔仔蛋炒得好脆而且畀得幾多蠔仔，隻鴿就好滑同入味但真係得好細隻。特別啲嘅菜色就例如芝士三文魚撻同炒奶。個人都幾欣賞個三文魚撻，內裏有白汁好特別，不過都係得一口。個炒奶原來係醎嘅，但味道都幾好同埋幾滑。另外魚湯浸唐生菜個魚湯非常濃。蝦春卷、牛肉腸同粉菓就正常茶樓水準，不過擺盤靚啲咁解。個蝦膏海皇蛋白炒飯都幾大碟同足料。豬嘜叉燒包有豬仔造型，係幾可愛嘅。🐷service方面，唔知係咪特別節日所以好似唔夠人手咁，不停叫人都冇人，而且態度有啲唔helpful咁。🙄父親節飲茶有extra charges所以人均消費比較高，覺得有啲唔抵，但既然味道唔錯就算啦。

九龍灣Megabox 食肆選擇多多，而且平日一至五個場都比較靜，唔洗點排隊，今次就黎到鳳城1954食點心加小菜。估唔到裡面原來都幾大，裝修都幾雅緻。餐牌有齊小菜、點心，夜晚都可以飲茶歎下一盅兩件。全晚最得意既點心就係呢個鳥籠，原來係鳳梨酥黎架，最岩呃like 打卡。呢個欖角骨都係必點，外面炸得香脆，味道甜甜地，而且排骨黎講算都幾多肉，平時酒樓都好少見呢款，確實係幾好味。有齊三個味，一睇就知又可以用黎呃like喇，個包質地軟淋淋，試左綠茶餡都有回甘茶味。呢度牛肉球成個拳頭咁巨型，岩成枱人分黎食。似食緊炸蘿蔔糕，出面果層好脆。試左春卷果款，炸得脆卜卜，唔會太油。龍袍既意思原來係鹹蛋黃，入面包住四季豆，鹹香惹味，質地爽脆。黑松露味超濃郁，入面仲漲卜卜包滿菇菌餡料。糯米雞入面都算多餡，食得出飯有荷葉香。椰子燉雞湯味道都好清甜， 食完咁多野飯下呢個湯就無咁漏。鳳城最出名係炸子雞，今次人多叫左一隻，原來份量都幾多，雞肉夠滑，算厚肉地，皮亦都香脆，果然幾有水準。蝦多士都係鳳城鎮店之寶，脆得黎唔會吸得太油，上面隻蝦幾大隻，啖啖肉又彈牙，呢個都幾值得試。炸鮮奶鮮奶口感滑溜又夠熱，味道香甜。又係點心拼盤，

鳳城酒家自1954年開業，歷經幾十年風雨，至今仍屹立不倒， 可說是順德菜的老牌經典，不過位在MegaBox的鳳城1954卻另有一番新氣象，把傳統菜式注入創新元素，讓一盅兩件更趨年輕化。裝修一洗中菜館的俗套老氣，注入時尚氣息，散發摩登的東方韻味，予人耳目一新的感覺，而且面積寬敞，充滿空間感，坐得頗舒服。餐牌除了保留傳統的鳳城順德名菜，主打新派粵菜及精緻點心，選擇繁多。款式太多令人選擇困難症發作，結果傳統和新派菜式都點了一大堆，非常壯觀 XD1954蝦多士 $20/每件一直以來我都對蝦多士又愛又恨，雖然愛吃香口炸物，但平時坊間的蝦多士都會吃到滿口都是油，火力太猛，很易炸燶麵包，但火力太弱，則不夠脆口還會不斷吸油，所以要做到脆而不油，就要講究師傅的功力。作為鳳城出品的經典名菜，這裡的蝦多士果然名不虛傳，原隻大蝦俯伏在炸得金黃脆卜卜的多士上，酥脆爽彈的雙重口感帶出蝦肉的鮮甜。大良炸鮮奶 $68即點即炸熱騰騰上桌，黃金脆皮的工整形狀有如金磚，外脆內嫩的相互映襯。酥脆的外皮包裹著潔白軟嫩的鮮奶，咬一口，濃濃的奶香就在嘴裡化開。三式炸作 $36假如喜歡嚐新但肚皮位置又有限，選擇點心拼盤就是最好不過，

香港越來越少傳統酒樓，這家鳳城1954，既有時尚的環境，配上經典的傳統味道，同時也有新食材, 加入fusion菜式,令這次用餐體驗更上一層樓。 先來一客1954蝦多士, 蝦滑非常彈牙, 炸得脆脆卜卜, 十分開口, 令我很回味。 這個點心叫做包羅萬有， 有三款包括溶岩流沙包、青趣奶皇子及豬嘜叉燒包。 造型可愛非常，最喜歡流沙包， 做得相當出色。 紫球伴米糍 這個兩味包含有紫薯流奶球和榴槤糯米糍， 一個是熱盤一個是冷盤， 感覺很特別! 蛋白杏仁茶入口非常幼滑，做得十分好旁邊的杏仁餅亦都鬆脆可口 龍袍四季豆 最近十分流行黃金系列， 這味四季豆入口充滿蛋黃鹹香， 而且口感十足, 我個人相當喜歡。 總體來說，可以坐得舒舒服服享受傳統菜式真是人生一大樂事!

年廿九兼星期日，一家人中午去覓食，飲茶當然最適合，正中爸媽老一輩口味原本想去肇順名匯吃順德菜，原來已轉了手成為這間新派順德菜全家人都很肚餓，急不及待落單，期待美食先上的當然是涼菜：口水雞醬料香口，辣中帶甜，麻辣程度一般食客都可以承受，肉質算幼滑，可惜份量不多，底下尚有手拍青瓜墊底，這碟很快就被我們掃清了接續的是 豬嗲叉燒包 與 溶岩流沙包賣相非常可愛，立即截停準備起筷落手的爸媽，先來張寫真～說實話，叉燒包味道非常平凡，但將可愛豬仔骨碌吞落肚，算是賺回玩味至於流沙包，新鮮出爐流心效果反倒不錯，味道不會過甜，可以一試招牌鳳城炒飯口感不錯，飯粒炒得乾身香口，味道類似揚州炒飯加蕃茄粒版，的確有酒樓廚房水準，但亦是它最遺憾的地方：欠卻特色，稱之為「招牌」二字未免過譽1954蝦多士脆香、蝦肉彈滑，蝦與多士味道非常一致，如果可以控制好油量、稍減油膩會更切合時下飲食潮流紅油抄手醬料調配得很醒胃，加添甜香挺惹味，配合炒飯稍為彌補了炒飯味道特色不足問題整體來說，菜式走精緻路線，價錢平起同類中菜館更高，味道不錯、但份量不多，比起傳統點心，似乎小菜類更顯出色！配上商廈景色，挺適合小聚的～ 但如果像我們般高度肚