一品香南北美食

Open Now

Now Closed

係葵涌廣埸，一般都係上三樓掃街，昨晚係地下果層，比我地發覺一間食上海小食嘅小店，裝修不亮眼，但只見店内有很多食客，好奇心下我梗係要試下啦。小籠包不是平時食開皮簿果種，反而係十分巨型，面材料十足，夠熱，味道都唔錯！酸辣湯 有豬紅同埋好多冬菇絲，未算太濃味，都唔錯，勝在夠大碗同夠熱！炸豬排及雞翼都炸得十分脆口！

系葵芳廣場行完街想食啲野，唔想立食，所以就落咗最低個層搵嘢食～見到有間望落去平民化，裝潢唔係好靚企係有我好中意食既擔擔麵，價錢又相宜就入左去食了我叫左個豬扒擔擔麵，湯底好夠味！中意食擔擔麵既一定要來試下～麵條都煮得岩岩好，唔會太硬太淋👍有肉鬆做搭配，感謝好新鮮，我本身都好中意食肉鬆，所以好滿意：）

今天到葵涌廣場逛街，第一件事係醫肚，商場內有好多小店，最後我選擇咗這間上海食餃子店，因為見到佢現場搓皮及被包餡，所以相信一定新鮮。加上有下午茶餐，$32有一個麵，還有煎餃，加一杯冰凍嘅豆漿，可惜豆漿味道較淡。餃子味道可以。

今天中午的時候未肚餓，所以就等到兩點吃下午茶。返工在葵廣附近，當然是多嘢食。今日想吃酸辣湯麵，找到一間吃上海嘢，所以就買了一個酸辣湯麵配一杯凍豆漿回公司吃。回到公司，酸辣湯麵仍是非常熱。料都有很多，冬菇，豬紅，筍及木耳等等。味道偏酸，都頗辣，非常夠味，只是麵淋了一點點，始終是外賣，不是即時吃，差不多吧。豆漿算是中規中矩，個人認為比較甜了一點點，少少凍又不是太凍，還可以吧。價錢就真是抵食，29蚊，外賣加1蚊，真是超值。這裡還有其他選擇，如果想試其他還可以再去。

細心的你也許發現餓底有很多post都是  😂  的存在猶如拯救了餓底一族，這裡實在太太太多 🤤 由正餐到小食再到甜品、飲料，應有盡有！.眾多主食餐廳之一，餓底最喜歡的是 ，這個  更是每次必點之物！.其實我是那種一旦愛上就會屢次重點同一食物，直到生厭為止的人😂 目前最長情的是持續12年吃同一間店的 ，有機會再介紹。.所以開此美食ig除了紀錄吃過的食物，還想鼓勵自己踏出舒適圈，正所謂 ，由食物開始改變，多嘗試其他食物，再多嘗試其他事情，加油！...味道：8/10

葵涌廣場出名多嘢食，搵左間街坊上海菜，希望正啲，點知又中伏。叫左個餐，鍋貼加擔擔麵，另加一個小籠包，兩杯豆漿。先來鍋貼，唔使入口都見到個皮有幾厚，係平時食開嘅兩三倍厚，仲要係開口嘅，餡料係好多，但完全無汁，只可以算係飽肚之選。至於個擔擔麵，唔覺有花生醬，麵條沾唔上湯嘅，失望。小籠包，就更離譜，當然唔係即叫即蒸喇，發水包皮，無汁嘅餡，啲餡仲要迫爆個皮咁滯，仲以為佢係由個大籠夾去個細籠度，個餡料味道其實同鍋貼一樣，係就係好多，但非常唔好食。總結，難食。

呢間一品香真係由細食到大， 我都見證住佢嘅餐牌，由先前十幾蚊一碗到依家通脹到三十幾蚊一碗 人工又唔見加一倍講返正題先 ，呢度每次都叫擔擔麵，今次就叫咗個韭菜餃擔擔麵，不辣。細心在於店鋪可以選擇 辣同埋唔辣，啱曬我呢個唔食辣又想食擔擔麵嘅人韭菜餃係店舖自家製 ,店員每一日都很勤勞地包餃子 ,淨係呢點功夫都值得加分啦擔擔麵有很濃郁嘅花生醬味 同埋肉碎 冇諗過 上海麵同花生醬,肉鬆係如此地 絕配真係超級好食 啱曬 一個人呢呢餐 你呢圖想平平哋又好食 呢個係唔錯嘅選擇 希望下次嚟唔好再加價啦xdd

在物價高漲的2018年，能夠用三四十元醫飽肚子已是非常難得。葵涌廣場地下一角的「一品香南北美食」便是其中一間如此難得的餐廳。筆者是在午餐時段光顧。大部分麵食都是四十元之內，加配豆漿亦只需加多幾元。放低兩張廿元紙幣就能食飽飲醉，絕對是抵食之選。麵食上桌時傳來一大股麻油香，不禁令筆者想起了家中的出前一丁麵。上海雲吞有4隻，每隻份量十足，包得漲鼓鼓的。餡料偏為肉多菜少，咸度剛好。但雲吞皮則有一點過厚。麵用的是上海幼麵，入口帶點煙韌感覺。每一口幼白麵都配著湯底的麻油味，麻油香氣不期望令人胃氣大開。可能近年到葵涌廣場覓食的食客都是慕掃街之名而來吧，如果進食了這麼大碗的麵食就不能吃其他小食，所以即使到了午餐時段，店內座位還是有很多呢～

經過葵廣我都好意外自己竟然冇去掃街反而入左間普通小店坐低食野原因就係我好想餃子🤣呢間嘅煎鍋貼，好成功滿足左我對餃子嘅cravings！4粒煎鍋貼，埋單都係22蚊，好抵食！每一粒餃子都皮薄餡多，唔知係咪自家製自己包，不過都頗高質～ 性價比好高美中不足係鍋貼都煎得唔係咁脆，個感覺好似擺左係度好耐，已經num晒同埋每次食呢種包餃店其實都好留意d辣椒醬好唔好味，老實講呢間嘅辣椒醬係令我失望左因為太甜而又冇辣味☹️☹️不過總括黎講，lunchtime要飽肚，絕對係抵食之選

由我第一次食係$18碗四川擔擔麵，到而家係$25碗，真係唔可以有要求。 睇得出老闆好辛苦密密經營，又要切肉，收錢，落屙打，包窩貼...總之一腳踢，最慘係兩個樓面成日掛住傾計，老闆同佢哋講嘢都唔啋佢$49有擔擔麵，小籠包同豆漿，仲可以有咩要求？ 雖然環境係差d，但我一向都支持小店 今次食有點失準，麵太淋，花生醬汁太杰，小籠包入面啲肉出奇地大舊，食落d肉味有點怪怪同之前食差點距離但我不斷同自己講，$49套餐真係唔好有要求

讀書時代，要食上海小籠包，酸辣湯麵就一定去三六九。但而家三六九真係少之又少。一品香係而家少數嘅上海麵館。第一次幫襯正值係經濟低迷嘅時候，當時擔擔麵 $11，生煎包/餃子 $5/2個，豆漿 $5。食飽飽都係 $21。當然啦！十幾年後嘅今日百物騰貴，葵涌廣場亦唔再係只賣平價街頭小食嘅地方。雖然賣價貴咗一倍，但味道依舊……擔擔麵 $25 - 湯底非。常。濃。郁。仲可以揀辣同唔辣。店家用幼麵就可以吸盡湯底嘅花生香味，滑溜溜一吸而盡，非常過癮！店入面嘅生煎包，鍋貼，小籠包，都係自家店內製作，可以唔駛隔住玻璃近距離就見到。小籠包 $22 - 一籠四個小籠包，味道一般，但比一般嘅上海菜館真係平好多。鍋貼 $22/4件 - 鍋貼皮比坊間厚，但煎到脆卜卜就非常不得了，係店內最人氣嘅小食。生煎包 $22/4件 - 餡料同鍋貼一樣係菜肉餡，生煎包偏向飽點，皮厚鬆軟非常飽足。老闆事事親力親為，唔講得服務殷勤，但非常自在，見你食到出晒汗就靜靜咁幫你開風扇。雖然同商場入面啲上海菜館無得比，但試問吓一間唔駛加一、唔駛排隊、唔駛去老遠，而且價廉物美嘅上海麵店，點會唔支持吓呢？

下午五點，當日太忙中午飯都未食，即刻去咗附近葵涌廣場醫肚，行到地下見到有間食擔擔麵的舖頭，就入去試下，叫咗個推介套餐，四川擔擔麵加小籠包加杯豆漿，49蚊，因為呢個時間比較少人，所以坐得舒服同埋上菜速度好快，個麵叫咗小辣，麵嘅口感可以嘅，唔會煮得太軟身，但係湯嘅味道一般 唔夠花生醬味，小籠包喺店內親手包，雖然皮有啲厚，但係肉質夠滑夠大份， 杯豆漿就真係差啲，冇乜豆味，整體嚟講可以一試。

這是一家在我心中毫不顯眼又平凡的小店，有一天，因為好奇，我終於入內一試。小籠包、擔擔麵、煎鍋貼，還有各款餃子麵，例如菠菜餃、辣餃、素餃，各具特色。所以餃子都是店舖自家包製，食起來多了一份住家味道。我最喜歡辣餃麵，餃子餡料足、夠香辣、麵條更有陣陣麻香味，食起來份外可口。大家一定要試試！

琴日放工想自己行下 順便去買下衫為左星期六去飲做準備 所以就去左葵芳廣場 大家都知道葵芳廣場有好多野食 但我今日要同大家share 嘅係位於地下嘅街房小鋪 -一品香個到雖然地方淺窄 但係平時食開一啲大型連鎖餐廳或者高級餐廳 有時食下依啲民間餐廳都別有一番滋味 依一間餐廳出名係食擔擔麵 所以我今日就叫左套餐二 擔擔什餃麵加4隻鍋貼 有杯凍豆漿 $59 食夜晚依個價錢都幾扺！個擔擔麵幾特別 佢除左有花生醬同辣油之外 仲加左肉鬆同炸菜 成個麵撈埋一齊個味道都幾好味 有啲咬口 佢裏面有4隻餃 包括韭菜水餃 辣肉餃 雖然賣相唔太好 但好足料 佢啲水餃都好大隻 而鍋貼都好熱辣辣 同埋都真係大隻 食完四隻鍋貼已經飽飽地 佢個皮煎得幾脆 不過塊皮薄啲就更加好 不過勝在每隻都好多肉食 點埋個醋就好滿足😋 杯豆漿清甜可口 整體黎講真係唔錯

下午1點3，見工前很肚餓，所以來這裡食午飯，原本是食隔離那間車仔麵的，因為我趕時間，又要我等，等咗好耐，最後咪唔等，就來這間鋪頭食，以前常來食， 因為隔離要等太耐，所以我唔等，我就叫咗個排骨擔擔麵。個排骨好脆，但有些乾，個擔擔麵太耐冇食覺得好好食，啲湯我全部飲曬，啲肉鬆食落去嘅時候會一舊舊， 個湯好飲，好重花生味，好多炸菜，個麵都幾好食 。因為太耐冇食，現在食番都覺得仍然有個水準，我覺得係個湯油咗少少，好肥 。就咁食擔擔麵就24蚊，要埋個排骨就變咗做39元， 貴咗15完，塊豬扒都細塊，加咗杯豆漿，加埋42元。 其實個豬扒我覺得有啲貴， 整體我都覺得幾好食