一品香南北美食

Open Now

Now Closed

女朋友要黎葵涌廣場行街，行到肚仔餓就響呢度搵下好野食。過左繁忙時間都仲見到呢間野好多人，咁即係應該唔錯啦！我地有老細既幫忙下得到兩個位，一坐低就叫左鍋貼同雜餃麵。鍋貼賣相吸引，粒粒漲卜卜，但因為佢係一次整左好多既關係，我呢幾隻已經放到唔熱，不過暖暖地都仲幾好食。入面既豬肉份量好多，咬落啖啖肉，而外層雖然唔夠脆，不過厚厚地皮又幾好咬口。 我地仲食左雜餃麵，麵身煙軔有口感，而上面仲加左肉鬆，咸咸地好開胃，咁創新既配搭抵我比個讚佢！

都算係區內比較平叫左碗擔擔牛肉雲吞麵，同埋上海生煎包個包，啲料幾多，包皮都幾薄，不太咸，味精感吾強，幾好食。至於個擔擔麵，啲湯比較杰，雲吞咬落口比較咸，味道麻麻，至於個牛肉加埋個湯底，味道都ok。整個體來講，可以一試

葵涌廣場內全都是家庭式小店，每間店鋪地方小小座位不多，最後選擇了這間地下近電梯位置的上海小店。 餐牌上的食物都價錢合理 生煎包與鍋貼同是18蚊4件，可任意搭配，適合一個人又想吃兩味的朋友！生煎包包底煎得香脆，肉餡多汁，但略嫌包面太油。餃子餡料好像與生煎包餡料一樣，豬肉餡充滿肉汁，可惜皮太厚，但以這個價錢來說就不要要求太多。 擔擔麵有分大、中、小辣，面頭鋪滿香脆肉鬆代替平時吃的肉碎，吃落更香更特別。麵條不會過糊或過硬，亦不會有油淋淋的感覺，配搭濃郁湯底的確值得一試！酸辣湯麵酸味較出，略嫌辣味不足，但湯不會過稠，最怕吃到那些糊仔狀的酸辣湯。麵都是用了幼身上海麵，其餘材料十分充足，豆腐、木耳、竹筍、冬菇⋯⋯絕不是只有湯和麵。

訓醒見餓餓到~落街食晏啦!!平時都有食開e間野!點知今次中伏!! 下午荼又平又好食~~不過今次早左去冇下午荼!!!最好食又有汁又脆低!!!鍋貼18蚊4隻!!!叫面食加3蚊有豆漿(散叫6蚊唔抵)!正常野!排骨粗炒47蚊!!伏到爆!平時都唔食見咁人叫你!  就叫黎試下!點知 黎到個下真係好似中華一番咁見到碟野反光~多到油到唔知講咩~~唔夠味!唔香!得個排骨食得下!!伏伏伏伏多油到~最後食唔晒~~~下次都係食反下午荼算~~下次再食再寫~希望搵食得反平時慨質數

去葵芳之前SEARCH過個度有咩美食~見到呢間小店口碑唔錯，專程去試，但食物令人大失所望。價錢方面，下午茶可以話幾優惠，$30有米線+鍋貼+豆槳，可以飽肚既。但食物質素實在不太能接受，酸辣湯米線是不酸又不辣，我個人對酸辣都不太食得，但都唔係好覺得有味，喜愛酸辣既人更加要失望了。鍋貼入面既肉冇乜肉汁，皮就有點過硬同太厚，個底就脆脆地還可以既。小籠包同樣問題係皮太厚太硬，又係冇乜肉汁。呢三樣應該算係推介既美食? 但感覺唔係真係太好食，唔會再番轉頭

工作的關係來到葵芳，葵涌最多平民的麵食。見到此店勁多人食就試一下。點了一份鍋貼$9，一碗水餃擔擔麵。 鍋貼皮比較硬身，可能凍左D有少少失望。但肉汁超多，還算可以。水餃擔擔麵，水餃有五粒自家製足料超多韮菜。麵質軟身及擔擔汁十分濃味。加上肉鬆.蔥花等配料一絕。

葵涌廣場，我在這裡留過的腳毛數不清，事關學生時代每星期最少潮聖一次 全因這裡什麼都平，吃的平，買的平，很好逛！回想當年，在新都會看完個$25早場，就走天橋到neway唱個40蚊lunch k，然後又穿天橋回葵廣亂逛買衣服，逛到累就掃小食，最後還要買外帶壽司和夾一大包糖才捨得回家 對於學生來說這裡簡直是天堂 離開校園後，偶而也會去走走逛，然後有天才發現，原來G樓有一間吃擔擔麵的，記得那時候只是十多元一碗啊，第一次吃很難忘，覺得很好吃！湯底本身就很濃郁，而且加了很多麻醬令湯底濃稠也十分香口，麵面的肉鬆和榨菜也是豪不吝嗇給很多！因為麻醬擔擔湯底夠濃厚，令每夾一撮麵都能掛上肉鬆和榨菜，擔擔麵就是要這樣呢！每吃一口都感到幸福 現在雖然漲價了，感覺也沒從前好吃，但仍比很多大餐廳好吃啊~~~而且依然是很抵食的~支持這些有實力的小店

一來到葵芳，諗都唔諗就去左葵涌廣場搵好野食，因為出哂名又平又多好野食。朋友住開呢頭，佢介紹左食呢間店，可以食擔擔麵，又平又好食。來到店前，沒太特別的莊修，但勝在有街坊既風味，一定唔會係大財團連鎖店個種舖頭。叫左個擔擔雲吞麵，加左杯豆漿。＄30 有得交易，係呢個年頭仲有幾多間食肆可以做到？碗擔擔麵d 料落得好足，擔擔湯底﹑肉碎，每樣野都落到足，唔會偷工減料。豆漿唔會太甜，唔會太淡，味道啱啱好。同朋友有講有笑，一路食一路傾，唔會趕人，想坐幾耐都得，又唔駛等位。實為之選。如果唔介意食街坊野既話，絕對可以一試。

行經葵涌廣場，見到阿姐包緊鍋貼。鍋貼，四隻，$17, 剛煎？？ 熱辣辣？？ 我無咁大想頭.... 哈哈 .... 唔係凍 ... 就心滿意足了。一口咬開，皮硬，但也帶些少煙韌，底部煎得也算微燶，但餃子皮做得太厚，咬落，脆...而…硬，似pizza 底餅。 餡料….，肉汁??? 我知道依家唔係幫襯北京樓 .... 但都好彩…., 肉質唔算乾。餡看到有韭菜，但食唔出韭菜味 ....好奇異。豆漿，比想像中好，有豆味，又夠凍。午飯時段，人流開始多、是老闆做”大生意”的時候，水準唔好，是常識，我理解。平價小餐店，算ok啦...

令人回味既平價担担麵店🍜!!雜餃四川担担麵 HKD $30三四年前食過第一次之後就好中意間中都要黎食下☺️雖然淨担担麵一碗由$15 -> $20 不過現今物價黎講都仲係好抵食！而且花生醬加肉鬆既湯底質感味道都好濃郁，配埋上海麵林林柔un既麵質但又唔知點解唔會發漲同變爛😆👍份量適中我勉強食得晒！雜餃可以試齊四個口味: 辣，韮菜，芹菜，菠菜，都係加十蚊就有四大粒👍而且廚房門口有張師傅枱👨睇住佢鮮包鮮製啲水餃鍋貼雲呑同麵餅🍼加幾蚊有埋杯豆味都幾濃(雖然我中意無糖但呢間幾甜)既豆漿，兩個人加埋小食都係一百有找，仲有咩要求🙈um...唔好咁快執。#cc為食推介

介紹葵涌廣場嘅野餐廳好似都介紹得七七八八，今次又搵一間已經比較少食嘅小店《一品香南北美食》講下。點解會少食咗？係因為一開始一碗擔擔麵只是賣$10至$12蚊，非常抵食，所以經常會買一碗做晚餐，而現在已經加價加到＄20蚊。但質素一樣，所以就冇再食。舖內環境比較簡陋，所以就決定買返屋企食，原本打算買下午茶餐，＄26有一個麵加一個小食，仲送豆漿，但剛剛過了六點，唯有散叫，叫咗碗招牌擔擔麵、生煎包同鍋貼招牌擔擔麵＄20可能每個人口味不同，其實幾喜歡這裡的擔擔麵，因為它的麵身較幼，沒有彈性，浸耐了會變得更淋，但由於其湯底花生醬較多而且混入了肉鬆，變得較為糊狀，淋麵條搵混合糊狀的湯底後，變得十分濃味，麵條能盡吸花生醬的香味，但以$20的價錢來說確實不太值得生煎包$16/4個由於生煎包已預先煎好，然後放在保溫櫃內，所以已經不算太熱，而且底部亦已經不脆，而且油份集中在底部，十分油膩。小小的生煎包外皮較厚，豬肉餡已沒有肉汁，然而豬肉餡的味道尚算不錯鍋貼$16/4個同樣是$16蚊4個，可以每款各2個，由於同樣是預先煎好，然後放在保溫櫃內，所以亦沒有熱辣辣的感覺，而且比外皮較厚，比較結實，油份同樣甚高，雖然飽

葵芳「一品香」！間中會和同事過來食。這上海小店己經營好多年了！ 這間店以前係幾好食！但近2次食，質素明顯差咗！見店員也是生面孔，可能換咗廚房吧！可惜！ 「雞翼擔擔麵（辣）+豆漿$36」其實一D都唔辣！對我來講）。上面依舊有肉鬆、炸菜、蒽..等，但湯底淡咗些少！幼麵夠多，但好淋！！ 「雞翼」好夠脆！表面好味！但裡面雞肉係無乜味，明顯硽得不夠入味。 「豆漿」較淡！味道都可以！ 「生煎包」以前食過係不錯的！細細個，今次再食，麻麻地！不脆！包的用料差咗. 質地粉咗好多！豬肉餡可以，但沒有肉汁。整體一般！總結：還望能改善品質，因隔離已開咗唯一麵家，已搶去不少客！

係瑪嘉烈睇完醫生，就落黎葵芳揾食。聽聞呢到出名擔擔麵，就叫左個雲吞擔擔麵少辣$26加豆漿$3。等左幾分鐘主角上場！！睇落唔錯，但一食就唔掂啲麵好淋，好似煮左好耐咁，一啲都唔彈牙，加埋肉鬆仲衰，令到成個湯好濁，好似食緊'糊仔'咁，一啲擔擔麵既精髓都冇，都係留上鄧XX的好味多了。至於雲吞冇乜特別，有3大隻，但唔好食，冇鮮味，唯一比較好既係個豆漿，但都偏甜，總括而言，唔會有下次！

來到葵芳逛逛街，看看手機平板電腦，本想去甜一下胃納，但又不想老遠走到其他區，葵芳只有甜牙牙，又不想去，只好求其找一間食店。一品香南北美食早前吃過點心，在無心插柳下，再試一下點心和喝一杯飲品。坐下來的時時候，枱上還有點污漬，店員看見在下坐下來，便立即抺枱。點了一客四隻生煎包。生煎包底部煎得夠燶，但是不脆的，咬一口皮確實是厚了，而且沒有湯汁在內，鮮肉不算是太鮮，但保留了些微肉汁在內。又點來一杯豆漿，不過不失吧。今次造訪，衛生程度大減，而且與上次吃的差不多，沒有太大的進步，

今晚又去了葵芳吃擔擔麵，這間店子我也不知道已光顧過多少遍了，我想大概在這過去的6-7年內我也頗常去吧~ 還記得初嚐那裏的擔擔麵時，一碗只售約$12，但現在已加到$20，而我常吃的鍋貼也由$10四隻加至$8兩隻。說實在，$20一碗擔擔麵也不過份，畢竟物價高漲，而且這碗麵也是頗"足料"的。這個擔擔麵的湯底有濃濃的麻醬味，而且加了肉鬆、酸菜和蔥，拌勻後湯底更"杰"。最好的是我還可以選擇吃大辣、少辣或唔辣，顧及到我這些只能吃少辣的人，真好~另外，也推介這裏的鍋貼，鍋貼的底部煎得有點香脆 (雖然偶然鍋貼也會因為煎好後放涼了而影響了口感)，內裏的豬肉味道也調較得不錯，不會過鹹或過淡，吃的時候配合店內的豆板醬更好，因豆板醬能帶起鍋貼的香味，吃起來更可口~除了擔擔麵和鍋貼，個人也喜歡這裏的雲吞和炸春卷，雖然menu上是只在下午茶時段有春卷供應，但在其他時段，如晚市，有興趣的話，也可問問店員是否有春卷，他們也可能會炸給你吃的~在這小店，沒有華麗的裝修，但感覺大眾化，價錢合理，而且有美味的擔擔麵"坐陣"，還有不錯的小食如鍋貼、春卷，這就是我一去再去的原因。其實，美食不取決於收費，昂貴或廉價的食品也可以是美