一品香南北美食

Open Now

Now Closed

我同朋友不嬲都鍾意食小籠包，因為朋友收工時間太夜，成日都會搵唔到上海鋪， 佢就話喺葵涌廣場有家小籠包會係夜啲。我哋就過咗去，去都仲未收工我哋當然就嗌小籠包啦，大約一陣小籠包到咗，皮比較後厚，但好彩入面仲有少少肉汁味道都ok。而我最愛當然就會係食煎餃啦，又驚喜……個皮底係有啲脆，但係就比較凍。之後我哋都係個個都話好好食嘅擔擔麵，其實佢味道辣同唔辣唔都差不多，醬汁係真係幾香口同埋好足料， 反而我就覺得面淋身咗啲 ，豬扒係凍嘅，我就覺得唔好食。但係價錢就唔貴，所以其實如果想平平哋食，呢間的確係一個唔錯嘅選擇。

放咗工之後肚仔餓，最啱就嚟到屬於香港人嘅商場葵涌廣場。但係又黎到糧尾啦，點樣用＄100就可以解決到兩個人嘅晚餐呢！？商場入面有嘅間食面嘅鋪頭，但最後我哋都揀咗呢一間上海鋪頭！因為見到佢招牌上面，寫住「＄24擔擔麵」，呢個就吸引左我地入去啦！一嚟到當年將佢嘅招牌擔擔麵食啦，個擔擔面有肉鬆喺上邊，聞落就已經有大量嘅花生醬麻醬味。放入口後仲有濃濃嘅醬汁味。仲有呢一個豆沙鍋餅，真正既外脆內軟，個豆沙餡仲要沙出黎既，必點！

葵芳廣場出名多野食，淨係面都有十間八間，但擔擔面一定要食呢間！$24一碗面，配餐有埋小籠包同豆漿都係$45同男友每人叫左一個餐,佢叫左少辣嘅擔擔面，好香口，譚仔食開3小辣嘅我覺得辣度ok,跟餐嘅小籠包有4粒，肉質好juicy,好味而我就叫左唔辣擔擔面，將面上面嘅肉鬆同湯撈勻左，好好味，每啖湯同面都連住肉鬆碎，最後連湯都飲埋正啊！跟餐叫嘅鍋貼就麻麻地，塊皮嫌厚，亦煎得唔夠香，好濟...都係小籠包好味豆漿就不過不失，一人飲一杯成餐就滿足～星期日晚唔洗排隊，職員態度亦唔錯

放工太肚餓已經趕唔切返屋企，要搵野墊下肚祭下五臟廟先!葵涌廣場地下有間擔擔麵，聞到味道幾香又多人食緊，一於黎試下!食物種類幾多選擇，都係北方食物同上海食物為主，見到24蚊一碗擔擔麵，一於試試!十分鐘唔洗已經有麵食睇落色水唔錯，但聞落花生醬味唔係好夠。當我撈起既時候已經有點失望。。。。湯太稀，可能花生醬放得太少，所以味道上同香味上都有所不足。麵質係幾好既，入口夠滑，但擔擔麵我覺得湯底十分重要，味道唔夠濃真係好大影響24蚊黎講算不過不失吧

位於地下嘅一品香係扶手電梯旁，而價值24蚊嘅四川担担面最為搶眼，有蔥，肉鬆，酸菜同花生醬，有肉鬆令我覺得比較特別，因為之前食嘅都唔多見有肉鬆，但係依間加嘅肉鬆打破左担担面嘅格局，比較好奇嘅係佢地個湯除左用花生醬之外仲用左啲咩呢，我見到嘅係啲好稀嘅花生醬浮左上面，其中一樣令我覺得可惜嘅係不過我覺得個面冇冷河，搞到食嘅時候口感變得好漿咁，其中一樣值得推嘅係加3蚊有會有凍豆漿，整體黎講，上菜速度幾快，用左3分鐘左右，相當唔錯啦

店舖環境唔差，都夠位坐，而紅油抄手，依種係近乎失傳嘅美食，而各間店舖既味道亦都各有千秋，而今次食既系25蚊有8隻，唔算平價，而我覺得上菜時間約5分鐘都算不過不失，味道上由於我今次叫左小辣，所以味道上傾向較麻較濃郁，都好重味，雖然同期待既抄手有所出入，但都可以接受，算係好味既，而且啲油令到啲抄手嘅感覺更好，更容易入口，加上可以加3蚊有杯豆漿，豆漿方面就都算係順滑既，甜度適中，整體上都算係好味既，抵唔抵食就見人見奇，而我覺得還可以。

今晚到葵涌廣場行街，果個場3樓特別多嘢食，但要企起到食。我地就去左地下果層，食擔擔麵，果度煎餃子最出名，我就試左個擔擔麵加煎餃子，生煎包和豆漿。個麵叫左小小辣，湯低都好濃，餃子就特別好食，低煎到脆卜卜，上面就軟身，餡料十足。夠大隻。

呢間麵檔已經食左15年以上。係在葵涌廣場入面地下果層，我每次都食佢嘅擔擔麵，餃子，煎生包呢三款係我必食。先講擔擔麵，麵質煙靭，配料足夠。餃子，外皮低脆上軟，內裏多肉，有口感，夠大隻。生煎包，都好好味。

又係麗都灣游完水過黎呢邊醫肚。口淡淡見佢呢度又有得食擔擔麵就坐底左試下佢，見佢個餐係一個麵跟個小食所以就叫左最平嘅擔擔麵+生煎包。個生煎包係接近熱嘅料算足，但偏油左啲跟住係個麵，算大碗嘅雖然見佢面上浮左一層油，但食落唔太覺重口味。個肉碎醬幾入味，唔錯。呢個係豆沙煎餅，豆沙餡唔太平均，右上同左下嗰兩塊只沾到少少-朋友偏偏夾中呢兩塊😂整體黎講三十零蚊食嘅野差唔多係咁，不過不失。反而下面呢個係朋友嘅煎豆腐，咁多樣入面最好食-推薦

今日逛葵涌廣場，發現最近新式吸引年輕人的食店由四樓攻到三樓，再進駐二樓，食客已攻佔了上層，我和媽媽唯有退守人比較少的一樓搵食。來到店前，不用排滿隊便可入座，我點了擔擔麵，麵條口感煙韌，湯底微甜微鹹微辣，配上豬肉碎和蔥花，味道富層次。另點了煎鍋貼，皮脆豬肉多汁而香口，配上香濃的豆瓣醬更惹味，而媽媽則讚不沾豆瓣醬也覺香口。總結，雖不是非吃不可的佳餚，但難得可以坐下，又不用等位的食店在葵涌廣場不多，加上價廉物質美，希望這台不要被新式食店淘汰吞併便好！

上次食已经有4年前！哪次還是跟舊歡一起來，4年後再來已是。。。講返D嘢食！始終如一！情人會變心，但呢度D嘢冇變！一樣咁好食！小籠包係親手包，由於唔係湯包，始終冇乜肉汁，但係包入面D肉一樣咁滑！擔擔麵 麵底煮得剛剛好有咬口！湯底花生醬加小小辣，就係冇多冇少好平均！煱貼雖然不是即煎即食，但仲有餘溫價錢唔記得，不過真係真係唔貴！放心試試！

行開葵芳，行完街有啲餓，就打算搵食。。行去最低層，軟糖附近，見到有間舖仔，就入嚟一試。。。見到有姨姨親手整生煎包，睇到就已經好開心，因為好少睇到無阻隔的現場示範。剛好係下午茶時間，星期日呢度都有下午茶餐，叫了雞翼麵和上海雲吞，仲有鍋貼和生煎飽及豆漿跟餐，真係算平啦。。。鍋貼和生煎包味道不錯，雖然無爆汁同埋生煎包個包厚咗少少之外。上海雲吞，一碗有4大粒，下午餐就真係夠份量。雞翼麵以為係鹵水的，點知原來係炸翼都唔錯。攪攪機豆漿甜度剛好，正。。

今日下午出席完品牌活動，我一個人衝入了間麵店品嚐上海風味的酸辣湯麵。3點，幸好食到特惠下午茶餐。不用三十元就可以食到一個酸辣麵、一杯凍豆漿、和兩隻餃子，價錢實惠。上海酸辣麵酸辣麵偏酸和咸味較重。太酸的酸辣麵令我有點兒失望。如果減酸和減咸，味道應該更容易入口。幸好，它的木耳絲、菇類算多，只是味道重了些。今次的麵條都算少，目測只有少過半個米線的份量。下次再光顧會轉食其他雪菜肉絲上海麵類的。 餃子頗脆頗香口。下次會再想食。豆漿不算太稀，略有豆味，尚算OK。

最喜歡下午茶時間，可以休息下，今日想轉轉口味，食上海麵。黎到葵涌廣場地下兜了一圈，見呢間店舖不是太多人，於是入去揾位坐。睇下餐牌，下午茶有以下兩個選擇, 價錢合理。(1) 麵+豆漿 $26(2) 麵+小食+豆漿 $29-$30睇睇下餐牌，無意發現筷子筒內有兩種筷子供食客使用。最後我揀左(B) 五香雞翼麵+鍋貼+豆漿鍋貼有2隻，鍋貼咬落去只有微微熱，不過皮薄唔算厚，但邊位有啲硬, 肉夠紮實入味，後來加左小小醋，更加好味和開胃。麵條係上海幼條麵，夠爽身彈牙，椰菜幾多，加了少許豆辦醬調味，令麵條味道豐富。雞翼2隻，唔似五香味道，似酥炸做法，因不是剛做起，故有啲腍，同埋應該用小碟分開上，不應同時放在麵上，而令其浸於湯內變林，不過好彩算入味。豆漿夠凍，甜度適中，但冇咩豆香味

這裡的四川擔擔麵，選了小辣，整個麵都沒有嚐到什麼辣味，反而食到香濃的花生醬同肉鬆的味道，湯底的濃度十足，可以話如醬汁一般令啖啖細麵都可以沾滿香濃的濃湯，十分惹味。生煎包同鍋貼就一般般，上枱時已經只是微熱，包已有點硬身。18蚊不會要求太高。五香雞翼，剛炸好上枱，熱辣辣，十分香口。