一品香南北美食

Open Now

Now Closed

黎到葵廣食lunch唔知食咩，個frd帶黎食呢間上海野～ 試咗酸辣湯面 $3X 加 $3 仲有凍豆漿～ 都幾大碗，麵嘅份量都幾多，而且都好多料～唔會好辣但個湯又幾好飲～豆漿都唔會好甜，咁熱飲返杯解渴岩哂～仲叫咗小籠包～ 小籠包完全睇得出真係自己包，佢同出面啲小籠包唔同，唔會話好多湯係入面，個餡啲肉都多，都ok～ 整體黎講 CP值幾高～唔會話驚為天人，但呢個價錢食到呢個quality仲要份量咁多係幾抵食！

叫左一碗什餃麵，一碗擔擔麵，一碟鍋貼，兩杯豆漿，麵底ok有咬口，湯底算係咁，餃子同鍋貼勁大隻，不過鍋貼皮好厚，個餡正常，豆漿太淡無味，埋單91蚊，試過就算，未至於難食，但無咩吸引

今日(8-8-2021 Sat)晏晝,同老公行葵芳啦,佢買完褲要等改好,而佢都肚餓喇,就食個tea啦,佢問我想掃街企喺喥食定坐低?我答坐啦,我攰.咁由佢揀去邊喥食,因為我唔太肚餓,只係黐食,我啱見到呢間,研究咗menu後,佢就決定呢喥.佢要咗$64.00嘅擔擔什餃麵套餐,揀4個小籠包.鮮豆漿先到,呢個唔夠凍,只係比室溫凍少少,甜度係可接受.味道: 3分然後係4個小籠包,呢個大大個,食落,只係暖暖地同皮薄,汁唔多,味道亦唔似傳統小籠包.味道: 2分擔擔什餃麵(小辣)什餃有4個,但唔知係咩餃,見到係有兩種,我就揀一隻有”菜”嘅食,而嗰啲”菜”就係蔥花同少量炸菜,不過唔辣,但成個味道有啲怪.味道: 2分老公食擔擔麵話唔錯,叫我試吓.我試一啖,花生味夠又唔太辣,麵條都唔錯.味道: 4.5分而佢食嗰啲冇”菜”嘅餃,佢話辣嘅,我睇menu,啊,呢個係香辣餃子,佢話唔太辣,又辣又香幾過癮.

葵涌廣場美食多籮籮，今次嚟到地下呢一間餐廳叫咗一個雞翼韭菜雲吞擔擔麵，本身呢個配搭餐牌係冇嘅所以要叫咗一個餸先，再另外加錢配雞翼，加埋一杯凍豆漿，擔擔醬惹味不辣，好好食。

好厚嘅鍋貼皮厚度係食緊麵粉咁擔擔面啲面一上就已經好淋浸左陣更加淋最後杯豆漿以為係最好點知飲到落尾有渣😅我會記住呢間野然後叫身邊嘅朋友千祈唔好再幫襯真係食唔晒難食到

餐廳細細，枱唔過10張，所以有機會要排隊等位！我地等左一陣，終於有人埋單走上海食店主打麵食，所以我都要試試，價錢都係廿幾都四十左右，想豪啲都唔肉赤$32 上海雲吞麵雲吞5大隻，包法似魚皮餃，餡料飽滿，不過肉味爭啲，調味要加返少少。麵底係幼身上海白麵，師傅煮得岩岩好，彈牙唔爛$27 四川擔擔麵唔辣，湯底較淡同稀，可能省成本同調較香港人口味！？麵頂加左肉鬆，係咪冇咁正宗？我係油麻地老舖食過，佢係微辣濃稠，濃郁花生醬味，另有肉碎係面，所以有比較下就遜色左。。。 咁多位記得加$3要埋杯豆漿，真係清爽

葵涌廣場有間開左好耐既上海麵館，好多人點鍋貼、小籠包、餃子🥟、擔擔麵等。我和朋友點了一個set dinner 同散叫一碗麵。Set dinner: 擔擔什餃上海麵 + 小籠包4隻（或鍋貼4隻） + 豆漿1杯擔擔什餃🥟麵：湯是濃郁的麻醬味，配點炸菜、蔥花和肉鬆，可走辣。而什餃有九菜豬肉/麻辣豬肉/椰菜豬肉，皮好薄。上海麵用了幼麵。小籠包:放涼了所以未有瀑汁效果，口感似牛肉球多啲。兩人加埋90，食得好滿足，係快捷抵食之選！

頂咗大半年，大家有無開始驚咗啲 #飯盒 呀？不過鬼叫 #小秘書 懶，又唔肯落手落腳整嘢食咩👉🏻👈🏻 所以如果果日唔食草🥒🍅 我通常都會揀嘅跟 #熱湯 嘅 #食物🥢 貪佢熱辣辣，食落個肚夠哂滿足🤩呢日路過 #一品香，一間一直無諗過會幫襯嘅 #餐廳😅 不過距離下一站嘅時間無多，附近又無咩啱食，就坐底叫個 #上海雲吞麵 慢慢嘆🤤 原來剛好係 #下午茶時間，#阿姐 話可以免費加兩件 #點心，仲有 #豆漿 送... 加加埋埋都係$38咋🤪 不過明明我叫嘅係 #窩貼，點知送到埋口先知阿姐攞錯 #生煎包 比我，仲要係唔熱嘅... 唯有益隔離嗰個囉😉 不過佢哋嘅 #上海雲吞 #麵 都做得唔錯，湯底夠熱，#雲吞餡 雖然唔夠 #小秘書 #外婆 做得正宗，不過以 #小店 嚟講，都算ok㗎喇🤤

葵涌廣場多嘢食就梗㗎啦，今次嚟到商場地下搵嘢食，叫咗小籠包，生煎包，排骨擔擔麵，同埋一杯豆漿。原本諗住兩個人要再叫多碗麵，但係食落就知道啱啱好夠，好彩冇再叫。呢度嘅小籠包同生煎包比起出面有少少名氣嘅舖頭更加好食，小籠包多汁，生煎包包底有少少脆口，煎得啱啱好，擔擔面就花生醬十足，非常足料。雖然呢間小店裝修唔華麗，但係上菜速度就好快，值得一讚。成餐埋單都唔使$100 ，性價比極高，一定會再encore。

葵涌廣場食野太多選擇，呢間擔擔面聽聞好好食，見冇咩人入去試下。我一條友叫左個擔擔面套餐，$52 一碗擔擔面+一籠小龍包（4粒）+一杯豆漿。確實係抵，不過我唔係太識欣賞個擔擔面，我覺得太過糊口，因為佢唔係用肉碎係用豬肉鬆，所以怪怪地。 小籠包係懷舊果隻，唔係皮薄流汁果d, 每粒都好有份量，食完4粒都頂胃😂

葵涌廣場多野食係人都知，不過老字號嘅食店大家有冇食過呢🤔？而呢間食上海菜式嘅《一品香南北美食》店舖細細而菜式都精而簡😳，貴精不貴多。雖然位置唔係太明顯，附近又好多食店👀，大家又未必留意到，但如果經過可以睇下餐牌啱唔啱自己📋。推薦套餐 🎈四川擔擔麵 + 煎包鍋貼 + 鮮豆漿 $52先講一講四川擔擔麵🍜，小編係上海菜當中最鐘意食就係擔擔麵，因為味道比較濃😖，而呢間餐廳有麻醬、肉鬆同蔥，湯底比起出面食到嘅更加濃更加入味，超好味，小編狂潷湯底嚟飲👅。 煎包鍋貼原來比想像中大🥟，小編仲以為係細細件，煎脆一邊嗰種，但原來係大一倍✨，食哂四塊都已經勁飽呀！入面啲豬肉多到漏，小編食到啖啖肉🥩，好抵食。其實小編有時自己一個都會搵老字號舊店食😳，除咗食到價錢平又用料豐富嘅美食之外，同埋有時會搵到香港嘅人情味👩‍❤️‍👩，遠離鬧市中嘅繁囂🥱。

由讀書時期已經幫襯開，自從搬左去九龍後就好少來。今日經過，店面依舊，餐牌依舊，只係價錢上調了點左四川擔擔麵+豆漿$30簡單配搭但味道依舊，麵質有口感，湯底濃😋

我在葵芳住了十年以上，是這間上海麵店的常客，平均每個月都要吃一次，因為不吃一段時間，就會自然惦掛著擔擔麵那種麻醬和、肉鬆和蔥混雜的湯麵香氣，2019年10月頭，我光顧時已發現原本在包餃子和煮麵的老闆，是一位約70歲的老伯伯不見了，以為他暫時休息，但這天湯麵的質素已下降到不能接受，平時就算老伯伯不在，其他人端出來的品質都尚算可以，這天的擔擔雲吞麵，完全沒有麻香，湯頭清澈得像鹽水，整碗麵淡而無味，連鹹味都沒有，我還懷疑自己的味蕾有問題，直到昨天2019年10月22日下午3:45分左右，我竟然又再忍不住試了，這次點的是下午茶餐，那個A餐的肉未湯麵我已嘗過最少15次以上，但這次真的太失望了，這個肉碎浸湯麵，令我對此懷舊麵店的美好回味完全淹沒了，如果老伯伯真的退休了，我希望他盡快找到一個能承接他手藝的人，而不是昨天那個中年大叔，昨天我沒有拍照，因為不值得，只想這小店可以繼續用良心做出令人讚嘆的味道，不想老伯伯的名聲受損。

次次去葵青劇院睇劇都會去葵廣搵食。今次揀左呢間上海小店。小店位處喺啲車仔麵店附近。唔算顯眼。環境較為簡陋。傳統舊式麵店格局。雖然小店細細。不過食物選擇好多。酸辣湯拉麵。湯濃稠度適中。亦都好多料。味道唔係好刺激嗰種酸辣味。麵底都爽口。唔會成陣麵粉味。+$3可以加豆漿。飲得出冇溝水。小籠包唔係走湯包路線。成個包皮入面都係餡。雖然冇湯。不過餡料夠滑有肉汁。油菜靚仔乾淨。新鮮爽口。小店感覺係舊式嘅上海菜麵館。主要由啲叔叔阿姐經營。值得支持。

呢到地方似大排檔咁, 所以都唔係坐得太舒服, 我就叫左個酸辣湯麵同埋鍋貼, 酸辣湯入面D料都多, 麵質較一般. 鍋貼個精髓就係要個底煎到脆脆地, 呢到係做到既, 皮以穿但沒有湯汁...價錢非常經濟實惠，可以一試。